Понекогаш, пациентките претпочитаат жена да се грижи за нивното репродуктивно здравје. Сепак, фактот е дека повеќето гинеколози се мажи.

Гинекологот д-р Анита Митра открива зошто е тоа така, пишува Хафингтон Пост, а причината може да ве изненади бидејќи е поврзана со физичките разлики помеѓу жените и мажите.

„Зошто има толку многу машки гинеколози? Ова е прашање што често го слушаме. Иако имам многу фантастични колеги гинеколози, разбирам дека понекогаш едноставно преферирате жена“, вели д-р Анита Митра во видео што го објави на Инстаграм.

„Зошто има толку многу мажи во оваа професија?

Повеќе за ова прочитајте ТУКА.

The post СЀ Е ДО ГОЛЕМИНАТА НА РАКАТА?! Жена-гинеколог објаснува зошто има толку машки гинеколози appeared first on plusinfo.mk.

Новата мобилна апликација „Мое здравје“ овозможува брз и лесен пристап до здравствени услуги за граѓаните, вклучувајќи закажување термини, следење медицински податоци и комуникација со матичните општи лекари, стоматолози и гинеколози.

Според Министерството за здравство, апликацијата ќе им помогне на корисниците да закажуваат прегледи без чекање во ординациите и да добиваат известувања за резултати од анализи.

– Со оваа алатка значително се олеснува пристапот до здравствениот систем и се намалуваат административните процедури – велат од Министерството.

Апликацијата е достапна за „Android“ и за „iOS“ корисниците, а нејзината употреба е бесплатна. Нуди можност за дигитално чување на здравствени документи, што ќе овозможи побрза и поефикасна здравствена грижа.

Граѓаните веќе изразуваат позитивни реакции за новата услуга.

– Ова ќе ни заштеди време и нема да мораме да одиме физички во амбуланта за закажување термин. Процедурата за активирање е многу едноставна, само ви треба корисничкото име и лозинката од порталот е-услуги и целиот просец е лесен. За да ја испробам се јавив кај матичниот лекар, ми требаше упат, оттаму ми кажаа кога има слободен термин кој мене ми одговараше. По неколку минути ми пристигна известување на апликацијата во колку часот, кога и кај кој лекар имам закажно преглед – вели скопјанец кој веќе ја симнал апликацијата и закажал преглед.

Од Министерството за здравство велат дека „Мое здравје“ е значаен чекор кон модернизација на здравствениот систем во земјата.

– Целта на оваа апликација е да им го олесниме пристапот до здравствени услуги на сите граѓани, со што ќе се намалат административните процедури и ќе се забрза комуникацијата помеѓу пациентите и здравствените установи – истакнуваат од Министерството.

Апликацијата „Мое здравје“ овозможува граѓаните на Македонија да имаат брз и лесен пристап до своите здравствени податоци, директно од мобилен телефон или од компјутер. Оваа дигитална платформа е создадена со цел да ја подобри комуникацијата помеѓу пациентите и здравствените установи, овозможувајќи преглед на медицинската историја, рецепти, упати и вакцинален статус на едно место.

Што нуди „Мое здравје“?

Апликацијата ги поврзува корисниците со здравствениот систем и им овозможува:

– Пристап до личните здравствени податоци – корисниците можат да ги прегледаат своите медицински информации во секое време, без потреба од физички посети на лекар.

– Преглед на минати и тековни прегледи, рецепти и упати – апликацијата содржи детали за дадените рецепти, нивната важност и достапноста на лековите во аптеките.

– Следење на вакциналната историја – овозможува проверка на примените вакцини, вклучително и ковид-19 вакцинацијата.

– Подобро управување со здравјето – граѓаните можат навремено да се информираат за нивниот здравствен статус и да донесуваат одлуки во координација со нивните лекари.

Кој може да ја користи „Мое здравје“?

Апликацијата е достапна за сите граѓани, без разлика на возраста, и е наменета за оние кои сакаат брз и лесен пристап до своите здравствени податоци. За поголема достапност, таа е преведена на македонски, албански и англиски јазик.

Во делот Мои податоци се наоѓа пристапот до профилите на малолетните лица кои се пријавени на здравственото осигурување на родителот.

Како да ја користите „Мое здравје“?

Апликацијата е достапна во мобилна и десктоп верзија и има едноставен и интуитивен интерфејс. Корисниците се најавуваат преку Националниот портал за е-услуги, што значи дека не треба да создаваат нов кориснички профил – најавата се врши директно преку eID.

