На заедничката прес-конференција со албанскиот претседател Бајрам Бегај, претседателката Гордана Сиљановска-Давкова оцени дека односите меѓу двете земји се на високо ниво и дека посетата претставува потврда за стабилното пријателство и партнерство меѓу Скопје и Тирана.

– Посетава е уште една потврда за одличните пријателски односи што се градат врз меѓусебна почит, доверба и заедничка визија за европската иднина. Ме радува што нашиот политички дијалог е отворен, искрен и заснован на разбирање – рече Давкова.

Таа нагласи дека меѓу двете држави нема отворени прашања, што, како што посочи, создава стабилна основа за унапредување на соработката во сите сфери.

– Секогаш меѓу соседите има теми што бараат внимание, но важно е што немаме отворени прашања. Кога постои таква состојба, тогаш навистина има простор за продлабочување на соработката – во економијата, инфраструктурата, образованието и културата – додаде Давкова.

Во економскиот дел, претседателката истакна дека иако нивните функции се претежно церемонијални, двајцата претседатели ја потенцирале потребата од зголемување на трговската размена и инвестициите, како и од подобра инфраструктурна поврзаност и олеснување на прекуграничните процедури.

– Има неискористен потенцијал меѓу нашите бизнис-заедници што треба да се валоризира. Потребна е поголема економска динамика, повеќе инвестиции и подобра поврзаност, особено во делот на инфраструктурата и олеснувањето на прекуграничната соработка – нагласи Давкова.

Европската перспектива, како што рече, останува централна тема во разговорите. Таа повтори дека земјата останува цврсто определена за членство во Европската Унија, при што клучни се реформите, владеењето на правото и борбата против корупцијата.

– Нема поголема инвестиција во стабилноста на Западниот Балкан од членството во Европската Унија. Тоа не е само исполнување на критериуми, туку процес на вистинска европеизација и јакнење на демократските институции – истакна Давкова.

Претседателката предупреди дека билатерализацијата на евроинтегративниот процес и отворањето идентитетски и историски прашања можат дополнително да го усложнат патот на земјите од регионот кон ЕУ, апелирајќи до земјите-членки сериозно да пристапат кон овој предизвик.

Во делот на безбедноста, таа посочи дека двете држави имаат одлична соработка во рамки на НАТО и остануваат посветени на заедничката европска и евроатлантска политика во услови на глобални неизвесности, додавајќи дека партнерството и солидарноста се клучни за зачувување на мирот и стабилноста во регионот.

The post ЧЛЕНСТВОТО ВО ЕУ Е НАЈГОЛЕМА ИНВЕСТИЦИЈА ВО СТАБИЛНОСТА Гордана Сиљановска-Давкова го угости нејзиниот албански колега Бајрам Бегај appeared first on plusinfo.mk.

Функционери од државниот врв, од политичките партии, државни институции и организации, како и од локалните самоуправи, денеска упатуваат честитки до сите христијани, пропадници на римо-католичката црква, по повод големиот празник Божиќ, раѓањето на Исус Христос. Традиционално чествувањето на Божик, Католиците во Македонија го одбележуваат со миса во катедралната црква „Пресвето Срце Исусово“ во Скопје, на која годинава присуствуваше и претседателката Гордана Сиљановска Давкова.

Во својата честитка до монсињор Киро Стојанов, Скопски бискуп и Епарх Струмичко-скопски и до сите верници кои го прославуваат Божиќ според Грегоријанскиот календар, претседателката Сиљановска Давкова напиша дека „празничните денови нè потсетуваат дека треба да се почитуваме меѓусебно, да се грижиме еден за друг и да им помагаме на послабите од нас, никому да не му чиниме зло.“

,,Со особено задоволство, на сите верници кои го прославуваат Божиќ според Грегоријанскиот календар, срдечно Ви го честитам денот на Христовото раѓање – Божиќ.

Нека овие светли празнични денови Ви донесат добро здравје, духовен мир и радост, исполнувајќи ги Вашите домови со спокој, љубов и топлина. Божиќ, како еден од највозвишените христијански празници, нè потсетува на вечните вредности: солидарноста, човечноста и надежта, коишто ги зближуваат луѓето и ја зајакнуваат вербата во подобра иднина“ – напиша претседателката Сиљановска Давкова во својата честитка.

Претседател на Собранието Африм Гаши, упати честитка до припадници на католичката вероисповед, од име на Собранието на Република Северна Македонија и од свое лично име.

