Мисовски го праша премиерот Мицкоски дали Владата ќе го врати работењето во недела.

– И сега е недела работен ден, но, само за одредени економски оператори. Напишано е кои се тие оператори, во законот дури се ставени во квадрат. На пример, работи еден трговски центар што го отваравте со фанфари. Значи, и сега има економски оператори што работат во недела. Моето лично мислење е или никој да не работи во недела, вклучително и тие што сега работат, или, пак, тие што сакаат да работат да им даваат двојна дневница на работниците – рече Мицкоски.

Месечно по три пати мериме јавното мислење на разни теми, додаде премиерот и 75 отсто од испитаниците се за тоа да биде овозможено тие што сакаат да работат во недела, со двојни дневници.

– За ова ќе се разговара на следната седница на Економско социјалниот совет, ќе разговараме и со синдикатите и нема да направиме ништо со сила. Генерално, има две решенија, ќе повторам – или никој да не работи во недела или ако некој плати дупла дневница, да може да работи. Затоа што, има производни процеси што не трпат импровизација, не можат да го стопираат прозводството. Ќе имаме состанок со Економско-социјалниот совет и заедно ќе разговараме со работавачите и работниците. Мое лично мислење е да се добие повисока дневница и да се работи во недела – рече Мицкоски.

The post ИЛИ СИТЕ ЌЕ РАБОТАТ ВО НЕДЕЛА СО ДВОЈНА ДНЕВНИЦА ИЛИ НИКОЈ Мицкоски очекува договор помеѓу работниците и работодавачите appeared first on plusinfo.mk.

Ваков е ставот на Левица, откако вчера изби куршлус во Законодавниот дом кога двајцата пратеници на нивната партија – Борислав Крмов и Димитар Апасиев – се обидоа дури и насилно да го спречат изгласувањето на новиот Деловник кој го укинува филибастерингот како дел од механизмите за делување на опозицијата во Парламентот.

Новиот Деловник, кој сѐ уште не е објавен на сајтот на Собранието, предвидува неколку новини во работата на Законодавниот дом: ограничување на амандманската расправа на 5 дена во редовна постапка, на 3 дена во скратена постапка и на 2 дена со европско знаменце.

Исто така, предвидено е и ограничување на поставувањето на пратеничките прашања, а му ги зголемува ингеренциите на претседателот на Собранието, кој ќе може да ги преиспитува референдумските иницијативи, како и можност да не верифицира мандат на пратеник избран на избори.

Овој документ е резултат на петгодишни разговори со пратеничките групи во рамки на процесот „Жан Моне“, кој се одвива со посредство на европратеници.

Врзани раце

Со новиот Деловник на Собранието буквално се легализира шверцот со европско знаме во иднина, обвинува Јована Мојсоска, членка на Президиумот на Левица.

Ако се сеќавате, кога СДСМ пред неколку години го блокираше Буџетот, тогашниот премиер Никола Груевски донесе Деловник со кој не може во иднина да се блокира и да се прави филибастеринг на Буџетот. Е сега, со изгласувањето на новиот Деловник, истото важи за секој нов закон. Во иднина, ако се појави некој штетен закон, опозицијата нема да може да го искористи тоа право што го користеше во минатото.

Јована Мојсоска Левица

– Антимакедонското трио ДПМНЕ-ДУИ-СДС заеднички гласаа „против“ предлогот на Левица да се тргне точката за Деловникот од дневен ред. Со ваквото гласање, овие три аждаи го укинуваат филибастерот и секоја опозиција во иднина ја сведува на фарса. Досега добивавме многу остри критики поради тоа што се носеа премногу закони во скратена постапка и со злоупотреба на европското знаме, а вчера 83 пратеници се согласија секој закон во иднина да се носи во скратена постапка, што е класичен шверц со европското знаме. Ова се прави само за да се заобиколи филибастерингот, а тоа значи дека не постои простор за неограничена дискусија, туку дебатата завршува по само неколку дена. Ако се сеќавате, кога СДСМ пред неколку години го блокираше Буџетот, тогашниот премиер Никола Груевски донесе Деловник со кој не може во иднина да се блокира и да се прави филибастеринг на Буџетот. Е сега, со изгласувањето на новиот Деловник, истото важи за секој нов закон. Во иднина, ако се појави некој штетен закон, опозицијата нема да може да го искористи тоа право што го користеше во минатото. А ние не блокираме било што и по секоја цена. Нашето право на филибастеринг го користевме во екстремни случаи како што беше законот за внесување графа за етничка припадност во личните карти. Тој закон и сега е ефективно блокиран, па дури и ЕУ реагираше дека тоа не е европска пракса. Значи, филибастеринг се користи во многу лимитирани случаи, а особено во земји како нашава, каде што власта нема никаков демократски капацитет, па со забраната на филибастерингот дополнително се лимитираат механизмите на опозицијата – објаснува Мојсоска.

