Пандемијата со ковид-19 веројатно ќе стане епидемија до есен или зима, за која може да се очекува да се повторува секоја година, но и да се контролира со вакцини, изјави водечкиот германски вирусолог, објави Гардијан.

Кристијан Достен нагласи дека верува оти бројот на заболени од коронавирус ќе се зголеми по летото, но дека болеста ќе може да се контролира. Иако скокот најверојатно ќе се опише како „четврти бран“, рече тој, веројатно ќе означи почеток на „нова, ендемична фаза“ или „сезонска епидемија“ што ќе се повтори во текот на неколку години, но може да биде под контрола со ревакцинација.

Дростен е раководител на одделот за вирусологија на Универзитетската болница во Берлин, и е клучен глас што ги советува владата и јавното здравство во текот на пандемијата. Тој објасни дека и покрај јасните индикации дека вирусот станува се поконтролиран, сепак постои опасност поради луѓе кои не успеваат да ја земат втората доза или веруваат дека вакцините повеќе не се потребни.

„Во моментов сме во преодна фраза“, рече Достен за Corona Update популарен неделен подкаст на германското радио НДР.

„Нашата следна цел како општество е 80 отсто од возрасната популација да бидат целосно вакцинирани. Тој рече дека сите очекувања се дека Германија ќе ја постигне оваа цел до крајот на август или средината на септември. Во моментов, 23 отсто примиле целосна вакцинација и 47 отсто примиле една доза.

The post Водечки германски вирусолог: Ковид-19 може да стане сезонска епидемија appeared first on plusinfo.mk.

Водечкиот германски вирусолог Кристијан Дростен, за разлика од многумина, очекува епидемиолошката состојба да се подобри дури наесен.

Во интервју за германскиот магазин „Шпигел“, Дростен рече дека не верува дека ќе биде подобро во текот на летото, туку дека по „отклучувањето“, и покрај потоплите температури, бројот на нови пациенти ќе се зголеми, како што беше случај во Шпанија. Во овој поглед, тоа потсетува на Јужна Африка, каде што бројот на нови случаи во моментов рапидно расте, а сега таму е лето.

Причината за неговата прогноза, како што вели, е новата варијанта на вирусот, Б.1.1.7 првпат откриена во Велика Британија. Вирусологот вели дека сега сè уште постои единствена шанса да се спречи ширењето на новата варијанта во Германија, или барем да се забави.

Студија докажа дека мутираниот вирус е позаразен до 35 проценти.

– Ова е за жал поопасно отколку кога би станал посмртоносен, бидејќи секое ново заразено лице на тој начин ќе зарази повеќе луѓе, а секое од овие лица за возврат ќе зарази повеќе луѓе. Значи, бројот на заразени ќе расте експоненцијално. Ако бројот на случаи сега не се спушти доволно ниско може да има негативни последици на пролет и лето. Кога постарите лица и можеби некои од ризичните групи ќе бидат вакцинирани, ќе има огромен економски, социјален, политички и можеби правен притисок да се стави крај на мерките против коронавирусот – рече Дростен.

Како резултат, предупредува тој, може да има поголема инфекција, така што повеќе нема да има „само“ 20.000 нови пациенти, туку во најлош случај и по 100.000 на ден.

Иако тогаш би биле претежно погодени лицата на помлади години, кои имаат полесна форма на болеста, посочува Дростен во интервјуто за „Шпигел“, со толку многу заразени, повторно ќе има преполни оддели за интензивна нега и многумина ќе умрат.

The post Водечки германски вирусолог предупредува: Британскиот вирус може да ги кутне младите и болниците! appeared first on plusinfo.mk.