Денеска се навршуваат 40 години од трагичната смрт на македонскиот архиепископ г.г. Ангелариј, кој загина во сообраќајна несреќа на 15 јуни 1986 година во Дреновската клисура, на патот Прилеп – Скопје, пишува Фејсбук страницата Жива е Македонија.

По неполни пет години како поглавар на Македонската православна црква, архиепископот Ангелариј го загуби животот кога службениот „мерцедес“ во кој се наоѓал, под сè уште неразјаснети околности, се судрил со цистерна со српски регистарски таблички. Во несреќата загинал и неговиот возач.

Според внуката на архиепископот, која тој ден патувала со него, неговата смрт не била несреќен случај. Таа верува дека судирот бил намерно предизвикан, поради неговата беседа на гробот на Гоце Делчев каде говорел и се залагал за обединување на Македонија. Според неа, сомнежите ги засилува и фактот што осудените возачи на цистерните отслужиле само мал дел од затворските казни.

– Го држев дедо ми во раце кога ја испушти душата. Загина и неговиот возач. До денес живеам со последиците од таа трагедија – изјави Татјана Попоска.

Архиепископот Ангелариј e роден како Цветко Крстески, на 25-ти март 1911 година во село Долнени, Прилепско во свештеничко семејство. Во младоста бил учесник во НОБ и еден од првите организатори и раководители на МПЦ по ослободувањето од фашистичкиот окупатор. Бил голем борец за македонската кауза.

Во дворот на црквата Свети Димитрија во Скопје, Архиепископот Стефан и владиците Иларион и Јосиф отслужија помен за трагично загинатиот архиепископ на МПЦ-ОА.

На поменот за 40-годишнината од упокојувањето на Ангелариј, втор поглавар на возобновената Македонска православна црква, присуствуваа и претседателката Гордана Силјановска Давкова, претставници на владата и пратеници.

„Архиепископот Ангелариј остави длабока трага во историјата на Македонската православна црква како еден од нејзините најзначајни духовни водачи и градители по возобновувањето. Со својата посветеност придонесе за развојот на духовниот живот и за одржување и јакнење на врските со македонската дијаспора. Неговото наследство останува симбол на истрајност, мудрост и служба во интерес на црквата и македонскиот народ“, напиша Силјановска-Давкова на својот профил на Фејсбук.

„Вечнаја памјат, владико наш!“ – напиша во објавата за годишнината од смртта на архиепископот Ангелариј, веб страницата Жива е Македонија.

По повод годишнината, беше споделена и реставрирана фотографија од прославата на Илинден во манастирот Трескавец, направена на 2 август 1982 година. На неа се прикажани митрополитот Преспанско-пелагониски Петар, архиепископот Ангелариј и дедо Михаил, а во позадина може да се забележи и Свети Гаврил Велички – Светогорец.

Фотографијата претставува значајно сведоштво за духовниот живот на Македонската православна црква и за личностите кои оставиле длабока трага во македонската историја и духовност.

The post ДАЛИ АРХИЕПИСКОПОТ АНГЕЛАРИЈ ПЛАТИ СО ЖИВОТ ЗА СВОЈОТ ПАТРИОТИЗАМ? Одбележани 40 години од мистериозната смрт на вториот поглавар на МПЦ appeared first on plusinfo.mk.

Како и во изминатите години, дванаесет учесници го трчаат 15-тиот ултра маратон во чест на Тоше Проески. Маратонот почна завчера од Нова Градишка, пред неговото спомен обележје, а денеска, на годишнината од неговото загинување, ќе пристигнат во Крушево. Се очекува маратонците да пристигнат околу пладне во Крушево.

Маратоците ќе бидат печекани во Крушево, веќе традиционално, со црвени рози, и на Гумење, на вечното почивалиште на Тоше, ќе му оддадат почит на големиот музичар и хуманитарец, познатата македонска и балканска музичка ѕвезда која ги привлекува во Крушево фановите и почитувачите на неговото дело и 15 години од неговото загинување.

