Во објава на својата официјална страна на Фејсбук, градоначалникот Стефковски информира дека денеска се извршени активностите за обновување на споменикот на херојот Стојменовиќ и иконите на светиот крст во Инџиково кои беа оштетени од вандалски чин на Илинден.

Во својата објава Стефковски напиша:

„Исчистен споменикот на херојот Горан Стојменовиќ и иконите на светиот крст во Инџиково. Денеска се реализираа активностите за чистење на споменикот на херојот Горан Стојменовиќ кој загина во борбите во Диво Насеље и иконите на светиот крст во Инџиково. Како што напишав на Илинден, денот кога беше извршен срамниот и вандалски чин на уништување, денеска споменикот и иконите се обновени. Само народ и држава никогаш нема да го заборавиме делото на оние кои го загубиле животот за слободата на нашата Македонија“, напиша Стефковски.

The post 📷 СВЕТНА СПОМЕНИКОТ НА ХЕРОЈОТ СТОЈМЕНОВИЌ Нема траги од вандалството, а нема ни од вандалите appeared first on plusinfo.mk.

Во доцните вечерни часови на празникот Илинден е вандализиран споменик на специјалец на Министерството за внатрешни работи (МВР) кој загина во пресметката во кумановската „Диво Насеље“ во 2015 година.

На споменикот во чест на Горан Стојменовиќ во скопската населба Инџиково, Општина Гази Баба, непознати вандали со спреј го пречкртале неговиот лик и другите делови од споменикот, објави Експрес.

Демократската партија на Србите во Македонија бара надлежните органи веднаш да преземат акција за наоѓање на вандалите.

„Најостро го осудуваме сквернавењето на споменикот на нашиот брат Горан Стојменовиќ во скопско Инџиково. Горан херојски загина во борбите со албанските терористи во кумановското Диво Насеље во 2015 година”, наведено е во реакцијата на ДПСМ.

The post 📷 ВАНДАЛИЗИРАН СПОМЕНИКОТ НА МАКЕДОНСКИ ПОЛИЦАЕЦ КОЈ ЗАГИНА ВО „ДИВО НАСЕЉЕ“ Со спреј го пречкртале неговиот лик appeared first on plusinfo.mk.