На Интернационалната олимпијада за вештачка интелегенција која се одржа во Љубљана, нашите два натпреварувачи Андреј Ангелов од Математичко информатичката гимназија од Скопје и Благој Рујаноски Стојаноски од гимназијата “Мирче Ацев” од Прилеп освоија бронзен медал, соопшти на својот профил на Фејсбук македонскиот амбасадор во Словенија Горан Милевски.

„Натпреварувачите беа под менторство на професорот Емил Станков од ФИНКИ и асистентот на ФИНКИ Димитар Милески. Медалите им ги додели министерката за надворешни работи на Словенија, Тања Фајон.

Честитки за нашите млади мозоци кои во конкуренција од 200 натпреварувачи од целиот свет успеаја да и донесат бронза на Македонија“ – напиша амбасадорот Милевски.

The post АНДРЕЈ И БЛАГОЈ СЕ ВРАЌААТ СО БРОНЗА ОД ЉУБЉАНА Успех на македонските учесници на олимпијада за вештачка интелигенција appeared first on plusinfo.mk.

Шефот на дипломатијата Бујар Османи денеска на брифинг потврди дека за нив се добиени и агремани од двете земји.

Милевски до крајот на октомври годинава беше министер за локална самоуправа, кога на позицијата го замени поранешниот градоначалник на Скопје Ристо Пенов.

Оставката од министерската функција тој ја поднесе кон средината на септември од, како што наведе тогаш, лични причини. Освен тоа Милевски се повлече и од лидерската позиција во Либерално-демократската партија (ЛДП) на која во ноември беше избрана пратеничката Моника Зајкова.

Едмонд Адеми, пак, е од редовите на СДСМ. Во техничката влада во 2016 година беше советник на техничкиот министерот за внатрешни работи Оливер Спасовски, а кога беше формирана владата на Зоран Заев во 2017 година стана министер без ресор задолжен за дијаспора. Претходно, има работено во Институтот за политички и економски истражувања „Либерта“, во Амбасадата на САД во Скопје итн.

Засега останува нејасно што ќе се случува со поранешниот директор на АНБ Виктор Димовски кој требаше да замине за амбасадор во Париз, но по скандалот со државјанството за украинскиот олигарх Олександр Онишченко, неговото заминување е доведено во прашање. Министерот Османи најави дека ќе има консултации со претседателот Стево Пендаровски и со премиерот Димитар Ковачевски, по што ќе се донесе конечна одлука дали Димовски ќе оди на амбасадорска функција во Париз или не.

The post МИЛЕВСКИ ВО ЉУБЉАНА, АДЕМИ ВО МАДРИД Амбасадорски места за поранешни министри appeared first on plusinfo.mk.

На прв поглед, се чини дека Пенов е идеално решение во ситуација кога СДСМ одигра валкано против својот коалициски партнер Горан Милевски. Веројатно се наложила потребата ЛДП да не се офира како неспорно сателитска партија, со евентуалниот избор за Моника Зајкова на лидерското место. Зајкова прерано „крена уши“ и ги обелодени своите амбиции да го наследи МИлевски, а со тоа и да го понижи.

Се чини дека тоа е имиџот што го следи Пенов во текот на целата негова политичка кариера. Секогаш „мирен“, никогаш во прв план, секогаш човек од резервната клупа, никогаш премногу гласен, корисен кога претендентите од првата постава не можат да се договорат или кога ќе се прекомбинираат.

Неговата биографија вели дека првиот професионален ангажман на Пенов е во органите на управа на Град Скопје, каде што работел на проблемите на економскиот и просторниот развој на градот. Својата политичка кариера ја почнува во далечната 1986 година, кога станува советник во економскиот тим на Петар Гошев. Кога Гошев во 1993 година ја формира Демократската партија, Пенов станува нејзин секретар, се до нејзиното фузионирање со Либералната партија.

Во новата Либерално-демократска партија, во 1997 година ќе биде избран за потпретседател. Но, пред тоа, ќе блесне како победник во трката за градоначалник на Скопје, на локалните избори во 1996 година. Тоа беа исклучително важни избори, бидејќи го најавија и првиот пораз на поранешните комунисти на слободни и демократски избори, што се случи во 1998 година, кога ВМРО-ДПМНЕ на Љубчо Георгиевски го порази СДСМ на Бранко Црвенковски.

