Фудбалерот на Манчестер сити, Ерлинг Халанд, го престигна поранешниот напаѓач на Манчестер јунајтед, Кристијано Роналдо, на листата на голови во Премиер лигата.

Норвежанецот постигна два гола во денешната победа од 3:0 над Вест Хем во 17. коло од Премиер лигата. Халанд сега има 104 гола во Премиер лигата, еден повеќе од Роналдо. Норвежанецот ја достигна оваа бројка во 114 лигашки настапи, додека на Португалецот му беа потребни 236 натпревари.

Кристијано Роналдо играше за Манчестер јунајтед од август 2003 до јули 2009 година и од август 2021 до ноември 2022 година.

The post СОБОРЕН РЕКОРДОТ НА РОНАЛДО Халанд испиша нова страница во англискиот фудбал appeared first on plusinfo.mk.

Англискиот напаѓач Хари Кејн изјави дека „ужива во секој момент на теренот“ во дресот на Баерн Минхен, откако синоќа беше двоен стрелец во триумфот над Вердер Бремен од 4-0 во воведниот натпревар од петтото коло во Бундеслигата, што беше негов 100 гол откако му се приклучи на актуелниот германски првак.

Кејн дојде до бројката од 100 голови на својот 104 натпревар за Баерн и стана играчот кој најбрзо постигнал 100 голови за еден клуб во петте најсилни европски лиги.

– Одигравме уште еден многу добар натпревар. Почнавме добро и можевме да постигнеме два гола веќе на почетокот. Но, потоа доминиравме, што е добро – рече Кејн, кој првиот гол го постигна од пенал во 45 минута, а вториот во 65 минута.

Кејн, кој му се приклучи на Баерн во 2023 година од редовите на лондонски Тотенхем, ги отфрли шпекулациите дека размислува за враќање во англиското првенство.

– Не, не во моментов. Среќен сум тука и имам уште две години од мојот договор. Уживам во секој момент на теренот, ми се допаѓа тимот и тренерот и се надевам дека ќе продолжам да постигнувам голови – додаде Кејн.

Баерн е лидер во германското првенство со пет победи по воведните пет кола.

The post „УЖИВАМ ВО СЕКОЈ МОМЕНТ НА ТЕРЕНОТ“ Кејн дојде до бројката од 100 голови во дресот на Баерн appeared first on plusinfo.mk.

Португалецот Кристијано Роналдо го постигна својот 940. гол во кариерата во победата на Ал Наср над Ал Тавон со 5-0 на гостински терен во првото коло од првенството на Саудиска Арабија.

Новото засилување Жоао Феликс постигна хет-трик, а уште едно ново засилување, Кингсли Коман, го запиша својот дебитантски гол во дресот на Ал Наср.

Кристијано Роналдо постигна гол од пенал во 54 минута, приближувајќи седо бројката од 1.000 голови.

„Првиот чекор е направен“, напиша Роналдо на социјалните мрежи по победничкиот старт на Ал Наср во новата сезона од саудиското првенство.

The post СИТНО БРОИ ДО 1.000 ГОЛОВИ Роналдо го постигна 940. гол во кариерата appeared first on plusinfo.mk.

Лудото дерби меѓу Барселона и Интер на „Монжуик“ заврши со реми од 3-3 во една ретка ревија од евроголови постигнати од двете страни. По шоуто од првото полувреме кое заврши со ремизирање од 2-2 вториот дел започна навидум помирно сè до 64. минута кога Дамфрис погоди со глава и го зголеми резулатот на 2-3.

Радоста на „нероазурите“ им ја расипа следниот напад Рафиња испрати „бомба“ по која топката од пречката удри во грбот на Зомер и заврши во мрежата за 3-3.

Но, натпреварот можеше да заврши и со победник, доколку на едната страна Михтарјан не се најдеше еден сантиметар во офсајд, додека на спротивната Јамал беше за малку попрецизен по мајсторскиот удар во 86. минута која заврши во пречката. Вака во Милано ќе се замине без предност на ниту една екипа (3-3).

Еден од најизненадувачките моменти на полуфиналниот меч беше тоа што во првите 30 секунди Турам постигна гол со пета, откако топката му ја додаде Дамфрис со прецизен центаршут кон домаќинот.

Потоа следеше голот на Дамфрис со „ножички“ за 0-2 за Интер, голот на Ламин Јамај само три минути подоцна со кој Барселона се врати на мапата, за со голот на Феран Торес, кој го замени Роберт Левандовски, да се израмни на 2-2.

Ремито од 2-2, стана реми 3-3 до крајот на мечот.

