Покрај карциномот на дојка, кој е најчестото малигно заболување кај жените, сè почести се и малигните тумори на матката и на јајчниците. Од големо значење кај малигните болести на репродуктивните органи е тоа што не даваат симптоми во раниот стадиум на болеста, па затоа и потешко е да се дијагностицираат во рана фаза кај пациентки што не прават редовни гинеколошки прегледи.

Во случајот на малигните тумори на матката, особено на грлото на матката, од пресудна важност е раната дијагноза, т.е. предуслов за успешен третман и излекување на ова малигно заболување е ранатa дијагноза. Ова, за среќа, е можно со редовни гинеколошки прегледи и користењето на ПАП-тестoт како скрининг-метода за рана дијагноза на карциномот на грлото на матката.

Д-р Дева Петрова, онколог во Клиничката болница „Аџибадем Систина“, објаснува дека со оглед на тоа што инциденцата на ова малигно заболување е почеста кај помладите репродуктивно способни жени, важно е при појава на кој било симптом од типот на болни сексуални односи, крвавење при сексуален однос, неправилни менструални крвавења, да се јават на редовен гинеколошки преглед.

ТРЕТМАНОТ ЗАВИСИ ОД СТАДИУМОТ НА БОЛЕСТА

Третманот на малигните болести на матката првенствено зависи од стадиумот на болеста на пациентката. Доколку се работи за прв и втор А-стадиум третман, се изведува хируршка интервенција која подразбира отстранување на грлото на матката со сочувување на матката и јајчниците кај жени што сакаат да ја сочуваат репродуктивната способност или со радикален хируршки пристап, кој подразбира отстранување на матката, јајчниците и регионалните лимфни јазли.

Но доколку се работи за понапреднат стадиум на болеста, потребно е конзилијарно одлучување за третманот. Во понапреднат стадиум на болеста, стадиум IIB, III соодветно е лекувањето да се спроведе со комбинација на радиотерапија и хемотерапија. Радиотерапијата подразбира користење на јонизирачки Х-зраци за локален третман на примарниот тумор и регионалниот лимфен базен, при што ефектот од радиотeрапијата се подобрува со конкурентно користење на хемотерапија. Ваквиот третман може во целост да ја замени хирургијата и да доведе до комплетно повлекување на болеста. Врз исходот од лекувањето клучно влијание имаат раниот стадиум на болеста и соодветниот пристап во лекувањето.

БИОЛОШКА И ИМУНОТЕРАПИЈА – НОВИНА ВО ЛЕКУВАЊЕТО

Тоа што е ново во третманот на овие тумори е примената на биолошка и имунотерапија кои во соодветни ситуации кога болеста е напредната имаат додадена вредност на хемотерапијата и може да се користат во комбинација со хемотерапија или како монотерапија за одржување на терапевтскиот ефект.

– Тука спаѓаат инхибиторот на васкуларниот епидермален фактор на раст познат како авастин или бевацизумаб и имунотерапијата со пембролизумаб која беше одобрена во 2021 година за третман на пациентки со перзистентен, рекурентен или метастатски карцином на грлото на матката. Оваа терапија, како и комбинацијата на модерни техники на радиотерапија со успех се применуваат во нашата болница. Во 2021 година Американската агенција за храна и лекови по забрзана постапка го одобри и лекот „тивдак“ за третман на метастатски карцином на грлото на матката, по спроведени две линии на претходна терапија од која едната е платинесто базирана хемотерапија – вели д-р Петрова.

Покрај карциномот на матка, голем онколошки проблем претставува и карциномот на јајчниците.

– Постојат повеќе хистолошки типови карцином на јајчник, но заедничко за сите е тоа што болеста во почетните стадиуми не дава симптоми и може случајно да се открие на редовен гинеколошки преглед, поради што уште еднаш сакам да го потенцирам значењето на овој преглед. Појавата на симптомите, за жал, е карактеристична за напреднатите стадиуми на болеста кога таа е проширена на соседните органи, како и на перитонелната (стомачната) обвивка, што доведува до појава на секреција на течност во стомакот и зголемување на обемот на стомакот – објаснува д-р Петрова.

