Скулптура од полжав кој носи торба со пошта постави Центарот за современи уметности пред Поштата кај Железничката станица во Скопје. Скулптурата е дел од герила акција која ја критикува поштата, но и дава поддршка за синдикатот на вработените во институцијата кои сакаат да креираат „функционално јавно претпријатие кое ќе ги задоволува потребите на граѓаните“.

„Состојбите во кои се наоѓа акционерското друштво во државна сопственост Пошта на Северна Македонија се повеќе од алармантни. Илјадници граѓани секојдневно  лутаат по поштенските објекти и ги бараат своите препорачани пратки (сметки, казни за сообраќајни прекршоци, решенија, уверенија…), а откако нема да ги најдат се соочуваат со извршни решенија од извршителите. Од друга страна пак исто така илјадници граѓани со месеци ги чекаат и ги бараат своите платени нарачки од еBay, AliExpress, Amazon и слични страници за онлајн купување. Срамота е во 21-век да се губат пратки, да се враќаат на испраќачите, а секоја трета недела да не може да се испраќаат пратки од Македонија кон некои држави меѓу кои некои се и наши стратешки партнери – минатата година неколку месеци беше невозможно да се испрати каква било пратка за САД“, велат од Центарот за современи уметности.

The post 📷 ПОШТАТА Е БРЗА, САМО БАВНО СТИГНУВА Герила-акција пред Поштата во Скопје appeared first on plusinfo.mk.

Младиот уметник Озбек Ајваз во утринските часови во Градскиот парк, кај фонтаната „Лотосов цвет“, имаше уште една од повеќето предвидени герили акции. Овој пат тој преку скулптура визуелно ја претстави бактеријата „Ешерихија коли“.

„Проширувањето на бактеријата ‘Ешерихија коли’ поради недостиг на јавни тоалети во Скопје, како метропола на оваа држава, претставува сериозна здравствена опасност“, соопшти Озбек Ајваз.

„Ешерихија коли“ е патогена бактерија која се наоѓа во долниот дел на  човековиот дигестивен тракт и не смее да дојде во горниот дигестивен тракт (желудник, хранопровод, тенки црева)  бидејќи во тој случај таа може да предизвика сериозни гастроинтестинални инфекции кај луѓето.

Ајваз смета дека со недостиг на јавни тоалети, граѓаните се ставени во неудобни ситуации бидејќи не можат да одржат адекватна хигиена, што зголемува ризик од заболувања што се пренесуваат преку контакт, како што е  наведената бактерија.

„За да се намали овој ризик и да се обезбеди подобра хигиена и здравје за граѓаните, неопходно е да се инвестира во изградба и одржување на доволен број на јавни тоалети ширум градот. Освен тоа, потребни се и  стратегии за подигнување на свеста кај граѓаните за значењето на хигиената и користењето на јавните тоалети“, наведува Ајваз.

The post 📷 „ЕШЕРИХИЈА КОЛИ“ СЕ ПОЈАВИ НА ФОНТАНА ВО ГРАДСКИ ПАРК Герила акција во Скопје appeared first on plusinfo.mk.

Во пресрет на 28 Мај – Светскиот ден на менструалната хигиена, денеска пред просториите на Град Скопје, Балканска Водна Мрежа во соработка во Здружението на новинари за човекови права одржаа „герила акција“ за да ја прашаат градоначалничката зошто ученичките во средните училишта втора година по ред не добиваат бесплатни менструални производи.

Претседателката на БВМ, Наташа Доковска Спировска, потсети за ветувањето на градоначалничката Данела Арсовска дадено во 2021 година.

Повеќе за ова на порталот „Мајка и дете“.

The post ЗОШТО СРЕДНОШКОЛКИТЕ НЕ ДОБИВААТ БЕСПЛАТНИ ВЛОШКИ И ТАМПОНИ! Герила акција пред просториите на Град Скопје appeared first on plusinfo.mk.

„Кој рече дека Кичево нема Базен од отворен тип? Благодарение на ажурноста на локалната самоуправа предводена од загрижениот ни Фатмир Дехари ние од Унијата на млади сили – Кичево вечерва имавме прилика да уживаме во ЕУ вредности“, наведено е во објавата.

The post (ФОТО) КОЈ РЕЧЕ ДЕКА КИЧЕВО НЕМА ОТВОРЕН БАЗЕН? Младите од ВМРО-ДПМНЕ претворија улица во плажа appeared first on plusinfo.mk.

Акцијата доаѓа во пресрет на  утрешното одбележување на 4 февруари – роденденот на Гоце Делчев каде се најавени делегации од Бугарија кои треба да се поклонат на гробот на народниот херој.

The post ВЛАСТА ГО ДАВА, НАРОД НЕ ГО ДАВА Младите од ВМРО-ДПМНЕ со герила акција за роденденот на Гоце Делчев (ФОТО) appeared first on plusinfo.mk.

Како што информираат од МОФ, преку ваквата иницијатива, организацијата има за цел да ја подигне свеста на институциите во однос на сите прашања поврзани со животната средина. Истовремено, и да побуди критичко размислување за одговорностите на одредени носители на одлуки и преземањето конкретни мерки и чекори за совладување на овие клучни проблеми кои ги засегаат сите.

