Малолетник се обидел да го убие својот татко, му нанел 10 убоди со нож. Злосторството се случило во Карпош,  информиираше Јавното обвинителство.

„Јавен обвинител од Основното јавно обвинителство Скопје до надлежен судија за деца поднесе Барање за поведување подготвителна постапка спрема 17-годишно дете во судир со законот, за кое постои основано сомнение дека извршило дејствие што со закон е определено како кривично дело  Убиство по член 123 став 2 точка 2 во врска со член 19 (во обид) од Кривичниот законик. Вршејќи семејно насилство во сопствениот дом на улицата Христијан Тодоровски Карпош во Скопје, малолетникот со умисла се обидел да го лиши од живот својот татко“, соопшти Обвинителството.

Додека таткото бил во спалната соба, детето му пришло зад грб и со остар предмет му нанело 10 убодни рани. Во близина била мајката, која успеала да го оттурне детето и веднаш да повика медицинска помош.

„И по извршен оперативен зафат во Клиничкиот центар „Мајка Тереза”, таткото е во живото-загрозувачка состојба“, соопшти Обвинителството.

Со барањето за поведување подготвителна постапка во согласност со Законот за правда за децата, јавниот обвинител предложи на малолетникот да му биде определена и мерка притвор, се додава во соопштението.

The post МАЛОЛЕТНИК ГО ИЗБОЛ ТАТКА СИ 10 ПАТИ СО НОЖ Ужасно злосторство во Чаир, таткото е во животна опасност appeared first on plusinfo.mk.