Коалицијата „Продолжуваме со промената – Демократска Бугарија“ (ПП–ДБ) в петок ќе поднесе барање за гласање недоверба за Владата на премиерот Росен Жељазков, соопшти во видеопорака на Фејсбук лидерот на ПП Асен Василев.

Тој најави дека следната недела, кога во Парламентот ќе се води расправата, ќе се одржи уште поголем протест, на кој опозицијата јасно ќе порача „Доста е“ и ќе повика да се даде „шанса за иднината на Бугарија“.

Василев им се заблагодари на сите кои учествуваа на вчерашниот протест, кој го нарече историски.

– Јасно кажавме што сакаме – Борисов и Пеевски да престанат да го крадат бугарскиот народ и иднината на нашите деца. За жал, тие одлучија да ја разорат државата – изјави Василев, пренесува БТА.

Тој додаде дека премиерот Росен Жељазков изјавил оти нема да поднесе оставка.

– Ќе им помогнеме – порача Василев.

ПП–ДБ претходно најавија дека ќе побараат оставка доколку кабинетот не се повлече оваа недела. Ова ќе биде шесто барање за гласање недоверба кон актуелната Влада.

The post ЌЕ СЕ ГЛАСА НЕДОВЕРБА НА БУГАРСКАТА ВЛАДА Дали земјата влегува во уште една политичка криза? appeared first on plusinfo.mk.

Левичарската коалиција Нупес и екстремно десничарската партија Национално собрание поднесоа два посебни предлога за гласање недоверба.

Само мал број пратеници ги одобри двата предлози, многу помалку од потребните 289 гласови или половина од Долниот дом на францускиот Парламент.

Десничарската опозициска партија Републиканци не ги поддржа потезите на остатокот од опозицијата.

Предлог-законот за буџетот за следната година затоа се смета за усвоен без гласање и сега за него ќе се расправа во Сенатот.

Француската премиерка Елизабет Борн ја оправда својата одлука повикувајќи се на членот 49.3 од францускиот Устав.

-Тоа не е лесна работа, но во овие тешки времиња, таа одлука беше неопходна. Моравме да им обезбедиме на Французите буџет во согласност со нивните демократски избори и во согласност со нашата политичка насока – рече таа.

Центристичката алијанса на Макрон го загуби своето парламентарно мнозинство во јуни, што го отежнува усвојувањето на законите на неговата влада во Долниот дом на Парламентот, каде што се соочува со повеќе амандмани на буџетот на опозицијата.

Лидерката на екстремната десница Марин Ле Пен рече дека употребата на членот 49.3 ја покажува „слабоста на Владата и пред сè нејзината неспособност да се обедини и да игра демократската игра” и го осуди „одбивањето на Владата да разговара и да прифати компромиси”.

Дебатата во Националното собрание доаѓа по неколкунеделните протести на работниците во складиштата за гориво кои предизвикаа недостиг на бензин. Минатата недела, десетици илјади демонстранти излегоа на улиците барајќи зголемување на платите поради инфлацијата.

И покрај губењето на мнозинството, Центристичката алијанса на Макрон сè уште има најмногу места во Националното собрание со 250 членови.

Нупес е најголемата опозициска сила и има 151 пратеник, додека партијата Национално собрание има 89 пратеници.

Во текот на денешниот ден се очекува да биде одбиено уште едно гласање за недоверба.

The post ФРАНЦУСКАТА ВЛАДА ПРЕЖИЕВЕА ДВЕ ГЛАСАЊА ЗА НЕДОВЕРБА Опозицијата не прифаќа буџетот да помине без гласање appeared first on plusinfo.mk.

– Дневниот ред не е изгласан. Поради фактот што не може да се отвори дебата, според Деловникот околу иницијативата за гласање на доверба на Владата, имајќи предвид дека надминува времето, во ваква ситуација не ни останува ништо освен да констатираме дека на Владата не ѝ е изгласана иницијативата за недоверба. Владата продолжува да работи во полниот состав. Констатирам дека седницата е завршена – рече Џафери.

The post ВЛАДАТА ПРОДОЛЖУВА ДА РАБОТИ ВО ПОЛН СОСТАВ Не ѝ е изгласана недоверба, објави Џафери пред полноќ appeared first on plusinfo.mk.

Апасиев се повика на Деловникот на Собранието, кој предвидува само две ситуации кога спикерот би можел да ја напушти седницата и да им ја отстапи својата обврска на потпретседателите.

