Во изминатите 20 месеци Царинската управа ги бележи најдобрите резултати во своето постоење. Остварени се највисоки приходи досега, што е јасен показател дека институцијата функционира поефикасно, поорганизирано и со поголема одговорност – нагласи премиерот Христијан Мицкоски на денешниот настан во Филхармонијата по повод одбележувањето 34 години постоење на Царинската управа.

– Денеска одбележуваме 34 години од постоењето на Царинската управа – институција што има клучна улога во функционирањето на државата, во заштитата на економијата и во обезбедувањето стабилни приходи за буџетот. Овој јубилеј е можност да се осврнеме на постигнатото, но уште повеќе да ги истакнеме резултатите што ги имаме денес. Во изминатите 20 месеци Царинската управа ги бележи најдобрите резултати во своето постоење. Остварени се највисоки приходи досега, што е јасен показател дека институцијата функционира поефикасно, поорганизирано и со поголема одговорност – истакна премиерот.

Тој додаде дека особено значаен е фактот што првпат е надмината границата од 12 милијарди денари приходи во еден месец. Тоа е резултат што не доаѓа случајно, посочи премиерот, туку, како што рече, е производ на системски пристап, засилени контроли и подобра координација.

– Овие резултати се дел од пошироките напори на Владата, која веќе 20 месеци работи на воспоставување ред во институциите, на намалување на сивата економија и на зголемување на ефикасноста во наплатата на приходите. Кога ја презедовме одговорноста, не наследивме систем што функционира беспрекорно. Напротив – затекнавме состојба на хаос, нарушени процеси и сериозно ослабена институционална поставеност. Систем што со години бил запоставуван и руиниран – изјави премиерот.

Мицкоски рече дека денес со право може да се каже дека таа фаза е надмината.

– Нормализацијата е завршена. Поставен е ред, воспоставени се правила и институцијата повторно функционира како што треба – во служба на државата и граѓаните. Со конкретни мерки, со дигитализација на процесите и со јасна определба за борба против корупцијата создадовме систем што дава резултати. Царинската управа е еден од највидливите примери за тоа – нагласи Мицкоски.

Тој му се заблагодари на директорот на Царинската управа, Бобан Николовски, за, како што истакна, неговото раководење, посветеноста и резултатите што ги постигнува институцијата под негово водство.

– Истовремено, важно е да се истакнат и одличната координација и заедничката работа со министерката за финансии, Гордана Кочоска-Димитриеска. Тоа партнерство, таа синергија, е еден од клучните фактори за постигнатите резултати. Кога институциите работат како тим, кога има заедничка визија и јасна цел – резултатите не изостануваат – истакна премиерот.

Мицкоски истакна дека целта е да се продолжи во оваа насока – со дополнително унапредување на капацитетите, со модернизација на системите и со создавање услови за побрза и поефикасна услуга за стопанството, но и со цврст пристап кон спречување на нелегалните активности.

– Зад овие резултати стои трудот на сите вработени во Царинската управа. Вашата работа е значајна и видлива, а придонесот што го давате е од суштинско значење за функционирањето на државата. Ви благодарам за вашата посветеност и професионалност. Нека овој јубилеј биде поттик за уште поголеми резултати во периодот што следува. Честит 34. јубилеј на Царинската управа – порача премиерот Мицкоски.

The post РЕКОРДНИ ПРИХОДИ НА ЦАРИНАТА Мицкоски ја пофали работата на директорот Николовски на роденденот на управата appeared first on plusinfo.mk.

Укинувањето на зелениот картон ќе значи поголеми давачки на граѓаните при регистрација.

На ова укажа во синоќешното гостување на ТВ 21 министерката за финансии Гордана Димитриеска-Кочоска, која истакна дека укинувањето на зелениот картон не е цел, затоа што такво нешто ќе значи и поголеми давачки при регистрација.

– Граѓаните не ги интересира укинување на зелениот картон, затоа што тоа би значело дека би плаќале поголема регистрација, бидејќи во таа регистрација би бил вклучен и зелениот картон, независно од тоа дали ја напуштате државата или не. А, целта на Министерството е да ги заштити граѓаните од дополнителни давачки. Затоа бараме идеално решение со кое ќе бидат задоволни и граѓаните и осигурителните компании – изјави министерката.