И со ангажманот на терен, како вреден градоначалник (иако без грандиозни проекти, какви што не се ни очекуваа тие години), Пенов ги освои симпатиите на скопјани. Се виде тоа и на локалните избори во 2000 година, кога по втор пат беше избран за градоначалник на Скопје. Таа година Стојан Андов со своите приврзаници ја напушти ЛДП и ја основа Либералната партија, а Пенов стана лидер на ЛДП.

Две години пред новите претседателски и локални избори, картите почнаа да се мешаат. Тиквата пукна рано, во 2003 година, кога СДСМ одлучи да го смени Гошев од позицијата министер за финансии. Тогаш наголемо се зборуваше дека Гошев е жртва на комбинаториките на Ристо Пенов и на Бранко Црвенковски. Не треба да се заборави дека тогаш големи амбиции имаше и Стевчо Јакимовски, сегашниот и тогашен градоначалник на скопската општина Карпош.

Но, сите планови, направени или недовршени, се растурија кога по трагичната погибија на претседателот Борис Трајковски, во 2004 година се одржаа предвремени претседателски избори. Победи Бранко Црвенковски. Во градоначалничката трка за Скопје во 2005 година Пенов беше поразен од Трифун Костовски, кој ја уживаше поддршката од ВМРО-ДПМНЕ.

Една година подоцна, после парламентарните избори, по големата победа на ВМРО-ДПМНЕ, Пенов конечно најави повлекување од лидерското место во ЛДП, на кое во 2007 година дојде Јово Манасијевски. Потоа Пенов „отслужи“ уште два мандата во парламентот, но веќе не како ѕвезда во политиката.

Од тогаш, практично, почна тивкото, но целосно повлекување на Ристо Пенов од политиката. Во која влезе на голема врата, со еден молневит успех, но сепак како човек од резервната клупа на Гошев. Како потценет „резервист“.

И еве, Пенов во политиката повторно се враќа од резервната, сега веќе пензионерска клупа. Тоа се случува по повлекувањето на лидерот на ЛДП Горан Милевски. Како што е познато, Милевски се повлече под жестоки притисоци на СДСМ и на сдсмовските марионети во ЛДП, предводени од Зајкова. Всушност, Милевски плати висока цена и за сопствената улога на приврзок на СДСМ, инаку неспоива со неговите лидерски амбиции.

И така некако, името на Пенов како иден министер за локална самоуправа, но и како веројатен иден лидер на ЛДП, се појави како неочекувано, но како логично решение. И биографијата на Пенов ни кажува дека „тивкиот резервист“ никогаш не треба да се потцени и дека во политиката, сепак, нема многу случајности.

The post ЗОШТО РИСТО ПЕНОВ Тивкиот и опасен играч од резервната клупа appeared first on plusinfo.mk.

„Единствена промена што ќе следи во составот на Владата е нов министер за локална самоуправа кој треба да дојде на местото на Горан Милевски кој се повлече од функцијата. Наводите дека ќе се менуваат министри од редовите на СДСМ се свесни манипулации кои доаѓаат од страна на опозициската ВМРО-ДПМНЕ во обид да ја дефокусира јавноста од своите внатрепартиски проблеми, како и мега скандалот со тендерот од 136 милиони евра во Град Скопје. Владата предводена од СДСМ останува фокусирана на менаџирање со економската и енергетската криза, како и креирање нов пакет мерки за помош на граѓаните и стопанството“, наведено е во соопштението.

Инаку, поранешниот скопски градоначалник Ристо Пенов вчера за порталот 360 Степени ја потврдил информацијата дека ќе седне на министерската фотелја што му ја отстапи досегашниот министер за локална самоуправа Горан Милевски.

The post НЕМА ДА ИМА РЕКОНСТРУКЦИЈА НА ВЛАДАТА Единствена промена ќе претрпи Министерството за локална самоуправа appeared first on plusinfo.mk.

Оставката, како што посочуваат од Владата за МИА, ќе биде разгледана, а потоа ќе биде информирано Собранието кое на седница треба да ја констатира.

Согласно процедурата, ќе биде предложено друго име на министерското место за локална самоуправа.

Доколку оставката на Милевски биде испратена до Собранието пред новата 86. седница, таа би можела да биде констатирана в четврток за кога е закажано ова парламентарно заседание.

Офијално сѐ уште нема информација кој ќе го наследи Милевски, иако во јавноста веќе циркулира името на поранешниот лидер на ЛДП и градоначалник на Скопје, Ристо Пенов.

Милевски за МИА вчера изјави дека се повлекува од лични причини, а до крајот на неделата се очекува неговата партија да предложи нов кандидат за министер. Новиот министер, според Милевски, нема да биде од редовите на пратениците.

