Земјите од Северна и Западна Европа имаат највисоки просечни нето- плати, додека земјите од Источна и Јужна Европа се на дното.

Швајцарија е на врвот со просечна годишна нето-плата од 85.582 евра или просечна месечна нето- плата од 7.131 евро. Следат Исланд и Луксембург со просечни годишни нето плати од 53.885 евра, односно 49.035 евра. Годишни нето плати над 45.000 евра имаат и Норвешка и Холандија.

Европскиот просек е 28.217 евра. Земјите како Франција (31.481 евра) и Шведска (33.926 евра) малку го надминуваат просекот на ЕУ, додека други, вклучувајќи ги Италија (24.207 евра) и Шпанија (23.568 евра), се под него.

Источноевропските земји како Романија (11.105 евра) и Унгарија (12.456 евра) се исто така на дното на рангирањето.

На дното се Турција и Бугарија со просечни годишни нето плати, од 8.968 евра и 9.355 евра.

Кај нас просечната нето-плата за април за кога се и последните објавени статистички податоци  изнесува 41 085 денари (668евра) просечната годишна нето плата изнесува 8.016 евра.

The post ГОЛЕМА РАЗЛИКА НА ПРОСЕКОТ НА ГОДИШНИТЕ НЕТО-ПЛАТИ ВО ЕВРОПА Eве каде се највисоки, а каде најниски appeared first on plusinfo.mk.

Наградата „Крсте Петков Мисирков“ за животно дело е доделена на новинарот Александар Чомовски долгогодишен, реномиран новинар кој моментално е дел од Утрински Брифинг. Тој со својата професионална работа во изминатите пет децении се вбројува како дел од врвните новинарски и уреднички имиња во македонските медиуми, со промоција на демократските вредности и негување и почит на новинарските стандарди, го одбележа медиумскиот простор на свој оригинален творечки начин.

Наградата „Јашар Еребара“ за годишно истражувачко новинарство ја поделија новинарите Христина Ѓорѓиевска за сторијата „Заробените бели дробови на градот“ објавена на дигиталната платформа „Види Вака“ и Јасмина Јакимова, Бојан Шашевски, Емилија Петреска како и Даниел Евросимоски за сторијата во две продолженија „По трагите на Лиса и Филипче, балканските рисови кои обединија три држави” и „Недопирливите убијци на балканскиот рис”, објавена на радио „Радио Моф“.

Истражувачките стории на темите што ги одбрале новинарите се од исклучително значење во нашата земја и нивната цел е да ја разбудат еколошката свест и за здрава животна средина кај надлежните институции како и кај секој граѓанин на нашата држава.

Новинарот од Куманово Решат Ибраими од „News TV“ со својата видео сторија „Жалосна судбина на невестата од Албанија“ и колешката Александра Максимовска од МИА, дописник исто така од Куманово со својата тема „Правно невидливите лица од Куманово“ ја поделија годишната награда за известување на теми од локално и регионално значење за 2020 година.

Наградените стории сеопфатно ги опишуваат и се обидуваат да ги доближат до граѓаните проблемите со кој се соочуваат граѓаните во руралните и помалку развиени места во нашата земја.

На јавниот конкурс оваа година во предвидениот рок, вкупно беа поднесени 20 апликации за награди за сите три категории, а членови на Комисијата за избор на наградите беа новинарите Мира Костиќ како претседател и како членови Сашко Димевски и Аднан Ајдари.

The post Александар Чомовски ја доби наградата „Крсте Петков Мисирков“ за животно дело appeared first on plusinfo.mk.

Според статистиката за морталитет на Државниот завод за статистика, секоја година во просек умираат од 30 до 40 жени од оваа болест или три до четири на 100.000 жени.

– Во изминатите 15 години постои постепен, но и благ пад на смртноста од ова заболување. Во 2008 година починаа 43, а во 2019 година 35 жени – истакна Ќосева.

Согласно програмата за рана детекција и активностите предвидени за рано откривање и спречување на ракот на грлото на матката, предвидено е со бесплатен скрининг да бидат опфатени жени на возраст од 24 до 61 година, во период од три години, во три возрасни групи и тоа: од 24 до 35 години, 36 до 45 и 46 до 61 година.

– Со програмата за бесплатен скрининг на рак на грлото на матката се опфатени 10 проценти од жените од 24 до 61 година. Од 2016 до 2019 година се опфатени околу 30 проценти од жените, што не е доволно – вели професорката Ќосева.