The post УКИНУВАЊЕТО НА ЗЕЛЕНИОТ КАРТОН ЌЕ ЗНАЧИ ПОСКАПА РЕГИСТРАЦИЈА Целта е да се избегнат нови трошоци за граѓаните, порача Димитриеска Кочоска appeared first on plusinfo.mk.

Одредени политички сили имаат цел да го одвлечат вниманието на јавноста од клучните прашања, преку создавање илузија за лична навреда во ситуација која не содржи таква намера, рече портпаролката на Владата и член на ИК на ВМРО-ДПМНЕ, Марија Митева во врска со одговорот на министерката за финансии Гордана Димитриеска Кочоска на пратеничкото прашање од Славјанка Петровска од СДСМ.

Митева направи разлика помеѓу искрената политичка дебата и обидите за манипулација, нагласувајќи дека, како жена, ќе се залага за заштита на правата на жените. Таа ја опиша ситуацијата како одговор на провокативно поставеното прашање, а не како напад.

– Треба малку пошироко да ги погледнеме работите. Јас ги следам пратеничките прашања, таму и ги следам сите состојби од почеток до крај. Можам да кажам дека интенцијата на прашањето и одговорот беше со бурни прашања и бурен одговор, но не можам да се согласам дека, или барем јас не ја видов интенцијата за навреда во одговорот кој што го даде министерката за финансии. Зошто? Од причина што немаше начин на кој истото се однесуваше, на она што подоцна СДСМ го искористи и спинуваше, за што многу добро знаеме и се потврди дека навистина се можеби, да кажам, мајстори за креирање на лажни вести – вели Митева во гостување на ТВ24.

Митева уверува дека кабинетот на министерката Димитриеска-Кочоска функционира професионално и дека денешниот одговор не бил насочен кон лична навреда или штета кон пратеничката Славјанка Петровска.

– Во нејзиниот кабинет работат 25 луѓе, од кои 21 се жени, а 4 мажи. Никогаш досега не сум имала впечаток дека функционира на лична навреда, особено не кон жена, и ниту сметам и ценам дека денешниот одговор беше во насока на навреда и штета и лична навреда кон пратеничката Славјанка – изјави Митева.

Митева истакна дека реакцијата од страна на СДСМ не била непосредна, туку дојде со задоцнување од час и половина, што, според неа, укажува на тоа дека по кратката координација помеѓу пратениците на СДСМ, била формулирана и јавна реакција на изјавата на министерката Димитриеска Кочоска.

– Што беше многу интересно за мене? Кога ќе слушнете навреда кон вас, барем природно на секој еден од нас ни доаѓа да реагираме во истиот момент или можеби веднаш потоа. Реакција стигната после час и половина од одговорот кој што го имаше министерката за финансии, односно по паузата за ручек на кој што имале кратка координација пратениците на СДСМ. И веднаш потоа се извади веста дека начинот на кој што тоа е кажано, тоа би значело – кажа Митева.

Митева истакна дека е свесна за реалноста на пазарот, како жена која веќе долги години се бори против политичките навреди, никогаш не би дозволила да се изрекува таква навреда. Таа ја оправда изјавата на Димитриеска Кочоска како одговор на прашањето поставено од пратеничката Петровска, потенцирајќи дека ако се сака да се гледа како навреда, тогаш изјавата на Петровска може да се смета за првата навреда.

– Јас немам исто така деца, јадам грашок и точно и јас знам како се движат цените во маркетите. Верувајте ми дека никогаш не би си дозволила да како една жена која што секогаш во политиката ги критикувала навредите кои што се случувале, а сме ги имале многу, да не искритикувам доколку станува збор за лична навреда со интенција. Во овој случај, одговорно тврдам дека, бидејќи бев таму, немаше интенција на навреда, туку имаше одговор на тоа што вие велите дека мене лично како жена не ми е важно колку време ќе поминам на шпоретот додека го правам грашокот, затоа што тоа беше дел од прашањето на пратеничката Славјанка Петровска. Можеби вас тоа не ви е важно, а ако сакаме да го гледаме како навреда, можеме да кажеме тука започна првата навреда, дека мене не ми е важно јас колку време поминувам за децата – додаде Митева.

Митева изрази сомневање дека постои тенденција за манипулирање со јавноста, со цел да се одвлече вниманието од клучните политички прашања, при што се создава илузија за жртва на навреда.