„Божиќните празници носат пораки на мир, солидарност, човечност и меѓусебно почитување, вредности кои се темел на секое демократско и мултиетничко општество. Токму преку заемно разбирање, почитување на различностите и заедничка посветеност кон општото добро, ја градиме стабилноста и иднината на нашата држава. Ви посакувам празничните денови да ги поминете во добро здравје, семејна топлина и спокој, со надеж и оптимизам за годината што претстои. Среќен Божиќ!“ – се вели во честитката на собранискиот спикер Гаши.

Премиерот Христијан Мицкоски, од свое име и од име на Владата, им го честита празникот на сите кои денеска го прославуваат Рождеството Христово – Божиќ, со желби за благосостојба, духовен мир и добро здравје.

„Овие празнични денови нека ги исполнат домовите со радост, љубов и Божји благослов. Нека раѓањето на Спасителот ни донесе надеж, единство и топлина во срцата, особено во времиња кога ни е потребна заедничка сила и поддршка. Да подадеме рака кон нашите ближни и нашите сограѓани, без оглед на разликите, на оние на кои им е потребна нашата помош, на најранливите категории и на сите оние на кои се соочуваат со предизвици. Божиќ е празникот на дарувањето и споделувањето на меѓусебна љубов и разбирање. Нека Божиќната светлина ги осветли нашите заеднички цели кон подобро утре! Среќен и благословен Божиќ! Христос се роди!“ – напиша Мицкоски.

Претседателот на социјалдемократскиот сојуз на Македонија Венко Филипче во свое и во име на партијата упати честитка до сите христијански верници кои овој празник го празнуваат по Грегоријанскиот календар, како и до скопскиот бискуп и апостолски егзарх во Република Северна Македонија, д-р Киро Стојанов.

„Божиќ е празник на надежта, љубовта и заедништвото. Овој голем празник нè потсетува дека само со солидарност, меѓусебна почит и грижа едни за други можеме да изградиме поправедно и похумано општество, во кое секој граѓанин ќе има еднакви можности и сигурна иднина.

Во овие божиќни денови посакувам добро здравје, мир и радост во секој дом. Нека Божиќ донесе нова надеж, нови почетоци и успеси за сите нас. Христос се роди, Честит Божиќ”, порача претседателот на СДСМ, д-р Венко Филипче, во честитката.

The post ХРИСТОВОТО РАЃАЊЕ, ПРАЗНИК НА ЉУБОВТА, МИРОТ И ДОБРОДЕТЕЛТА Срдечни честитки од државниот врв по повод католичкиот Божиќ appeared first on plusinfo.mk.

Претседателката Гордана Сиљановска Давкова утре (петок, 13 септември) ќе престојува во посета на Република Бугарија. Во рамки на посетата, таа ќе се сретне со претседателот на Бугарија, Румен Радев.

Претседателката Сиљановска Давкова ќе присуствува на настапот на Македонската национална опера и балет во Софиската опера, каде што ќе биде изведена операта „Набуко“ од Џузепе Верди.

Посетата е дел од зајакнување на културната дипломатија меѓу двете земји, при што се истакнува значењето на културната размена како мост во меѓународните односи, се вели во соопштението на кабинетиот на Силјановска Давкова.

The post КАБИНЕТОТ НА СИЉАНОВСКА ДАВКОВА ЈА НАЈАВИ СРЕДБАТА СО РАДЕВ ВО СОФИЈА „Набуко“ на Верди сепак ќе ги спои двајцата претседатели appeared first on plusinfo.mk.

Посетата на Гордана Сиљановска Давков е „паметен обид да се сврти вниманието на меѓународната заедница од бруталната политичка чистка што се случува на сите нивоа на администрацијата во Северна Македонија“.

Вака софиската агенција БГНЕС ја коментира утрешната посетата на претседателката Силјановска Давкова на Софија, за да ја проследи претставата „Набуко“ на Македонската опера и балет, заедно со бугарскиот претседател Румен Радев.

„За пофалба е одлуката на Давкова да ја посети Софија на почетокот на нејзиниот мандат. Од друга страна, не е јасно дали таа е израз на културна дипломатија, како што тврди, или е уште еден обид на власта во Скопје да фрли прашина во очите на меѓународните партнери кои сакаат да се подобрат односите со Софија и шансите за членство во ЕУ. Фактите велат дека е поверојатно второто сценарио, бидејќи посетата не е официјална, туку приватна. Претседателката Давкова не е поканета од Румен Радев во официјална посета. Неодамна, таа се самопокани во Бугарија под изговор дека ќе гледа опера, за да може да  имитира желба да ги разјасни односите со Бугарија. За ЕУ посетата ќе биде претставена како израз на добрососедство и желба за дијалог, а во медиумите во Северна Македонија Давкова ќе биде претставена како бранител на националната чест и достоинство од ‘бугарскиот диктат’“, коментира главниот уредник Георги Пашкулев.

