Вака вели поранешниот британски министер за одбрана Бен Волас во колумна за Дејли Телеграф. Коментирајќи ја ситуацијата во Курск и можноста за одмазда на Путин за украинскиот упад на руска територија, Волас се навраќа за тоа што му рекле рускиот екс-министер за одбрана Сергеј Шојгу и првиот генерал на армијата Валери Герасимов на средба во Москва, само 10 дена пред да почне окупацијата на Украина.

Волас пишува:

„Кога отидов во Москва, едвај 10 дена пред инвазијата, да се сретнам со рускиот министер за одбрана Сергеј Шојгу и генералот Валери Герасимов, не отидов да читам сценарио, отидов да ги читам моите противници. Отидов да видам колку длабоко навлегуваат лагите, колку им е големо егото, што ги мотивирало и да видам како се однесуваат кон подредените околу нив. Како што заминував, се сеќавам дека му коментирав на генералот Герасимов дека бев изненаден од тоа како неговата воена доктрина „ја замени масата со подготвеност и мобилизација“.

Волас нагласува:

„Во тој момент друг генерал се наведна за да додаде: „и безмилосно заплашување“. Маските паднаа. Најкарактеристичен од сè беше коментарот на генерал Герасимов до мене во ходникот. „Никогаш повеќе нема да бидеме понижени. Порано бевме четврта армија во светот, сега сме прва или втора. Тоа сме ние и Американците“.

Според британскиот екс-министер за одбрана Путин е воден од „историјата и местото на Русија во историјата“, а есеите на рускиот лидер се некаква мешавина од „Мајн Кампф“ на Хитлер и Валтер Скот.

„Овие луѓе на врвот на Русија се гледаат себеси како повторно пишување на историјата, со поправка на понижувањето што го чувствуваа на крајот на Студената војна и пресметување стотици години. Додека Русија прави многу добра работа и повторно се понижува себеси преку сопствените постапки, треба да сфатиме дека во верзијата на Путин на историјата, Британија, а не САД е срцето на руските неуспеси“, пишува Волас и додава:

„Според искривениот светоглед на Путин, ние (Британците) стоевме зад Кримската војна и поразот на рускиот цар, ние стоевме зад подемот на Хитлер, ние бевме зад контрареволуцијата и нашата шпионажа работеше на распадот на Советскиот Сојуз. Британија е во ќорсокакот на Путин. Еден од највисоките членови на руските Силовики неодамна коментираше: „Знаеме дека Британија стои зад инвазијата на Курск“. Не бевме ние“, се сеќава екс-министерот.

The post МРАЧНО ПРЕДУПРЕДУВАЊЕ НА БРИТАНСКИОТ ЕКС-МИНИСТЕР „Пред окупацијата Герасимов ми рече…“ appeared first on plusinfo.mk.

– Баравме два тенкови! – вели еден од нив.

– Земи пенкало и запиши – вели друг.

Украина денеска соопшти дека нејзините војници напредуваат во офанзивата во Курск. Тоа е најголем странски напад во Русија од Втората светска војна.

Видеото беше објавено на профилот на WarTranslated од блогерот Дмитри Масински.

With subtitles. https://t.co/LXsWDXCk28 pic.twitter.com/CF7QYbZwC1

— WarTranslated (Dmitri) (@wartranslated) August 14, 2024

The post 📽 ШОЈГУ, ГЕРАСИМОВ, АЛО! Украинските војници се мајтапат во Курск appeared first on plusinfo.mk.

Меѓународниот кривичен суд (МКС) во Хаг издаде налози за апсење на поранешниот министер за одбрана на Русија и актуелен началник на Генералштабот на армијата за наводни воени злосторства во Украина. Налогот е распишан по ракетната кампања насочена кон украинските електрани и друга цивилна инфраструктура, пишува британски „Гардијан“.

Поранешниот руски министер за одбрана Сергеј Шојгу и актуелниот началник на Генералштабот на руските вооружени сили, Валери Герасимов, се обвинети за воени злосторства за насочување напади врз цивилни објекти и за предизвикување прекумерна случајна штета на цивилите или оштетување на цивилни објекти. Тие се обвинети и за злосторства против човештвото.

Хаг издаде налози за нивно апсење. Налогот најверојатно нема да може да биде ефектуриран бидјеќи Шојгу и Герасимов се во Русија, која не е членка на МКС и која јавно го осуди судот. Од друга страна, Украина не е членка на МКС, но на судот му даде јурисдикција да ги гони воените злосторства извршени на нејзина територија од 2022 година.