Пратеничката Петровска пак, рече дека добила навреда, но не ја примила.

– Дали беше намерата да бидам навредена и омаловажена затоа што немам деца и немам семејство, апсолутно да. Реакциите кои следуваа на јавноста не само на СДСМ по ова е тоа што всушност го вознемири ВМРО-ДПМНЕ, затоа што видоа дека отиде работата предалеку. Мене вака ми се обрати министерката: „Не можам да кажам, почитувана“. Дали јас со нешто ја навредив? Не. „За да кажам почитувана мора да ја заслужите мојата почит“, Во диктатура е така, во демократија е обратно, министрите се тие кои ја бараат почитта од пратениците, без разлика од која партија доаѓаат. „Врз основа на тоа што вие во уста ги ставате мајките што имаат деца, како знаете вие едно повеќечлено семејство колку треба да троши. Јас сум мајка на два сина“. На што алудира ова ако не на потценување и обид да ме дискредитира, да ме дискриминира заради тоа што јас немам деца. Тоа е моја лична состојба, мојот личен статус и тоа дали сум сама, дали имам семејство или имам деца е мое лично прашање. Зошто е тоа така знам јас и судбината. Јас жалам што еве веќе 15-тина минути дискутираме за нешто што денеска се случи во парламентот – рече пратеничката Петровска.

Таа најави дека ќе поднесе претставка до Комисијата за заштита од дискриминација.

The post МИТЕВА НЕ ГЛЕДА НАМЕРА ЗА НАВРЕДА КОН ПЕТРОВСКА Славјанка ќе се жали во Комисијата против дискриминација appeared first on plusinfo.mk.

Ја разбирам хистеријата која СДС и нивните ботови ја шират околу мојот политички дуел во сообранието со Славјанка Петровска.
Замислете да не беа овие квалификации, редица навреди и лажни обвинувања што ги упатуваат кон мене која сум исто жена, што друго ќе се паметеше од денешната седница.
Има луѓе на оваа политичка сцена кои ќе се паметат по безмилосните удари и самопроведувања од пајак возила, како и луѓе кои освен тоа што биле маши и папет кукли на вождот од Струмица се познати по запалени модуларни болници, во ист ден кога нивниот уличен пајташ Сокол се најде зад решетките од кои како директор заработувал пари…. но има и луѓе чии настапи ќе се паметат по глумење жртви, секогаш кога нема да можат да се носат со аргументите.
Ноторен факт е дека Петровска изгради кариера од глумење жртва. Редицата причини за сожалување е долга. Секој нејзин настап е запаметен по тоа што по секој дуел се претставуваше како жртва за нешто. Но од друга страна денешната изведба на преставата жртва беше од истата говорница од која безочно напаѓаше и говореше за таткото на еден министер колега, или пак за синот на премиерот, иако и двајцата не се поврзани во никаков политички контекст. Таа госпоѓа немаше ниту мака иронично да се однесува, навредува, дофрла од место, а во моментот кога ќе се одговори нешто, тогаш таа прераснува во жртва.
Што се однесува до моите зборови кон Славјанка Петровска која лично како жена сум ја бранела кога многу други ја напаѓале, беа извадени од контекст и се толкувани како лична навреда.
Никогаш немав и ќе немам намера да ја навредам лично, ниту, пак, да ја сведам дебатата на личен контекст. Јас сум личност од која никогаш нема да слушнете лични навреди, и жалам што дел од јавноста е манипулирана во тој контекст, и жалам што погрешно беа разбрани моите зборови.
Она што сакав да потенцирам беше дека почитта треба да се заслужи со дела и одговорност. Госпоѓата Петровска, освен што стана позната по низа политички гафови и неумесни постапки, беше и доследен поддржувач на политиките на СДСМ и ДУИ – политики кои ја доведоа државата до оваа состојба.
Да потсетам, во времето кога госпоѓата Петровска беше министер, инфлацијата растеше, а не видовме ниту еден конкретен предлог од нејзина страна за подобрување на економската ситуација. Тогаш, кога беше на функција, тоа не ѝ пречеше, но денес зборуваме за состојба што е директна последица на тие политики. Државата беше доведена до работ на банкрот, стотици илјади граѓани се иселија во потрага по подобар живот, а над 600 илјади луѓе живееја во сиромаштија.
Сето ова не сакаат да се слушне гласно, затоа Славјанка глуми жртва.

