„Создадовме перцепција кај граѓаните дека ние од нешто се откажуваме, дека ние нешто предаваме, дека ние сме предавници. Се доведовме во ситуација дека сме се откажале од нашите идеали, дека сме се откажале од Гоце, дека сме се откажале од АСНОМ“.

Овие зборови се дел од анализата на Александар Бајдевски за причините на катастрофалниот пораз на СДСМ на изборите на 8 мај. Во поткастот на Плусинфо, Бајдевски, еден од четворицата кандидати за нов лидер, отворено зборува за фактот дека раководството на СДСМ не ги послушало и граѓаните, но и членовите на партијата, дека она што се заговара во врска со францускиот предлог и промената на Уставот нема да помине.

– Ние малку се подзаборавивме и се подзагубивме, а го изгубивме и другарството меѓу себе – искрено вели Бајдевски.

Тој смета дека не ни треба нов СДСМ, ниту дека на СДСМ му треба нов почеток, туку дека на СДСМ му треба едно враќање назад, но во идеолошка смисла. Додава дека СДСМ е државотворна партија и со пиетет говори за придонесот на Киро Глигоров, Бранко Црвенковски, Владо Бучковски, Радмила Шеќеринска и Зоран Заев.

Во интгервјуто со новинарот Бранко Героски, Бајдевски зборува за своето долгогодишно партиско искуство, за тоа како го замислува партискиот живот како иден претседател на СДСМ, како и за некои свои интересни идеи и иницијативи во економската политика.

Ова е второ интревју во кое Плусинфо ги претставува кандидатите за претседател на СДСМ, што ќе биде избран на изборите в недела на 30 јуни. Во поткастот на Плусинфо веќе гостуваше Славјанка Петровска, а утре (петок, 28 јуни) ќе гостува Јован Деспотовски. Венко Филипче ја одби поканата за интервју.

The post 🎥 НЕ НИ ТРЕБА НОВ, ДА ГО ВРАТИМЕ СТАРИОТ, ДРЖАВОТВОРЕН СДСМ Создадовме перцепција кај граѓаните дека ние сме предавници, вели Александар Бајдевски appeared first on plusinfo.mk.

„Нека разберат клетите Татари, македонско име нема да загине“, грмат „Комитите“, порачувајќи „Чиста Македонија“.

По завршувањето на официјалниот дел од честувањето на 151-годишнина од роденденот на македонскиот револуционер, во црквата „Свети Спас“, почест на Гоце Делчев му оддаваат граѓаните.

– За официјалниот дел на чествувањето делегациите мора да бидат пријавени, бидејќи само така можеме да воспоставиме ред и да превентираме било каква активност која ќе значи дејствување спротивно на она што сите го посакуваме. Затоа е направен распоред, имаме воспоставено систем, така што прво ќе бидат официјалните делегации, како што било секогаш досега, а во текот на денот ќе може било кој сака да се поклони. Во текот на официјалниот дел нема да може да има спонтано доаѓање, бидејќи таква е организацијата, поради повисокото ниво на ризик од претходно – појасни синоќа министерот за внатрешни работи Оливер Спасовски за „360 степени“.

За 13 часот е најавено доаѓање на тричлена владина бугарска делегација на гробот на Делчев. Бугарските медиуми информираат дека и 150 бугарски државјани се тргнати кон Скопје, но поради колапс на системите на граничните премини, тие веќе трет час чекаат на Деве Баир.

The post ДОАЃААТ И „КОМИТИТЕ“ Нека разберат клетите Татари… appeared first on plusinfo.mk.

На стотитиците партиски функционери, членови и симпатизери кои ги предводеше,  поради протоколот за обезбедување настан од висок ризик, не им беше дозволено да влезат во црквата „Свети Спас“, што создаде нервоза кај насобраните.

The post МИЦКОСКИ МУ ОДДАДЕ ПОЧИТ НА ГОЦЕ Стотиците партиски членови останаа пред полицискиот кордон appeared first on plusinfo.mk.

