Познатиот готвач Гордон Ремзи се најде во центарот на вниманието откако еден клиент во неговиот ресторан, „Гордон Ремзи Стек“ во Ричмонд, сподели непријатно искуство во неговиот ресторан. Тој тврди дека забележал глувци како трчаат меѓу масите за време на неговата посета, а целиот инцидент го снимил и го објавил на Тик-Ток.

Видеото, кое брзо стана вирално, прикажува две мали глувчиња додека персоналот се обидува да провери што се случува. Во позадина може да се чуе како реагираат гостите.

– Луѓе, имате два – вели еден глас, проследен со коментар: „Уживајте во вашиот бесплатен оброк“, што сугерира дека ресторанот треба да ги обештети гостите.
Лицето кое го објави видеото подоцна ја покажа сметката од ресторанот и откри дека на крајот добил попуст од 100 долари на она што тврди дека е многу висока сметка.

Видеото предизвика жестока дебата на социјалните мрежи. Додека некои корисници изразија згрозување од глетката, други истакнаа дека вакви ситуации можат да се случат дури и во најдобрите ресторани.

@j0792433

@Gordon Ramsay @604 Now

♬ original sound – J

Повеќе за ова прочитајте на порталот „Арт кујна“.

The post 🎥 ГЛУВЦИ КОЛО ВОДАТ И ВО РЕСТОРАНОТ НА ГОРДОН РЕМЗИ Видео од глодарите што трчаат низ „Гордон Ремзи Стек“ стана вирално appeared first on plusinfo.mk.

Империјалниот колеџ откри дека исклучувањето на протеинот наречен интерлеукин 11 (IL-11) спречува рак, ги зајакнува видот и слухот и ги подобрува метаболизмот, здравјето на белите дробови и мускулната функција кај средовечните глувци.

Може дури и да ги спречи опаѓањето и побелувањето на косата.

Видеата објавени од Империјал ги покажаа нетретираните глувци со сиви дамки на нивното крзно, загуба на крзното и зголемување на телесната тежина, додека, пак, третираните глувци изгледаа блескаво со дебело и сјајно крзно, а исечок од едно видео може да се проследи тука.

Третираните глувци, исто така, живееле во просек 155 недели, во споредба со 120-те недели кај нетретираните глувци.

– Овие наоди се многу возбудливи. Третираните глувци имаа помалку појави на рак и беа ослободени од вообичаените знаци на стареење и изнемоштеност, но видовме и намалено губење на мускулите и подобрување на мускулната сила. Со други зборови, старите глувци кои примале анти-IL11 третман биле поздрави. Иако овие наоди се само кај глувци, возбудливата можност лековите да имаат сличен ефект кај постарите луѓе е зголемена – вели професорот Стјуарт Кук од Лабораторијата за медицински науки на Советот за медицински истражувања во Империјал.

Луѓето го наследиле генот за интерлеукин-11 од рибите пред стотици милиони години.

Но, иако таа адаптација била корисна тогаш – и сè уште помага во регенерацијата на екстремитетите кај некои видови – сега се смета дека во голема мера е непотребна кај луѓето и предизвикува задебелување и лузни на ткивата, како и воспаление, што доведува до стареење и појава на болести.

Истражувачите ја добија идејата дека замолчувањето на IL-11 може да има импликации врз стареењето откако забележаа дека количината на протеинот драстично се зголемува кај лабораториските животни со возраста.- Од љубопитност, направив неколку експерименти за да ги проверам нивоата на IL-11. Од читањата, јасно можевме да видиме дека нивоата на IL-11 се зголемуваат со возраста и тогаш навистина се возбудивме. Откривме дека овие зголемени нивоа придонесуваат за негативни ефекти во телото, како што се воспаление и спречување на заздравувањето и регенерацијата на органите по повредата – рече доцентот Аниса Виџаја од Медицинскиот факултет Дјук-НУС во Сингапур.

Тимот веќе открил дека протеинот предизвикува воспаление и го спречува правилното регенерирање на ткивата, па сакаше да види дали неговото исклучување може да го намали процесот на стареење.

Во првичниот експеримент на генетски уредувани глувци, на кои им беше избришан генот што произведува IL-11, едноставното бришење на генот го продолжи животот на глувците за повеќе од 20% во просек.

