Политички мотивираниот тероризам не смее да остане слепа точка во нашата заедничка безбедносна архитектура. Современите закани бараат координиран одговор, силни институции, цврсти партнерства и целосно почитување на владеењето на правото.

Вака објави на Фејсбук шефот на македонската дипломатија Тимчо Муцунски од Вашингтон. Муцунски, на покана на државниот секретар на САД, Марко Рубио, учествуваше и се обрати на министерскиот состанок посветен на заканите од подемот на политичкиот тероризам.

„Заедно со високи претставници од повеќе од 60 држави, разговараме за зајакнување на меѓународната соработка и институционалната подготвеност за справување со новите безбедносни предизвици. Настанот е значајна можност за продлабочување на соработката со САД и другите меѓународни партнери, преку поефикасна размена на безбедносни и оперативни информации и координиран пристап“, напиша Муцунски.

The post СОВРЕМЕНИТЕ ЗАКАНИ БАРААТ ЗАЕДНИЧКИ ОДГОВОР ОД СОЈУЗНИЦИТЕ Муцунски од Вашингтон предупреди на подемот на политичкиот тероризам appeared first on plusinfo.mk.

Сите девет држави што поседуваат нуклеарно оружје ги модернизирале и ги прошириле своите арсенали во услови на растечки глобални тензии, се наведува во извештајот на Стокхолмскиот меѓународен институт за истражување на мирот (СИПРИ), објавен денеска.

Истражувањето покажува широк тренд на нуклеарно вооружување кај сите девет нуклеарни сили.

– Сè повеќе докази укажуваат на тоа дека државите со нуклеарно оружје ги ставаат настрана, па дури и се откажуваат од своите обврски за разоружување, и наместо тоа ја демонстрираат својата нуклеарна моќ – изјави истражувачот на СИПРИ, Ханс Кристенсен.

Според него, потпирањето на нуклеарни решенија создава нови ризици и дополнително ја поттикнува трката во вооружување.

Русија во повеќе наврати алудираше на својот нуклеарен потенцијал за време на војната во Украина со цел да ги одврати западните земји од поддршката на Киев.

Според проценките на СИПРИ, Русија и САД заедно поседуваат околу 83 проценти од сите складирани нуклеарни бојни глави во светот.

По завршувањето на Студената војна, двете држави постепено ги демонтираа повлечените боеви глави, што доведе до континуирано намалување на глобалните нуклеарни залихи.

Сепак, институтот предупредува дека овој тренд најверојатно ќе се промени во наредните години поради забавувањето на разоружувањето и распоредувањето ново нуклеарно оружје.

Истражувачите проценуваат дека деветте нуклеарни сили – САД, Русија, Обединетото Кралство, Франција, Кина, Индија, Пакистан, Северна Кореја и Израел – во јануари 2026 година поседувале вкупно 12.187 нуклеарни бојни глави.

Од нив, околу 9.745 биле дел од воените резерви подготвени за евентуална употреба.

Повеќе од 4.012 бојни глави биле распоредени на ракети и на авиони, додека меѓу 2.100 и 2.200 биле поставени на балистички ракети во состојба на највисока готовност.

Речиси сите такви системи им припаѓаат на Русија и на САД, а во помал обем и на Обединетото Кралство и на Франција.

По излегувањето на Обединетото Кралство од Европската Унија, Франција останува единствената нуклеарна сила во рамките на ЕУ.

The post СВЕТОТ ВЛЕГУВА ВО НОВА НУКЛЕАРНА ТРКА Сите девет нуклеарни сили ги прошируваат своите арсенали appeared first on plusinfo.mk.

Претседателот на САД, Доналд Трамп, повторно го отвори прашањето за Гренланд, велејќи дека САД треба да ја преземат контролата врз територијата заради глобалната безбедност.

– Како можете да имате земја… Како можете да имате група земји со таков став? Погледнете го Гренланд. Треба да го имаме Гренланд за да го заштитиме светот од Русија и од Кина. Штом го споменам тоа, одеднаш почнуваат… вие… Оваа земја не треба да плаќа трилиони долари на НАТО – рече Трамп во интервју за Фокс њус.

Трамп долго време се залага за идејата САД да го преземат Гренланд, автономна територија во рамките на Кралството Данска, што предизвика остри реакции од Копенхаген и од Брисел. Данските власти постојано јасно ставаат до знаење дека Гренланд не е на продажба, додека лидерите на Европската Унија ги оценија таквите изјави на Трамп како неприфатливи.