Не знам колку јавноста е запознаена, ама укинувањето на филибастерингот беше по барање на ВМРО-ДПМНЕ, додава таа.

– Ако утре се појави нов штетен закон, опозицијата нема да може ништо да стори за да го спречи неговото изгласување. За три дена завршува расправата и крај на муабетот. Опозицијата не може ништо да стори. Укинувањето на филибастерингот беше по барање на ВМРО-ДПМНЕ. Во оваа партија веројатно веќе се знае дека наскоро ќе биде на власт, па и самите тие не кријат дека сакаат да имаат што е можно попредвидливо Собрание – изјави Мојсоска.

Претходно, и лидерот на Левица, Димитар Апасиев, обвини дека со новиот Деловник се врши убиство врз опозицијата.

– Тоа значи дека опозицијата нема да може да блокира закони, и тоа ќе значи џабе ќе имаш опозиција. Џабе имаш 10-20 пратеници, кога нема да можат да го блокираат Собранието – рече Апасиев.

Пратеникот Борислав Крмов, пак, објаснува дека следната влада којашто ќе дојде на власт, практично веќе нема да има Собрание.

– Во Собрание мора да има судир на идеја, а не да биде како владаа. Филибастер не би бил потребен само ако имаме некој општествен консензус во државата, кога би ги имале решено поголемите национални, економски проблеми. Но, ние не можеме да се договориме кое знаме да го имаме или за строфи во химната. Во ваква држава, во вакво Собрание, страшно опасно е да нема филибастер, затоа што решавањето и спречувањето на штетните политики во Собранието, ќе мора да се пренесат на улица. За жал, така ќе мора народот да одговори – рече Крмов.

Ќе се решат проблемите

Собранискиот спикер Талат Џафери, пак, кој пред 11 години самиот ја имаше окупирано собраниската говорница со тоа што цели 40 дена читаше поезија од поетот Ацо Шопов, со цел да го блокира носењето на Законот за бранители, смета дека новиот Деловник е неопходен.

– Со новиот Деловник треба да се решат многу недоречености и проблеми што произлегуваат од сегашниот Деловник, но и да се направат одредени ограничувања, како при носењето одредени закони, така и при избори на одредени функционери – истакна Џафери.

Тој нагласува дека целта на сите учесници во изготвувањето на новиот Предлог-деловник била да се спречат сите несакани случаи на блокирање на работата на Законодавниот дом, поучени од досегашното искуство во изминатите 30 години.

Во меѓувреме, реакција пристигна и од опозициската ВМРО-ДПМНЕ, па оттаму го поставуваат прашањето: „Зошто Левица не постапува за други и далеку поважни теми исто како за измените на Деловник за работа на Собрание, кои се прават често во Собранието?“

„Веројатно утре ќе скокаат и ќе прават сцени за да бидат забележани и да добијат политички поени за тоа дека не им се допаѓала бојата на собраниските ѕидови, додека молчеа за францускиот предлог и за случајот Онкологија во Собранието. Хистеријата што ја демонстрираат, укажува на тоа колку нестабилни се овие личности и колку се ризични, штетни и непредвидливи сами за себе и за државата. Среќа што државата нема нуклеарно оружје, бидејќи не се сомневаме дека Апасиев би го употребил, онака лефтерно и истовремено афектно, насочувајќи го врз Собранието, кајшто сам се наоѓа, чисто да ни покаже колку тој знае да е опасен ако во бифето му дадат горко наместо благо кафе. Власта и Левица веќе подолг период се во коалиција во Советот на Град Скопје, каде заедно ги гласаат сите желби на Данела Арсовска, па очигледно оваа соработка, се пренесе и во Собранието. Толку е привидно ова сценарио на власта и Левица, што ни Горан Мисовски, ни Талат Џафери, не го повикаа собраниското обезбедување, кога 10 минути некој го крши Собранието. Граѓаните не сакаат да гледаат вакви комични сценарија, туку сакаат да видат мерки, со кои ќе им се крене животниот стандард, а на тоа ќе работи ВМРО-ДПМНЕ, веднаш по преземањето на власта“, беше наведено во партиското соопштение на ВМРО-ДПМНЕ.