(Фејсбук статус на Гордана Димитриеска Кочоска)

The post СЛАВЈАНКА БЕЗОЧНО НАПАЃА, ДОФРЛА, НАВРЕДУВА, А ПОТОА ГЛУМИ ЖРТВА Министерката Димитриеска Кочоска вели дека не атакувала лично на пратеничката appeared first on plusinfo.mk.

Таа на маргините на 23. Годишна конференција на Македонската берза пред медиумите, изјави дека останува да биде изготвен буџетот, но оти цврсто стои на позицијата да има зголемување на платите за наставниците и професорите во основните и средните училишта

– Да го завршиме буџетот, меѓутоа е и една од работите на која што цврсто стојам, тоа е зголемување на платите за основно и средно образование за наставниците. Мојата борба исто така е да обезбедиме средства за зголемување на плати во здравството – истакна таа одговарајќи на прашања на медиумите.

Што се однесува на прашањето околу лиценците за организирање игри на среќа преку Интернет, министерката рече дека Министерството за финансии нема издадено ниту една лиценца, дека ниту една компанија во државата нема лиценца за организирање игри на среќа преку Интернет, вклучително и Државната лотарија.

– Поглавјето 6 од Законот за игри на среќа јасно кажува дека треба да има правилинци од страна на Министерството за финанси врз основа на коишто ќе се лиценцираат компаниите. До овој момент Министерството нема никакви внатрешни правилници врз основа на коишто може некој да биде лиценциран. Лиценцата која што ја имала Државна лотарија, била во периодот со преодни завршни одредби 2015/2017, период во кој што требало да се подготват правилниците кои што за жал се уште не се подготвени и врз основа на тоа понатаму, значи секоја компанија да е лиценцирана. Значи согласно тоа и согласно Законот, во овој момент во делот на интернет игри на среќа не постои компанија во Македонија која што има лиценци – рече Димитриеска Кочоска посочувајќи дека тоа било пријавено пред надлежните институции.

Што се однесува на обвинувањата на опозицијата по однос предвидениот заем на средства од Унгарија, дека наводно со тие средства ќе биде зголемено задолжувањето на државата, таа повторно посочи дека се работи за средства што биле планирани и од страна на сега опозициската партија.

– Тие 500 милиони евра се истите оние коишто беа планирани во нивниот буџет. Ние тука ништо не зголемивме, истите се идентични. Колку што било предвидено да се зголеми долгот со нивниот иницијален буџет, истото и со нашиот. Разликата е во тоа што сакајќи да прикажат дека задолжувањето односно јавниот долг на државата ќе биде со помал процент , вештачки го надувале буквално народски кажано БДП односно стапката на раст. Ние само ја намаливме односно ја сведовме на нешто што очекуваме да биде реално за 2024 година. И сега се трудат да направат некоја забуна кај граѓаните или да ги однесат во една друга насока, дека ние го зголемуваме јавниот долг. Ние ништо не менуваме. 500 милиони евра, они имаа предвидено евро обврзница, ние велиме ќе биде кредитот од Унгарија. Зошто. Затоа што во овој момент, пазарот, европскиот кажува дека каматната стапка која што би ја добиле би била повисока од 5,5 проценти. Овој кредит е со 3,25 проценти – рече Димитриеска Кочоска.

За забелешките дека наводно се работи за кинески средства, министерката истакна дека средствата во земјата доаѓаат од Унгарија, што нас како држава како што рече, не нѐ интересира.

– Ние средствата ги добиваме од унгарската банка, а тие како се финансираат зошто нам би ни било важно? Мене ми е важно да ги добијам од унгарската банка под мои услови. И за мене тоа е линкот, Македонија со Унгарија. Понатаму не можам знам. Можеби они ќе ни ги дадат од нивниот буџет, а они ќе дополнуваат во нивниот буџет…Интересот на Унгарија е во тоа што добиваат 3,25 процентна каматна стапка од нас. Тука не гледам апсолутно никаков проблем. Ние добиваме средства од земја членка на ЕУ, и мене тоа ми е важно – рече Димитриеска Кочоска.

Министерката за финансии имаше и обраќање пред учесниците на 23-та по ред Годишна конференција на Македонската берза што од денеска се одржува во Охрид.