Тензиите дополнително се зголемија откако Трамп претходно ја предложи можноста за воено преземање на островот, што предизвика загриженост кај европските сојузници. Иако подоцна во говорот на Светскиот економски форум во Давос изјави дека не планира да ја користи војската, тој нагласи дека САД не се откажуваат од идејата за преземање на Гренланд.

Трамп со години ги обвинува сојузниците во НАТО дека не трошат доволно за одбрана и дека се потпираат на американската воена моќ.

Тој постојано ја доведува во прашање иднината на американското членство во НАТО, тврдејќи дека на алијансата ѝ недостасува доволно сила за одвраќање. Трамп претходно изјави дека НАТО е „хартиен тигар“ и дека рускиот претседател Владимир Путин не се плаши од алијансата, туку од САД.

Trump: “ Look at Greenland. We should have Greenland to protect the world against Russia and China…This country should not be paying trillions of dollars to NATO.” pic.twitter.com/HCnr1R2tcW

— The Bulwark (@BulwarkOnline) April 15, 2026

The post 🎥 НИ ТРЕБА ГРЕНЛАНД ЗА ДА ГО ШТИТИМЕ СВЕТОТ ОД РУСИЈА И ОД КИНА Трамп пак го отвори прашањето за данскиот остров appeared first on plusinfo.mk.

Антонио Гутереш, генералниот секретар на Обединети нации, предупреди дека Блискиот Исток се наоѓа на раб на поголема војна и повика на итна деескалација на тензиите.

Тој апелираше за прекин на израелските и американските напади врз Иран, како и на нападите што ги изведува Иран врз соседните држави, нагласувајќи дека конфликтот може да има глобални последици.

– На работ сме на голема војна на Блискиот Исток, која ќе има драматични последици за целиот свет. Многу аспекти на конфликтот се нејасни, но едно е јасно: ако војната продолжи, таа ќе ескалира уште повеќе. Спиралата на смртта и уништувањето мора да се прекине – порача Гутереш.

Според него, продолжувањето на судирите ризикува дополнително проширување на конфликтот во регионот, што би влијаело врз глобалната безбедност и стабилност.

The post ГУТЕРЕШ СО АЛАРМАНТНА ПОРАКА Блискиот Исток е на раб на голема војна appeared first on plusinfo.mk.

Играч на платформата „Полимаркет“ заработил речиси 1 милион долари со тоа што успеал да предвиди воени акции на САД и Израел против Иран. Аналитичарите од „Баблмапс“ велат дека е можно лицето да имало клучни инсајдерски инфорамции кое ги искористило за да погоди дури 93% од облозите.

Исто така, повеќето сметки од кои се обложувал биле поврзани и времето на обложувањата било сомнително.

– Сето ова силно укажува на инсајдерска активност – изјави директорот Ник Вајман.

Експертите велат дека ваква стапка на успех е речиси невозможна без предзнаење.

Од минатата недела „Полимаркет“ објави нови правила за да ги разјасни категориите на забрането инсајдерско тргување. Тие забранија тргување врз основа на информации што корисниците се законски обврзани да ги чуваат во тајност, како и за лица на „позиција на авторитет или влијание“, кои може да влијаат врз исходот на настаните.

Повеќето професионални играчи обично имаат стапка на добивка малку над 50 %, вели Тод Филипс, професор по финансии на Државниот универзитет во Џорџија. Анализата на „Баблмапс“ покажа дека овој обложувач имал вкупна стапка на успех од 83 %, па дури и 93 % кај облозите поголеми од 10.000 долари, со вкупна добивка од речиси 967.000 долари.

Некои од сметките поврзани со овој корисник сè уште се активни на „Полимаркет“ (Polymarket). Иако нивните најпрофитабилни облози се однесуваа на Иран, тие исто така поставија десетици помали облози на разни спортски настани.

Војната во Иран ги стави во центарот на вниманието платформите како „Полимаркет“ и „Калши“ (Kalshi), уште една популарна страница за обложување.

Џејсон Трост, извршен директор на „Смаркетс“ (Smarkets), рече дека постојат ситуации каде што вредните информации се „теоретски достапни за сите“, но тешко се наоѓаат, како што се нејасни сателитски снимки или случајно слушнат разговор меѓу соседи. Ова, според Трост, не се смета за инсајдерска активност.

The post ГИ ПОГОДИЛ НАПАДИТЕ ВРЗ ИРАН, ЗАРАБОТИЛ МИЛИОН ДОЛАРИ Обложувач имал инсајдерски информации на „Полимаркет“? appeared first on plusinfo.mk.

