Одморот на едно германско семејство на Зеленортските острови заврши трагично откако тројца членови на семејството беа пронајдени мртви во станот каде што престојуваа. Португалската полиција потврди дека во Лисабон е уапсен 19-годишен син, кој е осомничен за тешко убиство.

Телата беа пронајдени во сместувачкиот простор, а според првичните информации, жртвите беа убиени со ладно оружје.

Португалските власти соопштија дека младиот човек е уапсен во Лисабон врз основа на европска потерница издадена од германските власти. Се сомнева дека ги убил својот татко, сопругата на својот татко и нејзината ќерка.

Службениците сè уште не го објавија мотивот за злосторството, а истрагата е во тек.

Според државната новинска агенција Луса, злосторството се случило во вторник на островот Сао Висенте, каде што семејството било на одмор. Осомничениот, според достапните информации, го напуштил островот и отпатувал во Португалија пред да бидат откриени телата во станот.

Полицијата изјави дека, според нивните сознанија, младиот човек има ментални нарушувања, но оваа информација сè уште не е официјално потврдена преку судска постапка.

Понатамошни детали за околностите на злосторството и мотивите на осомничениот се очекуваат по дополнителните сослушувања и форензичката анализа.

The post ГЕРМАНСКИ ТИНЕЈЏЕР ГО ИСКАСАПИЛ СЕМЕЈСТВОТО НА ОДМОР ВО САО ВИСЕНТЕ Полицијата го уапси во Португалија appeared first on plusinfo.mk.

Германците годинава се воздржуваат од патување и одмор за време на зимските празници. Како причина главно ги наведуваат повисоките трошоци и економската неизвесност. Ова го покажува анкетата на YouGov нарачана од агенцијата dpa.

Само 16% од испитаниците имаат план за зимски одмор, 2% од нив сè уште се неодлучни, а 81% не планираат ништо конкретно.

Агенцијата коментира дека тоа укажува дека за мнозинството Германци, зимските одмори се помалку важни од летните патувања.

Анкетата, исто така, покажа дека 15% од испитаниците планираат да ги намалат трошоците за одмор, а уште 15% ќе ги намалат слободните активности.

Околу една четвртина од испитаниците имаат намера да трошат помалку за одење во ресторани.

Половина од испитаниците немаат намера да ги намалат трошоците за слободни активности за време на зимата, покажа анкетата.

Зимската сезона во Алпите започнува овој викенд, пред Божиќ, а намалената германска потрошувачка би можела да влијае на соседните земји, каде што Германците го сочинуваат мнозинството гости во тој период од годината. Во Австрија минатата година, речиси половина од гостите на хотелите дојдоа од Германија, а во Швајцарија околу 12% од нив.

Германските, австриските и швајцарските угостители сè уште сметаат на добра сезона, со оглед на поголемиот број гости во 2024 година.

The post ГЕРМАНЦИТЕ ГО СТЕГААТ КАИШОТ Оваа зима нема да одат на скијање appeared first on plusinfo.mk.

Германците си го сакаат својот леб, дури и канцеларот не би го сменил со лебот од Луанда.

The post 📽️ НАЈДЕТЕ НЕКОЈ ДА ВЕ ГЛЕДА КАКО ШТО МЕРЦ ГЛЕДА ВО ГЕРМАНСКИОТ ЛЕБ Канцеларот покажа што е патриотизам appeared first on plusinfo.mk.

Германскиот министер за одбрана Борис Писториус минатата година рече дека Германците мора да се подготват за војна до 2029 година. Германската влада ги зголемува трошоците за одбрана, а производителите на автомобили размислуваат да ги пренаменат фабриките за производство на воена опрема бидејќи земјата се соочува со можност Европа наскоро да биде вовлечена во конфликт од целосен обем.

Една компанија идентификуваше нова пазарна идеја: брокерска услуга за продажба на нуклеарни засолништа. Сопственикот и директорот на германскиот „Bunker Makler“, Петер Аурнхамер, изјави за „Euronews“ дека побарувачката за објекти отпорни на експлозија значително расте.

