Владата одлучи за целосно покривање на лекувањето на Леоинд Индов во Македонија. Фондот за здравствено осигурување ќе го покрие лекувањето на Леонид Индов во Македонија, кое ќе се врши во Градската општа болница „8 Септември“, информираат од Фондот.

Во минатото беше одбиено покривањето на трошоците за лекување на Леонид, со тврдење дека има услови за лекување во земјата, без да се наведи каде е тоа. Минатата недела Владата побара тоа да се смени. ФЗО врз основа на препораките од Австрија и 8-ми Септември, ќе одобри употреба на лекови неопходни за ваков тип на третман.

„ФЗО е сервис на граѓаните, на сите оние кои имаат потреба од здравствени услуги. Работиме на воспоставување јасни правила за да се намали можноста од неправилности и злоупотреби. За тоа ги анализираме констатираните проблеми во извештаите на Државниот завод за ревизија, како и поплаките на граѓаните”, изјавија од менаџментот на Фондот за здравствено осигурување.

Оттаму додаваат дека поради постоечка недоверба во институциите многумина на кои им е потребно лекување во странство, се одлучуваат за собирање на донации, без воопшто да се обратат до здравствените установи и Фондот за здравствено осигурување. Затоа се повикуваат сите граѓани прво да се обратат во здравствените институции и Фондот.

МЛАДИОТ ЛЕОНИД ОД ВИЕНА СО ХЕЛИКОПТЕР ДОНЕСЕН ВО СКОПЈЕ Барањето за транспорт на Индов било од неговите родители

The post ДРЖАВАТА ЌЕ ГО ПОКРИЕ ЛЕКУВАЊЕТО НА ЛЕОНИД Рехбилитацијата продолжува во„ 8 Септември“, информираат од Фондот appeared first on plusinfo.mk.

Уште две здравствени установи добија нови директори. На местото на досегашниот директор Христијан Костов на Градската општа болница „8 Септември“, доаѓа доктор Синиша Стојаноски.

Стојаноски е Доцент на Институтот за Патолошка физиологија и Нуклеарна медицина, а во моментот е пратеник во Собранието.

Со институтот за јавно здравје ќе раководи Марија Андоновска. Андоновска по професија е дипломиран стоматолог. Таа работи на Уни­вер­зи­тет­ски­от сто­ма­то­ло­шки кли­нич­ки цен­тар во Скопје и е асистентка на Катедрата за болести за забите и ендодонтот.

Андоновска била пратеничка во македонскиот парламент, а во моментот е советник во Советот на Град Скопје.

Се очекува следната недела директорските промени да продолжат и во другите здравствени установи.

The post ДВЕ ЗДРАВСТВЕНИ УСТАНОВИ ДОБИЈА НОВИ ДИРЕКТОРИ Синиша Стојаноски во ГОБ „8 Септември“, Марија Андоновска во ИЈЗ appeared first on plusinfo.mk.

– Поплавата се случила вчера, за денеска немам информации. Секако, веднаш е интервенирано од компанијата која што ги одржува салите, односно прави сервис на салите. Денеска добив информација дека сме на пат на решавање на тој проблем. Нормално, одговорност ќе има – рече Таравари.

На прашање дали ќе има одговорност и за хируршките клиники, со оглед на тоа што компресорот требало да биде сменет пред три, четири години, Таравари одговори дека компресорката станица е изградена некаде пред 32-33 години, а последниот сервис е направен во 2015 година.

– По информациите кои што ги добивам, компресорката станица е изградена некаде пред 32-33 години, секои десет години е сервисирана. Последниот сервис ако не се лажам е направен во 2015 година. Сервис морало да се направи на секои десет години, така што не е дека не е сервисирана, туку проблемот е што се амортизира. Едноставно, одредени работи по одредено време веќе не функционираат како што треба – изјави Таравари по средбата со амбасадорката на САД.

Министерот најави и повеќе фокус на јавното здравство, разрешување на сите економски директори, измени во Законот за здравствена заштита и спојување на Клиничката болница. Тој вели дека министерството ќе работи на децентрализација на здравството со цел да се дадат што повеќе здравствени услуги во останатите клинички болници од земјава.