– Се исклучува можноста тоа да биде некој од пратениците – изјави Милевски за МИА.

Милевски ќе остане претседател на ЛДП сѐ до редовниот конгрес на партијата што треба да се одржи во декември кога ќе треба да се избере ново раководство.

The post МИЛЕВСКИ ПОДНЕСЕ ОСТАВКА Неговиот наследник нема да биде од редот на пратениците appeared first on plusinfo.mk.

Неофицијално, како што дознаваме од високи извори во ЛДП, во игра за министерската фотелја во Министерството за локална самоуправа се двајца кандидати, но предност му се дава на Ристо Пенов.

– Во игра се двајца кандидати за министерското место од коешто поради приватни причини се откажува Горан Милевски. Еден од кандидатите е поранешниот скопски градоначалник Ристо Пенов, кој има отворена понуда од партијата, а има и предност за преземање на министерската фотелја. Пенов во моментов размислува и конечната одлука треба да ја донесе утре – брифираат нашите извори од ЛДП.

Денеска се очекува Горан Милевски да ја депонира својата оставка до Владата.

The post РИСТО ПЕНОВ СТАНУВА МИНИСТЕР? Горан Милевски денеска ќе ја депонира оставката, неговиот наследник ќе го предложи ЛДП appeared first on plusinfo.mk.

Според Милевски, до крајот на неделата се очекува неговата партија, Либерално-демократската партија (ЛДП) да предложи нов кандидат за министер.

– Се искучува можноста тоа да биде некој од пратениците – изјави Милевски за МИА.

Горан Милевски e член на Либерално-демократската партија од 1995 година. Од 2015 година ја извршува функцијата претседател на ЛДП. За министер за локална самоуправа е избран на 27 јуни 2019 година.

The post МИЛЕВСКИ УТРЕ ЌЕ ЈА ПОДНЕСЕ ОСТАВКАТА OД ВЛАДА Новиот лидер на ЛДП нема да биде некој од пратениците appeared first on plusinfo.mk.

– Ништо не е официјално. Претседателот Милевски најави дека од лични причини се повлекува од лидерската позиција во ЛДП, па јас не би сакала да зборувам во негово име. Ние сме во постојана комуникација и координација околу партискиот дел, а јас во неколку наврати веќе кажав дека партијата треба да остане обединета. Доколку биде донесена одлука поддржана од членството, јас со задоволство би го прифатила предизвикот да го наследам Милевски на чело на партијата, а со тоа би станала и првата жена која застанала на лидерската позиција на ЛДП. Имам своја визија и програма за тоа како треба да изгледа и да работи партијата во иднина – објасни Зајкова.

Во делот на шпекулациите дека токму таа ќе го наследи Милевски и на позицијата министер за локална самоуправа, Зајкова вели дека нема такви амбиции.

– Еве сега и официјално ќе изјавам дека јас немам апсолутно никакви амбиции да седнам во министерската фотелја. Сметам дека можам повеќе да придонесам доколку бидам избрана за лидер на ЛДП, отколку да бидам министерка. За тоа испразнето министерско место, кое и понатаму ќе остане на ЛДП, ќе дискутираме на Централен одбор – ни изјави Зајкова.

ПО МИЛЕВСКИ, ЏАДЕ ЌЕ ФАТАТ И САЛИ, АЛИТИ И БОЧВАРСКИ? Ковачевски крои мини реконструкција во Владата

The post НЕ САКАМ ДА БИДАМ МИНИСТЕРКА Зајкова ја мерка лидерската позиција во ЛДП appeared first on plusinfo.mk.

Во политичките кругови веќе започнаа да кружат информации дека Владата сериозно размислува да му се заблагодари на актуелниот министер за здравство Беким Сали за досегашната соработка, а од игра најверојатно ќе излезат и министерот за информатичко општество и администрација Адмирим Алити, како и министерот за транспорт и врски Благој Бочварски.

Како главни кандидати за местото на Сали досега се спомнуваа тројца познати доктори и директори на клиники и болници: Софија Пејкова, Милена Стевановиќ и Христијан Костов.

Неофицијално, како главна причина за смена на Алити од највисоката позиција во Министерството за информатичко општество и администрација се посочени новите проценти во „балансерот“ и кревањето на процентот на Албанците на 31,54 проценти и покрај укажувањата на Државниот завод за статистика (ДЗС) дека треба да се пресметуваат процентите само на резидентното население во земјава, а не и на дијаспората.