ЛЕВИЦА ПАК ДЕМОЛИРАШЕ ВО СОБРАНИЕТО Џафери спречи физичка пресметка меѓу пратениците Зибери и Крмов

„ЕВЕ ВИ ГО ПРВИОТ, ЕВЕ ВИ ГО ВТОРИОТ. СПАЈАЛИЦА САКАТЕ ИЛИ НЕ?“ Пратеникот Апасиев со чевелот ставаше печати на амандманите

The post ЗОШТО НОВИОТ ДЕЛОВНИК Е ТОЛКУ ПРОБЛЕМАТИЧЕН ЗА ЛЕВИЦА? Укинувањето на филибастерот ѝ ги врзува рацете на секоја идна опозиција appeared first on plusinfo.mk.

– Власта преку смислено сценарио ќе се обиде да избега како ѓавол од темјан од нашите прашања така што на почетокот од седницата во делот на одговорите на писмените прашања ставаат околу 56 пратенички прашања од кои 49 од прашањата се на власта, а само седум се на опозицијата. Ова е деловнички, меѓутоа власта преку своите пратеници сака да ја одолговлекува седницата и да го ускрати поставувањето на вистинските прашања од опозициските пратеници. Накратко кажано, сами на себе ќе си поставуваат пратенички прашања – рече Мицевски според кого власта со тоа бега од одговорност и од дебата.

Тој најави дека пратениците од опозицијата ќе излезат и повторно ќе се вратат на седницата, кога ќе дојде време, како што вели за вистинските и незгодни прашања.

Потпретседателот на Собранието Горан Мисовски му реплицираше на Мицевски дека не држи забелешката дека мнозинството бега од дебата и оти и самиот кажал дека ова е деловничка можност.

– Не знам од каде таа забелешка дека бегаме од пратенички прашања кога има директен пренос, сите пратеници се присутни во салата, како и премиерот и целата Влада. И самите кажавте дека пратениците ја имаат таа деловничка можност помеѓу две седници да поставуваат писмени пратенички прашања преку претседателот на Собранието до Владата и тоа право го искористиле и во сите овие 54 одговори кои што се добиени согласно Деловникот во роковите, има околу 6-7-8 одговори кои се добиени на прашања од пратенции од ВМРО-ДПМНЕ. Затоа не ви ја прифаќам забелешката дека бегаме од дебата – рече Мисовски.

Пратеничката Илире Даути од ДУИ излезе со процедуарлна забелешка и посочи дека од 49 писмени прашања кои се поставени 41 се нејзини, а доминантно се однесуваат за лица во процедура за добивање државјанства.

– Не сум јас пратеничка од тие кои, како што велите вие, прави активна блокада на Собранието. Вие сте тие кои година и пол го блокирате Собранието, а која е добивката? Немате никаков одговор освен дека довербата кај граѓаните е само 2 – рече Даути и најави дека овие пратеничка прашања ќе ги поставува и понатму бидејќи биле на барање на граѓани.

Мицески реагираше дека за овие прашања Даути е дел од власта и треба да се обрати до Владата, а со нив се обидува да ја спаси власта.

Потпретседателот на Собранието Мисовски во реплика на процедуралната забелешка на Мицевски рече дека поради опозицијата која не го прифатила уставното име, пропаднала идејата за носење нов деловник кој требало да го реши овој проблем. Тој се надева дека тоа ќе биде регулирано во Деловникот кој што треба да се донесе во рамки на третиот процес „Жан Моне“.

The post ВЛАСТА СЕ ЗАДУШИЛА ОД СВОИ ПРАШАЊА Пратеничка од ДУИ поставила дури 49 прашања, ВМРО-ДПМНЕ ја напушти седницата appeared first on plusinfo.mk.

