Не така одамна, истата персона искажа „разбирање“ и за гневот на граѓаните заради вулгарниот грабеж преку зголемувањето на функцинерски плати за цели 78%. Дали и тоа „разбирање“ значеше признание за таквото крајно безобразно, автократско и простачко однесување? И ако сето тоа го „разбира“ вицепремиерката, зошто не се повлече од таа влада?

И дали таа – сега и овде и по којзнае кој пат – глуми милосрдна сестра која мисли дека ни пружа некакво разбирање, па и утеха? И дали ние го баравме тоа од неа, тоа нејзино лицемерно „разбирање“ и таа нејзина безобразна „утеха“? Впрочем, како што веќе реков, тоа е нејзина веќе одглумена ролја бидејќи еднакво лицемерно се пренемагаше и за оние 78 проценти. И таа, и оној Пендаровски и редица други. И? Што се случи, ги вратија криминално присвоените пари, ургираа ултимативно за итно изготвување на соодветно законско решение за проблемот…? И? Каде е истото? Или веќе воопшто во тоа не гледаат проблем?!

Сега можеби сметаат дека ги заслужиле? Со што? И таа, и Пендаровски и сите останати?

И дали (дел од) македонските граѓани гласаа за нејзината партија, што ќе рече и за неа, заради нивните милосрдна „утеха“ и христијанско „разбирање“ или заради ветувањата за подобар живот, за правда, за демократија…? Каде, по ѓаволите, отидоа тие ветувања или само мазно ги трансформираа во општ партиски грабеж? И нели е токму таа вицепремиер за добро владеење и не треба ли да каже збор-два и за тоа? Нејзиното „разбирање“ и нејзината „утеха“ ли се формата на тоа добро владеење?

Дали вицепремиерката сега ќе покаже „разбирање“, а можеби ќе им пружи и „утеха“ и на оние македонски граѓани кои беа спречени да пристапат до Могилата на непобедените во Прилеп и да се поклонат пред антифашистичките херои бидејќи таму беа нејзините партиски пајташи кои не смеат да се соочат со народот? А ќе го „разбере“ веројатно и револтот на македонските граѓани што во контекстот на прославата на 11 Октомври нејзината влада не смееше да изусти Македонија и македонски народ, македонски отпор… итн.?

И што ако целата влада сега започне да ни покажува „разбирање“ и ни пружа „утеха“? Па нели за тоа постојат други „инстанци“ – психолози, психијатри, свештеници…? Или овие сега ќе ги глумат и нив? Впрочем, и другиот вицепремиер, оној за економски прашања, очигледно покажува разбирање за криминалецон во Будимпешта и му нуди ублажување на казната. Во чие име? И пензионерон ли, кој уште држи водечко место во Јавното обвинителство, има разбирање за сите криминалци од власта во државава па ги остава и понатаму да крадат? Такво ли „разбирање“ сега ни нуди оваа власт? И што ние би правеле со тоа?

Всушност, генералниот проблем со оваа власт не лежи во нивното „разбирање“ туку токму во спротивното – во нивното неразбирање на работата за којашто се (пре)платени, неразбирањето на состојбите во државава, неразбирањето на зборот демократија, на расположението на граѓаните, на глупоста на нивните „политики“ итн. Врз своето неразбирање и „утеха“ што сега ни ја нуди вицепремиерката тие изградија дивина од лаги, држава ни на небо ни на земја во којашто царуваат неспособни политиканти.

Па слушајте го, по ѓаволите, аматерон-актер како кочоперно глуми на „јавна сцена“: „Па вратен ли е Груевски со измените на КЗ?“, „Го имате ли негде видено Груевски во Скопје?“. И видете го лицето на Трајковска со какво запрепастување и неверица гледа во него! И ние тој дилетант го викаме претседател на држава и го плаќаме цели три илјади евра, секој месец!?

Владејачкиот Минхаузеновски круг на лаги, глума и манипулации настојчиво продолжува да ја замаглува македонската реалност односно се обидува да ни ја презентира нивната лага не само како вистина, туку и како доблест. Впрочем, на граѓанинот веќе не му требат ни опозицијата ниту пак медиумите за докрај да го согледа вистинското лице на власта и нејзините махинации, особено овие со евроинтеграциите.

Кај граѓанинот веќе не поминуваат задоцнетите признанија на „министерот“ за надворешни работи, или реторичките егзибиции на човечено кое глуми претседател на државата, на „антикомунистичкиот“ премиер и останатите приучени „министри“… итн. Па ни признанието на ексминистерот за здравство дека тој „не знаел“ за КАТО системот на Онкологија! И зошто вицепремиерката не праша како тогаш тој воопшто станал министер? И за ова ли таа има разбирање? Нивното вистинско лице денес се синџирите на рацете на аутистични деца, Онкологија и оној тотален распад на здравствениот систем во земјата, инфлацијата, ценовните електрошоковите итн. Ќе нѐ утеши ли и за тоа „разбирањето“ на вицепремиерката?