Доколку болеста е во раните стадиуми и не е проширена на други органи, најдобриот начин на лекување е хирургијата и согласно со стадиумот на болеста, постоперативно лекувањето се продолжува со хемотерапија. Доколку болеста е метастатска, лекувањето треба да се започне со хемотерапија. Покрај стандардната хемотерапија, во лекувањето на оваријалните карциноми се применува и биолошка терапија, како и таргет-терапија во случај кога постои мутација на BRCA1/2 гените. Кај пациентките со присутна BRCA1/2 мутација, може да се предложи и превентивно отстранување на дојките и јајчниците, бидејќи со тоа значително се намалува ризикот од појава на малигни болести на овие органи.

ЦЕНТАР ЗА ОНКОЛОГИЈА И РАДИОТЕРАПИЈА ВО „АЏИБАДЕМ СИСТИНА“

Центарот за онкологија и радиотерапија овозможува најдобар третман на пациентите со канцер, почнувајќи од рано дијагностицирање, хируршко лекување, онколошки и радиотераписки третман до целосна рехабилитација и поддршка во процесот на лекување. Радиотерапијата се изведува преку акцелераторот TRILOGY, кој овозможува високи зрачни дози директно на канцерот со максимална заштита на околното здраво ткиво. Најефикасни решенија при лекување на канцерот се добиваат со мултидисциплинарен пристап.

Во Центарот за онкологија и радиотерапија функционира онколошки конзилиум од доктори со специјалисти од различни области, кои со мултидисциплинарниот пристап заеднички донесуваат решенија во третманот на пациентите со канцер.

The post ЖЕНИ, ОДЕТЕ РЕДОВНО НА ГИНЕКОЛОГ! Прегледите ги откриваат подмолните тумори кои не даваат симптоми во раниот стадиум appeared first on plusinfo.mk.

Кога имала 16 години, Парис била испратена во поправен центар на училиштето Прово Кањон на 11 месеци, рекла таа. Тоа училиште имаше добра репутација сè додека не започна серија обвинувања дека вербално, физички и сексуално ги злоупотребуваат луѓето што го посетуваат училиштето.

Хилтон проговорила за тоа како членовите на училишниот персонал насилно вршеле гинеколошки прегледи врз неа, како и врз други ученички. Парис додава дека овие прегледи не ги извршувале лекари туку наставници кои ги терале девојчињата да легнат на маса, да рашират нозе и со прсти им правеле „гинеколошки прегледи“.

– Многу доцна навечер, околу три-четири часот, мене и другите девојки ме носеа во соба и ми правеа медицински, гинеколошки прегледи. Тие не беа ниту лекари, туку разни членови на персоналот. Не знам што ни направија, но знам дека сигурно не беа лекари. Беше многу страшно и нешто што успеав да го блокирам од моето сеќавање со години. Сега сето тоа ми се враќа и кога сега како возрасна размислувам, сфаќам дека тоа било сексуална злоупотреба – изјавила Парис за „Њујорк тајмс“.

The post ПАРИС ХИЛТОН СО ШОКАНТНО СВЕДОЧЕЊЕ ЗА СЕКСУАЛНО ЗЛОСТАВУВАЊЕ Тврди дека наставници ѝ вршеле „гинеколошки прегледи“ appeared first on plusinfo.mk.

Имено, Криси на својот профил на Инстаграм објавила фотографија од гинеколошката ординација, сакајќи да ги потсети жените за важноста на редовните гинеколошки прегледи, со цел да го превенираат заболувањето од рак на грлото на матката.

„Не заборавајте редовно правите ПАП-тест и преглед на вашите гради, иако светот се наближува кон крајот“,  напишала манекенката, мислејќи на тоа дека и покрај пандемијата на коронарнавирусот, жените треба да одат на редовни прегледи.

На фотографијата, таа позира обвиткана во хартиена крпа, а на лицето имала заштитна маска, која е задолжителна при излегувањето од дома во Калифорнија, додека таа речиси и премногу покажала во позицијата во која се фотографирала.

 

View this post on Instagram

 

don’t forget to keep up with your paps and have your boobs touched even though the world is ending!!

A post shared by chrissy teigen (@chrissyteigen) on Jun 28, 2020 at 4:04pm PDT

FOTO: Instagram

The post Се фотографирала на гинеколошки преглед: Манекенката испрати силна порака ФОТО appeared first on plusinfo.mk.