На Милојевиќ му се слошило ноќта меѓу вторникот и средата во ресторан во Солт Лејк Сити, каде што бил со својот клуб Голден Стејт Вориорс. Поради тоа натпреварот меѓу Јута и Голден Стејт е одложен.

Познатиот српски стручњак бил пренесен во болница, каде му била извршена операција. За жал, лекарите не можеа да го спречат најлошото.

Милојевиќ е роден во 1977 година во Белград. Играше за Беовук, ФМП, Будуќност, Партизан, Валенсија, Галатасарај, а кариерата ја заврши во Партизан каде се врати во 2009 година.

Тренерската кариера ја започна во 2012 година во Мега, каде остана до 2020 година. Потоа помина една година во Будуќност од Подгорица, за во 2021 година да замине во Америка, поточно во Голден Стејт Вориорс каде му беше помошник на првиот тренер. Со овој тим тој стана шампион во НБА во 2022 година.

The post ПОЧИНА СЛАВНИОТ СРПСКИ КОШАРКАР И ТРЕНЕР ДЕЈАН МИЛОЈЕВИЌ Не го преживеа срцевиот удар appeared first on plusinfo.mk.