Со „Мое здравје“, граѓаните добиваат побрз, побезбеден и поедноставен начин да ги следат своите здравствени потреби. Ако имате проблеми со најавата, повеќе информации и решенија може да најдете на официјалниот портал за е-услуги.

Кои податоци ви се достапни преку „Мое здравје“?

Апликацијата ви овозможува увид во сите реализирани прегледи кај матичен лекар, специјалистички, лабораториски, дијагностички и болнички упати, рецепти, вакцини и други поважни медицински податоци. За секоја од наведените категории, корисникот има пристап до подетални информации како датум на закажан преглед, датум на извршување на услугата, здравствена установа и здравствен работник кој ја извршил услугата, извештаи, резултати, отпусни писма, сертификати и решенија за вакцинација.

Податоците се поделени во две категории: активни и архивирани. Активни се сите актуелни документи, додека во архивата се наоѓаат сите документи за изминатите години.

Како да ја користите апликацијата „Мое здравје“?

Апликацијата е лесна за користење и не бара специјални технички вештини. По првичната најава преку вашиот eID профил, потребно е да поставите ПИН код кој ќе го користите за секоја следна најава во апликацијата. После секоја најава, ќе се појави почетна страна со можност за директен пристап до различните видови лични податоци.

На почетната страна можете да се информирате за вашето здравствено осигурување. Ако притиснете на иконата ⓘ која се наоѓа веднаш до вашето име, ќе добиете информација за тоа дали вашето здравствено осигурување е активно или не.

Специјалистички и лабораториски упати

Во делот за специјалистички упати, корисниците можат да видат информации како датум на закажан преглед, број на упат, доктор и институција каде треба да се изврши прегледот, како и статус на упатот (дали е со термин, без термин или итен). Архивата за специјалистички упати содржи информации за тоа дали упатот бил реализиран или не, како и извештајот од прегледот.

Лабораториските упати се исто така поделени во активни и архивирани. Во активните упати ќе бидете информирани за бројот на упатот, датумот на важност и институцијата каде треба да се изврши прегледот.

Болнички упати и отпусни писма

Во категоријата „болнички“, апликацијата нуди увид во активните болнички упати, со информации за кога и каде е издаден упатот и видот на упат. Отпусните писма од болниците ќе бидат достапни веднаш по нивното изготвување и можат да се прегледуваат во апликацијата.

Дијагностички упати

За дијагностичките упати, исто така, достапни се сите релевантни информации како број на упат, кога и каде треба да се изврши прегледот, како и архивираните документи со извештајот од прегледот по реализацијата.

Витални параметри

Една од корисните функции на апликацијата е следењето на виталните параметри. Апликацијата ви овозможува да ги внесете и следите вашите витални знаци како висина, тежина, низок и висок крвен притисок. Со додавањето на овие податоци, апликацијата автоматски ќе пресмета вашиот индекс на телесна маса (BMI) и ќе ги визуелизира резултатите преку графикони, што ви помага да ги следите вашите здравствени трендови со текот на времето.

Рецепти

Во апликацијата „Мое здравје“, корисниците можат да имаат увид во сите издадени рецепти. Овде ќе видите кои рецепти можат веднаш да се реализираат во аптеките, а кои рецепти се за лекови кои не се на товар на Фондот за здравствено осигурување. Архивата содржи и сите претходно издадени рецепти, како и информации дали се реализирани или не.

Прегледи кај матичен лекар

Корисниците ќе имаат увид во сите податоци за прегледи кај матичен лекар, вклучувајќи го датумот на закажување и реализација на прегледот, лекарот кој го извршил прегледот, дијагноза и креираните упати и рецепти.

Вакцини и ковид-19 сертификати

Категоријата „вакцини“ содржи информации за сите вакцини кои сте ги примиле, заедно со датумите на примени дози и ревакцинација. Исто така, тука можете да пристапите до ковид-19 сертификатите и решенијата за изолација ако сте биле позитивни на тестот за ковид-19.

Странично мени и подесувања

Преку страничното мени кое се отвора со кликнување на иконата со три цртички, можете да ги прегледате вашите лични податоци, да ја промените јазичната поставка, да го промените ПИН кодот, телефонскиот број или e-mail адресата. Во секој момент можете да ја смените вашата ПИН шифра или да пријавите технички проблеми.

Апликацијата „Мое здравје“ е моќен и лесен за користење инструмент кој им овозможува на граѓаните да ги следат и управуваат со сите аспекти на своето здравје. Со нејзиното користење, корисниците можат лесно да го следат своето здравје, да пристапат до важни медицински документи и да имаат потполна контрола над своето здравствено осигурување.