Се повеќе луѓе градат засолништа во своите домови

Неговите клиенти се распространети низ цела Германија. Се повеќе луѓе градат засолништа во своите домови. Германија има голем број засолништа и бункери останати од Втората светска војна и Студената војна, но многу од нив бараат поправка или реновирање.

Како што е наведено на веб-страницата на „Bunker Makler“, во Германија нема јавни засолништа за цивили.

„Политичките настани во изминатата година доведоа до промена на ставовите во општеството, така што семејствата сега преземаат чекори за да ја осигураат сопствената безбедност“, велат од „Bunker Makler“.

Компанијата им нуди можност на граѓаните кои не можат да градат сопствени засолништа да резервираат места во случај на нуклеарен напад. Германскиот „Bunker Makler“ нуди и места во таканаречените „хотели за засолништа“ како дел од преобразувањето на подземните гаражи во засолништа за итни случаи. Гаражите може да се испразнат, да се постават кревети и материјали и да се вклучат системи за вентилација по потреба. Компанијата нуди простори по цена од 35 до 89 евра дневно во мирнодопски услови и помеѓу 85 и 180 евра дневно во итни ситуации.

Поскапиот пакет вклучува место во прифатилиштето и хотелска соба

Претплатите започнуваат во мирно време, а договорите траат меѓу седум и десет години. Поскапиот пакет вклучува место во засолниште, соба во хотел со четири ѕвезди, гарантирани резерви на храна за три месеци и велнес и спа центар. Поевтиниот пакет вклучува само место во прифатилиштето, а хотелската услуга може да се користи само за време на вонредна состојба.

Според извештајот на германскиот Бундестаг од јануари оваа година, има 579 засолништа, со приближно 478.000 места, што е остатокот од 2.000 засолништа изградени во поранешните западногермански покраини.

Меѓу нив има подземни гаражи, железнички станици и заштитени болници кои биле изградени за време на Втората светска војна. Сепак, според овие податоци, ниту една цивилна одбранбена инфраструктура во земјава не е функционална или оперативна. Во 2008 година, владата одлучи да го напушти концептот на засолништа и да го прекине функционалното одржување на јавните засолништа бидејќи Европа живееше во релативно мирно време во тоа време.

Швајцарија кон крајот на минатата година објави дека ќе инвестира околу 250 милиони евра во подобрување на своите засолништа за итни случаи. Според швајцарскиот закон, секој граѓанин мора да има пристап до прифатилиште, а секоја нова зграда мора да има вградено засолниште. Засолништата имаат засилени врати за заштита од нуклеарни експлозии, но многу од нив моментално се користат како винарски визби.

The post СЕ ПОВЕЌЕ ГЕРМАНЦИ СИ РЕЗЕРВИРААТ БУНКЕРИ Германска компанија нуди и хотелски засолништа, цена 180 евра дневно appeared first on plusinfo.mk.

– Ние сме свесни дека напластените проблеми не се решаваат преку ноќ, но очекуваме некакво раздвижување и постепено да се решава она што нѐ спречува побрзо да го развиваме секторот. Задоволни сме што се работи на инфраструктурата што ќе даде додадена вредност на туризмот, што се прават обиди да се донесат туристи надвор од туристичката сезона. Тоа ќе помогне да се задржат работниците и да се влезе во сезоната со помали загуби, но треба да се направи многу повеќе работи – да се донесе стратегија која ќе се реализира, да се работи на комуналната инфраструктура и решавање на другите проблеми кои го загрозуваат развојот на туризмот – вели претседателот на здружението на хотелиери Крсто Блажевски.

Дел од хотелите на охридското крајбрежје веќе се реновираат и се очекува да бидат подготвени за сезоната која годинава можно е да биде далеку подобра иако остануваат проблемите со недостиг на работници и комуналните проблеми на општините.