Според доставените извештаи до центрите за јавно здравје, годишно се испраќаат во просек околу 53.000 покани, а процентот на жени кои примаат покана од вкупно поканетите изнесува околу 88 проценти. Од нив, околу 60 проценти се тестираат со ПАП тест или во просек годишно се прават по 24.000 ПАП бесплатни тестирања, при што се откриваат околу 10 проценти епителни клеточни абнормалности во вкупно цитолошки аназлираните брисови или во просек по 2.000 годишно се со позитивен наод.

– Во 2020 година, поради пандемијата со ковид-19, имаме помал број испратени покани и реализирани ПАП тестови. Во првите три квартали околу 12.000 покани за скрининг биле испратени од страна на гинеколозите, направени се околу 9.000 ПАП тестови, а откриени се околу 900 брисови со клеточни абнормалности, што е околу 10 отсто од анализираните брисови, информира Ќосева.

Од вкупниот број патолошки лезии најзастапени биле ЦИН1, со околу 32 проценти, и ХПВ со 30 отсто.

– Охрабруваат податоците што сè помал број на жени се со тешка форма на карцином на грло на матка. Промените се откриваат во рана фаза и се помал број на жени со тешки форми, како што се плочестиот карцином, суспектен за инвазија или инвазивниот плочест карцином – објасни Ќосевска.

Во однос на вакцинацијата против ХПВ, таа информира дека во периодот од 2014 до 2018 година, 50,4 проценти од девојчињата на 12-годишна возраст биле вакцинирани, но во 2019 година тој процент бил зголемен на 57,8 проценти. Професорката Ќосева рече дека очекува трендот на зголемување на вакцинацијата да продолжи во иднина.

Проф. д-р Горан Димитров истакна дека најважна е примарната превенција од рак на грло на матка а се однесува на вакцинацијата.

– Колку е важна примарната превенција, говорат податоците од Австралија. Од кога е почната вакцинацијата, од 2008 или 2009 година, Австралија со 25,5 милиони жители има само околу 700 случаи на инвазивен карцином, што е многу добро, подвлече проф.д-р Димитров.

Според него, ако во минатото ПАП тестот се сметал за триумф во медицината, денес се смета за трагедија.

– Зошто денес е трагедија? И самите цитолози кажуваат дека многу карциноми не се откриени поради грешка на ПАП тестот, поради многу малата сензитивност, дури 35 до 40 проценти. Имајќи го тоа предвид, направена е студија во која учествувале милион жени и увидено дека ПАП тестот дава лажно негативни. Само во САД, во една година една третина од инвзнивите карциноми се должеле на грешка на ПАП тестот – објаснува професорот.

Тој информира дека многу студии покажале дека најдобро е да се применува ХПВ тест, кој дава многу добри резултати.

Министерот за здравство Венко Филипче рече дека здравјето на граѓаните, пристапот кон здравствена услуга, кон терапија е приоритет и оти раното откривање и третирање на ракот на грлото на матката ги обединува примарното, секундарното и терцијарното здравство.

– Во моментов размислуваме за молекуларна опрема за одредени институции за детекција на високоризичните ХПВ вируси, како и воведување нова терапија – рече Филипче.

Тој додаде дека Министерството за здравство обезбедило триесетина нови лекови, кои сега се достапни на онкологијата.

Претседателката на здружението „Борка“, Биба Додева, во чија организација беше и прес-конференцијата, истакна дека секоја година во светот се дијагностицирани половина милион жени со рак на грло на матката, кој е еден од најчестите видови карциноми и во последните години бројот на жени со оваа дијагноза значително се зголемува.

– По ракот на дојката, ракот на грлото на матката е вториот по ред најчест рак кај жените и во критичната група се наоѓаат оние на возраст од 25 до 64 години – рече Додева, која истакна дека е многу важно да се подигне свеста за сериозното заболување рак на грлото на матката.

The post 150 жени годишно заболуваат од рак на грло на матка appeared first on plusinfo.mk.

Вториот по големина производител на автомобили во Јапонија предвидува дека загубата во работењето ќе достигне 470 милијарди јени (4,5 милијарди американски долари), што е значително над проценката на аналитичарите анкетирани од компанијата „Рефинитив“, кои предвидуваа загуба од 262,8 милијарди јени.

Ова е втора година по ред со негативен финансиски резултат за Нисан.

Компанијата соопшти дека предвидува пад на приходите од 20 проценти, на 7,8 трилиони јени.

Глобалната продажба на возила „Нисан“ падна за 48 проценти, на 643.000 единици, во кварталот кој заврши во јуни, при што продажбата во Северна Америка, главниот пазар на јапонската компанија, е преполовена, додека продажбата во Кина падна за 40 проценти.

The post „Нисан“ продолжува да тоне, нова рекордна загуба appeared first on plusinfo.mk.