– Деловникот на Собранието познава две ситуации кога собранискиот спикер би можел да ги повика потпретседателите на Собранието да ја водат седницата наместо него. Па така, доколку ги прочитате член 60 и член 61 од Деловникот, тогаш ќе забележите дека претседателот на Собранието може да им ја предаде одговорноста на потпретседателите само доколку тој лично е спречен или е оправдано отсутен. Но, ние видовме дека Талат Џафери денеска ниту е спречен, ниту е отсутен. Тој сè уште е присутен во собраниската зграда. Поради тоа, бараме пауза од еден час, а во тоа време очекуваме претседателот на Собранието повторно да влезе во собраниската сала и да ја води седницата за изгласување недоверба на владата – рече Апасиев.

Откако собранискиот спикер ја напушти седницата која почна со присуство од 61 пратеник, вклучувајќи го и спикерот кој и самиот е пратеник, практично настана ситуација која може да се протолкува како обид за „уставен пуч“.

Ова за Плусинфо го искоментира добар познавач на работата на Собранието и на Уставот.

– Седницата на Собрабнието почна согласно со член 69 од Уставот, бидејќи имаше мнозинство од вкупниот број пратеници. Претседателот на Собранието Талат Џафери исто така е пратеник. Сите видовме дека тој ја отвори седницата, дека не е спречен или отсутен. Според тоа, тој е должен да ја води седницата – вели нашиот извор.

Целата мешаница настана откако пратеникот на Беса, Кастриот Реџепи, кој претходно се потпиша во Иницијативата за гласање недоверба на владата, денеска одлучи да не се појави на седницата и да не гласа за пад на власта. Со тоа, иницијаторите останаа без потребниот кворум од најмалку 61 пратеник, а со одлуката на Џафери да ја напушти седницата, бројот на присутни пратеници во парламентот се спушти на 60.

The post ЏАФЕРИ НИТУ Е СПРЕЧЕН, НИТУ Е ОТСУТЕН Апасиев му дава еден час на собранискиот спикер да се врати и да ја води седницата appeared first on plusinfo.mk.

Откако Џафери ја напушти седницата, собраниската служба соопшти дека во салата се присутни само 60 пратеници од опозицијата.

Од опозициската ВМРО-ДПМНЕ брифираат дека недостасува пратеникот на Беса, Кастриот Реџепи, а како што велат оттаму, исклучени се телефоните на пратеникот, а и во двата негови станови нема никој.

Спикерот Џафери, пред да прогласи пауза од 10 минути, ги повика двајцата пратеници од ВМРО-ДПМНЕ кои се позитивни на коронавирусот да ги заземат своите места во посебни простории.

– Се надеввам дека нема да има потреба од поднесување кривична пријава за биолошки тероризам – рече Џафери.

На барање на опозицијата, дадена е пауза од 1 час.

The post СЕДНИЦАТА ЗАПОЧНА БЕЗ ПРАТЕНИЦИТЕ НА СДСМ И НА ДУИ Спикерот Талат Џафери ја напушти седницата и во салата остави 60 пратеници appeared first on plusinfo.mk.

– Зоран Заев вчера со изјавата дека дека нема да поднесе оставка и дека истата ја поместува на неопределено време, односно тој сакал, но централниот одбор на СДСМ не му дозволил, уште еднаш докажа дека е најголемиот лажго во македонската политика, најголемиот манипулант на Балканот и најголемиот аболициран политичар којшто се гребе за уште еден, два или три дена во власт за да си покрие некоја од своите злоупотреби. Но, времето на Зоран Заев помина и што ќе се случува во СДСМ нас не нè интересира, тоа е нивна работа, но што ќе се случува во Собранието ќе види Заев уште во текот на утрешниот ден кога на Владата на Заев која е во оставка ќе ѝ биде изгласана недоверба. Затоа му порачуваме на Заев премиерот во заминување и на неговите најблиски соработници Филипче и Оливер Спасовски да се спремат за мирна транзиција на власта, испорачувањето на недовербата на Владата и формирањето на ново собраниско мнозинство и нова Влада којашто ќе нуди решенија за проблемите кои што ги создаде Заев, Филипче и Оливер Спасовски. Сметам дека доаѓа време за одговорност за сите нивни злоупотреби, доаѓа време за нов почеток, за поспособни луѓе, за нова Влада и за ново парламентарно мнозинство – истакна Милошоски.

Тој постави и прашање зошто вчера Венко Филипче и Оливер Спасовски му аплаудирале на Зоран Заев?

