Сојузна Република Германија нема да учествува во американско-израелската војна против Иран, изјави денеска германскиот канцелар Фридрих Мерц.

– Немаме мандат од Обединетите нации, Европската Унија или НАТО, што е неопходно според Уставот. Затоа, од самиот почеток беше јасно дека оваа војна не е прашање на НАТО – рече Мерц на прес-конференција во Берлин.

Германскиот канцелар додаде дека Соединетите Американски Држави и Израел не ја консултирале Германија во врска со покренувањето на нападот.

– Кога станува збор за Иран, никогаш не е донесена заедничка одлука за тоа дали воопшто треба да се интервенира. Само по себе, затоа, не се ни поставува прашањето за евентуално воено учество на Германија. Од самиот почеток беше јасно дека ова не е прашање за НАТО, НАТО служи за одбрана, а не за напад – нагласи Мерц.

ШТО СЕ ДВЕ ЕВРОПСКИ ФРЕГАТИ ВО СПОРЕДБА СО АМЕРИКАНСКАТА МОРНАРИЦА Писториус му порача на Трамп дека Европа не ја почна војната во Иран

The post САД НЕ ЈА ПРАШАА ГЕРМАНИЈА ПРЕД НАПАДОТ ВРЗ ИРАН Мерц порача дека нема да учествуваат во војната appeared first on plusinfo.mk.