– Според стратешката програма на владата за намалување на аерозагадувањето, односно планот за чист воздух од периодот 2019-2020, за прв пат се издвојуваат посебни буџетски средства исклучиво за намалување на аерозагадувањето. За оваа намена беа обезбедени дополнителни 1.5 милиони евра. Згора на се, оваа програма имаше план да го намали аерозагадувањето во Скопје до 50 отсто, додека во другите градови коишто се засегнати повеќе од некои други, намалувањето е помеѓу 30 отсто и 50 отсто. Начинот на финансирање на активностите беше со почетен посебен фонд од 1.5 милиони евра и овие средства се дополнителни, покрај оние што постојат за различни активности на различни министерства поврзани со заштита на животната средина во висина од 20 милиони евра, наведуваат од МОФ.

Оттаму посочуваат дека идејата за герила акцијата, фокусирана на аерозагадувањето и проблемот со воздухот во градот била поттикната од младите активисти од средношколските клубови на МОФ.

Иницијативата е дел од проектот „Креативна младинска акција за животна средина”, поддржан од Фондација Отворено Општество – Македонија. Содржината е единствена одговорност на авторот и не нужно ги изразува ставовите на Фондација Отворено општество – Македонија.

The post „ЌЕ СЕ ДИШЕ ЛИ ЗИМАВА“? Герила акција на МОФ во Скопје appeared first on plusinfo.mk.

Имено, жителите на овој град го пречекаа Ковачевски со паролата „Таче премиер без доверба во народот“.

Паролата беше поставена на мостот пред влезот во градот.

The post ШТО ПИШУВА ТАМУ ГОРЕ НА МОСТОТ? Гостиварци му приредија изненадување на премиерот (ФОТО) appeared first on plusinfo.mk.

Пратениците од власта ја повикаа опозицијата да види дека со лаги не се води политика, да им се извинат на граѓаните и да се приклучат кон европските вредности.

Координаторот на пратеничката група на ВМРО-ДПМНЕ, Никола Мицевски, изрази чудење од она што се случува во салата.

– На кој јазик се потпишани сите договори меѓу Македонија и ЕУ од првата спогодба меѓу Македонија и Европската економска заедница,   од 1996 година        до денес? Се што е потпишано е потпишано на македонски јазик. Ако вие имате некое различен јазик, кој го нарекуват  чист, искрено ве жалам. Ова што денес го прикажувате како успех е резултат на вашето неработење – рече Мицевски.

Пратениците од власта ги потсетија колегите од опозицијата дека лага било нивното тврдење дека македонскиот јазик ќе станел западен дијалект на бугарскиот јазик, а сега е, како што рекоа, „еднаков со сите јазици во Европската унија“.

The post ПРАТЕНИЦИТЕ НА СДСМ ИМ ГО ПОДЕЛИЈА ДОГОВОРОТ СО ФРОНТЕКС НА КОЛЕГИТЕ ОД ВМРО-ДПМНЕ Политички маркетинг и егзалтации во собраниската сала appeared first on plusinfo.mk.

Тие ги изложија „пронајдоците“ уловени од реката со јадица. Пластично шише, гума од автомобил, олук, цевка – Ф100, цевка за водовод, чизми, фрижидер, пластична мрежа, црево, тврда пластика, чорапи се дел од еко-системот на реката Вардар.

– За да ги уловиме не ни беше потребно многу време – велат активистите, кои посветиле цел ден за „рибарење“ на отпадот кој се довлекува од цела Македонија.

Целта на акцијата е да ја подигне свеста на луѓето и да ги алармира институциите за загадувањето на животната средина, конкретно во коритата на Вардар, најголемата река во Македонија.

– Ѓубрето е од домашно производство. Но, до кога и колку можат граѓаните да фрлаат? Можат ли претпријатијата да соберат онолку колку што луѓето можат да остават зад себе? Имаат ли надлежните капацитет, кадар и опрема за да ги опслужуваат граѓаните, а притоа да се најде начин овој ѓубреџиски круг да не продолжи? Кој ќе го сопре тоа – прашуваат активистите и креативците.

Заедно со „пронајдоците“ претставени се и времето потребно за разградување на пронајдениот отпад и како тој влијае врз животната средина. За да се разложи еден фрижидер потребни се повеќе од 500 години, за да се разложи цевката Ф100 потребни се 450 години, колку што се потребни и за разложување на една водоводна цевка и на тврдата пластика.

Според Државниот завод за статистика, во Македонија во 2021 година се собрани 632.087, а создадени се дури 896.066 тони комунален отпад. Ова значи дека речиси четвртина од отпадот, 260 тони, не е собран, односно нема информации каде завршува.

– Едно е сигурно, голем дел завршува во Вардар, или на некоја дива депонија, каде надлежните органи немаат капацитет, услови или волја да го соберат – велат активистите.

Дури 522.914 тони од собраното ѓубре е измешан комунален отпад, отпад кој без никакво селектирање се фрла во депониите во земјава.

The post „КАКО ВАРДАР ЌЕ ДОТЕЧАМ И ЃУБРЕ ЌЕ ДОВЛЕЧАМ“ Герила акција во центарот на Велес appeared first on plusinfo.mk.

Герила кампањата на подмладокот на Левица, е проследена со многубројни активности и се одвива под мотото – „Културен натпревар, а не културна доминација”, а е спроведена на повеќе локации во Скопје, но и во другите градови низ Македонија.

Со акцијата активистите сакаат да го истакнат значењето на Гоце Делчев и неговата изрека „светот го гледам како поле за културен натпревар меѓ народите“, во фокусот на актуелните проблеми со кои се соочува Република Македонија.

The post КУЛТУРЕН НАТПРЕВАР, А НЕ КУЛТУРНА ДОМИНАЦИЈА Левица е повторно во герила акција appeared first on plusinfo.mk.