Според него, духот на работата на Комисијата се смени заради некои други работи, не затоа што Бугарија даде поддршка за влез на Македонија во НАТО и со тоа ја исполнивме нашата цел и повеќе не сакаме да работиме.

– Видете, ако ние треба да изградиме заеднички став во комисијата за тоа, на пример, дека треба заеднички да го чествуваме Гоце Делчев, а притоа државата со која треба заеднички да го чествуваме Гоце Делчев не го признава македонскиот јазик, тврди дека ние сме нација од 44-та година, Титова? Како може ние една таква препорака да дадеме до нашата Влада? Како можеме да дадеме таква препорака за држава која не нè признава онака како што сметаме ние дека како нација постоиме? И на кој начин таа јавност овде ќе ја прифати таа препорака? – посочува Ѓоргиев.

На прашањето дали има докази дека Самуиловото царство не е наследник на Првото бугарско царство, тој му одговара на новинарот дека не би сакал да навлегува во материјална расправа и толкување на изборите од средниот век, меѓутоа во книгите и студиите што се напишани во тој период постојат размислување дека таа држава може да се толкува и како држава која е различна од бугарската држава.

За професорот, Ангел Димитров, кој е копретседател на Комисијата од бугарска страна, Ѓоргиев вели дека бил револтиран од од неговиот однос.

– Ние уште бевме во Министерството, не бевме излезени од зградата после средбата, тој веќе даваше изјава со таа негова позната обвинувачка реторика кон нашата страна. Досега не сме имале таква реакција од која било страна дека ние зборуваме невистина и шириме некакви лажни вести во нашата јавноста – вели тој.

The post Ѓоргиев: Како да препорачаме заедничко чествување на Гоце Делчев кога не ни го признаваат македонскиот јазик и нација? appeared first on plusinfo.mk.

„Зошто? Затоа што тој е сѐ што денешната власт не е. Огледало на нивниот недостаток на морал, недостаток на патриотизам и љубов кон Македонија. Затоа од неговото име се плашат и денес. Затоа што Делчев пред сѐ е љубов, патриотизам, пркос, слобода. Тој е најдобриот син на Македонија! 4 мај не е крајот, туку почетокот на живата легенда, но и завет за Македонија! Слава му“, напиша Мицкоски на Фејсбук.

The post Мицкоски: Ако Гоце Делчев денес беше жив, сигурно ќе беше прогласен за антизападен, ќе беше скандализиран, омаловажуван appeared first on plusinfo.mk.

– Ново е тоа што е изречена и казна за забрана за управување со моторно возило во период од две години и тоа е голем напредок зошто во првичната постапка обвинителството тоа не го ни бараше, туку тоа јас го барав во моите претставки поднесени до Судскиот совет и Советот на јавни обвинители. Мислам дека ако не беше оваа борба преку медиумите и социјалните мрежи и големата поддршка што ја добивав и се уште ја добивам од целата јавност немаше да успеам бидејќи под знак прашалник беше дали Обвинителство воопшто ќе поднесеше жалба – изјави Наташа Димитриевска на денешната средба со новинарите.

Околу висината на казната, таа истакна дека гледајќи ги реакциите на јавноста преку социјалните мрежи станува јасно дека народот не се согласува со две години казна затвор и дека тоа треба да се знае бидејќи судовите сите одлуки ги носат во име на граѓаните на оваа држава.

– Сега се надевам дека Судскиот совет ќе го разгледа предметот против судијата од Кривичниот суд кој го водеше предметот и ќе донесе одлука во рамките на нивните надлежности, а Советот на јавни обвинители ќе ја разгледа претставката и ќе дадат конкретно образложение по овој предмет зошто не може со три реченици на еден лист хартија да се даде образложение за многуте направени пропусти во истражната постапка, па и во главната расправата од страна на Јавниот обвинител – рече Димитриевска.