Потоа, научниците третирале глувци стари 75 недели – што е еквивалент на околу 55 години кај луѓето – со инјектирање на анти-IL-11 антитело, кое ги запира ефектите на IL-11 во телото.

Истражувачите рекоа дека резултатите биле „драматични“. Глувците живееле до 25% подолго, а третманот значително ја намалил смртноста од рак кај животните, како и спречување на болести предизвикани од фиброза, хронично воспаление и од слаб метаболизам.

– Глувците имаа посилни мускули, подобри бели дробови, подобра кожа, подобар слух, подобар вид, повеќекратни подобрувања. Значи, не само што можеме да го направиме тоа со бришење на генот од раѓање, туку може да го направиме со терапевтски лек даден подоцна во животот, што ја отвора оваа можност сега да им се пренесе на луѓето. Нашата цел е еден ден терапијата против IL-11 да се користи што е можно пошироко за да можат луѓето ширум светот подолго да водат поздрав живот – додаде професорот Кук.

Три компании во моментов имаат анти-IL-11 третмани во човечки клинички испитувања за лузни на белодробна болест, фиброзно заболување на очите и за рак.

Компанијата „Лесен тирапеутикс“ (Lassen Therapeutics), која спроведува испитувања во САД, рече дека лекот има „одличен безбедносен профил“, а експертите рекоа дека би било релативно лесно да се започне испитување поврзано со ефектите врз стареењето.

Целото истражување може да се проследи тука.

The post 🎥 НАУЧНИЦИТЕ ОТКРИЈА ЛЕК ПРОТИВ СТАРЕЕЊЕ Го продолжува животниот век за 25%? appeared first on plusinfo.mk.

Град Скопје се прогласи за ненадлежен за дератизација на змии. Оттаму велат дека со Законот за Град Скопје е прецизно утврдено чии се надлежностите за дезинсекција, дезинфекција и дератизација, односно Град Скопје нема надлежност за дератизација или постапување во случаи со змии или други влекачи или глодари.

„Во член 15 став 1 точка 4 од Законот за Град Скопје јасно е утврдена обврската на општините во градот за дератизација и дезинфекција, односно десетте општини се надлежни за дератизација и дезинфекција на населените места на својата територија. Дератизација е збир на процедури кои се спроведуваат со цел да се уништат опасни штетници и можни носители на одредени заразни болести. Дезинфекцијата е постапка насочена кон уништување на најголемиот број на несакани микроорганизми со различни физичко-хемиски средства. За појаснување со член 10 став 1 точка 4 од Законот за Град Скопје, утврдена е единствено надлежноста на градот за дезинсекција, како збир од процеси кои се преземаат за сузбивање на инсектите“, велат од Град Скопје.

The post АРСОВСКА НЕ Е НАДЛЕЖНА ЗА ЗМИИТЕ И ГЛУВЦИТЕ, САМО ЗА КОМАРЦИТЕ Град Скопје се огради, скопјани да се обратат во општините appeared first on plusinfo.mk.

Кинеските власти пронајдоа мутиран вид на коронавирус, познат како „GX_P2V“, кој предизвикува 100 процентна смртност кај глувците, според студијата објавена во Пекинг.

– Студијата го покажува ризикот од пренесување на „GX_P2V“ на луѓето и обезбедува уникатен модел за разбирање на патогените механизми на вирусите поврзани со САРС-КоВ-2 – напишаа авторите.

Три години пред пандемијата, поточно во 2017-та година, беше откриен „GX/2017“, кој беше наречен „роднина“ на коронавирусот, а овој нов вид сега ја претставува неговата мутирана верзија. Глувците заразени со „GX/2017“ умирале во просек осум дена по примањето на вирусот, додека смртта на новиот вид е нешто побрза.

Наводно, новиот вид на вирусот „GX_P2V“ ги нападнал белите дробови, очите, трахеите и мозокот на глувците, предизвикувајќи смрт многу брзо. Во деновите пред смртта, тие ослабеа, имаа згрчени движења, беа слаби.

Како што објави „Њујорк пост“, нивните очи целосно побелеле ден пред смртта.