– Како и минатите години проблемот со работниците ќе го решаваме како знаеме. Добро е што лани увезовме работници и се надеваме и годинава на тој начин да го премостиме периодот кога нашите работници заминуваат да работат во други земји – вели Блажевски.

Тој очекува државата да почне поинаку да се однесува кон туризмот за да може оваа гранка повеќе да придонесува за економскиот развој. Тој смета дека е добро тоа што државата се обиде да донесе повеќе гости надвор од сезоната.

– Хотелиерите веќе примаат гости од Германците коишто ги најави државата во соработка со домашни и германски тур-оператори кои се пренесуваат со авиокомпанијата „Фрибрд ерлајнс“. Но цената што ја дадоа Германците е ниска, 25 евра за полупансион. Дел од хотелите се согласија на оваа цена, дел сметаат поинаку, но проценката на секој хотел е поединечна и зависи што се сака да се постигне и дали ќе прифати гости по таа цена – вели тој.

И Влатко Сулев, претседател на Националната асоцијација за дојдовен туризам (НАИТМ), вели дека државата треба повеќе да размислува како да му помогне на туристичкиот сектор побрзо да се развива и да го држи чекорот со регионот кој веќе се искачи на врвот на светскиот туризам.

– Треба многу повеќе да се инвестира во туризмот, не мислам само во градење на објекти иако и тоа ни треба, туку во поттик од државата тој да се развива. Дали тоа ќе биде со давање кредити за реновирање или обнова на хотелските капацитети или преку пренасочување на дел од парите за енергетска ефикасност во овој сектор со што ќе се добијат енергетско ефикасни објекти кои ќе имаат помали трошоци, не е важно. Но, важно е да се инвестира во туристичкиот сектор и да се создаваат нови приказни кои ќе ја издвојат Македонија како туристичка дестинација и ќе придонесат за привлекување поголем број туристи. Притоа е важно, инвестирањето да не биде само од државата туку тоа да биде додадена вредност од самостојното инвестирање на сопствениците на хотелите. Во тој однос е добро што дел од хотелите веќе се реновираат, па владата може да им помогне во тоа – вели Сулев.

На тој начин, додава тој, државата ќе покаже дека верува дека туристичкиот сектор може да биде носител на економскиот раст, како и останатите сектори.

– Тука еднаква улога имаат и државата која ќе направи стратегија која ќе ја спроведува и туристичките работници кои ќе дадат сѐ од себе за да најдат нешто изворно македонско и да го продадат во светот. Пример може да ни биде Албанија која се искачи на врвот на светскиот туризам. Оваа држава не ја продава само приказната за морето, туку и за таму каде што нема никаков допир со вода – вели Сулев.

Но, вели тој, државата треба да покаже верба во туризмот.

– Без верба, како што се правеше досега и без вложување на државата во секторот, не може да се очекува земјава да се трка со регионот и ќе се задоволува со трошките што ќе остануваат од регионалниот туристички колач – додава тој.

Според него, за да се постигнат високи резултати во туризмот треба да се работи на диверзификација на туристичките пазари од кои ќе се носат туристи во земјава.

– Да не се фокусираме само на еден пазар, на пример турскиот или холандскиот бидејќи тоа само носи заситеност, туку да се фокусираме секаде во светот и да се обидуваме да најдеме различни туристи, бидејќи само така ќе овозможиме преку целата година да имаме туристи и да не зависиме само од два или три туристички пазари – вели тој.

Владата се обидува да го подобри бројот на туристи и приходите во туризмот преку низа активности. Зголемен е бројот на саеми на кои ќе се претстави земјава како туристичка дестинација, а се промени и начинот на субвенционирање на авиокомпаниите од домашните аеродроми. Се субвенционираат дојдовните патници наместо тие што заминуваат.