The post ПРЕКУ АПЛИКАЦИЈАТА „МОЕ ЗДРАВЈЕ“ ИМАТЕ ПРЕГЛЕДНОСТ ЗА СИТЕ ПОСЕТИ НА ЛЕКАР Со еден клик го имате здравствениот картон во вашиот мобилен телефон appeared first on plusinfo.mk.

Во „куќата на ужасот“ во Брчко, 5 месеци престојувале 2 деца, чијшто татко истакнал дека редовно ги плаќал услугите на жена за чување на неговите деца, објави српски Телеграф.

Оваа информација во средата ја објави новинарката на Федералната телевизија, Суада Мујдановиќ, која разговарала со тој родител, а како што додала, во текот на вчерашниот ден во полиција дошле родители да си ги земат децата.

• ДЕЦА ПРОДАВАНИ И КУПУВАНИ ВО БРЧКО Полицијата спасила 31 дете, меѓу нив и бебиња

– Тој родител живее во Бања Лука, а неговата сопруга во моментов е на распит овде во полиција и имаат уште 6 деца. Таа и нивните 6 деца моментално живеат во Република Хрватска. Се споменуваат родители од Босна и Херцеговина, Хрватска, па дури и од Италија, кои доаѓаат тука на разговор, а и за да си ги земат децата – вели Мујдановиќ.

Како што додава новинарката, децата вчера биле сместени во хотел, а постои сомневање дека ниедно од децата не е од округот Брчко.

Девојчињата се одведени на гинеколошки преглед

Новинарката на Телевизијата на Босна и Херцеговина, Ивана Трбиќ, утринава ги изнесе најновите информации за случајот во Брчко, а неофицијално се дознава дека некои девојчиња биле испратени на гинеколошки преглед.

– Она што успеавме да го дознаеме е дека децата се згрижени и лекарски прегледани. Неофицијално, девојчињата од оваа група се упатени на гинеколошки преглед – истакнува Трбиќ.

Таа додаде дека сѐ уште е рано за конечни заклучоци, но дека се сомничат кривични дела трговија со луѓе, трговија со деца, запоставување и злоупотреба на деца.

– Обвинителството сè уште проверува дали настанот ги претставува овие кривични дела. Најважно во моментов е децата да бидат добро, безбедни и згрижени, а дополнителни информации ќе се дознаат подоцна – појаснува новинарката.

Според последните информации, кај децата биле пронајдени пасоши од Република Хрватска, а ги чувала одредена жена, најверојатно италијанска државјанка. Каков бил планот на криминалната група за децата засега е предмет на истрага.

– Некои документи се истечени, што уште повеќе ја отежнува проверката на идентитетот на децата – заклучи новинарката.

Полицијата откри 31 дете кои можеби биле жртви на трговија со луѓе. Децата, кои биле пронајдени во куќата, се на возраст до 12 години, а најмалото меѓу нив е бебе од неколку месеци. Центарот за социјална работа, во соработка со Црвениот крст и со Обвинителството во Брчко, се грижат за децата.

Што знаат мештаните?

Мештаните не биле особено желни да зборуваат за овој случај, а оние кои се согласиле да разговараат со новинарката на Телеграф, под услов да останат анонимни, велат дека воопшто не знаеле дека во куќата живеат толку голем број деца. За жената, која е приведена, се знаело дека ја гледаат низ населбата, но навеле дека не ги виделе децата, иако жената, која живеела во куќата, велела дека „ја води градинката“.

– Се зборува дека таа рекла дека куќата е градинка, дека незаконски ги чувала децата, наводно таму биле подолго време. Којзнае… Пред 2 години ја видовме со 3 деца, 2 момчиња, исти беа, како да се близнаци, и со едно девојче. Отидоа во продавница, таа ги одведе на фризер… Децата не кажаа ни збор, како да беа неми – сведочат мештаните.

Тие посочуваат дека од медиумите слушнале дека меѓу приведените има и судски полицаец. Мештаните велат дека синот на жената, која е сопственичка на куќата, е судски полицаец, но дека никогаш не изгледале како семејство што би се занимавало со некој незаконски бизнис, особено бидејќи тој работел во државна служба.

– Тој е повлечен, делува некако збунето… Ни таа не изгледа како жена што би направила криминално дело. Не знаеме што се случило таму. Полицијата сега е тука, чува сѐ… Ништо не знаеме – додава загрижениот мештанин.

Луѓето кои живеат таму посочуваат дека се надеваат дека куќата навистина послужила како „дива градинка“ бидејќи секое друго сценарио би им ја замрзнало крвта.