Ова е момент што не се пропушта, му рекол по телефон израелскиот премиер Бенјамин Нетанјаху на американскиот претседател Доналд Трамп 48 часа пред американскиот напад со кој започна војната во Иран, пишува Ројтерс. Според медиумот, Нетанјаху успеал да го убеди Трамп дека врвот на иранската власт и тогашниот врховен лидер на Иран Али Хамнеи можат да се најдат на едно место во Техеран.

Нетанјаху, според написот, му изложил на Трамп детална проценка од разузнавачките служби.

„Удар со обезглавување“

Нетанјаху инсистирал дека станува збор за класичен „удар со обезглавување“, стратегија што Израел ја користел во повеќе наврати, со цел брзо да ја дестабилизира командната структура на противникот, но која секогаш носи огромен ризик од ескалација.

Во разговорот не се зборувало само за тактика. Се зборувало за последици. За можен одговор. За тоа дали регионот ќе експлодира или ќе се оттурне во нов баланс.

Американската пресметка со ризикот

Американскиот пристап бил повнимателен, пишува Ројтерс. Трамп ги слушал аргументите и ја следел логиката на разузнавачките проценки.

Разговорот постепено се придвижил од дилема кон можност за акција, при што фокусот се префрлил кон тоа како би изгледала операцијата и какви би биле последиците, имајќи предвид можна ескалација.

Разузнавачките податоци биле сржта на сè. Станувало збор за конкретна временска рамка. За движење на луѓе. За процена на ранливост што не трае долго.

Можноста за промена на режимот беше еден од аргументите на Нетанјаху во повикот кратко пред Трамп да даде конечни наредби за напад врз Иран, изјавиле изворите за Ројтерс.

ЦИА била против, „Хамнеи ќе биде заменет“

Тој став не го делела американската ЦИА, Централната разузнавачка агенција, која во претходните недели проценила дека Хамнеи веројатно ќе биде заменет со внатрешен тврдокорен припадник ако биде убиен, како што претходно објави Ројтерс. ЦИА не одговорила веднаш на барањето за коментар.

По убиството на Хамнеи, за наследник беше избран неговиот син Моџтаба. Синот избегнува појавувања во јавноста, но неговите пораки до иранскиот народ се пренесуваат на иранската државна телевизија.

Белата куќа молчи, Нетанјаху негира

Од Белата куќа не го коментираа директно разговорот, но нагласија дека целта на операцијата била уништување на иранските воени капацитети – особено ракетната програма и способноста за развој на нуклеарно оружје.

Нетанјаху, пак, ги отфрли тврдењата дека Израел ја вовлекол Америка во војната, истакнувајќи дека одлуката била исклучиво на Трамп.

Со војната во четвртата недела и регионот зафатен од конфликт, Иранската револуционерна гарда сè уште патролира по улиците на земјата. Милиони Иранци остануваат засолнети во своите домови.

The post НЕТАНЈАХУ ГО УБЕДУВАЛ ТРАМП ДЕКА НАПАДОТ Е ИСТОРИСКИ? Телефонски повик бил клучен сојузниците да пресечат за војната appeared first on plusinfo.mk.

Американскиот претседател Доналд Трамп изјави дека е потребен нов договор за ограничување на нуклеарните арсенали, откако истече договорот Нов СТАРТ.

Трамп порача дека САД не треба да одат кон продолжување на постојниот договор, туку кон изработка на нов документ, кој ќе биде поцврст и поусогласен со актуелната безбедносна реалност. Пораката ја објави на својата платформа Truth Social.

„Наместо да го прошируваат Нов СТАРТ, лошо испреговаран договор од страна на САД, кој, меѓу другото, грубо се крши, нашите нуклеарни експерти треба да работат на нов, подобрен и модернизиран договор што ќе трае долго во иднина“, напиша Трамп.

Истек на договорот, отворена дилема

Тој не наведе кои држави би биле опфатени со евентуалниот нов договор. Сепак, од Белата куќа потврдија дека контактите со Москва продолжуваат.

Портпаролката Каролајн Левит изјави дека разговорите со Русија остануваат активни, но прецизираше дека во овој момент нема преоден договор што би го продолжил Нов СТАРТ.

Трамп ја турка Кина во фокус

Американскиот претседател и претходно тврдеше дека не е загрижен од истекот на договорот. Во повеќе наврати инсистираше во идниот аранжман да биде вклучена и Кина, што досега не беше дел од билатералните договори за контрола на нуклеарното оружје.