The post ПРВИ НА РЕДОТ СЕ НАСТАВНИЦИТЕ, ПА ЗДРАВСТВЕНИТЕ РАБОТНИЦИ Ќе има покачување на платите, вети министерката Димитриевска-Кочоска appeared first on plusinfo.mk.

Советот, како што информираат од владината прес-служба, ќе го сочинуваат претседател и девет члена. Претседателка ќе биде министерката за финансии Гордана Кочоска Димитриеска, а членови министрите за европски прашања, за енергетика, рударство и минерални суровини, за јавна администрација, и за дигитална трансформација, како и директорите на Царинската управа на Управата за јавни приходи и на Бирото за јавни набавки, претседателот на Државната комисија за жалби по јавни набавки и главниот државен ревизор.

„Основни работи на Советот се да ги презема потребните активности при остварување на реформските цели на Програмата, да го разгледува и одобрува Предлог-годишниот акциски план за спроведување на Програмата, пред негово усвојување од страна на Владата, да го следи спроведувањето на Програмата и Годишниот акциски план за спроведување на Програмата во однос на утврдените резултати, показатели и таргети, да ги разгледува, дава мислења и препораки за полугодишниот и годишниот извештај за напредок во спроведувањето на Програмата и на Годишниот акциски план за спроведување на Програмата кои се доставуваат на усвојување до Владата. Покрај тоа, Советот треба да предлага мерки што влијаат врз временската рамка за спроведување на активностите, да предлага мерки поврзани со финансирање на активностите во рамките на Програмата, да обезбедува тесна соработка помеѓу релевантните институции вклучени во реализација на активностите, да решава кои било прашања поврзани со координација помеѓу засегнатите страни, да води дијалог за политиките на високо ниво со донаторите и другите засегнати страни за спроведување, финансирање и опфат на реформата на управување со јавни финансии. Советот треба и да следи и дава насоки за обезбедување на широка општествена поддршка за планираните реформи на управувањето со јавните финансии, да го води процесот на среднорочна и конечна процена на целите и резултатите на Програмата и предлага промени на мерките и активностите утврдени во Програмата и заеднички да ги разгледува критичните точки или тесни грла во понатамошното спроведување на Програмата, и предлага и презема корективни активности за решавање на идентификуваните проблеми (во поглед на процесот на управување со ризици)“, информираат од Владата.

The post ПРЕТСЕДАТЕЛКА ЌЕ БИДЕ МИНИСТЕРКАТА ЗА ФИНАНСИИ Формиран е Совет за управување со јавни финансии appeared first on plusinfo.mk.

Можеби е минато во реалноста, но таа изгледа длабоко е вкоренета не само во свеста на обичните смртници, туку и во разбирањето на многу луѓе од т.н. политичката елита, па дури и во дел од стручната јавност, за тоа како се собираат народните пари и како се трошат, како и зошто државата се зајмува и од кого и дали навистина веќе не постои „бесплатен ручек“ или некој сепак е должен да го „храни“ ова државиче.

Читам дел од критиките на пропагандистите од опозицијата за ребалансот на буџетот, ги разглобувам и тезите на некои експерти кои се продаваат како „независни“ и си се чудам. Не можам да разберам како некои луѓе, на кои веројатно не им недостасува експертиза од областа на финансиите и на макорокономските движења, не можат да сфатат некои основни нешта.

На пример, како е можно некој упорно да тврди дека ребалансот на буџетот, кој неминовно ќе го зголеми буџетскиот дефицит, е само нечиј хир, или само план за реализација на амбицозните предизборни ветувања на владата на Христијан Мицкоски?

Па дури и да е така – а верувам дека ни Мицкоски ни министерката за финансии Гордана Кочоска Димитриеска не се среќни што морале да дизајнираат ваков ребаланс – што има лошо во тоа што некој да сака да ги оствари предизборните ветувања? Та нели треба да се градат патишта, болници, училишта и градинки, нели треба да има пензии, плати за враготените во прекурбојната администрација, помош за студентите и за сите ранливи категории население и бездруго буџетска поддршка на реалниот сектор на економијата?

Нели сакаме инвестиции? Или сакаме само фатаморгани од инвестиции. Како до сега, што би рекол Али Ахмети.