– Ќе дадеме повеќе фокус на јавното здравство. Тринаесет економски директори се веќе разрешени, а ќе продолжиме и во идниот период да ги разрешиме и другите. Во меѓувреме, Нацрт-законот за измени на Законот за здравствена заштита е направен и е испратен во Влада. Се надевам дека на една од наредните седници идната недела ќе помине и како одлука на Влада дека планираме Клиничката болница да се спои во рок од една година, и дека планираме да работиме на регионализација, односно децентрализација на здравството сè со цел да се дадат што повеќе здравствени услуги во клиничките болници во Тетово, Штип, Битола, Охрид и Струга – рече тој.

Во однос на прашањето дали ќе има нови разрешувања или назначувања, министерот Таравари информираше дека од понеделник ќе започнат со нови назначувања.

– Назначување немаме, од разрешување – 13 се досега разрешени. Сите по клиники не ги паметам, меѓутоа, можеби до крајот на идната недела ќе бидат сите, се надеваме, ако помине Предлог-законот што е поднесен во Влада. Назначувања нема освен Онкологија, Токсикологија за тоа што сте информирани. Од понеделник ќе почнеме со нови назначувања – рече тој.

Помеѓу економските директори кои беа разрешени беа директорите на Универзитетската клиника за токсикологија, Универзитетскиот стоматолошки клинички центар „Свети Пантелејмон“, Универзитетската клиника за психијатрија, Универзитетската клиника за физикална медицина и рехабилитација, Универзитетската клиника за неврологија, Универзитетската клиника за хирургија на лице, вилици и врат – максилофацијална хирургија, Универзитетската клиника за дерматологија, Универзитетската клиника за ревматологија, Универзитетската клиника за ендокринологија, дијабетес и метаболични нарушувања, како и на психијатриската болница „Скопје“.

The post ВЕДНАШ РЕАГИРАВМЕ ЗА ПОПЛАВАТА ВО „8 СЕПТЕМВРИ“ На пат сме на решавање на проблемот, вели Таравари appeared first on plusinfo.mk.

Тој воедно информира дека има и нов акцелератор кој „фаќа прашина“, но се прават напори да биде сервисиран и да се стави во употреба што најверојатно ќе се случи, како што рече, до Нова година.

– Ние гледаме колку тоа ќе чини, но тоа што можам со гаранција да го кажам е дека деновиве демонтираме еден стар апарат што е при крај со работењето и нормално, ќе бидеме во контакт со компанијата за да можеме да видиме колку е сервисирањето на новиот апарат за да се стави во употреба. Пред два месеца беше компанијата што го донела КАТО системот на Клиниката за онкологија, но од тогашниот директор не знам зошто е прекинато со тој систем. Тој кажувал на зборови, немаме ништо на хартија или на документ, кажувал дека не било исплатливо, дека биле големи трошоците за тој систем да функционира, но како и да е, ние сега ги разгледуваме сите можности. Навистина, немавме одврзани раце да работиме заради ребалансот на буџетот и сега веќе имаме ребаланс и брзо мислам дека ќе се демонтира ова недела што доаѓа и новиот апарат ќе се стави во употреба. Мислам дека пред Нова година тоа ќе биде реално – истакна министерот.

Има, додаде, и уште еден апарат – донација, што не е во добра состојба.