Според податоците на Државниот завод за статистика, за периодот јануари 2024 година јануари 2025 година бројот на туристи изнесува 1.260.425, што е повеќе за 4,4%. Бројот на странски туристи изнесува 830.179 или повеќе од лани за 10,8%. Тие направиле 1.532.639 ноќевања или повеќе за 16,5 %.

The post ГЕРМАНЦИТЕ САКААТ ПОЛУПАНСИОН ВО ОХРИД ЗА 25 ЕВРА Зошто Македонија ги собира само трошките од туризмот? appeared first on plusinfo.mk.

„Во саботата во 09:20 часот во СВР Струмица, Г.Д.(37) пријавила дека околу 02:30 часот во угостителски објект во Струмица и на плоштадот „Гоце Делчев” во Струмица, таа, нејзиниот сопруг, нивниот син и пријател, сите германски државјани, биле физички нападнати од повеќе лица. Веднаш по пријавување на настанот, полициски службеници од СВР Струмица презеле мерки за расчистување на случајот, при што во просториите на СВР Струмица биле повикани повеќе лица, од кои двајца признале дека учествувале во нападот“, се вели во полицискиот извештај.

СВР Струмица продолжува со преземање мерки со цел утврдување на идентитетот и на останатите учесници.

Запознаен бил јавен обвинител од Основното Јавно обвинителство Струмица и по целосно документирање на случајот против напаѓачите ќе биде поднесен соодветен поднесок.

The post ГРУПНА ТЕПАЧКА НА ПЛОШТАДОТ ВО СТРУМИЦА Не се знаело кој кого тепа, подебелиот крај го однеле четворица Германци appeared first on plusinfo.mk.

– Германија денес не изгледа како пред десет години… оваа Германија веќе не е Германија што ни ја дадоа нашите дедовци и родители за пример – изјави Орбан за унгарското државно радио Кошут пред средбата со германскиот канцелар Олаф Шолц.

Орбан објасни дека порано се зборувало дека Германија е „земја на ред и вредни луѓе“.

– Денеска Германија е шарен, изменет мултикултурен свет каде што мигрантите повеќе не се гости – рече унгарскиот премиер.

Тој додаде дека проблемот е што „левичарската влада“ во Берлин „масовно ги дели германските пасоши“.

– Мигрантите веќе не се гости на германските домаќини, туку сега имаат свое право – заклучи Орбан. Тој уште еднаш повтори дека ја донел вистинската одлука во 2015 година кога не дозволи бегалците да останат во Унгарија.

Во истото интервју тој ги критикуваше и кадровските планови во Брисел кои укажуваат на реизбор на Урсула фон дер Лајен, која е „производ на коалицијата за војна и миграција“, и го обвини претседателот на Европската народна партија, Германецот Манфред Вебер, на водечките европски конзервативци од десницата и се обидува да ги спроведе „плановите на Сорос“.

Орбан е во Берлин по повод унгарското претседавање со Европската унија на 1 јули.

За разлика од обичајот при работните посети, по средбата не е беше предвидена прес-конференција, а германските медиуми пишуваат дека откажувањето на средбата со медиумите и избегнувањето на фотосесијата е „желба на кабинетот на канцеларот“.

The post „ПОРАНО БЕА ЗЕМЈА НА РЕД И ВРЕДНИ ЛУЃЕ, СЕГА ОВА…“ Орбан со остри критики за Германија среде Берлин appeared first on plusinfo.mk.

Германски „Билд“ напиша дека ова е „срам за германската морнарица“.

The moment the freshly arrived Germans, systems “mistakenly” shot down the paedophilic states of America Army MQ-9 attack drone with the permission of Allah سبحانه وتعالى over Yemen. pic.twitter.com/gne6LNQIeE

— بسم الله (@SlaveOfAllah44) February 28, 2024

Interesting… German warship shoots down two Houthi drones and “accidentally” fires at U.S. drones.