По епскиот меч, реваншот ќе се игра на стадионот „Меаца“ во Милано. Победникот ќе игра во финалето на Лигата на шампионите заедно со Париз Сен Жермен или Арсенал кои ќе се реваншираат во Париз веќе следната недела откако ПСЖ го победи Арсенал со 1-0 во Лондон.

Финалето на ЛШ треба да се одигра во сабота, 31 мај 2025 година, на Алијанц Арена (Allianz Arena) во Минхен, Германија, која е домашен стадион на Баерн Минхен.

The post 📽️ РЕВИЈА НА ЕВРОГОЛОВИ И ПАК РЕМИ! Шоуто Интер-Барселона заврши со 3-3, реваншот ќе се игра на „Меаца“ appeared first on plusinfo.mk.

Барселона и Интер во Каталонија приредија полувреме што ќе се памети, со резултат 2:2 по првите 45 минути и сè уште нерешена приказна. Во само 45 минути — четири гола, бурни емоции и вистински фудбалски спектакл на „Камп Ноу“!

Интер започна со молскавичен налет и уште во првата минута го шокираше домаќинот — Маркус Турам, по само 29 секунди игра, ја затресе мрежата и донесе водство од 0:1 за гостите. Барселонците едвај се созедоа, а веќе во 21. минута Дамфрис со виртуозен потег зголеми на 0:2. Два удари, две рани за Каталонците.

GOAL | Barcelona 1-2 Inter | Lamine Yamal

WHAT A FANTASTIC GOAL FROM LAMINE YAMAL !!!!!!!!!!!!!!!!!!!!!!!!!!!!!!!!!!! WOW !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!pic.twitter.com/sXPvogTT2q

— Tekkers Foot (@tekkersfoot) April 30, 2025

Но духот на Барса, како и безброј пати досега, не беше скршен. Три минути подоцна, младиот бисер Јамал со маестрален удар намали на 1:2 и го распламти „Камп Ноу“. Притисокот продолжи, а во 39. минута Торес, на одлична асистенција од Рафиња, израмни на 2:2 — полувреме како од фудбалски роман.

Се чека второто полувреме. Дали тоа ќе донесе крај на драмата или ново вжештување на сцената?

The post 📽️ ПОЛУВРЕМЕ ШТО ЌЕ СЕ ПАМЕТИ ВО КАТАЛОНИЈА 4 гола за 45 минути, реми на мечот Барселона-Интер appeared first on plusinfo.mk.

Џуд Белингем, една од фудбалските ѕвезди на Реал Мадрид, неодамна на јавноста ѝ ја претстави својата нова девојка Ешлин Кастро. Многу навивачи го исмеваат Англичанецот дека неговата девојка е „луксузна ескорт дама“.

Токму за време на натпреварот против Жирона, англиските и шпанските медиуми беа изненадени кога на трибината на стадионот ја видоа убавата Ешлин Кастро во придружба на Џуд и неговата мајка како заедно го следат натпреварот. И тоа беше доволно новинарите да се фокусираат на ликот и делото на девојката на Белингем.

И веднаш открија дека Ешлин Кастро (27) е шест години постара од Џуд Белингам (21), и дека има многу интересна биографија. Она што особено ја интригира јавноста е дека е откриена големата тајна на американската убавица. Нејзиниот профил е пронајден на веб-страница која нуди услуги за придружба. Излегува дека девојката на Џуд се забавувала со бројни НБА играчи, особено со ЛаМело Бол, како и со актерите Мајкл Б. Џордан и Џејми Фокс.

Освен тоа, некои медиуми шпекулираат и за возраста на Ешлин Кастро. Тие пишуваат дека таа би можела да има 32 години, што ја прави 11 години постара од играчот од средниот ред на Реал Мадрид. Сепак, гласините за возраста беа отфрлени од Ешлин кога објави белешка на нејзината приказна на Инстаграм, пишувајќи:

– Луѓе кои лажат за моите години, имам 27. Тие измислуваат приказни за мене, ме поврзуваат со толку многу луѓе со кои не ги познавам или никогаш не сум имал романтични врски, отишле предалеку.

 

View this post on Instagram

 

A post shared by Ashlyn Castro (@ashlyncastro)

Познатата инфлуенсерка и манекенка Ешлин Кастро сѐ уште не ги коментирала пишувањата на англиските и шпанските медиуми. Таа има повеќе од 425.000 следбеници на Инстаграм, а интересно е што нејзините фотографии не ги објавува толку често на социјалните мрежи. Треба да се напомене дека убавата Ешлин речиси го удвои бројот на своите следбеници, бидејќи пред да потврди дека е во врска со Џуд Белингем, на Инстаграм имала 225.000 следбеници.