Што беше Нов СТАРТ?

Нов СТАРТ беше потпишан во 2010 година и претставуваше последен важечки договор меѓу САД и Русија за контрола на нуклеарното вооружување.

Со него, арсеналите на двете држави беа ограничени на максимум 1.550 распоредени нуклеарни боеви глави, како и на најмногу 800 носачи на ракети и тешки бомбардери. Ова значеше речиси 30 проценти помалку нуклеарно оружје во споредба со лимитите утврдени во договорот од 2002 година.

The post НУКЛЕАРНО РЕСЕТИРАЊЕ Трамп бара нов договор по истекот на Нов СТАРТ appeared first on plusinfo.mk.

Се реди нов безбедносен мозаик низ Блискиот Исток и во Африка. Саудиска Арабија, Египет и Пакистан ги засилуваат одбранбените врски. Турција испраќа сигнали дека сака да се приклучи. Дел од аналитичарите веќе зборуваат за „исламско НАТО“. Други предупредуваат дека станува збор за пофрагментирана и попрагматична игра.

„Откако ќе биде потпишан, овој трилатерален договор, кој некои го нарекуваат ‘исламско НАТО’, би ја комбинирал пакистанската нуклеарна енергија со саудиските пари и турската воена моќ“, анализира Дојче Веле.

Минатата недела, саудискиот министер за надворешни работи принцот Фајсал бин Фархан се сретна со египетскиот колега Бадр Абделати на маргините на Светскиот економски форум во Давос.

Официјално се разговарало за прашања од заеднички интерес. Неофицијално, фокусот бил ставен врз нови безбедносни договори и координација во нестабилниот регион.

Паралелно, претседателот на Сомалија, Хасан Шеик Мохамуд, се подготвува за посета на Саудиска Арабија. Таму се очекува потпишување одбранбен договор.

Вклучувањето на Сомалија би ја зацврстило контролата врз теснецот Баб ел-Мандеб. Тој морски премин ги поврзува Црвеното Море и Аденскиот Залив. Рутата е клучна за глобалната трговија.

Сојуз што ја менува географијата

Интересот не завршува тука. „Блумберг“ објави дека Турција размислува да се приклучи кон договорот за стратешка одбрана меѓу Ријад и Пакистан. Таков триаголник би споил различни ресурси. Пакистанската нуклеарна моќ, саудиските финансии и турската воена индустрија и оперативно искуство.

Италијанскиот геополитички аналитичар Серџо Рестели оцени дека ова не би бил симболичен блок. Според него, комбинацијата на воени капацитети и контрола врз стратешки водни патишта може да создаде безбедносна оска без преседан во муслиманскиот свет.

Повлекување на американската сенка

Сосема поинаков агол нуди Сами Хамди, директор на лондонска консултантска фирма за ризик. Тој смета дека клучниот мотив е слабеењето на американскиот безбедносен чадор. Регионот, според него, сè помалку верува дека САД ќе интервенираат како порано.

Хамди потсетува на 2019 година, кога нападите врз саудиските нафтени постројки не добија силен американски одговор. Сличен сигнал, според него, испратил и израелскиот удар врз политичкото раководство на Хамас во Доха во 2025 година.

Ривалства под површината

Во исто време, растат тензии меѓу Саудиска Арабија и Обединети Арапски Емирати. Двете земји поддржуваат различни фракции во Судан и Јемен. Во декември, Ријад изведе воздушни напади врз камп на Јужниот преоден совет во Јемен, група блиска до Абу Даби.

ОАЕ, пак, неодамна склучија сеопфатен договор со Индија. Индија стана нивен најголем купувач на течен природен гас и клучен партнер во нуклеарната соработка. Хамди ова го чита како политичка порака. Абу Даби сака да покаже дека има алтернативни сојузи и глобален углед.

Претерување или нова реалност

И покрај спротивставените интереси, дел од експертите сметаат дека нема вистински раскол меѓу Ријад и Абу Даби. Двете земји учествуваат во мировната иницијатива на американскиот претседател. Турција, иако потенцијален партнер на Саудиска Арабија, истовремено одржува блиски врски со Емиратите.

Според Хамди, терминот „исламско НАТО“ е пренагласен. Договорите, вели тој, повеќе се насочени кон трансфер на технологија и зголемена автономија. Идеолошките разлики и националните интереси остануваат длабоки.