Таа вели дека како адвокат сега добива многу барања за совети за слични предмети и дека постојат многу неправди кои се направени.

– Многумина се охрабрени да кренат глас против неправдите кои се константно присутни во судските постапки. Ова е борба не само за правда за Гоце, правда за мене, туку правда за сите нас. Врховниот суд треба да заземе став, имаат право да дадат мислсење за вакви предмети, да кажат дали кратењето на две дупли линии претставува умисла или небрежност за идните предмети – рече Димитриевска.

Таа ќе продолжи да бара одговорност на првостепениот суд како и други инволвирани во процесот.

– Во Судски совет е отворена постапка. Нивно известување беше дека кога ќе стигне одлука од Апелација од Скопје, дека ќе се разгледува повторно предметот на писмана одлука. Се надевам дека  и Совет на јавни обвинители ќе преземе нешто за да се сноси одговорност. Одговорност имаат и полициските службеници и вешти лица. Не може моите тешки телсни повреди и тоа што имам разлика меѓу двете нозе од сантиметар и половина после сообраќајката да го сметаат како секојдневие, како што е во овој предмет – рече Наташа.

Нејзиниот сопруг Гоце го изгуби животот на 32 години во сообраќајка во октомври 2018 година во Скопје, а Наташа која била бремена, освен повредите го изгуби и плодот.

The post Наташа Димитриевска: Ова е борба не само за правда за Гоце, правда за мене, туку правда за сите нас appeared first on plusinfo.mk.

– Бугарските политичари велат дека Гоце Делчев бил Бугарин. Тоа не само што не е вистина, туку таквото размислување е повеќе од комично. Гоце Делчев е Македонец. Роден како Македонец и загинал како Македонец и точка. Тука нема што повеќе да се додаде. За револуциониери од калибарот на Делчев, Карев, Питу Гули и сите други, никој не смее ниту да разговара, ниту да преговара, ниту да донесува било какви одлуки. Сите тие се Македонци и ништо друго –  вели Мисајловски.

Тој  потенцираше дека ВМРО-ДПМНЕ е бедемот на македонизмот и браникот кој секогаш ќе се бори за зачувување на македонската историја. Ниту една влада, ниту еден политичар нема право да се меша во тие работи. Доволно е што самите револуционери живееле и загинале за Македонија. Тоа е доволен доказ за тоа дека биле горди Македонци, кои ниту својот живот не го жалеле за слобода на својата земја Република Македонија.

The post Мисајловски: Македонската историја не може да ја измени никој, Гоце Делчев е Македонец appeared first on plusinfo.mk.

– Ако тие би прифатиле една ваква дефиниција, не сфаќаат колку ќе бидат растргнати македонските официјални политичари и историчари затоа што гледате дека и тука постојано се појавуваат разни групи, писма, петиции, дека се распродава Македонија, дека го продадовме и Гоце Делчев и сето тоа – рече Георгиевски.

Поранешниот премиер кој за себе вели дека во Бугарија важи за пријател, вели дека не може да се начуди на ваквиот однос на соседите и дека, според него, се работи за некои суети на луѓето кои се во комисијата од бугарска страна. Вели дека гледале една фактографија, и дека не ја гледаат македонската приказна која овде егзистирала 70-80 години  и колку е тешко на еден историчар, на еден политичар, притоа премиер, претседател на држава, да кажат дека Гоце Делчев е заеднички херој.

– Мислам дека тие како да ја немаат правата информација која е нашата реторика по ова прашање, која е македонската приказна, како да не сакаат да разберат дека до пред три години никој во Македонија тоа не смееше да го каже – нагласи Георгиевски.

Претседателот на ВМРО – Народна партија во интервјуто истакнува дека  нашите односи со Бугарија во минатото во одреден период биле многу поблиски од тоа што се презентира и порачува кој сака да ја проучува македонската историја да оди во Македонскиот архив и да ги земе сите книги за македонската историја објавени во времето на Зоран Тодоровски.