Годинава, на 5 октомври, под наслов „Од срце за Тоше“, 12 музичари, заедно со камерниот оркестар од Битола и бендот на Тоше, на концертот на платото на Гумење пред спомен куќата на Тоше, ги изведоа песните што ги пееше Проески. Пред бројната публика, песните на Тоше ги изведоа Јелена Томашевиќ, Бојан Маровиќ, Каролина Гочева, Дани Димитровска, Бени Шаќири, Ѓоко Танески, Мартинијан Кириловски, Јоце Панов, Омар Џафероски, како и солистите на МОБ Билјана Јосифов и Влатко Груески.

Концертот „Од срце за Тоше“ е поддржан од Министерството за култура и од повеќе стопански субјекти од Крушево. Посетителите ја посетија спомен куќата на Гумење која ги чува спомените на Тоше Проески.

Од отворањето во 2011 година, Спомен-куќата на Тоше, имала повеќе од 650.000 посетители од кои, според раководството, една третина се од странство, пред сè од балканските земји.

Животот на Тоше заврши во годината кога одбележуваше десет години успешна кариера и кога таа почна да станува меѓународна. Но албумот на англиски јазик што го подготовуваше беше постхумно промовиран (The Hardest Thing).

Тодор Проески – Тоше е роден на 25 јануари 1981 и својот музички талент го покажал уште како петтоодделенец на фестивалот „Златно славејче“ (1992) каде испеал песна на влашки јазик. Музичката кариера ја почна со победата на „Мелфест“ во Прилеп, во 1997 година, и оттогаш настапуваше на сите значајни фестивали во земјава и регионот, а во 2004 ја претставуваше Република Македонија на Евровизија во Истанбул. Таа година стана и амбасадор на УНИЦЕФ.

Објави седум албуми – неколку и во превод на српски/хрватски јазик. Последниот – „Игри без граници“ беше промовиран две недели пред несреќата, а последниот концерт, кој беше хуманитарен и за подобрување на условите во образованието во Македонија, го одржа на Градскиот стадион на 5 октомври 2007.

The post МАКЕДОНИЈА И БАЛКАНОТ НЕ ГО ЗАБОРАВААТ ТОШЕ Петнаесет години од загинувањето на македонската музичка икона appeared first on plusinfo.mk.

На гробот на Делчев цвеќе положи претседателот Стево Пендаровски. Тој на својот Фејсбук профил, меѓу другото, напиша дека македонскиот револуционер и визионер Делчев е „светски хуманист со високи интернационални и космополитиски погледи“.

Порака испрати и премиерот Димитар Ковачевски, во која истакна дека

„македонскиот револуционер Гоце Делчев беше лидер на идејата за независна македонска држава, којашто ја споделуваа прогресивните сили на целиот тогашен Балкан, а неговите идеали и заложби остануваат и денес наша заедничка обврска да продолжиме да ја градиме државата како демократска и економски напредна земја“.

Мицкоски на својот профил на Фејсбук 119-годишнината од убиството на Делчев, кого го нарече „апостолот на македонската национална борба за слобода“, ја одбележи објавувајќи досега необјавен документ, статија во Der Deutsche Correspondent од 29.05.1903 година, под наслов „Македонските масакри“, а по повод убиството на Делчев.

Владината делегација на гробот на Гоце Делчев ја предводеше министерката за труд и социјала Јована Тренчевска.

Делегацијата од ВМРО-ДПМНЕ ја предводеа потпретседателите Владо Мисајловски и Александар Николоски.

The post ОСВЕН ПЕНДАРОВСКИ, ГЛАВНИТЕ НЕ ДОЈДОА НА ГРОБОТ НА ГОЦЕ, АМА СЕ ЈАВИЈА СО ПОРАКИ Делчев консензуално наречен „македонски револуционер“ appeared first on plusinfo.mk.