На почетокот од седницата координаторот на пратеничката група на ВМРО-ДПМНЕ Никола Мицевски со процедурална забелешка реагира дека на седницата голем дел од претставниците на Владата не се присутни.

– Моето прашање е каде е половина Влада? Седницата почнува со 35 минути задоцнување, бидејќи претставниците од Владата не беа тука. Добро е пред почеток на седница да се преброите. Не знам дали ваквиот однос кој го имате кон граѓаните ќе сакате да го пресликате и пред пратениците – рече Мицевски обвинувајќи го потпретседателот на Собранието Горан Мисовски дека нема храброст да му каже на премиерот да ги повика сите претставници од Влада.

Мисовски, пак, рече дека ќе ја продолжи седницата и по 18 часот, поради објективно доцнење и рече оти е единствениот што претседавал со седница и кој на премиерот му го одзел зборот.

– Претседателот на Владата има должност, деловничка обврска е на сите претставници на Владата да бидат присутни на седница. Најголем дел од претставниците се тука. Деловникот дозволува премиерот да даде одговор доколку некој претставник од Владата не е присутен – рече Мисовски.

Пратеникот Халил Снопче од Алијанса за Албанците реагираше дека не е коректно одговори на пратенички прашања од минатиот месец да добиваат на денот на седницата. Тој посочи дека нема да се произнесе по одговорите.

The post КАДЕ Е ПОЛОВИНА ВЛАДА? Започна собраниската седница за пратенички прашања, ама зјаат празни столчиња appeared first on plusinfo.mk.

На петтиот Конгрес на НСДП присуствуваа 426 од вкупно 493 и тој помина во мошне тензична атмосфера и со напати виоски тонови меѓу делегатите.

Од 314 делегати кои гласаа, 308 делегати гласаа „за“, 3 „против“ и има 3 неважечки гласачки ливчиња.

На Конгресот беа избрани и централниот одбор на НСДП со 81 член и надзорниот одбор на НСДП со 9 члена.

Воедно на Конгресот беа усвоени изменувања и дополнувања на Статутот на НСДП и Програмската платформа за делување на партијата во наредните 4 години.

Организацискиот секретар на НСДП, Кристијан Трајковски не се самокандидираше иако тоа претходно го најави, поради тоа што „Мисовски продолжил со своите намери да им го одземе правото на слободен избор на делегатите на НСДП“.

Досегашниот партиски лидер Тито Петковски ја оцени партиската атмосфера како мошне конфликтна и рече дека поради тоа не го водел конгресот.

Мисовски го обвини Петковски дека предложил да се смени името на партијата по неговото заминување на чело на НСДП и му порача: Црвенковски и Заев заминаа од партијата, СДСМ продолжи, Љубчо и Груевски заминаа од партијата, но ВМРО-ДПМНЕ остана!

The post МИСОВСКИ Е НОВ ЛИДЕР НА НСДП Друже Тито, Заев и Груевски заминаа, СДСМ и ВМРО-ДПМНЕ останаа! appeared first on plusinfo.mk.

– Јас од самиот почеток на отворањето на постапката на редовен Конгрес решив партијата да биде транпарентна, што би ја красело една демократска партија. На самиот старт со отворањето на постапката за избор на нови раководства, групата од десет членови на чело со Горан Мисовски и Соња Мираковска и сите останати функционери што се на листа на НСДП на сите државни функции, зазедоа став дека на партијата не ѝ требаат повеќе кандидати, што е спротивно на програмата на партијата – изјави во „Утрински брифинг“, Тито Петковски.

Според Петковски, пресвртот во партијата се должи на задржување на функциите и на привилегиите.

– Тука не станува збор за внатрепартиска демократија и натпревар со програми. Од самиот старт оваа група зазеде став дека не треба да има повеќе кандидати и дека Горан Мисовски треба да биде единствен – вели Петковски.

МЛАДИТЕ ВО НСДП ВОДАТ ТЕШКА БИТКА ЗА ОСАМОСТОЈУВАЊЕ Долга е сенката на СДСМ, во која се ладат Мисовски и Мираковска

The post ТИТО ПЕТКОВСКИ РАЗОЧАРАН НА ЗАМИНУВАЊЕ Создадов простор за натпревар, но Мисовски само сака да биде лидер на НСДП appeared first on plusinfo.mk.

