Во овој момент за нула евра сме ја задолжиле државата. Фискалниот совет за јавниот долг направил пресметки врз основа на она што го имал како информации од медиумите, рече денеска министерката за финансии Гордана Димитриоска Кочоска. Како што истакна, одговaрајќи на новинарски прашања, дополнителен јавен долг создава проектот со „Бехтел и Енка“ на чие завршување Владата е сега фокусирана.

Димитриоска Кочоска е децидна дека долгот се регистрира во моментот кога се повлекува кредитот. Како што ќе се плаќа и како што ќе одат реализацијата и имплементацијата, така ќе има зголемување на јавниот долг, но во исто време, не значи дека ќе има зголемување зашто паралелно се вршат редовни годишни отплати, а со тоа се намалува и долгот.

Според министерката, опозицијата ѝ прави штета на земјата со коментарите што ги дава за јавниот долг кои се „нереални и невистини факти и манипулации“. Таа апелира да не се шпекулира зашто, како што рече, состојбата е под контрола и во однос на јавниот долг и во однос на буџетот.

– Фискалниот совет направил пресметки врз основа на она што го имал како информации од медиумите. Ние сме направиле пресметки врз основа на она што го имаме како податоци од Информацијата на Влада и од тоа што го комуницира постојано премиерот. И ние мора да се држиме до тоа што го кажува премиерот и што го гласала Владата. Прво треба да помине одреден период додека завршат сите процедури, па ќе се склучи договор, па ќе почне реализација. Сето тоа не оди преку ноќ. Ние имаме друг проект што треба да го завршиме, тоа е проектот со „Бехтел и Енка“. Сега во моментов сме фокусирани во тој дел и можам да кажам дека тоа ни создава дополнителен јавен долг кој ние не им го вклакулиравме пред неколку години кога рековме дека нѐ задолжија. Не рековме дека долгот ни се зголеми за 1,3 милијарди, како што и сега не можеме да зборуваме дека се задолжуваме за две или за пет милијарди. Долгот го регистрираме во моментот кога повлекуваме од кредитот. Како ќе плаќаме и како ќе одат реализацијата и имплементацијата, така ќе има зголемување на јавниот долг, но во исто време, не значи дека ќе имаме зголемување зашто од друга страна, имаме редовни годишни отплати и намалување на долгот – истакна министерката по презентацијата на Договорот за финансирање на заедничките активности што ја организираа Министерството за финансии (МФ) и Канцеларијата на ООН во Скопје.

Таа потсети дека во 2016 година јавниот долг бил меѓу 23 и 26 проценти од БДП.

– Вкупно 47,7 отсто мислам дека беше јавниот долг кога се смени Владата во 2017 година, а кога се смени Владата во 2024 година јавниот долг веќе беше над 60 проценти. Треба да сфатат сите дека немаме простор за комоција, напротив. Јас сум единственот министер што успеа и се труди да го намалува или да го држи контролирано јавниот долг и со вакви коментари што ги дава опозицијата, не ја олеснуваат работата зашто бројките го потврдуваат тоа што го работиме – подвлече Димитриоска Кочоска.

Според неа, треба прецизно да се зборува кога е во прашање Договорот за соработка со Обединетото Кралство.

– Прво, не го земаме кредитот од Велика Британија. Навистина многу се изместија работите во начинот на кој се комуницира. Ние склучивме Договор за соработка со Велика Британија каде британската Експорт банка е таа што ќе даде гаранција дека ако не го враќаме кредитот, тие ќе го вратат во наше име, што во суштина значи, нашиот кредитен рејтинг на некој начин го подобруваат за да добиеме пониски каматни стапки. Суштината и конекцијата меѓу нас и британската банка е во тој дел. Од каде ќе добиеме понуда ќе видиме, тоа допрва следи. Јавниот долг ќе биде толкав колку што ќе се троши секоја година и колку што ќе повлекуваме за реализација на проектот. Се трудам да не реагирам на сите коментари посебно од опозицијата, но не ми е јасно како може некој да излезе и да каже дека сега сме ја задолжиле државата за пет милијарди евра. Во овој момент за нула сме ја задолжиле државата, сега почнуваме, па ќе видиме какви ќе бидат понудите. Кога ќе бидат понудите, треба да има постапка, треба да се склучи договор. Ние сега го обезбедуваме само финансирањето. Таква е процедурата кога се почнува некој проект во државата. Сите проекти се такви – објасни министерката.

The post ВЛАДАТА ВО ОВОЈ МОМЕНТ ЗА 0 ЕВРА ЈА ЗАДОЛЖИЛА ДРЖАВАТА Британската Експорт банка ќе го врати кредитот во наше име, ако Македонија не го враќа appeared first on plusinfo.mk.

Бизнисот да биде присутен со најмалку 70% од извршувањето на работите во новите проекти и инвестиции што ќе ги договора Македонија со Обединетото Кралство во рамки на стратешкото партнерство, бара Стопанската комора.

Како што рече денеска претседателот на Комората Бранко Азески по средбата со министерката за финансии Гордана Димитриеска Кочоска, компаниите се задоволни од работата на Владата иако има мислење дека некои од работите побавно се одвиваат.

– Моментно, во оваа исклучително проблематична геополитичка ситуација, мора превентивно да се делува за да одговориме на сите предизвици. Бараме враќање на солидарниот данок, тука мислам на одлуката на Уставниот суд, како и во предизборието повторно да се покрене процесот на децентрализација – истакна Азески.

Меѓу темите на состанокот била и предвидливоста.

The post БИЗНИСОТ БАРА 70% ОД РАБОТАТА НА НОВИТЕ ПРОЕКТИ Се бара да се врати и солидарниот данок appeared first on plusinfo.mk.

Лажната вест е лиферувана на непознати веб-сајтови, како навиодни интревју на министерката за финансии Гордана Димитриеска Кочоска и на премиерот Хсистијан Мицкоски, за телевизијата Канал 5.

Украдени се и логото и дизајнот на сајтот на Канал 5, а измислени „граѓани“ даваат изјави со поддршка на иницијативата.

Не наседнувајте на лажните вести!

The post ВНИМАВАЈТЕ, ЛАЖНИ ИНТЕРВЈУА СО МИНИСТЕРКАТА ЗА ФИНАНСИИ И СО ПРЕМИЕРОТ НА СОЦИЈАЛНИТЕ МРЕЖИ Сајбер криминалци ги лажат граѓаните дека ќе добијат огромни „приходи од даноци“ appeared first on plusinfo.mk.