И до кога ќе живееме во системот на праведна распределба на сиромаштијата, како што многу умни економисти уште во времето кога јас ги учев економските дисциплини (и собирав десетки од најугледните професори на Економскиот факултет во Скопје) ја дефинираа социјалистичката економија и го предвидуваа нејзиниот колапс?

Реков, дури и да е така, дури и да е ребаланост само план за остварување на предизборните ветувања. А не е баш така. Зашто, лесно е да се проектираат буџетски приходи, ама треба некој парите да ги собере и да ги донесе во државната каса. Треба да се наплатат даноците и другите државни давачки. Треба да се удри колец в гради на сивата економија, која во една ваква фрагилна постсоцијалистичка економија како македонската, да си признеме искрено, е фактор на социјалниот мир, па дури и фактор на меѓуетничкиот мир.

Не е тоа лесно, другарчиња опозиционери. Знаете и самите, бидејќи до пред еден месец бевте на власт и ние видовме дека ве бива за трошење пари за глупости, ама не ве бива баш за полнење на државната каса.

И затоа се чудам кога читам како некои луѓе кои цел живот живеат на државни јасли ни продаваат ум за тоа како зголемениот буџетски дефицит ќе го намалел порастот на бруто домашниот производ и како Мицкоски морал да се држи до „златното правило“ да не позајмува пари во странство со камати повисоки од стапката на пораст на БДП.

Пази ваму, која наука! Луѓето кои ја брлават јавноста со ваква „книшка“ и „салонска“ економија изгледа никогаш не заработиле ни денар во реалниот сектор, никогаш не заработувале „свои“ пари, никогаш не формирале „свој“ буџет и не го трошеле.

Тие луѓе не сфаќаат дека ниту еден од тие сектори во општеството кои денес (како до сега, нели) вршат реален притисок за зголемување на буџетскиот дефицит – пензионерите кои сакаат редовни и повисоки пензии, вработените во јавниот сектор кои сакаат повисоки плати и малку повеќе од тоа, синдикатите кои постојано бараат повисока минимална плата и уште лажат дека нашата била најниска во регионот итн – никој од тие сектори не произведува реални добра и услуги, кои носат објективен напредок на економијата. Да, секако, тие се важни, бидејќи се нужна инфраструктура без која општественото живеење е невозможно и без која нема амбиент за напредок на бизнисите. Но, реалниот сектор на економијата е клучен. Треба бре да се гради, да се произведува, да се пружаат наплатливи услуги, да се создава додадена вредност, бизнисмените да прават профити за да инвестираат, државата да ги форсира капиталните инвестиции а не да не знае да ги потроши парите кои ги има – ете тоа ја крева економијата на нозе!

Затоа, соработката меѓу извршната власт и бизнисот е важна. Затоа државната поддршка за реалниот сектор на еконмомијата – она ветување на Мицкоски пред Стопанската комора, што сега ги вџашува синдикалците – не смее да биде „козметика“, туку врвен приоритет!

И затоа поволниот кредит од Унгарија е работа на која навистина треба да се радуваме наместо да фаќаме кусур, наместо да подметнуваме тези дека парите што ќе ни ги позајми Орбан (демек, „другарчето на Путин“), не биле „добри“ пари, не требало да се земат. Иако се со поволна камата и со грејс период за враќање. Иако се пари што можат да ни завршат голема работа во едно навистина кризно време.

Па добро, мајку му стара, не е ли срамота да се зборуваат и да се пишуваат вакви глупости?

Вака ли опозицијата и „независната интелектуала“ ќе го обновуваат својот прилично упропастен кредибилитет?

И да завршам со нешто што можеби требаше да го кажам на самиот почеток – равенката со неколку непознати наречена „ребаланс на буџетот“ е обид да се реши тажната оставштина од владата на СДСМ и на ДУИ. Затоа, ве молам, тој што нема одговор на прашањето како и за што таа влада спискала 71 отсто од Буџетот за оваа година во период од само 6 месеци, нема морално право да дискутира за ребалансот на буџетот и да критикува.

Димитар Ковачевски и министрите на сонце и министрите во сенка од ДУИ, треба да ни кажат што изградиле со тие пари. Колку километри, еве може и метри, прифаќам дури и сантиметри автопат? Колку болници? Колку училишта и градинки? Колку вистински странски инвестиции се донесени и се во функција? Добро, ќе ги прифатам и странските „инвестиции со посебни потреби“, оние за кои државата троши буџетски пари за да им подари бесплатно земјиште и инфраструктура и да ги ослободи од државни давачки, за да можат странците дома да си однесат повеќе пари…

Или сите пари популистички беа „фрлени во народот“, за да си обезбедат Димитар Ковачевски, Али Ахмети и другарчињата уште еден мандат на власт?