Во соопштението беше кажано дека предлогот за Мисовски бил утврден со мнозинство гласови од присутните членови на Централниот одбор, по завршување на дебатата. Покрај кадровските прашања биле утврдени и конгресните документи: Предлог-статут за изменување и дополнување на Статутот на НСДП, Извештај за работата на НСДП помеѓу Четвртиот и Петтиот Конгрес и Предлог-програмска платформа за делување на НСДП во наредните четири години.

Претходно, кандидатура и програма поднесе и младиот Кристијан Трајковски. Пред седницата на Централниот одбор на 14 мај, тој даде изјава во која изрази надеж дека верува во демократскиот дух на партијата. Но, по седницата, тој најави дека ќе се самокандидира на самиот конгрес на 4 јуни, а за Мисовски и за неговите поддржувачи кажа:

– На овие структури не им одговараат промени. Ним им пречи гласна и самостојна НСДП, која ќе го продолжи патот со своите коалициски партнери, но ќе биде коректор, наместо апологет на поголемите политички партии. Ним им треба партија која ќе им служи само како гарант за фотелјите во кои се толку долго, што веќе ги сметаат за нивно лично право. Нивото на демократскиот развој на секое општество зависи од нивото на внатрешната демократија на партиите. Членството и делегатите на НСДП ќе ги издржат и овие притисоци и закани. Имаме победено многу посилни и помоќни режими и противници. Ќе победи демократијата и сега!

Се чини дека жестоката борба за „власт“ во партијата што ја основа Тито Петковски, ќе кулминира токму на конгресот на 4 јуни.

Фракции во партијата на Тито Петковски?

По повлекувањето на Петковски од челната позиција, во НСДП се спротивставија две струи. Едната струја ја предводат Горан Мисовски и Соња Мираковска, сегашни потпретседатели на Собранието, со силна поддршка од членовите на Извршниот одбор Марија Бошковска (директорка на Централен регистар), Мики Милковски (заменик генерален секретар на Собранието) и Зоран Маневски (заменик министер за економија).

На другата страна е група млади активисти, предводена од организацискиот секретар на НСДП Кристијан Трајковски (воедно и директор на АД за станбен и деловен простор), со поддршка на Стојанче Манев, партиски секретар за меѓународна соработка.

Младите кадри, кои за себе велат дека се прогресивни, прв пат сериозно му се спротивставија на крилото на Мисовски за време на парламентарните избори во 2020 година, кога СДСМ ги наметна Мисовски и Мираковска како кандидати за пратеници. Тогаш младите посакаа НСДП да изработи комуникациска стратегија која нема да биде во сенка на СДСМ, но наидоа на жесток отпор.

Лани во април, за потребите на партијата било изработено сериозно истражување на јавното мислење, за тоа како граѓаните ја перципираат НСДП и кои се развојните патеки на партијата и нејзиниот опстанок како посебен политички субјект. Истражувањето покажало дека изборниот потенцијал на партијата е околу 4 отсто на избирачкото тело, но под услов самостојно да се настапи на локалните избори. Истражувањето исто така потврдило дека народот од НСДП се очекува нова програма, нови кадри и осамостојување од СДСМ.

СДСМ го користи „расколот“ во НСДП

Врз основа на резултатите, Манев, Трајковски и лидерот Тито Петковски, во пресрет на локалните избори, ќе се обидат да се борат за отворање на партијата кон анимирање за политички ангажман на партиски непрофилирани лица, докажани во својата професија. Пред самите локални избори, НСДП ќе понуди и неколку такви лица за кандидати за градоначалници и сите одлично поминале во анкетите на СДСМ, но немало политичка волја да се поддржат.

До судир меѓу крилата на Мисовски и на Трајковски ќе дојде и во преговорите за советничките листи. Како што велат Трајковски и Манев, Мисовски, за да му се додвори на СДСМ, ќе прифати помал број на позиции за НСДП на заедничките листи за советници. Наспроти ова, младите се залагаат партијата самостојно да настапи на изборите.

Мисовски ги отфрла и предлозите на младите за преговорите за кадровскиот состав на новата влада, со теза дека ништо не треба да се менува. СДСМ го користи „расколот“ и НСДП му нуди министерско место во ресорот труд и социјална политика, но под услов тоа да биде Соња Мираковска. Овој предлог на СДСМ сепак нема да помина во органите на НСДП.