Потезите како овој на Силјановска Давкова не треба да се сфатат како искрен гест за зближување, бидејќи тие служат за одвлекување на вниманието од внатрешните проблеми и хаосот во државата, оценува БГНЕС и додава:

„Посетата на Софија ќе ѝ даде можност да се претстави како интернационалист и миротворец, наместо да дава објаснувања за недостигот на какви било реформи во сферата на владеењето на правото, образованието и борбата против пандемиската корупција во земјата“.

Владата предводена од Христијан Мицкоски ја  поддржува Давкова во нејзините провокации и работи активно на целосно запирање на преговарачкиот процес за членство на Северна Македонија во ЕУ, тврди БГНЕС За таа цел, Мицкоски одобрената преговарачка рамка од 27-те земји на ЕУ ја претставува како „бугарски диктат“, а склучениот договор за добрососедство со Бугарија како „понижување на македонската чест и достоинство“. Мицкоски категорично одбива да ја исполни преговарачката рамка за вклучување на Бугарите во Уставот заедно со другите народи во земјава, пишува уредникот.

Според БГНЕС, цел на антибугарската кампања на владата во Скопје е и европскиот Коридор 8, кој ги поврзува Бугарија, Северна Македонија и Албанија, поддржан од ЕК. Коридорот, кој е дел од планот на НАТО за воена мобилност, јавно беше осуден како коруптивен и од Мицкоски и од вицепремиерот на ресорот Александар Николовски.

The post СОФИЈА ЗБУНЕТА ОД „КУЛТУРНАТА ДИПЛОМАТИЈА“ НА СИЉАНОВСКА ДАВКОВА Паметен обид да се скрие „бруталната политичка чистка“ во Скопје, тврди агенцијата БГНЕС appeared first on plusinfo.mk.

Овој чин има посебно значење и причини за гордост, зашто како општество надминавме една ментална бариера и се вброивме во 60-те земји кои досега имале жена на највисока функција, претседателка или премиерка. Прва е Сиримаво Бандаранаике од Шри Ланка во 1960, па Индира Ганди од Индија, се до лидерките од Финска, Британија, Ирска, Германија, Нов Зеланд, Хрватска, Словенија, Србија, Италија, Латвија, Грција, Бугарија, Исланд со дури 16 години владеење итн. Но жена на чело на држава е сеуште куриозитет во ситни бројки, со само 15 жени на највисоки функции во 2023 на светско ниво, што е 7,7%. Останатото се мажи, за кои милениумскиот патријархат сѐ уште грижливо ги чува највлијателните позиции за одлучување. (Статистиката е навистина чудесна наука, релјефно ги исцртува состојбите за да станат разбирливи!)

Кога се случува раритетот со жена на чело на државата, сите очи се вперени во неа, се следи секое движење, збор, се толкува мисла, се коментира гардероба, стил. Очекувањата се интелектуални, естетски, но и феминистички. Таа мора да покаже разлика во водењето политики, во комуникацијата, во приоритетите. Зашто има посебна мисија токму како жена. Да биде пример, поттик, мотив за други умни жени и да ги направи горди што се жени и што токму таа ги претставува.

Гордана Силјановска Давкова не е случајно претседателка. Има оставено јасна трага како општественик, научник и еден од најпочитуваните професори на Правниот факултет, специјалист по уставно право, кое стана мора за граѓаните последиве години. Во тоа својство е и во два мандата член на Венецијанската комисија за малцински прашања, како советодавно тело на Советот на Европа. Долгогодишен член е и на телото од независни експерти за Европската повелба за локална самоуправа, како поддршка на Конгресот на локални и регионални власти при Советот на Европа, на два пати и како негова претседателка. Гласен заговорник на европските изворни вредности, таа е основач и на Советот на европското движење во Македонија. Севкупно, досега не сме имале претседател со толку темелна и обемна подготовка за внес на Македонија во европските структури. И точка. Без запирка, без ама, без дилема.

Професорката е комплексен, слоевит лик, кој, фала Богу, не се објаснува во три реда. Отворена, директна, упорна, некои би рекле своеглава, што е според мене, посебен квалитет. И покрај оваа „незгодна“ карактерна црта, ја барале за експертиза и соработка и двете страни од политичкиот спектар. Едните и замеруваа за критиките на лошиот закон за територијална организација, другите за лошиот закон за високо образование и за учеството во професорскиот пленум во одбрана на автономијата на универзитетот. Но таа си остана на своите ставови.