Според истражувачите, оваа студија, за разлика од другите кои се занимаваат со ковид-19, пријавила на јавноста 100% смртност кај глувците заразени со вирусот, надминувајќи ги претходно објавените резултати од други студии, според истражувачите.

За жал, се вели, резултатите од студијата не покажуваат јасно како вирусот би влијаел на луѓето.

Фансоа Балу, експерт за епидемиологија на Институтот за генетика на Универзитетот во Лондон, го критикуваше истражувањето како „ужасно“ и „научно целосно бесмислено“.

– Не гледам ништо интересно да се научи од насилно инфицирање на чудна раса хуманизирани глувци со случаен вирус. Од друга страна, можев да видам како таквите работи лесно можат да тргнат наопаку – напиша професорот на социјалната мрежа Х, додавајќи дека во документот не е прецизирано нивото на биосигурност и мерките на претпазливост користени во истражувањето.

Ричард Х. Ебрајт, професор по хемија и хемиска биологија на Универзитетот Ругер, ја повтори загриженоста на Балук со коментарот „Се согласувам“.

– Ова лудило мора да се прекине пред да биде предоцна – напиша д-р Генадиј Глински, пензиониран професор по медицина на Стенфорд.

Претпоставката е дека оваа студија од 2024 година нема врска со кинескиот институт за вирологија Вухан, кој беше во центарот на теориите за истекување на вируси поврзани со пандемијата ковид-19.

The post ЦЕЛИОТ СВЕТ ВО СТРАВ Кинезите открија мутиран вид на корона кој има стопроцентна смртност appeared first on plusinfo.mk.

Резултатите укажуваат на потенцијалните опасности и ризикот од ширење на овој вирус на луѓето. Во експериментите на глувци, користена е лабораториска верзија на коронавирусот од лушпести мравојади, наречена GX_P2V.

Глувците инфицирани со GX_P2V имале тешки симптоми, вклучувајќи брзо губење на тежината во рок од пет дена по инфекцијата, летаргија, а очите им побелувале. Сите четири глувци изложени на вирусот умреле во рок од осум дена по инфекцијата. Истражувањето исто така покажа дека вирусот се проширил на мозокот, очите и на белите дробови. Исто така, прирустото на вирусот всушност се зголемило во мозокот во последните два дена од животот.

„Ова откритие сугерира дека тешката мозочна инфекција во подоцнежните фази на инфекцијата може да биде клучна причина за смрт кај овие глувци“, се вели во извештајот.

Научниците кои ги спровеле експериментите биле изненадени од интензитетот на ефектот на вирусот врз глувците. Вирусот не само што се проширил низ телата на глувците, туку стигнал и до критичните органи како што се мозокот, очите и белите дробови. Тие исто така издадоа предупредување, сугерирајќи го потенцијалниот ризик од пренесување на овој вирус на луѓето. Тие ја истакнаа потребата од понатамошни истражувања за да се запознае механизмот на високата патогеност на GX_P2V и неговото потенцијално влијание врз здравјето на луѓето. Научниците укажаа на тешката мозочна инфекција забележана во подоцнежните фази на инфекцијата како потенцијална клучна причина за смрт.

Беше нагласена итна потреба за понатамошни истражувања за да се разбере однесувањето на вирусот. Истражувачите планираат да спроведат дополнителни тестови користејќи жива верзија на вирусот од дивината, наместо да се потпираат на варијанта направена во лабораторија.

The post ЕКСПЕРИМЕНТИРААТ СО ВАРИЈАНТА НА КОВИД КОЈА ИМА СТОПРОЦЕНТНА СМРТНОСТ!? На кинеските научници не им доаѓа паметот appeared first on plusinfo.mk.

Војната во Украина се чини дека нема да заврши наскоро, а американскиот Њусвик пишува дека руската армија не се бори само со украинската војска, туку и со стаорци. На социјалните мрежи се појави запис со фотографии од стаорци во рововите.

Во текот на претходните недели заладуваше и работите наводно значително се влошиле, пренесуваат медимите. Не е познато каде и кога е снимено ова видео.

Во февруари, независниот руски медиум Верстка интервјуираше поранешен руски војник кој рече дека живеел со месеци во ровови преполни со глувци и стаорци. Тој ја опиша ситуацијата од село во близина на Доњецк.