– Проблемот не е само заради препрочитување на македонската историја заради тоа што треба да направиме договор со Бугарија, туку заради нас самите. Ние се одрекуваме од една огромна богата историја само затоа што врската со Бугарија ја гледаме многу јако. Дури се одрекуваме и од жив народ затоа што себеси се декларира како македонски Бугари – вели Георгиевски.

Запрашан за тоа дали се согласува со пристапот кој вели дека до 2 август 1944 се било бугарско, а од тој момент почнува создавањето на македонската нација и тогаш е донесена одлука за кодификација на македонскиот јазик, Георгиевски вели дека не се согласува со таа позиција.

The post Георгиевски: Бугарите не сфаќаат што значи еден македонски политичар да каже, Гоце Делчев е заеднички револуционер appeared first on plusinfo.mk.

– Идентитетот на Гоце Делчев го определил тој не ние. Очекувам одговорно поведение за да стигнеме до ситуација во која ќе немаме повеќе проблеми, е ставот на ко-претседавачот на комисијата од бугарска страна, Ангел Димитров.

На дводневната средба биле ставени на маса неколку нови предлози и идеи за проблемот со Гоце Делчев, но претседателите на Комисијата не открија детали.

– Два дена имаше интензивни и напорни дискусии, се утврдија некои технички работи за работата на комиијата и динамиката на нејзината работа до крај на годината. Ќе има уште една средба, а идната година уште пет ако дозволи ситуацијата со ковид-19. Дискутиравме за учебниците за шести клас во бугарскиот образовен систем и за личноста на Гоце Делчев. За Гоце Делчев не секогаш желбите се остваруваат како што се испланирани. За учебниците постигнавме суштински напредик ,остваривме една препорака која натаму ќе треба да ја разгледаат бугарските колеги. За Гоце Делчев дискутиравме, има на маса нови предлози, идеи и тие ќе продолжат да бидат тема за разговор на идната средба.Тој  текст е на маса, тоа е работна врерзија и ќе биде во фаза на разгледувања не би сакал да зборувам за тоа – рече Ѓоргиев.

Според Димитров немало време ниту можност да се направи напредок за Гоце Делчев.

– Ништо ново, нема сензации, тоа што досега го разговаравме – рече Димитров.

Според него, политичарите одамна се вклучени во преговорите и за Гоце Делчев и за Илинденското востание. Но тој е дециден дека никој не може на Комисијата да и дава рокови и дека преговори се водат во политикат, а тие како  историчари треба да се држат до фактите  и да останат историчари, а не политичари.

За учебниците се зборувало за  забелешките од бугарските колеги за Средниот век кои се обарботуваат и во нашите и во учебниците во Бугарија, тука влегуваат светите Кирил и Методиј и цар Самоил. Ѓоргиев верува дека успеле да постигнат една препорака.

Тој е дециден дека Комисијата воопшто не разговарала за македонскиот јазкот. 

The post Има нови идеи и предлози, но нема договор, Гоце Делчев и натаму останува камен на сопнување помеѓу Македонија и Бугарија appeared first on plusinfo.mk.

Премиерот потсети дека ние го имаме Делчево град кој го носи името на револуционерот, Бугарите го имаат градот Гоце Делчев, а негови споменици има насекаде.

Заедно се поклонивме со премиерот Бојко Борисов и на споменикот на Делчев во Благоеврград и на гробот на Гоце Делчев во Скопје –  рече заев.

Според него, низ историските личности треба да се гледаме на можноста за зближување.

– Ако ги избегнуваме историските моменти, ги ставаме под тепих и не разговаравме за нив, тоа не е добра европска иднина на Западниот Балкан. Затоа имаме договор да ги решиме овие прашања –  рече  Заев.

The post Заев: Гоце Делчев е македонски револуционер, но факт е дека Бугарија го смета за бугарски appeared first on plusinfo.mk.