Мас за телевизијата Билд изјави дека неговото министерство е во контакт со сто граѓани и нивните семејства и дека тие се обидуваат безбедно да ги донесат на аеродромот со цел да бидат распределени на летовите за евакуација.

– Американците рекоа дека ќе продолжат со акцијата за евакуација до 31 август. Во овој момент, Вашингтон размислува дали акцијата може да се продолжи – рече Мас.

Тој додаде дека е неопходно да се анализира колку долго може да се обезбеди безбедноста на силите на самото место, како и луѓето што треба да бидат евакуирани.

– Нема да има доволно време за да ги евакуираме сите – истакна Мас, наведувајќи дека Германија со САД и Велика Британија започнала да проверува како да ги спаси луѓето од Авганистан и по акцијата за воена евакуација.

Тоа што германската Влада мора да преговара со талибанците за евакуација на своите граѓани, тој го окарактеризира како најлоша работа, но исто така посочи дека нема алтернатива.

– Единствената алтернатива би била да ја оставиме нашата локална работна сила сама на себе. А, на тоа не сме подготвени – истакна Мас.

The post ГЕРМАНСКИ МИНИСТЕР СО РАЗОЧАРУВАЧКА ИЗЈАВА Нема да има доволно време за да ги евакуираме сите appeared first on plusinfo.mk.