Сè уште не е познато кога и како се запознале Џуд Белингем и Ешлин Кастро. Медиумите ги поврзуваа уште во ноември минатата година, кога таа беше забележана на трибините на стадионот Сантијаго Бернабеу. После тоа, Ешлин беше забележана на трибините со семејството на Белингем, за време на натпреварот од Лигата на шампионите против Салцбург (5:1). Следниот ден, Кастро и Белингем беа фотографирани како се среќаваат во Мадрид.

 

View this post on Instagram

 

A post shared by Ashlyn Castro (@ashlyncastro)

Ешлин Кастро е родена во Америка, во Лос Анџелес. Таа е многу влијателна на социјалните мрежи и ја изгради својата кариера благодарение на нејзината популарност. Таа често објавува фотографии и ја рекламира гардеробата на познатите модни производители, сака луксузни патувања и хедонистички начин на живот.

Според англиските и шпанските медиуми, богатството на Џуд Белингам се проценува на импресивни 50 милиони долари, додека финансиската состојба на Ешли е далеку поскромна. Извештаите покажуваат дека Американката има само 100.000 долари на нејзината банкарска сметка, а за тоа наводно дознала во јануари 2025 година.

Сепак, и покрај нееднаквоста, кариерата на Ешлин како модел и инфлуенсер постојано расте. Брендовите се желни да соработуваат со неа и се чини дека е само прашање на време кога нејзиниот финансиски успех ќе ја одрази нејзината растечка популарност. Без разлика, се чини дека на Џуда и Ешлин не им е грижа што велат медиумите.

„Девојката на Белингам имала повеќе дечковци отколку тој што има голови и асистенции во цела кариера“, беше еден од коментарите на социјалните мрежи.

For data and stats lovers:

Bellingham’s girlfriend has had more boyfriends than he has had goals and assists in his entire career. pic.twitter.com/JbdEkcXgPU

— F N T (@FNT_TIPS) February 25, 2025

Корисник на социјалната мрежа Х објави слика од веб-страницата „DynastySeries.com“, тврдејќи дека се работи за луксузна услуга за придружба и дека го има профилот на Ешлин Кастро. Сепак, фотографот Брајан Паркер, кој претходно соработувал со неа, набрзо ја разјасни ситуацијата.

– Оваа страница користи фотографии од мојот Инстаграм профил од професионални снимања. Ешлин никогаш не била поврзана со веб-страници за возрасни, како што тврдат некои. Сите овие „ексклузивни фотографии“ се јавно достапни на Инстаграм – напиша Паркер.

Brutale Vorwürfe gegen Bellinghams neue Freundin!

Jude Bellingham hat erst kürzlich seine Beziehung zu Ashlyn Castro öffentlich gemacht. Am Samstag waren Beide zum ersten Mal gemeinsam im Santiago Bernabeu Stadion. Doch in den sozialen Medien tauchen plötzlich Bilder auf, die… pic.twitter.com/2p6XM05DdS

— Fussballfc (@Fussball_fc) February 25, 2025

The post 📷 НОВАТА ДЕВОЈКА НА ЏУД БЕЛИНГЕМ КРИЕ ГОЛЕМА ТАЈНА? Велат дека оваа убавица е „девојка за една ноќ“ appeared first on plusinfo.mk.

Тој смета дека целта може да ја достигне на околу 41 година.

– Сакам да стигнам до границата од 1.000 голови. Ако немам никакви повреди, тоа ми е најважно, тоа го сакам. За мене најдобрата оценка што можам да ја постигнам во фудбалот е првично да стигнам до 900 гола. После тоа целта ми е да стигнам до бројката од 1000 голови. Сите голови што ги постигнав се документирани на видео. Видете, ги почитувам сите претходни врвни стрелци како Пеле и Ди Стефано. И ако сакам повеќе голови, можам уште во овој момент броејќи ги тие на тренинзите. И ќе им докажам на луѓето подоцна. Тие претпочитаат овој или оној играч, да го нарекуваат најдобар. Не ми е грижа – рече Роналдо во новото видео на неговиот канал на Јутјуб.

Триесет и деветгодишниот Португалец во моментов има 899 постигнати голови во неговата сениорска кариера за клуб и за репрезентација.

The post САКА ДА ПОСТИГНЕ 1.000 ГОЛОВИ Роналдо досега дал 899 гола appeared first on plusinfo.mk.

Репрезентацијата на Турција извојува многу важен триумф и ја совлада Австрија со 1-2 во осминафиналниот натпревар на Европското првенство. Избраниците на Винченцо Монтела стигнаа до огромен успех и вторпат во историјата се најдоа меѓу осумте најдобри во Европа.

Мечот започна со одличен ритам од Турците, кои веднаш ја шокираа Австрија и поведоа по само 58 секунди. Арда Ѓулер изведе корнер, топката долета во петерецот, каде одбраната реагираше несмасно, по што Мерих Демирал без проблем ја затресе мрежата од само 2-3 метри и донесе огромна радост за навивачите.