– Дали му аплаудираа дека можеби и Филипче и Спасовски ја изгубиле реалноста од изборниот пораз како што ја изгуби и самиот Зоран Заев? Дали аплаузот на Филипче и Спасовски за Зоран Заев вчера беше аплауз за зголемената инфлација, за поскапените горива, за поскапените прехрамбени производи и за енергетската криза во која што Заев ја турна цела држава, а голем дел од граѓаните ги донесе на ниво на сиромаштија? Дали аплаузот на Венко Филипче и Оливер Спасовски за Зоран Заев вчера е за Вице Заев кој мистериозно исчезна од кривичната пријава за рекетот во РЕК Битола, истата онаа РЕК Битола која што сега нема јаглен, не произведува струја и Македонија е една од државите на столбот на срамот на енергетската европска заедница која што краде струја од европските производители? Дали аплаузот на Венко Филипче и Оливер Спасовски беше за немањето одговорност за пожарот во модуларната болница во Тетово во која што за жал имаше и 14 жртви, а Македонија е на највисокото место по стапка на смртност од ковид-19. Отсуството на реалноста којашто владее во Република Македонија го гледаме токму во дадениот аплауз на Венко Филипче и Оливер Спасовски за нивниот претседател во оставка Зоран Заев затоа што Македонија е на 111-то место во светот по корупција, а и каде да биде Македонија ако министерот за внатрешни работи издава 215 пасоши на светски трговци на наркотици? Отсуството од реалноста во СДСМ се гледа и по тоа што Зоран Заев и Венко Филипче до пред извесно време во Прилеп стигнуваа со владин хеликоптер, откако тоа престана да биде привилегија за нив, Зоран Заев купи едно скапо БМВ кое што се возеше низ општините каде што ги изгуби изборите. Дали аплаузот кој што го даваше Венко Филипче беше можеби за вчера омилен директор Ден Дончев за кој што не знаеме каде се наоѓа неколку месеци или можеби аплаузот на Ковачевски и на Оливер Спасовски беше за Рашковски кој што е десна рака како генерален секретар на Владата на Зоран Заев долги години? – праша Милошоски.

The post ЗАЕВ ДА ОБЕЗБЕДИ МИРНА ТРАНЗИЦИЈА НА ВЛАСТА Милошоски вели дека премиерот се гребе за уште два-три дена власт appeared first on plusinfo.mk.

Собраниската седница на којашто ќе се гласа за недоверба на владата, сепак, ќе се одржи утре наместо во сабота, брифираат високи извори од раководството на опозициската ВМРО-ДПМНЕ. Оттаму објаснуваат дека во моментов активно се водат преговори за да се убеди пратеникот на Алтернатива, Скендер Реџепи, да прифати да го стави својот потпис на веќе поднесената иницијатива на која ќе стојат и потписите на двајцата пратеници на Левица.

Реџепи вчера го прифати предизвикот што му го постави координаторот на пратеничката група на ВМРО-ДПМНЕ, Никола Мицевски, а кој предвидува да се формира нова иницијатива со 20 пратеници во која ќе биде дел и самиот Скендер Реџепи, но во која нема да бидат ставени потписите на „антиалбанските“ пратеници на Левица, Борислав Крмов и Димитар Апасиев.

Но, како што брифираат нашите соговорници, токму во моментот кога Реџепи го прифатил предлогот и кога сите коцки си го нашле своето место во сложувалката, доцна синоќа се појавил нов проблем. Нашите извори од опозицијата тврдат дека власта сега се обидува преку собранискиот спикер Талат Џафери да купи време и да го оневозможи одржувањето на собраниската седница.

– Претседателот на Собранието, Талат Џафери, синоќа изјави дека не може да се поднесе нова иницијатива за гласање недоверба на владата, бидејќи, како што рече, веќе сме имале поднесено една иницијатива. Станува збор за очаен обид на власта да купи малку време и да го оневозможи одржувањето на седницата, бидејќи е свесна оти недовербата ќе биде изгласана. Но, потегот на Џафери е класично кршење на Деловникот на Собранието, па и на Уставот на Република Македонија. Во ставот 5 од членот 214 во собранискиот Деловник јасно е наведено дека „прашањето за изгласување доверба на владата може да се повлече до почетокот на седницата на Собранието, на која ќе се расправа по прашањето за доверба на владата“. Тоа значи дека ние можеме слободно да ја повлечеме иницијатицата за изгласување недоверба в четврток, а да поднесеме нова иницијатива за изгласување недоверба на владата во сабота – брифираат од ВМРО-ДПМНЕ.

