Анализата наведува дека Косово не е подготвено да спроведе попис на населението во согласност со стандардите на ЕУРОСТАТ во периодот од 1 ноември до 15 декември 2023 година, кој како статистичка операција е од важност за да се соберат веродостојни податоци и врз основа на кои би можел да се планира идниот развој.

Иако, според методологијата на ОН, при пописот на населението не е задолжително да се изјасни етничката и верската припадност на територијата на Косово, но и во регионот, оваа декларација е од најголем интерес.

Особено на удар се Горанците и Бошњаците, чиј број значително ќе се намали поради агресивноста на Бугарија, која од нив создава „нови Бугари“ токму со доделување државјанства и бугарски документи.

Бугаризацијата на Косово, истакнуваат во ИФИМЕС, е засилена токму поради пописот, затоа што Бугарија сака преку пописот да го легализира присуството на Бугарите во структурата на косовското население, а следниот чекор е да ја вклучи бугарската заедница во уставот, како што веќе се бара од Република Северна Македонија. Целта е Бугарите и официјално да станат еден од т.н. немнозинските заедници во Косово, заклучуваат авторите на анализата.

The post БУГАРИЈА САКА ДА НАПРАВИ БУГАРИ ОД ГОРАНЦИТЕ И БОШЊАЦИТЕ Словенечки институт укажува на целите на агресивната кампања на Софија на Косово appeared first on plusinfo.mk.

Во реакцијата, партијата ја отфрла изјавата на Јотова, дека, на Косово живеат околу 15.000 Бугари, мислејќи на Бошњаците и на Македонците (Горанци) во областа Гора и Призренска Жупа.

„Партијата „Наша иницијатива“ смета дека на овој начин Бугарија ја злоупотребува својата положба и членството во Европската Унија, грубо мешајќи се во внатрешните работи на Косово. Ги осудуваме манипулациите на Софија Бошњаците и Горанците на Косово како Бугари“, – се вели во реакцијата.

Партијата потсетува дека на пописот на населението во 2011 година, Бугари во овие две општини, Драгаш и Призрен „воопшто нема или се на ниво на статистичка грешка“.

„Како партија не го оспоруваме правото на Македонците и Бошњаците да се школуваат во Бугарија, но сметаме дека тоа не може, не смее и не треба да биде условено со асимилација. Потврдуваме дека, Горанците и Бошњаците се уставно признати од страна на Косово, и силно сме против тековната нивна „бугаризација“ во општините Призрен и Драгаш.

„Оваа година е година на попис на населението на Косово, а обидите на Софија да создаде Бугари се со цел да ги залаже, да ги доведе до заблуда и да ги изманипулира Бошњаците и Горанците на Косово. По кој знае кој пат повторуваме дека тие не се Бугари, ниту биле, ниту кога и да е ќе бидат“, – се посочува во реакцијата.

На крајот партијата на Бошњаците ги повикува сите Македонци и Бошњаци на Косово да се спротивстават на „обидите на Софија за нивна бугаризација“.

„Секој има обврска да ги информира останатите на кои овие бугарски манипулации сè уште не им се јасни. Студирање и соработка – ДА! Асимилација – НЕ! Стоп на асимилацијата и бугаризацијата на Косово, биди тоа што отсекогаш си бил“ – се вели во реакцијата на „Наша иницијатива“.

The post НА КОСОВО ИМА БОШЊАЦИ, МАКЕДОНЦИ, ГОРАНИ, НО НЕ И БУГАРИ! Косовска партија против бугарската политичка акција appeared first on plusinfo.mk.