Скопското обвинителство поведе постапка и предложи мерка притвор против 45-годишник осомничен за кривично дело – телесна повреда според член 130 став 2 во врска со став 1 од Кривичниот законик.

Според обвинителството тој е осомничен дека вршел семејно насилство во Кисела Вода при што телесно ја повредил неговата поранешна партнерка.

„Ја извлекол на сила од домот во кој живеела жртвата, ја влечел и туркал до неговиот дом во близина, ја внел внатре и физички ја нападнал, удирајќи ја со шлаканици, клоци и со мобилен телефон. На жената и нанел телесни повреди – рани и хематоми по главата и телото“ соопшти Обвинителството.

Оттаму додаваат дека ова не е негов прв случај на семејно насилство бидејќи веќе бил насилен и кон својата мајка и снаата.

-На осомничениот од страна на судија на претходна постапка претходно му биле определени мерки на претпазливост за насилство извршено кон неговата мајка и снаа за брат. Последниот настан укажува дека за кратко време тој ги повторува насилничките дејствија, односно манифестирал насилничко однесување и спрема неговата поранешна партнерка. Во исто време, постои ризик од бегство со цел да избегне кривична одговорност за сторените кривични дела, па јавниот обвинител сега од судот побара да определи најстрога мерка – притвор за осомничениот- велат од Обвинитеството.

The post ЈА ТЕПАЛ СО КЛОЦИ, ШЛАКАНИЦИ И СО МОБИЛЕН ПОРАНЕШНАТА ПАРТНЕРКА Обвинителството бара притвор за жител на Кисела Вода appeared first on plusinfo.mk.