Но проблемот со разбирањето не е само нивни туку е и наш, на македонскиот граѓанин. Односно многу повеќе наш отколку нивни. Зашто, конечно, македонската агонија не продолжува за нив туку – за нас. Економистите велат дека повеќе од половина милион граѓани живеат во сиромаштија. Останатите, денес, се движат по нејзините рабови. Прогнозите за утре се уште пострашни.

И тоа е нивно дело, на овие кои кога се стрчаа по фотелјите опинците им ѕиркаа од џебовите. Видете ги сега со нивните 2-3 илјади евра месечно, со провизиите и наместените тендери, со семејните бизниси! Затоа и итното носење на новиот Казнен законик не е воопшто случајност, а во наредните месеци ќе следат и други „мерки за спас“.

А ние, утешените, ќе имаме разбирање, нели?

The post Што „разбира“ вицепремиерката? appeared first on plusinfo.mk.

Еплгејт изјави дека е можно нејзината кариера да заврши поради нејзината непрекината борба со мултиплекс склероза. Болеста ѝ беше дијагностицирана во 2021 година, а потоа нејзиниот живот прилично се промени.

Кристина Еплгејт (50) денеска го прослави поставувањето ѕвезда во нејзина чест на Булеварот на славните. Таа се појави со бастун и боса. Актерката неодамна изјави дека поради болеста се здебелила и дека не може да оди без бастун.

 

View this post on Instagram

 

A post shared by PopCulture (@popculture)

Неодамна актерката даде интервју за „Варијети“ каде изјави дека ликот на Џен Хардинг што го толкува во „Dead to Me“ е многу веројатно последниот што таа ќе го глуми.

„Со мојата болест, не знам колку сум способна. Но, ова беше подарок, ова беше подарок за мене“, рекла таа.

Еплгејт објаснила дека на снимањето мора да ѝ биде ладно и дека не може да работи 18 часа на ден и рекла дека тоа би било невозможно. Таа, исто така, ја пофалила Лиз Фелдман и остатокот од актерската екипа за тоа што ѝ покажале поддршка и биле „полни со љубов“.

Таа открила и дека од Нетфликс имале разбирање за нејзината состојба, дека екипата дури го менувала снимањето ако денот не бил добар: „Ако им се јавев наутро и им кажев: ‘Друштво, не можам да се симнам по скалите’, тие велеа: „Во ред! Нема да го правиме тоа денес. Ќе правиме други работи“.

Нетфликс е исто така вклучен и сака да ѝ помогне на актерката да оздрави: „Нетфликс дури ни дозволи да земеме пауза неколку месеци за да можам да започнам со лекување“.

Но, крајот на нејзината актерска кариера можеби не е крај на нејзината професионална кариера бидејќи има многу можности во Холивуд, да продуцира, да пишува и многу други работи што таа може да ги прави додека се бори со болеста.

„Би сакала да развивам работи, би сакала да произведувам работи, имам многу идеи во мојата глава и само треба да ги спроведам“, рекла таа.

ФОТО: Инстаграм

The post СЛАВНАТА АКТЕРКА СЕ ОТКАЖУВА ОД ГЛУМАТА ПОРАДИ ТЕШКАТА БОЛЕСТ Денеска првпат се појави во јавноста (ФОТО) appeared first on plusinfo.mk.

„Мене тоа не ми значи ништо“, рекол Рурк кога Морган го прашал какво е чувството да се види Том на врвот на киноблагајните со „Топ Ган: Маверик“, продолжението на култниот филм од 1986 година.

„Типот ја игра истата улога веќе 35 години. Немам почит кон тоа. Не ми е гајле за парите и моќта“, рекол Рурк.

„Ме интересира да ги гледам Ал Пачино и раните дела на Крис Вокен, Де Ниро, Ричард Харис и Реј Винстон. Таков актер сакам да бидам. Како Монти Клифт и Брандо некогаш“, додал Рурк.

„Не мислите дека Том Круз е добар актер?“, го прашал Морган.

„Мислам дека тој е небитен во мојот живот“, одговорил Рурк.

Минатата година 69-годишниот актер се осврна и на филмовите на „Марвел“ и актерите кои глумат во нив. Рурк, кој има номинација за Оскар, открил дека му се допаѓа серијата „Закон и ред: СВУ“ која почнал да ја гледа во текот на карантинот.

Во објавата на Инстаграм од мај 2021 година, Рурк ја искористил приликата да го прокоментира „Марвел“.