Судирот меѓу двете крила кулминира со официјалната најава на Тито Петковски дека ќе се повлече од лидерското место. Петковски настапува со став дека на конгресот треба да се појават повеќе кандидати и да се натпреваруваат со идеи и со програми. Но, наместо разговор за идеи, во НСДП се случува кавга, правен дилетантизам и елементарно непочитување на основните демократски норми.

– Сите кадри на НСДП кои се во Собранието, потпретседателот Мисовски, претседателка на Комисијата за политички систем и односи меѓу заедниците Мираковска и заменик генералниот секретар Милковски се главните предводници на еден брутален процес на игнорирање и газење на Статутот, на Правилникот и на основни политички вредности – се жалат младите.

Мисовски протуркан за кандидат на мала врата?!

Централниот одбор на НСДП на 2 април година донел одлука за прифаќање на Правилник за тоа кои критериуми треба да ги исполни кандидат за претседател на партијата. Помеѓу другото, во Правилникот се вели дека кандидатите треба да подготват програми за организирање и водење на НСДП во наредните четири години, а рокот за поднесување на кандидатурите е 5 мај. За ова гласа и самиот Мисовски. Согласно со овој Правилник и со рокот дефиниран во него, само кандидатот Трајковски ќе достави програма.

На 11 мај, на работен состанок на Извршниот одбор, се водела дискусија за евидентираните кандидати за претседател. Ги имало десет на број. Тито Петковски ја затворил седницата, со заклучок дека на Централниот одбор ќе се дискутира за ова прашање. Но, веќе следниот ден, во јавноста е испратено соопштение, проследено со 10 потписи, во кое се тврди дека е донесена одлука на Извршниот одбор Горан Мисовски да биде единствен кандидат за претседател. Овие 10 лица, меѓу кои има и правници, вклучувајќи го и Мисовски, составиле записник во кој велат дека од 16 присутни, 10 се изјасниле за Горан Мисовски како единствен кандидат. Присутен во просторијата тврди дека состанокот завршил со 12 присутни членови на Извршниот одбор и дека немало никакво гласање, барем додека тој бил таму.

На 14 мај е одржана седница на Централниот одбор, на која ова тело ќе го згази Правилникот што само го усвоило на 2 април и со 37 гласа ќе одлучи Горан Мисовски да биде единствен кандидат за претседател. Без поднесена кандидатура, без програма …

Трајковски под закана дека ќе му ваделе кривични пријави

– Дел од членовите на Централниот одбор беа изложени на жесток притисок. Дури и на некои актуелни носители на јавни функции во очи на седницата им трепереше гласот. На огромен притисок, со закани од разрешувања до бркање од работа, се изложени нашите членови вработени во јавни претпријатија. Кристијан Трајковски е под закани дека во МВР наводно биле спремни материјали за кривично гонење против него, како директор на АД за станбен и деловен простор. Тој таа закана јавно ја соопшти и на седница на Извршниот одбор. Се создава атмосфера дека ако Мисовски не биде избран за претседател на НСДП, сите кадри на партијата ќе ги изгубат своите позиции и работни места, а некои ќе завршат уште полошо. Тоа е она клиентилистичко шибицарење што ја уништува нашата партија и што ја прави приврзок на СДСМ – велат младите.

Тие не сакаат народот на НСДП да гледа како на Агенција за вработување. Но, како што велат, струјата на Мисовски е силна. Таа сега е фокусирана на држење во тајност на делегатите на конгресот и слични, ниски игри.

Сепак, на конгресот в сабота на 4 јуни, Кристијан Трајковски ќе поднесе самокандидатура за претседател и ќе го предизвика Мисовски. На тоа има статутарно право. Без оглед на сите притисоци и нечесни игри на теренот, младите се решени на конгресот да ја афирмираат идејата НСДП да стане самостојна партија, која ќе промовира нови лица, а не ислужени апаратчици и сателити, кои не можат да се одлепат од орбитата на СДСМ и чија сервилност се гледа и во последната изјава на Мисовски дека Талат Џафери бил најдобриот претседател на Собранието што сме го имале. Што ќе рече, подобар дури и од Тито Петковски, човекот што ја основа НСДП и на генерации нејзини членови на тој начин им обезбеди политички кариери и фотелји во парламентот, во извршната власт, во јавните претпријатија, во општините.