– Не е добро дури и да водела нелегална градинка, знаете зошто градинките треба да имаат дозволи… Но, тоа ни е полесно да го „проголтаме“ одошто ако испадне дека децата биле шверцувани, не дај, Боже, продадени… Се надеваме дека ќе биде првото или дека е само некаква забуна. Ќе биде страшно ако тоа беше нешто што се случувало пред нашиот нос, а ние сме немале поим – велат мештаните.

ПОЗНАТ СЕМЕЕН КЛАН СТОИ ЗАД УЖАСОТ ВО БРЧКО? Родителите сами ги давале децата на „згрижување“

The post „КУЌАТА НА УЖАСОТ“ ВО БРЧКО Е ЛАЖНА ГРАДИНКА ИЛИ НЕШТО ПОСТРАШНО? Девојчињата се одведени на гинеколог, приведен е судски полицаец appeared first on plusinfo.mk.

Денеска почина д-р Јован Јуруковски, истакнат гинеколог и акушер, чие влијание во медицината и образованието ќе остане запаметено.

Проф. д-р Јуруковски беше редовен професор на Медицинскиот факултет во Скопје, каде што служеше како продекан и шеф на Катедрата за гинекологија и акушерство. Долги години беше и директор на Гинеколошко-акушерската клиника во Скопје, каде што неговите напори доведоа до воведување на современи медицински стандарди и критериуми. Со својата стручност и визија, тој ги постави темелите за развојот на оваа гранка на медицината во Македонија. Проф. д-р Јуруковски беше автор на многу статии од неговата област, како на домашно така и на интернационално ниво, вклучувајќи и истражувања објавени во Оксфорд, Англија, каде што го поминал дел од своето школување и добил понуда за професорска позиција.

Покрај неговата академска и клиничка кариера, проф. д-р Јуруковски беше основач на ПЗУ Јуруковски, приватна здравствена установа која нуди висококвалитетни гинеколошки и акушерски услуги. Неговата посветеност на медицината и образованието го постави како еден од водечките стручњаци во оваа област.

Но, покрај тоа што беше извонреден лекар и професор, тој беше и исклучителен човек – верен пријател, посветен сопруг, грижлив татко и дедо. Со својата добрина, скромност и топлина, остави неизбришливи спомени кај сите што имаа чест да го познаваат.

Останува споменот за еден човек кој несебично го посвети својот живот на медицината и на благосостојбата на другите. Нека почива во мир.

The post ДОЛГИ ГОДИНИ БЕШЕ ДИРЕКТОР НА КЛИНИКАТА ЗА ГИНЕКОЛОГИЈА Почина д-р Јован Јуруковски appeared first on plusinfo.mk.

Ако нашите трудници и родилки се третираат како што се третираат трудниците и родилките во Британија – повеќето од жените на Балканот не би биле задоволни.
Вака вели хрватскиот професор д-р Жарко Алфиревиќ кој веќе 25 години работи во Велика Британија како гинеколог.

Тој тврди дека ја открил најголемата разлика во здравствените системи на двете земји.

„Како што жените раѓаат овде, на балканските жени не би им се допаднало“, заклучува професор Алфиревиќ кој во 1984 година дипломирал на Медицинскиот факултет во Загреб, а во 1989 година со стипендија на Британскиот совет заминал на обука во Ливерпул, каде што останал до денес.

Повеќе за ова прочитајте ТУКА.

The post БРИТАНСКИТЕ ТРУДНИЦИ ВООПШТО НЕМААТ ГИНЕКОЛОГ Бремените жени не одат на ехо без медицинска индикација, наместо доктор, ги пораѓа акушерка appeared first on plusinfo.mk.

На прес-конференција по повод Неделата на женското здравје 2024 година, се потенцираа редовните превентивни прегледи, раното откривање на здравствените проблеми, како и информирањето на сите жени во земјава, дека изборот на матичен гинеколог е од клучна важност за редовните превентивни прегледи.

Според претседателот на Македонската асоцијација на гинеколози и опстетричари, професор доктор Глигор Тофоски, субјективно, имаат чувство дека многу поголем број жени доаѓаат превентивно и порано на прегледи.

„Успеавме дел од жените да дојдат порано на преглед и со помала интервенција да продолжат со нормален квалитет на живот понатаму“, рече Тофоски.

Но, како што информираше тој, сѐ уште имало пациентки кои доаѓаат со понапредни карциноми, во потешка фаза. Тој спомена анализа од Министерството за здравство, според која, таквите пациентки никогаш не се вражаат на квалитетот на животот како пред болеста, а ја спомена и финансиската димензија.