Австријците се обидоа веднаш да возвратат, но шансата на Сабицер не беше искористена соодветно. Турција играше дисциплинирано, делуваше дека е за нијанса подобра, додека ривалот имаше проблем со пренесување на топката и не можеше лесно да дојде до голот на Мерт Ѓунок. Двете селекции имаа уште по една солидна шанса во првите 45 минути, но Турција успеа да ја задржи минималната предност на паузата (0-1).

Австрија се обиде со силно темпо да го започне второто полувреме и веднаш имаше добра шанса за израмнување, но одбраната на Турција беше на потребното ниво. Веднаш потоа силно биеше и Марко Арнатуовиќ, кој првпат се обиде во рамките на голот, а Ѓунок не дозволи да се затресе неговата мрежа.

Продолжија Австријците со офанзивата, но во тие моменти Турците добија нов корнер, по кој Ѓулер нафрли уште една одлична топка, а Демирал по вторпат ја затресе мрежата и донесе двојна предност во 59. минута (0-2). Австрија не се предаде и тргна во напад, а тоа резултираше со помалку среќен погодок во 66. минута. Михаел Грегорич ја „закачи“ топката и намали на 1-2, носејќи возбуда и драма за остатокот од мечот.

Играта се разгоре, публиката беше сведок на притисок од Австрија на стартот од последните десет минути, но Турците во овие моменти успешно се бранеа. Беше јасно дека играчите на Ралф Рангник ќе тргнат со сите сили во напад, селекторот го освежи тимот со неколку добри замени, но до крајот на мечот Австрија не успеа да дојде до израмнувачки подогок и Турција го заокружи големиот триумф со конечни 1-2. Пред самиот крај голманот Мерт беше херој, затоа што спаси од самата гол-линија израмнување.

Славјето на Турците и Винченцо Монтела е повеќе од заслужено, затоа што оваа селекција вторпат во историјата избори пласман во четвртфиналето на Европското првенство, каде за противник ќе ја има силната Холандија.

The post ДВА ГОЛА НА ДЕМИРЕЛ ЗА ГОЛЕМО СЛАВЈЕ! Спектакл во Лајпциг, Турција ја елиминираше Австрија за пласман во четвртфиналето appeared first on plusinfo.mk.

Белгија го освои првото место во групата Ф откако го победи Азербејџан со 5-0 на домашен терен. Ромелу Лукаку беше незадржлив и постигна четири гола во првото полувреме, а потоа беше заменет. Последниот гол за белгијците беше дело на Леандро Тросар.

Со тоа белгискиот напаѓач дојде до својот 83. гол во репрезентацијата на Белгија. Има само еден помалку од легендарниот Ференц Пушкаш. Ако го помине Пушкаш, потоа само Роналдо ќе остане пред него како европски фудбалер со најмногу голови за една репрезентација.

Белгискиот интернационалец од редовите на италијанскиот калчолигаш Рома деновиве испрати јасна порака до раководните лица дека сака и во следната сезона да престојува на „Олимпико“. Искусниот напаѓач Лукаку е во сопственост на лондонскиот премиерлигаш Челзи, а актуелната сезона ја одработува како позајмен играч во дресот на римската „волчица“. Калчолигашот има право да го откупи неговиот договор но со понуда не помала од 40 милиони евра.

The post ЛУКАКУ ДАДЕ ЧЕТИРИ ГОЛА ЗА САМО 20 МИНУТИ Играше за Белгија на мечот со Азербеjџан appeared first on plusinfo.mk.

Гостите поведоа со гол од пенал на Халанд во 25 минута, но за кратко се порaмнија работите, Силва изедначи на 1-1 во 29 минута, а Стерлинг реализираше за 2-1 во 37 минута.

Во финишот на првиот дел Аканџи донесе нов егал и погоди за 2-2, а веќе на стартот од вториот дел дојде до нов пресврт, Халанд со својот втор гол го врати повторно Манчестер Сити во предност.

Џексон искористи една лоша интевенција на Едерсон и донесе 3-3 во 67 минута, за мечот да влезе во луда завршница.

Тиаго Силва во обид да блокира еден шут на Родри си ја затресе сопствената мрежа, и кога се чинеше дека Манчестер Сити ќе слави победа, домаќините добија пенал длабоко во судиското надополнување а Палмер остана смирен и му откина два бода на својот поранешен клуб.

The post ЛУД МЕЧ НА „СТЕМФОРД БРИЏ“ Играчите на Челзи и Сити постигнаа дури 8 гола за реми во дербито на колото appeared first on plusinfo.mk.