Познавачите велат дека во овој момент НСДП не е партија со пресудно влијание на политичката сцена, но битката за одлепување од орбитата на СДСМ може да биде значајна за сите пајтон-партии, кои со години опстојуваат во сенките на големите партии и ги задоволуваат клиентилистичките пориви на своите раководства.

The post МЛАДИТЕ ВО НСДП ВОДАТ ТЕШКА БИТКА ЗА ОСАМОСТОЈУВАЊЕ Долга е сенката на СДСМ, во која се ладат Мисовски и Мираковска appeared first on plusinfo.mk.

Извршниот одбор на НСДП за единствен кандидат за претседател на партијата го утврди актуелниот пратеник и потпретседател на Собранието, Горан Мисовски, информираат од НСДП.

„Извршниот одбор на НСДП на 26-тата седница одржана на 11 мај 2022 година врз основа на евидентираните предлози за претседател на НСДП од општинските организации, а согласно Правилникот за постапката, начинот и критериумите за кандидирање и избор на делегати за 5. Конгрес на НСДП, кандидати за претседател на НСДП и кандидати за членови на Централниот одбор и Надзорниот одбор на НСДП, на Централниот одбор на НСДП, кој ќе се одржи на 14.5.2022 година му предлага да донесе Одлука за утврдување на единствен кандидат за претседател на НСДП – Горан Мисовски, потпретседател на НСДП“, соопшти партијата.

Предлог-одлуката била усвоена со мнозинство гласови, односно со 10 гласа „за“ од вкупно 17 члена на Извршниот одбор. Конгресот на партијата ќе се одржи на 4 јуни.

The post ГОРАН МИСОВСКИ – ЕДИНСТВЕН КАНДИДАТ ЗА ЛИДЕР НА НСДП Конгресот е закажан за 4 јуни appeared first on plusinfo.mk.

На ова бурно реагираа пратениците, а потпретседателот на Собранието Горан Мисовски во неколку наврати се обиде да го испочитува редот потсетувајќи го Николовски дека му истече времето за обраќање од говорницата.

– Не ви доаѓа памет, Христијан Мицкоски штанца лаги и измислици и се крие зад црвените завеси во скапата палата од која треба да се срамите пред граѓаните. Немате ни идеја, ни план, за нас сте добри што сте такви, ама не сте добри за граѓаните – рече Николовски.

Тој тврди дека аферата за РЕК Битола е измислица на опозицијата, а за која ВМРО-ДПМНЕ вели дека има докази дека е тежок криминал со државни тендери. Според ВМРО-ДПМНЕ, наводно во времето на Васко Ковачевски власта вршела притисок и закани врз бизнисмените, сопственици на компанијата „Рубитон“, за да ја отстапат работата за ископ на јаловина која ја добиле на тендер во корист на СВ Инвест или да дадат 250.000 евра во кеш на Вице Заев, во хотелот „Вила парк“ во Струмица.

Николовски рече дека државните органи ќе го докажат спотивното и дека Мицкоски е опседнат со Заев и затоа ширел лаги во кои, како што рече, ни самиот не верува.

– Мрачниот Мицкоски штом отвори уста лаже и се крие на брифинзи, нема образ да излезе пред граѓаните – рече Николовски.

Пратеникот од ВМРО-ДПМНЕ Бојан Стојаноски рече дека не е задоволен од одговорот на неговото пратеничко прашање, но дека е импресиониран од тоа колку Николовски му се додворува на Заев. Тој порача дека еден ден власта ќе одговара и за фалсификувањето документи и за сите други афери.

Претходно, пратеникот на ВМРО-ДПМНЕ Миле Лефков достави до Обвинителството документи со кои, според него, се докажува криминалот со државни тендери во РЕК Битола во времето на Васко Ковачевски, но и притисокот и заканите врз бизнисмените Васко Василев и Јани Радивчев, сопственици на Рубитон.

The post Николовски го нападна Мицкоски во парламентот, пратениците не добија одговор дали имало рекет во РЕК Битола appeared first on plusinfo.mk.