Оттаму велат дека и покрај тоа што во Деловникот јасно се прецизирани правилата, сепак, во моментов се одвиваат преговори со пратеникот на Алтернатива, Скендер Реџепи, да го даде својот глас за изгласување недоверба на владата заедно со пратениците на Левица.

– Во моментов се одвиваат преговорите и голема е веројатноста утрешната седница за изгласување недоверба на владата да не биде одложена. Власта може да продолжи да прави опструкции и да бара начини како да го одложи својот крај, но ние ќе докажеме дека мнозинството пратеници е на наша страна и дека в четврток ќе има повеќе од 61 пратеник кој ќе гласа за недоверба на владата. Преговорите се во тек и засега не е поднесена нова иницијатива за одржување собраниска седница во сабота – брифираат нашите извори.

Инаку, собранискиот спикер Талат Џафери рече дека ако еднаш се поднесе иницијатива за гласање недоверба на владата, следното поднесување може да се случи по 90 дена.

– Јасни се процедурите. Има седница закажана во четврток. Седницата мора да има епилог. Епилогот може да биде, се гласа недоверба – паѓа Владата, не се гласа недоверба – не паѓа Владата. После тоа наредните 90 дена не може да има повторно гласање на недоверба. Затоа е даден рок од 90 дена. Процедурата е отпочната, ако се повлече сега барање за гласање на недоверба на Влада, нема право наредните 90 дена за повторно барање за гласање на недоверба – порача Џафери за ТВ21.

Останува нејасно врз основа на кои законски одредби собранискиот спикер толкува дека не може да се повлече барањето и дека седницата мора да се одржи. Законот и Уставот се прилично јасни. Доколку пратениците денеска го повлечат прашањето за доверба на владата тие имаат право веднаш да поднесат нова иницијатива, а Џафери е должен во рок од три дена кои почнуваат од утре да закаже седница. Доколку пратениците постапката ја почнат денеска, тогаш претседателот на Собранието ќе мора седницата за гласање на доверба да ја закаже во сабота.

The post СКЕНДЕР РЕЏЕПИ ПО ВТОРПАТ ПИШМАН Владата, сепак, паѓа во четврток? appeared first on plusinfo.mk.

„Откако во петокот јасно и недвосмислено 61 пратеник се потпиша на иницијативата за недоверба на владата, хибридниот режим на власта започна со брутална кампања, со многу притисоци, закани и уцени да го гази човечкото достоинство и да го урива кредибилитетот на институцијата македонско Собрание. Колега Скендер Реџепи, да го сочуваме достоинството на пратениците и затоа ве повикувам заедно да ставиме крај на газењето на пратениците од страна на хибридниот режим и согласно член 92 од Уставот, изберете 19 пратеници од пратеничката група на ВМРО-ДПМНЕ кои заедно со вас ќе поднесат нова иницијатива до Собранието за гласање недоверба на владата на хибридниот режим СДСМ-ДУИ. Да нема изговори зошто се потпишал овој или оној, бидејќи ова е гласање против хибридниот режим на СДСМ-ДУИ. Се надевам дека ќе застанете заедно со мнозинството на пратеници и ќе го сочуваме достоинството на пратеникот и угледот на македонското Собрание. Одлуката овојпат е многу поедноставна, овде не се гласа за идеологија, туку вистинското прашање дали ќе дозволиме да продолжи криминалот и корупцијата или заедно ќе ја реформираме нашата заедничка татковина“, напиша Мицевски на Фејсбук.

The post ВМРО-ДПМНЕ МУ ПОСТАВИ ПРЕДИЗВИК НА ПИШМАН-ПРАТЕНИКОТ РЕЏЕПИ Избери 19 наши пратеници и поднесете нова иницијатива за гласање недоверба! appeared first on plusinfo.mk.

Веста не е изненадувачка, објави њузсајтот novinite.bg, затоа што веќе неколку дена се знае дека ГЕРБ и Патриотите ги затоплија односите, додека пратениците на Волја индиректно го поддржуваат кабинетот „Борисов 3“,  останувајќи воздржани.

Гласањето беше неуспешно, рече претседателката на парламентот Цвета Карајанчева со воодушевување рече веднаш по гласањето, а пратениците на БСП веднаш излегоа од салата, во знак на протест.

Премиерот Борисов не беше присутен на гласањето.

Пред зградата на Националното собрание, демонстрантите ја поздравија веста со скандирања „Оставка“.

The post Бојко Борисов го преживеа гласањето за недоверба, останува премиер на Бугарија appeared first on plusinfo.mk.