Повеќе за ова на „Мајка и дете“.

The post РЕДОВНИ ГИНЕКОЛОШКИ ПРЕГЛЕДИ ЗА ПОКВАЛИТЕТЕН ЖИВОТ Превентивните прегледи се важни и од финансиски аспект appeared first on plusinfo.mk.

За многу мажи, присуството на раѓањето на детето е важен и емотивен настан. Сепак, еден од водечките светски гинеколози, Мишел Одент, смета дека присуството на таткото може да го направи породувањето подолго, поболно и покомплицирано.

„Пристигнувањето на бебињата во светот би било поедноставно кога жените би останале сами со бабицата за да им помогне, како во минатото“, рекол во една пригода Одент и објаснил зошто идеалната средина за породување генерално не ги вклучува мажите.

„Со оглед на тоа што повеќе од 50 години сум учествувал во породувања во болниците во Франција, Англија и Африка, најдоброто опкружување што го знам за лесно породување е кога нема никој околу родилката освен тивка и искусна бабица. Значи, без лекар и без сопруг“, вели тој за Обсервер.

Повеќе за ова на „Мајка и дете“.

The post НА МАЖИТЕ НЕ ИМ Е МЕСТОТО ВО РОДИЛНАТА САЛА Француски гинеколог вели дека жените раѓаат потешко во присуство на мажи appeared first on plusinfo.mk.

Жестоки реакции предизвика огласот на Универзитетската клиника за Гинекологија и акушерство во Скопје, каде што е наведено дека се бараат лекари со албанска етничка припадност.

Во огласот за вработување на здравствени работници на неопределено време се вели дека ГАК има потреба од двајца доктори на специјализација по гинекологија и акушерство, еден од турска и еден до албанска националност, двајца специјализанти по педијатрија од албанска националност и специјализанти по анестезија и интензивна медицина каде што се бараат Ром и Албанец.

„Не е битно дали е професионален и стручен лекар, туку да е Албанец, Турчин, Ром… Добро, луѓе, дали сте нормални?“, прашува д-р Ненад Лазаров во реакција на Фејсбук.

Тој тврди дека ваков преседан не постои во медицинскиот свет.

„Каква врска има националност со гинекологијата и акушерството?“, прашува тој.

Конкурсот е распишан врз основа на Законот за вработени во јавниот сектор. Министерот за здравство Фатмир Меџити вели дека пред објавување на конкурсот огласот, тој се одобрува од Управниот одбор на клиниката и дека Законот го предвидува тоа, но знаењето и искуството имаат поервенмствено значење.

И премиерот Димитар Ковачевски изјави дека законот е таков, иако етничката припадност според него не може да биде професија.

Според претседателката на Уставниот суд, Добрила Кацарска, неуставни и незаконски се сите огласи за вработувања во јавната администрација во кои се бара кандидатите да бидат припадници на соодветна националност, пишува А1он. Кацарска смета дека ваквите огласи се противуставни.

The post СЕ БАРА АЛБАНЕЦ ИЛИ ТУРЧИН ЗА ГИНЕКОЛОГ – ПА ДАЛИ Е ТОА НОРМАЛНО?! Се претера и со балансерот, јавноста вџашена appeared first on plusinfo.mk.

На 13.11.2023 околу 19.30 часот во СВР Скопје, лекар од Клиниката за гинекологија и акушерство Скопје пријавил дека кај нив на преглед дошла 18-годишна ученичка од средно училиште на подрачје на Карпош.

Според пријавеното, 55-годишен хаусмајстор во училиштето ја допирал по телото и таа го пријавила случајот кај психологот во училиштето.

Полицијата соопшти дека презема мерки за расчистување на случајот.

The post ХАУСМАЈСТОР ДОПИРАЛ СРЕДНОШКОЛКА Таа отишла прво кај психологот, па на гинеколог appeared first on plusinfo.mk.

Двојката на крајот на април годинава пријавила дека била силувана.

– На 28.04.2023, пријавената лажно пријавила дека едно лице над неа извршило обљуба во текот на денот во с.Џепчиште. После тоа, врз неа извршен бил гинеколошки и телесен преглед, при што било утврдено дека се работи за самоповредување, по што и самата признала дека лажно пријавила кривично дело – велат од СВР Тетово.

The post ГИНЕКОЛОГОТ ЈА ОТКРИЛ ИЗМАМАТА Девојка од Џепчиште лажно пријавила силување appeared first on plusinfo.mk.