За атер на муабетот, дури и таа „инвестиција“ ќе им ја прифатев како легитимна, да не им беше и таа – промашена.

Спискаа толкави пари и пак не останаа на власт!

Будали!

И сега тие и нивните „независни“ експерти што живеат ко бубрежиња во лој од странски донации уште и памет ќе ни солат.

Море, сиктер таму, неспособњаковиќи низаедни!

The post Спискаа 71% од Буџетот за 6 месеци за да останат на власт, паднаа ко скапани круши и сега тие памет ќе ни солат – сиктер таму, бре! appeared first on plusinfo.mk.

– Со ребалансот обезбедуваме средства за сите оние и за сето она што било предвидено со закон, а немало планирани средства, односно средства за вработените, пензионерите, студентите, компаниите, како и за плаќање на обврските по основ на камати, заеми и слично. Се обидовме и направивме максимални заштеди од се она што немаше динамика на реализација и средствата што стоеја неискористени. Од се она што претставува несуштински расходи, успеавме да најдеме заштеди од 20 милијарди денари и да ги употребиме онаму каде што беа потребни – рече муинистерката Гордана Димитриеска Кочоска во своето вчерашно експозе, објаснувајќи дека ребалансот е скроен согласно затекнатите состојби во Буџетот и дека се обезбедени средства за се она што треба да се исплати согласно со закон.

Институт за економски истражувања и политики Finance Think оцени дека ребалансот на Буџетот има реалистично макроекономско проектирање и дека проекцијата на буџетските приходи соодветствува со економските движења, но изрази загриженост за зголемувањето на буџетскиот дефицит, за кој, вели дека „не е изненадување со оглед на политичките ветувања во периодот на изборите“.

За пратениците од парламентарното мнозинство, ребалансот е за спас на државата, затоа што средствата во Буџетот биле планирани само за првите 6 месеци од годината и фалат пари за обврски што треба да се исплатат од страна на државата. Опозицијата, пак, обвинува дека ребалансот е скроен за да ги задоволи коалициските договарања и не се работи за никакво штедење, но не објаснува како било можно 7 од 10 денари народни пари предвидени за целата година да се потрошат до јуни.

Забелешките на ребалансот на буџетот од Судскиот буџетски совет, од државното Јавно обвинителство, но и од Сојузот на синдикати кој уште пред изборите побара зголемување на минималната плата на 450 евра и кој вчера се побуни зошто работодавачите да добијат половина милијарда евра поддршка од државата, веќе сега врши нов притисок за зголемување на буџетскиот дефицит.

При усвојувањето на Ребалансот на буџетот од страна на Владата беа усвоени и неколку заклучоци на предлог на Министерството за финансии. Меѓу нив дека при склучување на колективните договори, буџетските корисници треба  да ги имаат предвид одобрените буџетски средства и да не преземаат обврски за кои немаат обезбедено средства во буџетот за тековната година, а јавните претпријатија и акционерските друштва во државна сопственост ќе треба да побараат мислење од Министерството за финансии. На ова реагираа од синдикат на УПОЗ од каде прашаа дали е на повидок суспендирање на колективните договори.

Вкупните приходи во Ребалансот на буџетот се планирани на ниво од 318,2 милијарди денари, а расходите на ниво од 362,8 милијарди денари. Растот на БДП е проектиран на 2,1 процент, инфлацијата на ниво од 3,5 проценти, а буџетскиот дефицит на 4,9 проценти.

Општата расправа за Ребалансот на буџетот трае најмногу 3 дена, а амандманската расправа, за која се поднесени 58 амадмани, 6 дена.

The post ПАРИ ЗА ПЕНЗИОНЕРИТЕ, ЗА ВРАБОТЕНИТЕ, ЗА СТУДЕНТИТЕ И ЗА КОМПАНИИТЕ МОРА ДА ИМА Ребалансот е спас, откако претходната власт спискала 71% од Буџетот за 6 месеци appeared first on plusinfo.mk.