Претседателот на Собранието Африм Гаши, по повод големиот муслимански празник Рамазан бајрам, упати честитка до верниците од исламска вероисповед со желби за добро здравје, мир, радост и благосостојба.

„Почитувани граѓани од исламска вероисповед, дозволете ми по повод големиот празник Рамазан Бајрам, од мое лично име и од име на Собраниет, да Ви упатам искрени честитки и најтопли желби за добро здравје, мир, радост и благосостојба“, се вели во честитката од Гаши.

По деновите на пост, молитва, солидарност и духовна посветеност, Рамазан бајрам нè потсетува на трајните вредности на хуманоста, меѓусебната почит, разбирањето и помагањето.

„Овој голем празник носи порака за љубов, милосрдие и заедништво, вредности кои се од особено значење за градењето хармонично, праведно и достоинствено општество. Нека бајрамските денови Ви донесат спокој во домовите, радост во семејствата и надеж во срцата. Во духот на празникот, да продолжиме заеднички да негуваме соживот, толеранција и почитување, како темели на нашата заедничка иднина. Честит Рамазан Бајрам“, порача претседателот на Собранието, Африм Гаши.

The post НАЈТОПЛИ ЖЕЛБИ ЗА ЗДРАВЈЕ, МИР И БЛАГОСОСТОЈБА Честитка од претседателот на Собранието Гаши по повод Рамазан бајрам appeared first on plusinfo.mk.

Претседателот на Владата, Христијан Мицкоски им го честита големиот празник Рамазан бајрам на сите верници од исламска вероисповед.

„Среќен Рамазан бајрам на сите верници од исламска вероисповед! Во овие свети денови, кога се заокружува месецот на пост, трпение и на духовна посветеност, да се потсетиме на вистинските вредности што нè обединуваат како луѓе – почитта, солидарноста, хуманоста и грижата за другиот. Овој празник нè учи дека силата на едно општество се мери преку тоа колку сме подготвени да подадеме рака, да помогнеме и да покажеме разбирање“, се вели во честитката од премиерот Мицкоски, објавена на неговата страница на Фејсбук.

Како народ, се додава, отсекогаш сме знаеле да стоиме еден покрај друг во најважните моменти. Токму затоа, денес повеќе од кога било, е потребно да го негуваме соживотот, да градиме доверба и да вложуваме во заедничка иднина исполнета со мир, стабилност и просперитет за сите граѓани.

„Нека радоста од Бајрам ги исполни вашите домови со топлина, љубов и со благосостојба. Да ги споделиме убавите моменти со семејството, пријателите и со сите оние на кои им е потребна поддршка и внимание. Со искрени желби за здравје, напредок и благодет“, се вели во честитката од премиерот Мицкоски.

The post ДА ВЛОЖУВАМЕ ВО ЗАЕДНИЧКА ИДНИНА ИСПОЛНЕТА СО МИР Мицкоски го честита големиот празник Рамазан бајрам appeared first on plusinfo.mk.

Претседателката Гордана Сиљановска Давкова, по повод големиот муслимански празник – Рамазан бајрам, упати честитка до верниците од исламска вероисповед и до поглаварот на Исламската верска заедница, реис-ул-улема Шаќир еф. Фетаху.

„Почитуван реис-ул-улема Шаќир еф. Фетаху, Вам, лично, на членовите на Ријасетот, на муфтиите и на имамите, како и на сите верници од исламска вероисповед во Македонија, Ви упатувам најсрдечни честитки по повод големиот муслимански празник – Рамазан бајрам. Големиот празник е повеќе од традиционална прослава и од придржување до норми и правила. Рамазан бајрам е израз на длабока вера, духовност, милосрдие, хармонија и љубов“, пишува претседателката во честитката.

Енергијата и топлината на светиот месец, додава таа, не се присутни само во исламските верски објекти и во домовите на нашите сограѓани од исламска вероисповед, тие се чувствуваат во целата заедница.

„Во време кога целото човештво се соочува со сериозни конфликти, војни, кризи, климатски промени и кога насушно ни се потребни мир и стабилност, само со сплотеност, почитување и меѓусебно уважување можеме да градиме здраво општество и просперитетна татковина. Да продолжиме да ја негуваме пријатната атмосфера во текот на целата година и да бидеме исполнети со благост, солидарност и емпатија. Со цврста волја, силна верба и заедништво, ќе ги надминеме сите предизвици и тешкотии. Бајрам Шериф Мубарек Олсун. Благословен и честит нека е празникот Рамазан бајрам“, напиша претседателката Сиљановска Давкова.

The post РАМАЗАН БАЈРАМ Е ИЗРАЗ НА ДЛАБОКА ВЕРА, ДУХОВНОСТ, МИЛОСРДИЕ И НА ЉУБОВ Честитка од претседателката Сиљановска-Давкова за големиот муслимански празник appeared first on plusinfo.mk.