Фалејќи ги актерите од споменатата криминалистичка серија – Маришка Харгитеј, Кристофер Мелони, Стефани Марч, Би Ди Вонг и Ајс Ти, Рурк утврдил дека тоа е „вистинска глума“ за разлика од онаа во филмскиот универзум на „Марвел“.

The post МИКИ РУРК ГО ПОНИЖИ ТОМ КРУЗ Тој е небитен, 35 години игра иста улога appeared first on plusinfo.mk.

Лазаров на многумина им е познат по улогите во „Белградски фантом“, „Мирисот на дождот на Балканот“, „Вистина и лаги“, „Тајните на лозата“, „Црвена месечина“ и „Викенд со тато“. Зад себе остави десетици улоги во театарот и филмот.

Од 1996 година глумеше во театар, филм и телевизија. Беше постојан член на Малиот театар „Душко Радовиќ“, а беше и во ансамблот на Народниот театар во Сомбор. Играше и на сцената на Југословенскиот драмски театар во Белград.

Како што пишуваат српските медиуми, актерот зад себе оставил проштално писмо. Српските медиуми пишуваат дека тој долги години со години се борел со депресијата.

Зад себе оставил две деца, кој ги добил од бракот што завршил со развод.

ФОТО: Јутјуб

The post СЕ САМОУБИ СРПСКИОТ АКТЕР БОЈАН ЛАЗАРОВ Оставил проштално писмо appeared first on plusinfo.mk.

– Како семејство сакавме да им кажеме на сите оние кои го поддржуваат Брус дека се бори со здравствени проблеми и дека му е дијагностицирана афазија, која влијае на неговите когнитивни способности – ја започнува изјавата на семејството на актерот, потпишана од неговата сопруга Ема Хеминг, поранешната сопруга Деми Мур, како и од петте деца Румер, Скаут, Талула, Мејбел, Евелин.

„Ова е многу предизвикувачки период за нашето семејство и ние сме благодарни за љубовта, поддршката и сочувството. Ова сакаме да им го кажеме на обожавателите на Брус, бидејќи знаеме колку тој ви значи, како што вие нему. Како што секогаш вели Брус, треба да уживате, а ние планираме да го направиме тоа заедно.“

 

View this post on Instagram

 

A post shared by Demi Moore (@demimoore)

Кај возрасните, називот афазија се однесува на нарушување на веќе стекнатиот јазик и говор. Афазијата е неможност да се користи јазикот: како таква, таа се манифестира преку сите јазични модалитети: влијае на способноста за слушање и зборување, читање и пишување и не зависи од слухот и видот.

ФОТО: Инстаграм

The post СЕМЕЈСТВОТО ПОТВРДИ Брус Вилис е тешко болен, повеќе нема да глуми appeared first on plusinfo.mk.

Ова следеше по одлуката на Апелациониот суд, кој во средата нареди нова одлука за притвор.

Одлуката на Апелациониот суд пред два дена ја усвои жалбата на одбраната на Алексиќ против одлуката за продолжување на притворот од 18 јуни, за тој да не ги повтори кривичните дела за краток временски период поради јавно вознемирување.

Апелациониот суд нареди да се преиспитаат причините за притворот, а со новата одлука на Високиот суд, притворот на Алексиќ беше продолжен од истите причини.

Алексиќ е во притвор од апсењето на 16 јануари.

Високиот суд во Белград неодамна го потврди обвинението против Алексиќ, со кое обвинителството го товари за силување и сексуално вознемирување на седум ученици од неговото училиште. Вчера неговиот адвокат поднесе жалба на решението за потврдување на обвинението, барајќи прекинување на постапката за сите кривични дела за кои е обвинет Алексиќ.

Инаку за потсетување, Алексиќ прво беше пријавен од актерката Милена Радуловиќ, а наскоро и други девојки се придружиле на обвинувањата против него.

The post Обвинетиот за силување, Мики Алексиќ, останува во притвор appeared first on plusinfo.mk.

Според неговите кажувања, тој пиел бидејќи „се чувствувал виновен и длабоко се срамел од својата среќа во глумата“. Сепак, минале над 45 години откако оскаровецот е трезен. Гледајќи наназад на почетоците на неговата кариера, Хопкинс се присети на едно време кога мислел дека пиењето е „прекрасен начин за одјава“ од денот и обврските за него.

– Затоа и пиев. Имав чудни судири во себе. Не се чувствував добро во мојата кожата. Се чувствував виновен и засрамен, мислев дека не сум достоен за среќата што ја имав како глумец, вели Ентони Хопкинс (83).

Оскаровецот и самиот признава дека често се опивал „до смрт“, но вели и дека не пробал ниту капка алкохол од 1975 година наваму.