After the latter embarrassment Germans call for millions more to be spend on their military. pic.twitter.com/OwlgtYmSA2

— Josué Michels (@JosueMichels) February 28, 2024

Министерот за одбрана Борис Писториус рече дека фрегатата Хесен, која пристигна во регионот минатиот викенд како дел од мисијата на Европската унија за да помогне во обезбедувањето на меѓународниот брод од нападите на ерменските Хути поддржани од Иран, отвори оган по неуспешниот обид да се идентификува дронот.

– Случајот беше решен кога се покажа дека не се работи за непријателски дрон, што стана јасно дури подоцна – изјави портпаролот на германското Министерство за одбрана, Мишел Стампфл .

Германски „Шпигел“ пишува дека биле испукани два проектила и дека и двата завршиле во морето поради технички дефект. Станува збор за американски извидувачки дрон „Reaper“, во превод „растргнувач“.

„Шпигел“ наведува дека дронот можеби бил во областа како „дел од американска антитерористичка мисија“ која не е поврзана со мисијата во Црвеното Море. Бродот Хесен, кој има екипаж од 240 германски војници и морнари, во средата успешно собори два дрона.

The post „ОВА Е СРАМ ЗА НАШАТА МОРНАРИЦА“ Германците за малку ќе собореа сојузнички дрон во Црвеното Море appeared first on plusinfo.mk.

Германците не се задоволни од канцеларот Олаф Шолц и повеќето сакат промена на власта. Речиси две третини од германските граѓани сакаат нова влада, според анкетата објавена денеска, само еден ден откако мнозинството изјави дека не се задоволни од работата на канцеларот Олаф Шолц и неговата коалициска влада во друга анкета.

Дури 64% од испитаниците сметаат дека промената на власта би била добра за Германија, покажуваат резултатите од истражувањето на ИНСА за неделното издание на Билд.

Само 22% од нив би сакале да ја задржат сегашната коалициска влада составена од социјалдемократите на Шолц (СПД), Зелените и бизнис-ориентираните Слободни демократи (ФДП).

Анкета во петокот покажа дека 51% од Германците не се задоволни од Шолц како канцелар, а 58% сметаат дека коалициската влада работи лошо.

Новата анкета покажува дека задоволството од Шолц и неговата СПД опаѓа, а сега 70% од испитаниците се незадоволни од неговата работа, што е зголемување за 10 процентни поени во споредба со анкетата од пред четири недели.

Според анкетата на неделното издание на Билд, СПД го зголемува својот јаз во однос на десничарската Алтернатива за Германија (АфД) и сега има само 18% поддршка, два процентни поени помалку од минатата недела, додека АфД остана на 21 проценти.

Опозицискиот конзервативен блок ЦДУ/ЦСУ има 27% поддршка, Зелените 14%, а ФДП 7%. Левичарската партија Die Linke остана непроменета на 5%.

The post ГЕРМАНЦИТЕ САКААТ НОВА ВЛАДА Над 50% од граѓаните не се задоволни од канцеларот Олаф Шолц appeared first on plusinfo.mk.

„Ваквиот чин е возвишување на идејата за голема Албанија и значи рехабилитација на нацифашизмот во Македонија. Ова е само еден чекор од серијата каде се „оживуваат” нацистичките албански колаборатори кои се бореа за голема Албанија, колејќи ги слободоумните Македонци, на сметка на територијата на Република Македонија.

Ваквиот чин на албанската политичка партија ДУИ во Република Македонија, е уште една потврда дека тие се изворот на меѓуетничка нетрпеливост и се „генератори” за продлабочување на јазот помеѓу заедниците во Македонија, но и сериозна закана за мирот и стабилноста на нашата земја“ – се вели во соопштението на здружението НовАсном.

Какво е ова премолчување?

Здружението ги повикува другите политички фактори во земјата, најголемите партии СДСМ и ВМРО-ДПМНЕ, како и меѓународните партнери, САД, мисијата на ЕУ и останатите, да реагираат на оваа глорификација на нацифашизмот во Македонија.