– Јас сум топџија, поранешен наредник и порано бев дивизиски наредник. Мислев дека можам да помогнам. Воената канцеларија ме испрати на обука која траеше неколку недели. Не пуштија да пукаме малку, ни покажаа како да таргетираме згради, како се оди по тројца, како се копаат ровови. Сето тоа беше набрзина. Прво завршив во шаторски камп, но по три дена беше бомбардиран. Потоа се преселивме во село Тарамчук, не далеку од Доњецк. Поминав таму околу три месеци во рововите. Во прашина, со глувци и стаорци – рече тој.

Дури и дома во Русија војниците се борат со глодари. На почетокот на овој месец, жителите на воениот град во руската област Чељабинск се пожалија дека офицерските куќи се полни со стаорци со големина на мачка, како и со лебарки.

The Russian trench rat/mice issue is a fairly serious one that reportedly really went downhill over the past few weeks as cold weather set in. https://t.co/9fgatxh2EK pic.twitter.com/OA9PM9P2g2

— OSINTtechnical (@Osinttechnical) October 27, 2023

The post 📽 ВОЈСКАТА НА ПУТИН НЕ ВОДИ БИТКА САМО СО УКРАИНЦИТЕ! Руската армија не сметаше на овој проблем во Украина appeared first on plusinfo.mk.

Јадењето брза храна може да предизвика болка или да ги направи луѓето почувствителни на болка, дури и ако се здрави и витки.

Неодамнешна студија покажала дека одредени масти во брзата храна може да предизвикаат таложење на холестерол во артериите, што доведува до воспаление кое е поттик за болки во зглобовите и ги прави луѓето почувствителни на болка.

Повеќе за ова на порталот „Арт кујна“.

The post ЈАДЕЊЕТО БРЗА ХРАНА МОЖЕ ДА ПРЕДИЗВИКА БОЛКА Истражувањето е спроведено на глувци appeared first on plusinfo.mk.

Полицијата во Индија обвини стаорци за уништување на речиси 200 килограми запленета марихуана што се чувала во магацините на полициските станици.

– Стаорците се мали животни и не се плашат од полицијата. Тешко е да се заштити дрогата од нив – изјавија од полицијата во индиската држава Утар Прадеш.

Како што пренесува Би-Би-Си, судот побарал од полицијата да ги предаде залихите како доказ во случаите на трговија со дрога, но оттаму било кажано дека стаорците уништиле 195 килограми канабис.

Досега, наводно, во три случаи во кои исчезнало огромно количество дрога, таа била изедена од стаорци.

Полицијата се пожалила дека нема експертиза да се справи со ова прашање бидејќи стаорците биле премали. Единствениот начин да се заштити запленетата стока од бестрашните глувци, според нив, е марихуаната да се продава на аукција на истражувачки лаборатории и медицински фирми, а приходите да одат за владата.

Во 2018 година, 8 аргентински полицајци биле отпуштени откако обвиниле глувци за исчезнувањето на половина тон канабис од полициски магацин. Експертите го оспориле нивното тврдење, велејќи дека е малку веројатно дека животните би ја измешале дрогата со храна и дека ако ја изеле голема група глувци, ќе имало многу трупови во магацинот.

The post И ТИЕ САКАЛЕ ДА БИДАТ ХАЈ Глувци се гостеле со марихуана appeared first on plusinfo.mk.

Целата сатирична вест приочитајте ја на следниот ЛИНК.

The post ГЛУВЦИ Ѝ ГИ ИЗГЛОДАЛЕ ЧИЗМИТЕ НА ШКОДРАНЕ Одложено е враќањето на ДУИ на власт appeared first on plusinfo.mk.

Како што пренесува „Guardian”, глувците ги оштетиле ѕидовите и каблите во затворот во Велингтон, па повеќе од 200 вработени и 420 затвореници ќе бидат преместени во други затвори во наредните десетина дена, додека не се изврши чистење и санација.

Локалните власти соопштиле дека здравјето и безбедноста на персоналот и затворениците се приоритет број еден, па затоа е потребно што побрзо да се направи санација на затворот.

The post Наезда на стаорци во Австралија, затворениците итно евакуирани од ќелиите (ФОТО) appeared first on plusinfo.mk.