Илјадници луѓе се собрани вечерва во Нови Сад и ги пречекуваат студентите кои пристигнуваат пеш во тој град од сите страни на Србија, пред утрешната годишнина од падот на настрешницата на железничката станица при што загинаа 16 луѓе.

Во центарот на градот вечерва пристигнуваат колони од студенти, средношколци и граѓани, кои им се придружуваат на илјадниците кои ги пречекуваат.

За утре се очекува масовен собир на граѓани и студенти од целата држава кои ќе им оддатат почит на настраданите.

Во Нови Сад се присутни и десетици странски новинарски екипи кои известуваат за собирот и за студентското движење во Србија, што почна брзо по трагедијата на 1 ноември 2024 година. Антивладините протести и блокади траат веќе една година, се бара кривична и политичка одговорност за несреќата.

— I love Novi Sad (@ilovenovisad) October 31, 2025

Први пристигнаа група студенти од Нови Пазар од југозападот на Србија, кои ја поминаа најдолгата рута, и беа пречекани со огномет, факели, аплауз и навивање на Мостот на слободата.

Колегите од Нови Сад им доделија благодарници „за секој чекор направен во борбата за слобода“. Тие го започнаа маршот од 400 километри пред 16 дена, симболично одејќи по еден ден за секоја жртва од несреќата.

Група од околу4.000 студенти пешачат од Белград од 30 октомври.

Голем број луѓе пешачат и од Чачак, Краљево, Горњи Милановац, Ужице, Суботица, Вршац, Богатиќ, Шабац, Ваљево, Крагуевац и од други градови.

Група студенти од Суботица на северот од Србија на патот кон Нови Сад во Кисач застанаа пред куќата на Теодора Мартинко, која беше тешко повредена при паѓањето на крошна, и ја поздравија со аплауз. Таа е единствената преживеана во несреќата.

Група од Ниш оди кон Нови Сад со велосипед.

Во градовите низ кои поминаа студентите во изминативе денови, граѓаните организираа дочеци за нив, како и ноќевања.

Најголемиот дочек беше во Белград, кога студентите од Нови Пазар беа пречекани од илјадници луѓе во центарот на градот со црвен тепих, факели и огномет.

Novi Sad očekuje @blokada_dunp koji su na praguu Novog Sada

Koliko nas tek sutra ima?

Video: https://t.co/VN99Mp8QTS pic.twitter.com/tIwVI1GgLj

— Shonetin (@kaonikotinn) October 31, 2025

Српскиот претседател Александар Вучиќ апелираше за мирно одбележување на годишнината од несреќата на 31 октомври и повторно повика на дијалог.

Во своето обраќање до јавноста, Вучиќ рече дека „многумина направија грешки во текот на изминатата година, како и тој“.

• ВУЧИЌ СЕ ИЗВИНИ ЗА НЕКОИ РАБОТИ ШТО ГИ КАЖАЛ Повика на мирен 1 ноември и повика на дијалог

– Во некои моменти, самиот кажав некои работи за кои жалам што ги кажав, за студенти, демонстранти и други луѓе. Се извинувам за тоа – рече Вучиќ, без да прецизира на кои изјави мислел.

Тој исто така изјави дека знае дека „некои луѓе сè уште се лути што виновниците сè уште не се идентификувани, а камоли казнети“ за падот на крошната.

– Искрено се надевам дека на тие прашања наскоро ќе биде одговорено –  рече Вучиќ.

Владата на Србија утрешниот ден, 1 ноември, го прогласи за Ден на жалост по повод годишнината од смртта и страдањето на граѓани поради уривањето на бетонската настрешница на железничката станица во Нови Сад.

„Владата на Србија донесе Одлука за прогласување Ден на жалост по повод годишнината од смртта и страдањето на граѓани поради уривањето на бетонската настрешница на железничката станица во Нови Сад.

A tek da nas nije pobedio svuda u svetu…
Koliko bi nas tek tada bilo.
Korak bliže, Novi Sad pic.twitter.com/O7mz1vMC8D

— Lazar Stojakovic (@StojakovicL_) October 31, 2025

The post 🎥 ИЛЈАДНИЦИ НА УЛИЦИТЕ НА НОВИ САД ГИ ДОЧЕКУВААТ СТУДЕНТИТЕ КОИ ПРИСТИГААТ ПЕШ Огномет и овации пред големиот собир на годишнината од трагедијата appeared first on plusinfo.mk.

Претседателот на Србија, Александар Вучиќ, денеска во обраќање до јавноста нагласи дека му е жал за работите што им ги кажал на демонстрантите и на студентите и уште еднаш ги повика граѓаните на дијалог по 1 ноември.

Тој потсети дека пред една година Србија доживеа ужасна трагедија и ги наведе имињата на 16-те жртви од падот на бетонската настрешница на железничката станица во Нови Сад.

– Секој од нив, еден живот, секој од нив член на семејство, заедница, нашето општество и нашата земја, која оттогаш е потресена – рече тој.

Тој најави дека на 1 ноември ќе оди во црква и ќе му се помоли на Бога и ќе запали свеќа за нив.

– Знам и разбирам дека во моменти на тага, некои луѓе бараат утеха на собирите. Секој го одбележува тоа и тагува на начин што мисли дека е најдобар, сè додека тоа се прави на мирен и на легален начин, јас целосно го поддржувам тоа – рече Вучиќ.

Како што рече, знае дека многумина се лути што виновниците за тој настан не се утврдени и нагласи дека тоа е разочарувачки и за него.

– Можам да го разберам гневот, особено на семејствата на жртвите и на оние кои беа директно погодени од трагедијата – нагласи тој, додавајќи дека за него е важно и како да се спречи повторување на такви работи.

Тој истакна дека многу луѓе покажале скандалозен гнев, клеветеле, кршеле правила, користеле насилство врз другите и туѓ имот и се обиделе да ја уништат нишката на „нашето општество и вредностите што нè поврзуваат“.

– Во некои моменти, самиот кажав некои работи за кои жалам што ги кажав. И на студентите и на демонстрантите и другите луѓе со кои не се согласував. Се извинувам за тоа – рече српскиот претседател.

Тој изјави дека ќе се осврне на грешките што ги направил и на работите што ги кажал.

– Целата оваа омраза што врие во нашето општество не носи ништо добро, само води кон поголемо уништување – рече Вучиќ.

Како што нагласи, би сакал 1 ноември да помине мирно, „со повеќе тишина отколку бучава“.

Вучиќ рече дека е потребно да се открие вистината „која е поткрепена со докази“.

Тој рече дека утрешниот ден не треба да биде ден што секој ќе го користи за своја политичка корист и повика на дијалог во општеството.

Како што најави, Србија ќе се соочи со огромни предизвици во наредните недели и месеци, кои немаат никаква врска со протестите.

– Работите што ги земавме здраво за готово се уриваат, структурите што функционираа исчезнуваат, се случуваат тектонски промени – рече тој и нагласи дека Србија ќе преживее и покрај сè, но дека нејзиниот напредок зависи од сите граѓани.

Утре во Нови Сад, на годишнината од падот на настрешницата, ќе се одржи масовен студентски и граѓански собир. Студенти од цела Србија со денови одат пеш кон градот каде пред една година се случи трагедијата, која покрена масовни студентски протести.

The post ВУЧИЌ СЕ ИЗВИНИ ЗА НЕКОИ РАБОТИ ШТО ГИ КАЖАЛ Повика на мирен 1 ноември и повика на дијалог appeared first on plusinfo.mk.