Завчера во Чаир на прес-конференција беше соопштено дека една улица во оваа општина е именувана според Сул Хотла, командант на Бали Комбетар во кумановскиот регион и еден од водачите на оружената борба за создавање Велика Албанија во периодот од 1941 до 1947 година.

– Ова е само едно од 66-те именувања на улици, за кои општина Чаир донесе одлука. Оваа светла историја на ставање имиња на албански национални дејци и албански национални настани на улиците на Чаир ја започна претседателот на Старо Скопје Изет Меџити. Како негов наследник јас ја продолжив таа светла историја – рече Висар Ганиу, претседателот на општина Чаир и еден од челниците на „Огнената група“, како фракција од ДУИ.

Кој е всушност Сул Хотла?

Сул Хотла, со вистинско име Сулејман Асип Сулејмани, од селото Отља, Липковско, во обемната статија на Википедија на албански и на англиски јазик е опишан како „албански бунтовник, воен лидер на Бали Комбтар, предводник на Карадачко-голачкото востание против југословенските и бугарските партизани во кумановско-карадачкиот регион“.

За него се вели уште дека бил член на ВМРО од 1916 година и дека како член на четата на војводата Крастјо Лазаров, во текот на Првата светска војна се борел против српските четнички формации, во одбрана на албанската популација.

По завршувањето на Првата светска војна, кога Македонија доаѓа во состав на Кралството СХС, во 1922 година Хотла повторно станал качак (одметник) околу половина година во Карадачкиот регион, додека не бил фатен од властите и затворен во Куманово. По излегувањето од затвор во 1927 година, бил избран за градоначалник на општина Матејче, во која спаѓаат повеќето села на кумановскиот Карадачки регион. На оваа функција останал до германската окупација на Југославија во април 1941 година.

Верен соработник на фашистичка Бугарија

За време на бугарската окупација во Македонија, во текот на Втората светска војна, бугарските власти го поставиле Сул Хотла за началник на полицискиот оддел во Матејче. Повторно, под водство на Крастјо Лазаров, Хотла со други доброволци од Карадак, им помагал на Бугарите во борбата против партизаните во областа. Сул Хотла заедно со Мула Дула од Отља одржувал односи со други балистички водачи во Карадак, Косово и Албанија, како што се Џем Гостивари, Мефаил Зајази, мула Идриз Гњилани. Во 1944 година се вклучил во Карадачко-Голачкото востание на Мула Идриз Гњилани. Тесно соработувал и со воените сили на Втората призренска лига, предводени од Џафер Дева.

Силен сојузник на Германците во „одбраната“ на Скопје од партизаните

По повлекувањето на бугарските единици од Вардарска Македонија на 7 септември 1944 година, Хотла ја презел контролата над поголемиот дел од Карадак, го подигнал албанското знаме и го прогласил за слободна зона. Во Шар се одржала голема средба на албански националистички лидери, на која Џем Гостивари бил избран за командант на силите на Бали Комбат во Шар, додека Хотла бил назначен за командант на бали Комбтар во Карадак.

За време на операциите за ослободување на Скопје, единиците на Хотла, кои броеле 3.600 војници, учестуваале на страната на германките окупатори. Од септември до средината на ноември, тие успеале да ги одбијат сите воени напади на 16-та и 17-та бригада на Кумановската партизанска дивизија. Во втората половина на ноември и декември 1944 година, партизанските единици успеале да ги потиснат балистичките сили од Карадак. Сул Хотла бил заробен од југословенската тајна служба ОЗНА додека се обидувал да побегне во Грција. Бил погубен на 11 октомври 1947 година, а сите негови имоти биле конфискувани.

The post ВЕРЕН СОРАБОТНИК НА БУГАРСКИТЕ И ГЕРМАНСКИТЕ ФАШИСТИ Кој е Сул Хотла, албанскиот борец кој доби улица во Чаир appeared first on plusinfo.mk.