Премиерот Ковачевски наводно не е задоволен и од работата на министерот за транспорт и врски Благој Бочварски, па очекувано е тој да биде симнат од позицијата главно поради проблемите со реализацијата на големите инвестициски проекти, автопатите Кичево-Охрид, Скопје-Блаце, како и железничката и патната инфраструктура со Бугарија.

Засега не се познати главните претенденти за позициите на Алити и на Бочварски, но затоа, пак, веќе гласно се зборува дека партиската и министерската позиција на Горан Милевски најверојатно ќе ги преземе пратеничката на ЛДП, Моника Зајкова.

– Ништо не е официјално. Претседателот Милевски најави дека од лични причини се повлекува од лидерската позиција во ЛДП, па јас не би сакала да зборувам во негово име. Ние сме во постојана комуникација и координација околу партискиот дел, а јас во неколку наврати веќе кажав дека партијата треба да остане обединета. Доколку биде донесена одлука поддржана од членството, јас со задоволство би го прифатила предизвикот да го наследам Милевски на чело на партијата, а со тоа би станала и првата жена која застанала на лидерската позиција на ЛДП. Имам своја визија и програма за тоа како треба да изгледа и да работи партијата во иднина – објасни Зајкова.

Во делот на шпекулациите дека токму таа ќе го наследи Милевски и на позицијата министер за локална самоуправа, Зајкова вели дека нема такви амбиции.

– Еве сега и официјално ќе изјавам дека јас немам апсолутно никакви амбиции да седнам во министерската фотелја. Сметам дека можам повеќе да придонесам доколку бидам избрана за лидер на ЛДП, отколку да бидам министерка. За тоа испразнето министерско место, кое и понатаму ќе остане на ЛДП, ќе дискутираме на Централен одбор – ни изјави Зајкова.

Политичкиот аналитичар Петар Арсовски се согласува дека заминувањето на министерот за локална самоуправа ја отвора вратата за реконструкција на владиниот тим.

– Најавите се дека Ковачевски сака да го освежи кабинетот, меѓутоа, сега тоа се само шпекулации. Факт е дека голем дел од кабинетот на владата остана ист по преземањето на Ковачевски, така што, упатно е да размислува дека може да следува некаква мала реконструкција. Тоа не треба да биде поттикнато од политички опортунизам, туку треба да има некаква меритократија, односно оние министри кои ја работат својата работа треба да останат без притисок од политика, а оние кои не ја работат треба да бидат сменети без оглед што се можеби политички моќни – објаснува Арсовски.

МИЛЕВСКИ ЈА НАПУШТА МИНИСТЕРСКАТА ФОТЕЛЈА Ќе си замине ли од ЛДП?

The post ПО МИЛЕВСКИ, ЏАДЕ ЌЕ ФАТАТ И САЛИ, АЛИТИ И БОЧВАРСКИ? Ковачевски крои мини реконструкција во Владата appeared first on plusinfo.mk.

-Доведена е во прашање ликвидноста на јавните претпријатија, меѓутоа ние како министерство можеме само да го пренесиме нивното барање. Ние  како министерство  немаме финансии за тоа, ви кажав нашите средства се 1,5 милиони евра, што им ги доделуваме на општините – вели Милевски.

Тој рече дека Владата треба да донесе одлука за помош на општините и јавните претпријатија, а Министерството за финансии ако има средства или да се изнајдат, како и  да се понудат некои поволности за  општините и јавните претпријатија, со цел полесно да ја пребродат енергетската криза.

-Сепак основната клетка на комуникација на државата со граѓаните се општините и локалната самоуправа. Се разбира и јас поддржувам дека треба да изнајдеме механизам, заеднички, не само Владата, државата и локалните претпријатија, општините да излеземе во пресрет на барањата на граѓаните, бидејќи навистина оваа криза ќе ги удри сите, најмногу нас како граѓани. Ние живееме во градовите и имаме проблеми со осветлувањето – вели Милевски.

Тој додеаде дека  досега имал неколку состаноци со ЗЕЛС и смета дека најитно треба да се најде заеднички јазик меѓу двете страни и да се решат проблемите.

Милевски истакна дека Владата секојдневно работи на нови мерки за да се ублажи ударот од енергетската криза.

The post РЕШЕНИЕТО Е КАЈ ЗЕЛС И ВЛАДАТА Милевски очекува комуналците да добијат помош appeared first on plusinfo.mk.