– Со сервисери ќе се договориме за тоа да видиме дали е исплатливо да се стави во употреба или да се размислува со идниот буџет да се донесе нов акцелератор, но тука мора да се поврзува и за штипската болница која се гради седум години. Таму веќе има еден апарат што исто така фаќа прашина, ама таму проблемот е малку покомплициран, бидејќи ќе ни треба уште еден бункер да се изгради и мислам дека со буџетот од 2024 година ќе биде реалност и по седум години тој апарат ќе се стави во функција. Таму го прекинавме тој договор што не се градеше штипската болница и веќе има активирана банкарска гаранција. Размислуваме уште понатаму да направиме уште неколку центри низ Македонија на што веќе се работи. Има и кадар, ако треба ќе дисперзираме од Клиниката за онкологија, Штип кажав, Тетово, исто брзо ќе биде ставен во функција и Битола. Значи, со ова еднаш засекогаш го растеретуваме и Клиничкиот центар и Клиниката за онкологија од овие пациенти и нормално пациентите со овие комплицирани дијагнози да не можат до Скопје да патуваат, знаете ова се тешки терапии, компликации да патуваат тоа уште повеќе го отежнува, ќе ги примаат таму каде доаѓаат со адреса во најблиските центри – рече министерот Меџити.

Тој е уверен дека случајот со кражби на цитостатици од онкологија ќе има разрешница, и вели дека ќе се знае точно, со име и презиме, кој го прекршил законот, а ќе има и соодветни последици. Министерот вели дека е во постојана комуникација со МВР и со Обвинителство и постојано се информира до каде е постапката. Министерството за здравство, рече Меџити, е максимално отворено и транспарентно за соработка зашто сака да придонесе за што поскоро расчистување на случајот.

– Ви гарантирам како министер за здравство дека ќе има разрешување на случајот и нема целата лекарска фела да биде под притисок. Ќе има точно име и презиме кој се огрешил и тој ќе сноси последици. Досега во Министерството, колку што знам, нема поплаки и јас во неколку наврати повторувам, апелирам, граѓаните да пријават, да не е само на зборови – некој нешто слушнал или некој нешто кажал. Ние во здравството се темелиме на тоа што е стручно и професионално. Има врвни професионалци и на Клиниката за онкологија и во Клиничкиот центар и не можеме да се водиме пред законот од тоа што некој нешто кажал – потенцира Меџити.

The post ИМАМЕ АКЦЕЛЕРАТОРИ КОИ ФАЌААТ ПРАШИНА ЗАШТО НЕМАМЕ ФИЗИЧАРИ Министерот Меџити објаснува зошто не се користат скапите апарати на Онкологија appeared first on plusinfo.mk.

Во овој оддел, како што пишува министерот, ќе работи лекар специјалист, физичар и техничар, а третманот за пациентите ќе биде координиран со Клиниката за онкологија.

„Продолжуваме со практиката, установата да им ја доставува таблетарната терапија на пациентите дома, како што беше пракса во време на ковид кризата. По повод одбележувањето на 4 февруари – Светскиoт ден за борба против ракот ја посетив Клиниката и остварив средба со директорот Нино Васев, претседателката на „Борка“ Биба Додева и Наташа Маслеша од Здружението за борба против ракот и леукемијата кај децата „Пеперутка“. Пред 3 години овозможивме пристап до нови 30 биолошки и имунолошки терапии за пациентите со малигни заболувања. Набавуваме иновативни лекови за рак на дојка, на бели дробови, како и други малигни заболувања, со кои се опфаќаат голем број пациенти“, наведе Филипче.

Една од позитивните работи кои од годинава ќе почне да функционира, според Филипче, е Националниот регистар на новозаболени од малигни болести чија процедура е веќе почната на Клиниката за онкологија.

The post Наскоро и во ГОБ „8 Септември“ ќе се прима зрачна терапија appeared first on plusinfo.mk.

Менаџментот на Градската општа болница „8-ми Септември“ ја информира јавноста дека болницата е спремна и подготвена во целост да пружи здравствена заштита на граѓаните во рамките на сите нејзини дејности.

„Болницата е опремена со сите современи и врвни медицински потрошни материјали и лекови, и нема никаков финансиски проблем, ниту застој во нормалното функционирање, како што беше презентирано од страна на Телевизија Телма. ЈЗУ ГОБ „8-ми Септември“ Скопје и понатаму останува посветена и силно подготвена во борбата со ковид-19, како и со сите останати болести и состојби кои го нарушуваат човечкото здравје“, се наведува во реакцијата од Болницата. 

The post ГОБ „8-ми Септември“: Немаме никаков финансиски проблем appeared first on plusinfo.mk.