Таа е брилијантен ерудит, кој се градел низ одличното поранешно образование, каде што петките и десетките го имаа своето значење, а се доградувал во европските  научни центри и институции. Навистина е убаво чуството дека одличен ученик ќе ни ја води Македонија, и тоа не бубалица, туку паметна и писмена жена, која згора на сѐ, е загрижена екологистка и фантастично танцува рокенрол!

За мене, како долгогодишна активистка за женските права, е извонредно значајна и нејзината посветеност на оваа тема. Можам да посведочам дека Гордана е една од првите феминистки по осамостојувањето, која држеше предавања на феминистичката школа при СОЖМ, објаснувајќи го ноторниот факт дека феминистка не е нешто страшно или радикално, туку буквално значи борец за женски права!

Во 2000-та се вклучи во основањето на Македонското женско лоби – МЖЛ, кое го инициравме во рамките на Пактот за стабилност, како придонес кон мирот и демократијата, во време кога војни беснееја низ Балканот. Се боревме за повеќе жени во политиката, ние, жени од различни сектори – граѓански организации, политички партии, медиуми, синдикати, експертки. Со огромен ентузијазам ги надминавме етничките, верските и политичките разлики, изградивме доверба, пријателство и сојузништво, во време кога машките колеги во партиите не баш разговараа меѓу себе. На ист начин, заедно, лобиравме и за мир во Македонија во воениот конфликт во 2001 и по него. И во тие тешки времиња успевавме да изградиме консензус и да испорачаме заеднички усогласен став кон партиите, кон јавноста и кон останатите 12 земји од Пактот за стабилност.

Македонија имаше најдобри резултати во Југоисточна Европа и направивме скок од 6 на 42% жени во Парламентот и во советите! За влијанието на Македонското женско лоби врз јавните политики и социјалната кохезија добивме награди од меѓународни и домашни претставници (МЦМС во 2003). МЖЛ беше поддржано и од ко-претседавачите на Првата работна маса на Пактот за придонес кон меѓуетничкиот дијалог, Игор Џундев од македонска и Александрос Рондос од грчка страна, со отворање официјална канцеларија. Тогаш го регистриравме МЖЛ, а Гордана ја избравме за прва претседателка. Подоцна, договорно, таа обврска ја презеде Даниела Димитриевска, која го води се до денес.

МЖЛ беше и првата македонска организација што во 2006 успеа да стане полноправна членка на една европска мрежа. Тоа беше Европското женско лоби, најшироката женска мрежа во Европа со над 2.000 организации. Колку бевме радосни и горди, а коментарот на пресот ми беше: Македонија влезе во ЕУ со една женска штикла…!

Ајде честито Гордана, со среќа да е, сега имаш шанса да не внесеш со две женски штикли во ЕУ, како претседателка на сите граѓани! И еден аманет од мене како поранешна политичарка и целоживотна граѓанска активистка, со богато животно искуство со различни луѓе и карактери: да не ти удри моќта во глава и да останеш човек!

Да живее Македонија!

(Лилјана Поповска, членка на Извршниот одбор на Европското женско лоби)

The post Честито Гордана!  appeared first on plusinfo.mk.

Таа му одговори на Макрон на македонски и на француски јазик:

„Претседателе Макрон, Ви благодарам за честитките! Франција, како една од земјите основачи на ЕУ има најважна улога и одговорност за успех на европскиот проект. Вашата поддршка се надевам ќе го отвори патот на Македонија кон Европа, а она што можам да се заложам е дека ќе градам консензус за реформи кои ќе им овозможат на македонските граѓани да живеат европски. Воедно, како две пријателски земји во мојот мандат ќе работам на зајакнување на билатералните односи, особено економската, културната и научната размена“.

Cher Président Macron,

Je vous remercie gentiment pour les félicitations! La France, en tant que l’un des pays fondateurs de l’UE, a le rôle et la responsabilité les plus importants dans la réussite du projet européen. J’espère que votre soutien ouvrira la voie de la Macédoine vers l’Europe, et ce que je peux promettre, c’est que je bâtirai un consensus sur des réformes qui permettront aux citoyens macédoniens de vivre à l’européenne. Puisqu’il s’agit de deux pays amis, au cours de mon mandat, je plaiderai en faveur du renforcement des relations bilatérales, notamment des échanges économiques, culturels et scientifiques.“

The post СИЛЈАНОВСКА ДАВКОВА МУ ЗАБЛАГОДАРИ НА МАКРОН „Ќе работам на зајакнување на билатералните односи“ appeared first on plusinfo.mk.

