Ѕвездата од „Големиот брат“, Бен Данкан, кој студирал на универзитет со принцот Вилијам, трагично почина на 45-годишна возраст откако паднал од 30 метри од покривот на хотел во Лондон.

Данкан се појави како натпреварувач во 11-тата сезона од популарното ријалити ТВ шоу.

Падот од барот што се наоѓа на покривот на хотелот во Вест Енд, во Лондон, бил фатален за Бен Данкан, пишува британски „Сан“.

Данкан се спријателил со принцот Вилијам додека студирале на Универзитетот Сент Ендрус, на кој во тоа време студирала и Кејт Мидлтон.

Принцот и принцезата од Велс ја почнале врската додека студирале, а Данкан се дружел со нив токму во тој период. Тој бил член на нивниот тесен круг пријатели. Присуствувал на венчавката на кралската двојка во Лондон во 2011 година.

Данкан се натпреварувал во „Големиот брат“, но и во други ријалити емисии. Пред да влезе во куќата на „Големиот брат“, се пошегувал дека не им кажал на семејството и пријателите дека се пријавил за шоуто, за да не го осудуваат.

Данкан починал доцна во четвртокот откако паднал од седмиот кат – околу 30 метри висина – од барот на покривот на модерниот хотел „Трафалгар Сент Џејмс“ во Лондон, каде што собите чинат и до 1.000 фунти за ноќ.

Тој бил пронајден мртов кратко откако полицајците од Метрополитен полицијата биле испратени да истражат пријави за „човек на покривот“ на луксузниот хотел со пет ѕвездички.

– Полицијата реагираше на загриженоста поради човекот на покривот на зградата во улицата Кокспур, Вестминстер во 23:02 часот во четврток, 30 октомври – рекол портпаролот за „Дејли мејл“.

И покрај најдобрите напори на Лондонската служба за брза помош, за жал, тој бил прогласен за мртов на самото место.

Неговата смрт е неочекувана, но не и сомнителна.

The post ПО ПАД ОД РУФТОП БАР ПОЧИНА ПРИЈАТЕЛ НА ПРИНЦОТ ВИЛИЈАМ Ѕвездата од „Големиот брат“ трагично го заврши животот на 45 годишна возраст appeared first on plusinfo.mk.

Учесник во шпанскиот „Големиот брат“ емитуван во 2017 година, е осуден на 15 месеци затвор за силување.

Пред шест години светот беше шокиран од веста дека во реалното шоу „Големиот брат“ во Шпанија е извршено злосторство пред камерите. Учесникот Хозе Марија Лопез, по забавата на која учесниците консумирале алкохол, сексуално ја искористил учесничката Карлота Прадо додека била во несвест.

Силувањето се случило пред 6 години, но Прадо го пријавила случајот во полиција една година подоцна. Во тоа време испливале информации дека продукцијата и ја покажала снимката од силувањето на ријалити учесничката, и тоа во просторијата каде што се исповедале, но и било советувано да молчи за инцидентот.

Сега, по бројни одложувања, судењето конечно се одржа, а Хозе Марија Лопез е осуден на 15 месеци затвор. Иако парот беше во врска за време на реалното шоу, на судот беше прикажана снимка од Карлота, која била пијана, велејќи дека „не сакала да има секс“, но тој продолжил да има секс.

Продукцијата тврди дека реагирала дури кога го видела неподвижното лице и раце на жртвата, по што сфатиле дека била во бесвесна состојба.

Хозе Марија е осуден на 15 месеци затвор, но шпанските медиуми пренесуваат дека во некои случаи, осудениците кои добиваат казна затвор помала од 2 години, понекогаш казната не ја отслужуваат ни во затворска единица, туку во домашен притвор. На него му е забранет контакт со жртвата 4 години и ќе треба да и плати 6.000 евра.

На продукцијата на реалното шоу и беше наложено да плати казна за „недоволна поддршка на жртвите“, но сумата не беше објавена.

The post ЈА СИЛУВАЛ ВО РЕАЛНО ШОУ ДОДЕКА БИЛА БЕЗ СВЕСТ Учесникот на „Големиот брат“ оди во затвор appeared first on plusinfo.mk.

Нејзиниот сопруг го пријавил исчезнувањето на Маријана.

Загрепската полиција активно трага по неа, објавена е и нејзина фотографија, како и она што последен пат носела на себе.

– Кратка маица во боја на сенф, црна спортска јакна, црни хеланки со бело-црвена лента и светли патики – стои во соопштението.

„Висока околу 167 см, со вита става, има руса коса и зелени очи и неколку тетоважи (тетоважа со цвет од орхидеја на долниот дел од грбот, глава од еднорог на левата бутина, две племенски тетоважи на левата подлактица и десниот глужд, текстуална тетоважа на десната страна рамото и на зглобот на десната рака знак на бесконечност).

The post ИСЧЕЗНА ПОБЕДНИЧКАТА НА „ГОЛЕМИОТ БРАТ“ Полицијата и сопругот трагаат по Маријана (ФОТО) appeared first on plusinfo.mk.

За краток временски период го помина патот од омилена личност на кралското семејство до најомразената личност во Британија, а за сè е заслужно интервјуто што го даде со принцот Хари на водителката Опра Винфри.

На сѐшто се случува, во прилог не ѝ оди ниту тоа што нејзината мајка е на нејзина страна, додека другите членови од нејзиното семејство, особено машките претставници, за малку пари се подготвени да ги изнесат сите „валкани“ работи за неа.

Иако во изнесувањето непријатни работи во јавноста нејзиниот татко секогаш е прв, сега одлучил да проговори уште еден член од семејството Маркл, нејзиниот полубрат Томас.

Имено, тој влегол во популарното реално телевизиско шоу „Големиот брат ВИП“, а на самиот почеток „го разврзал јазикот“ за својата славна полусестра.

Томас тврдел дека го предупредил Хари уште на самиот почеток дека неговата „плиткоума, разгалена и користољубива полусестра ќе му го уништи животот“.

– Едноставно е плитка. Не ја гледа пошироката слика, важно ѝ е само тоа да има сега, не се грижи за последиците – рекол Томас и додал дека се обидувал да му го објасни тоа на Хари, дека Меган не е вистинската жена за него.

Томас истакнал и дека го боли тоа што знае колку некогаш тој и Меган биле блиски, но дека повеќе не е огорчен. Додал и дека на почетокот бил збунет и лут бидејќи не се нашол на списокот на гостите за кралската венчавка помеѓу Меган и Хари, па поради тоа ја прозва дека „ја заборавила својата крв и потекло“.

Самиот Томас не е „цвеќе за мирисање“, како ниту неговиот татко, а во минатото беше уапсен поради закана со пиштол и за семејно насилство.

– Кога ќе се напие станува сосема луд. Јасно е зошто Меган не сака да има контакт со него – рекол своевремено роднина на полубратот на Меган.

The post ПОЛУБРАТОТ НА МЕГАН МАРКЛ ГО ПРЕДУПРЕДИЛ ХАРИ Мојата користољубива сестра ќе ти го уништи животот appeared first on plusinfo.mk.