The post „ИСЛАМСКО НАТО“ НА ХОРИЗОНТОТ? Саудиски пари, турска моќ и пакистанска нуклеарна сенка appeared first on plusinfo.mk.

Администрацијата на американскиот претседател Доналд Трамп го суспендира процесирањето на сите иселенички визи за посетители од 75 земји почнувајќи од 21 јануари, објави Фокс њуз, повикувајќи се на меморандум од американскиот Стејт департмент.

„Фокс њуз“ објави дека писмото им наложува на американските амбасади да одбијат иселеничко визи според важечкиот закон, додека Стејт департментот ги анализира постојните правила.

Престанокот на обработката на визи ќе започне на 21 јануари 2026 година и ќе трае додека трае ревизијата на процедурите. Причината за оваа мерка е спречување на издавање иселенички визи на лица кои би можеле да станат „јавно оптоварување“, односно лица кои би зависеле од владини социјални бенефиции по доаѓањето во САД.

Целосниот список на земји се состои од:

Авганистан, Албанија, Алжир, Антигва и Барбуда, Ерменија, Азербејџан, Бахами, Бангладеш, Барбадос, Белорусија, Белизе, Бутан, Босна, Бразил, Бурма, Камбоџа, Камерун, Зелен ’Рт, Колумбија, Брегот на Слоновата Коска, Куба, Демократска Република Конго, Доминика, Египет, Еритреја, Етиопија, Фиџи, Гамбија, Грузија, Гана, Гренада, Гватемала, Гвинеја, Хаити, Иран, Ирак, Јамајка, Јордан, Казахстан, Косово, Кувајт, Киргистан, Лаос, Либан, Либерија, Либија, Македонија, Молдавија, Монголија, Црна Гора, Мароко, Непал, Никарагва, Нигерија, Пакистан, Република Конго, Русија, Руанда, Свети Китс и Невис, Света Луција, Свети Винсент и Гренадини, Сенегал, Сиера Леоне, Сомалија, Јужен Судан, Судан, Сирија, Танзанија, Тајланд, Того, Тунис, Уганда, Уругвај, Узбекистан и Јемен.

BREAKING: The State Department has now revoked over 100,000 visas, including some 8,000 student visas and 2,500 specialized visas for individuals who had encounters with U.S. law enforcement for criminal activity.

We will continue to deport these thugs to keep America safe. pic.twitter.com/wuHVltw1bV

— Department of State (@StateDept) January 12, 2026

Конзуларните службеници добиле упатство да ги одбиваат визите на апликанти кои се сметаат за најризични според критериуми како здравствена состојба, возраст, познавање на англиски јазик, финансиска состојба или можни потреби за долгорочна медицинска грижа.

Сè уште не е објавено кога точно ќе заврши оваа пауза во обработката на визи и кои други земји дополнително ќе бидат опфатени.

Суспензијата на обработката на визи се вклопува во строгата имиграциска политика што ја спроведува Трамп, откако ја презеде функцијата во јануари минатата година.

Во ноември, Трамп вети дека „трајно ќе ја запре“ миграцијата од сите „земји од третиот свет“ откако авганистански државјанин отвори оган во близина на Белата куќа, убивајќи припадник на Националната гарда.

The post САД ГИ СУСПЕНДИРААТ ИСЕЛЕНИЧКИТЕ ВИЗИ ЗА 75 ЗЕМЈИ Меѓу нив е и Македонија appeared first on plusinfo.mk.

– Разговараа за сите проблеми на светската безбедност со кои се соочува Алијансата – изјави денеска портпаролот на НАТО, Фарах Дахалах.

Тој не наведе повеќе детали за средбата.

Руте, кој е поранешен премиер на Холандија, по изборот на Трамп истакна дека сака да се сретне со него за да разговара за заканите што доаѓаат од Русија, Северна Кореја, Кина и Иран.

– Брзам да седнам со претседателот Трамп и да видам како колективно ќе се се соочиме со заканите – истакна Руте на 7 ноември, на маргините на Самитот на европските лидери во Будимпешта.

Тој тврди дека соработката на Русија со Северна Кореја, Иран и Кина не претставува закана само за Европа, туку закана и по мирот и безбедноста во Индо-пацифичкиот регион и во Северна Америка.

The post РУТЕ И ТРАМП РАЗГОВАРАА ЗА ГЛОБАЛНАТА БЕЗБЕДНОСТ Новите лидери на НАТО и САД ќе ги решаваат безбедносните предизвици на Алијансата appeared first on plusinfo.mk.