Таа во објавата на Твитер го оцени како историски изборот на првата жена претседател на Македонија и нагласи дека САД продолжуват со поддршка на целосната евроинтеграција на земјава.

My heartfelt congratulations to Gordana Siljanovska-Davkova on her historic election as the first female president of North Macedonia. Congratulations also to all those citizens who exercised their right to vote yesterday in presidential and parliamentary elections. The United…

— Ambassador Angela Aggeler (@USAmbNMacedonia) May 9, 2024

– Моите срдечни честитки до Гордана Силјановска Давкова за нејзиниот историски избор за прва жена претседател на Северна Македонија. Честитки и за сите оние граѓани кои вчера го искористија своето избирачко право на претседателски и парламентарни избори. Соединетите Американски Држави ќе продолжат да ги поддржуваат целите за просперитет и целосна евроатланска интеграција на оваа земја – стои во пораката на Агелер.

The post ИСТОРИСКИ ИЗБОР НА ПРВА ЖЕНА ПРЕТСЕДАТЕЛ НА МАКЕДОНИЈА Честитка од Агелер за Силјановска Давкова appeared first on plusinfo.mk.

Францускиот претседател Емануел Макрон во порака напишана на македонски јазик ѝ честиташе на Гордана Силјановска Давкова за нејзината голема победа на претседателските избори со која стана прва жена претседател на Македонија.

„Се отвора нова страница кај нашите македонски пријатели. Ја поздравувам храбрата посветеност на Стево Пендаровски, а на Гордана Силјановска Давкова ѝ ги упатувам моите срдечни честитки за изборот за Претседател. Франција останува на страната на Северна Македонија за да ја придружува во реформите и нејзината европска иднина“ – напиша Макрон на Фејсбук.

The post 📷 МАКРОН НА МАКЕДОНСКИ Ѝ ЧЕСТИТАШЕ ПОБЕДА НА ГОРДАНА СИЛЈАНОВСКА ДАВКОВА „Се отвора нова страница кај нашите македонски пријатели“ appeared first on plusinfo.mk.

„Искрено верувам дека таа ќе одигра многу важна улога во натамошното зајакнување на одличните меѓусоседски односи меѓу нашите две земји и народи, како и во подобрувањето на меѓуетничкиот соживот во Македонија” – посочува Мета во честитката објавена на социјалните мрежи.

„Убеден сум дека претседателката Гордана Силјановска Давкова ќе даде нов поттик на билатералните односи во поглед на перспективата за што поскора заедничка интеграција во Европската Унија“ – напиша поранешниот албански претседател во објавата на Фејсбук.

Истовремено, Мета се заблагодарува на претседателот Стево Пендаровски за одличната соработка во периодот додека бил претседател на Албанија.

– Му благодарам на претседателот Пендаровски за одличната соработка што ја имавме за време на извршувањето на мојата должност како претседател на Република Албанија, за неговата посветеност на почитување на правата на Албанците, државотворен фактор во Македонија, за отворените, фер и принципиелни ставови против „Отворен Балкан“, како и за цврстата поддршка на „Берлинскиот процес“, посочува Мета.

Мета на функцијата претседател на Република Албанија беше од  24 јули 2017 до 24 јули 2022. Тој сега е лидер на Партијата на слободата, која се смета за трета партија по членство во земјата.

The post ИЛИР МЕТА УПАТИ СРДЕЧНИ ЧЕСТИТКИ ЗА НОВАТА МАКЕДОНСКА ПРЕТСЕДАТЕЛКА Гордана Силјановска Давкова ќе даде нов поттик на билатералните односи appeared first on plusinfo.mk.

„Честитки до Гордана Силјановска-Давкова за нејзиниот избор за претседателка на Северна Македонија. Очекувам тесна соработка со неа за европската иднина на земјата“, напиша Гор на Х.

Според последните резултати објавени на сајтот на ДИК, кандидатката на ВМРО-ДПМНЕ Гордана Силјановска – Давкова освоила 560.170 гласови (65,14%), а нејзиниот противкандидат Сево Пендаровски од СДСМ 251.541 (29,25%).

The post „ОЧЕКУВАМ ТЕСНА СОРАБОТКА ЗА ЕВРОПСКАТА ИДНИНА НА ЗЕМЈАТА“ Евроамбасадорот Гир ѝ ја честита победата на Силјановска Давкова appeared first on plusinfo.mk.