На средбата, чиј домаќин беше Генералниот директор и Претседател на УО на „Алкалоид“, г. Живко Мукаетов, претставниците на германската економска делегација проследија презентација која ги опфати остварените резултати од работењето на „Алкалоид“, како една од најуспешните фармацевтски компании во ЈИЕ, нејзините пласмани, производственото портфолио и деловните операции. Беа претставени и големиот број инвестиции кои компанијата континуирано ги реализира низ годините, извозните активности и политиката за општествена одговорност, кои се дел од деветдеценискиот континуитет на успешната приказна за „Алкалоид“.

Во рамките на работната средба посебен акцент беше ставен врз долгогодишната успешна соработка на „Алкалоид“ со германски компании. Како еден од брзорастечките извозни пазари на компанијата, Германија е од особено стратешко значење и пазар каде што „Алкалоид“ во 2022 година оствари пласмани од 3.014.328 евра, при што забележа раст од 6,6 % во однос на 2021 година.

Посебен осврт беше даден за тридецениската стратешка соработка на „Алкалоид“ со компанијата „BASF“, eвропска мултинационална хемиска компанија и најголем производител на хемикалии во светот, која важи за еден од најсигурните партнери на „Алкалоид“. Како компанија со најголема доверба во однос на квалитетот на суровините и која ги следи потребите на нашата компанија, „BASF“ е снабдувач на суровини во сегментите фармација, козметика и хемија.

При обиколката на производствените капацитети на сегментот фармација и на Институтот за истражување и развој, гостите изразија задоволство од високото ниво на подготвеност и на стручност на човечкиот капитал кој управува со процесите, како и од високото ниво на технолошка опременост на капацитетите, при што голем дел од инсталираната опрема е снабдена од германски производители.

Генералниот директор и Претседател на УО на „Алкалоид“ АД Скопје, г. Живко Мукаетов, се заблагодари за честа и за можноста да ги претстави работењето и деловните операции на компанијата пред присутните, потенцирајќи го значењето на оваа средба за натамошно продлабочување на билатералната соработка.

Вршителот на должноста Aмбасадор на СР Германија, г. Ото Граф, изрази благодарност од посетата и од срдечното гостопримство, истакнувајќи дека преку оваа работна средба се уверил во големината, успешноста и во организираноста на една од компаниите столбови на македонската економија.

The post ГЕРМАНИЈА Е БРЗОРАСТЕЧКИ ИЗВОЗЕН ПАЗАР ЗА НАШАТА НАЈМОЌНА ФАРМАЦЕВТСКА КОМПАНИЈА Германска економска делегација во работна посета на „Aлкалоид“ appeared first on plusinfo.mk.

Исто така, компаниите треба да го почитуваат и она што е на агендата на Европската Унија, а тоа е „Зелениот договор“ за зашита на животната средина.

– Покрај грижата во однос на работната сила, компаниите треба да се фокусираат и на она што е на агендата на Европската Унија и Германија, тоа е „Green deal“ за заштита на животната средина. Од 1 јануари 2022 година во Германија стапува во сила Законот за добавувачи, каде што компаниите кои сакаат да извезуваат во Германија и да бидат добавувачи на германски компании треба да исполнуваат одредени стандарди, како што се стандарди во однос на почитување на човекови права, работнички права заштита на животната средина при производството -рече Мартенс.

Тој додаде дека локалните компании ои што работат за германскиот пазар треба најмногу да се подготват за овие предизвици, за да бидат и во иднина конкурентни.

Како што посочи, она што им се допаѓа на германските инвеститори е законската рамка во Северна Македонија, која е многу слична на европското законодавство, и од тие причини тие се одлучуваат своите инвестиции да ги реализираат тука, бидејќи можат да се ослонат на слични закони.

– Германската компанија која е крајниот купувач едноставно ја носи одговорноста пред судот и пред законот во однос на исполнувањето на стандардите од сите компании кои биле нејзини добавувачи, дека секој добавувач се придружува до новиот Закон за синџир на добавувачи, и секогаш ќе гледа да работат со компании кои ќе ги исполнуваат тие закони и им даваат таква сигурност – додаде Мартенс.

Во однос на очекувањата за економската соработка меѓу Германија и С Македонија за 2022 година, тој посочи дека се позитивни, и очекува позитивен раст и зголемување, но се разбира, како што додаде, она од што зависи извозот и производството е интернационалниот синџир на добавувачи, од кои зависат и германските инвеститори во земјава.

– Состојбата кај германските инвеститори во С Македонија е многу добра. Тие се задоволни од работата тука, планираат да ги прошират и зголемат своите инвестиции во следниот период. Но она што треба да го запазиме е пазарот на трудот, односно да им понудиме перспектива на младите луѓе да останат во земјава и исто така да им дадеме можност да бидат вработени во добри перспективни компании – додаде Патрик Мартенс на денешниот брифинг.

The post НОВИ ПРАВИЛА ЗА СОРАБОТКА СО ГЕРМАНСКИ КОМПАНИИ Од 1 јануари во Германија важи нов Закон за добавувачи appeared first on plusinfo.mk.