– Кога побарав помош и сфатив дека не сум сам – дека има илјада луѓе како мене, сите мои стравови почнаа да исчезнуваат. Готово беше со пијанството. Оттогаш мојот живот се подобри… Решив дека сакам да живеам. Одеднаш дојде олеснувањето и мојот живот беше неверојатен!, рече актерот.

Многу филмски и театарски работници остро го напаѓаа за неговата слабост кон алкохолот во младоста. Тој продолжи да пие, а резултатот од неговата зависност беа скандали за време и по актерските изведби.

The post Ентони Хопкинс откри зошто некогаш бил зависник од алкохол appeared first on plusinfo.mk.

Поранешната претседателка на Хрватска, Колинда Грабар-Китаровиќ стана актерка, барем на еден ден. Како што дознава „Јутарњи лист“, Колинда добила понуда да биде гостинка во ТВ-серијата „Дар Мар“, популарната хумористична драма која се прикажува на „Нова ТВ“.

Колинда добила „камео“ улога, а снимањето веќе, како што дознава хрватскиот медиум, и успешно го одработила. На сетот одлично се снашла и добро се забавувала, а епизодата со нејзината „камео“ улога би требало да биде прикажана по Нова година, во јануари.

И самата Колинда кратко ја потврдила оваа информација , но поради договорот со телевизијата, засега не смее да зборува за тој ангажман.

Колинда, сепак, открила за „Јутарњи лист“ како се одлучила да се согласи на гостување во серијата и дали се забавувала.

– Одлично се забавував на снимањето, затоа се согласив на улогата – рекла поранешната хрватска претседателка.

Инаку, серијата „Дар Мар“, која е опишана како теленовела, започна да се емитува на 5 октомври, а во серијата играат Ксенија Пајиќ, Синиша Ручиќ, Милан Штрљиќ, Јан Керекеш, Ана Бегиќ Тахири и многу други.

Засега не е познато каква улога доби Грабар-Китаровиќ, а како што се шпекулира, таа би можела да биде поврзана со ликот на девојчето Линда Гроб, многу паметна девојка, која сака да се занимава со политика, а нејзин пример е претседателката Колинда Грабар-Китаровиќ. чиј постер го има на ѕидот од својата соба.

Колинда Грабар-Китаровиќ ја поддржала и новата хит-серија „Театар Керемпух“, „Претседателка (претпоследна вечера)“. Во претставата нејзе ја отелотворува 31-годишната актерката Орнела Виштица.
Младата актерка открила дека во подготвувањето на својата улога имала блиска соработка со поранешната претседателка за нејзината изведба да биде колку што е можно поуверлива.

The post Колинда стана актерка, еве во која хрватска хит серија ќе глуми appeared first on plusinfo.mk.

Мустафа Надаревиќ се бореше со карциномот на белите дробови.

Веста за смртта на актерот ја пренесoa Јавниот сервис на Босна и Херцеговина и Хрватската радио телевизија.

„Денес во 12 часот еден голем човек и актер се пресели во подобар свет. Мојот пример и мојот брат. Моето глумечко алтер его, Мустафа Надаревиќ”, напиша Хаџихафизбеговиќ на својот Фејсбук профил.

Надаревиќ е роден во 1943 година во Бања Лука. Првите актерски чекори ги направи во театарската група „Виктор Цар Емин“. Завршил Академија за драмски уметности во Загреб, а театарската кариера ја започнал во Младинскиот театар во Загреб. Тој е добитник на бројни награди за режија, глума и работа во театар.

Надаревиќ беше најпознат како Изет Фазлиновиќ од култната серија „Луд, збунет, нормален“, јавуваат регионалните медиуми.

The post Почина актерот Мустафа Надаревиќ appeared first on plusinfo.mk.

На фестивалот досега се доделуваше Златна мечка за најдобро филмско остварување и Сребрена мечка за режисерски и актерски остварувања, помеѓу останатото и за најдобар актер и актерка.

Организаторите изјавија дека овие наради ќе бидат заменети со Сребрена мечка за најдобра главна улога и Сребрена мечка за најдобра споредна улога.

Извршната директорка на фестивалот, Маријет Рисенбек и уметничкиот директор Карло Катриан наведуваа во соопштение дека „родовото неодвојување на наградите претставува сигнал за поголема родова сензитивност во филмската индустрија“.

Наградата Алфред Бауер, која го носи името на основачот на фестивалот ќе биде трајно повлечена, поради откритија за соработка на Бауер со нацистите.

Фестивалот ќе биде одржан од 11 до 21 февруари 2021 година.

The post Берлинале ќе доделува родово неутрални награди за најдобра глума appeared first on plusinfo.mk.