Шојгу беше сменет од функцијата министер за одбрана минатиот месец, но остана висок владин функционер како шеф на рускиот Совет за безбедност.

МКС претходно издаде налози за апсење на рускиот лидер Владимир Путин и на рускиот омбудсман за човекови права, Марија Лвова-Белова, за нивната улога во насилното депортирање на украински деца во Русија. Голем број од децата се посвоени од руски официјални лица или ставени на посвојување со лажни идентитети.

Објавувајќи ги налозите за Шојгу и Герасимов, судот напиша дека „постојат разумни основи да се верува дека двајцата осомничени имаат одговорност за ракетните напади извршени од руските вооружени сили против украинската електрична инфраструктура од најмалку 10 октомври 2022 година до најмалку 9 март 2023 година. За време на оваа временска рамка, руските вооружени сили извршија голем број напади врз бројни електрични централи и потстаници на повеќе локации во Украина“.

Судот додаде дека има „разумна основа да верува дека осомничените намерно предизвикале големо страдање или сериозна повреда на телото или на менталното или физичкото здравје, со што сносат кривична одговорност за злосторството против човештвото за други нехумани дејствија“.

Русија тврди дека електричната инфраструктура во Украина претставува легитимна воена цел. Руските напади доведоа до постојани прекини на струја низ Украина. Овие напади значат дека во зима можно е да секнат клучните резерви на греење за населението бидејќи температурите паѓаат под нулата.

Украинскиот претседател Володомир Зеленски овој месец рече дека Русија оштетила или уништила повеќе од половина од производството на електрична енергија во Украина, што ги предизвикало најголемите прекини на струја од целосната инвазија во 2022 година.

Во својата изјава, Меѓународниот кривичен суд рече дека верува дека нападите биле „насочени против цивилни објекти, а за оние инсталации кои можеби се квалификувале како воени цели во релевантното време, очекуваната инцидентна цивилна штета и штета би биле јасно прекумерни во однос на очекуваните воена предност“.

The post ХАГ РАСПИША ПОТЕРНИЦИ ПО ШОЈГУ И ГЕРАСИМОВ Меѓународниот кривичен суд ги товари за злосторства против човештвото appeared first on plusinfo.mk.

Ќе му ја исполни ли Путин желбата на својот соперник Пригожин? Обвинението за Пригожин и за членовите на „Вагнер“ е официјално симнато, но остануваат дилемите околу обидот за пуч.

Името кое го спомна Марков за смена на Шојгу е добро познато во руските кругови. Се работи за Алексеј Дјумин, 50-годишен поранешен безбедносен агент на КГБ, односно на ФСБ. Тој во февруари 2016 година стана гувернер на регионот Тула.

Прес-службата на регионот Тула изјави за рускиот весник „Ведомости“ дека Дјумин не учествувал во преговорите меѓу Лукашенко и Пригожин.

Дјумин служеше во гардата на Путин кога тој беше претседател од 2000 до 2008 година, но и кога Путин беше на чело на владата од 2008 до 2012 година.

Летонскиот независен медиум Медуза објави во октомври 2022 година, цитирајќи извори блиски до Кремљ, дека односите меѓу Дјумин и Шојгу не функционирале кога тие работеле заедно во Министерството за одбрана.

Институтот за проучување на војната ИСВ, тинк-тенк со седиште во САД, рече дека шпекулациите за Дјумин да го замени Шојгу на функцијата министер за одбрана не може да се потврдат, додавајќи дека „било какви промени во раководството на Министерството за одбрана особено би претставувале значајна победа за Пригожин“.

Руслан Пухов, директор на Московскиот Центар за анализа на стратегии и технологии, изјави за Фајненшл тајмс дека Шојгу и Герасимов „сега се очигледни куци патки“ и дека и двајцата „ќе бидат отстранети“ од Путин.

Абас Галјамов, кој служеше три години како говорник на Путин, се согласи.

„Се чини дека Дјумин сега е фаворит“, напиша Галјамов на својот канал „Телеграм“.

Истовремено, според објавата на аналитичарот Марков, првиот началник на Генералштабот наместо Валериј Герсимов би требало да стане Сергеј Суровикин, генералот кој му беше наклонет на Пригожин.

The post ЌЕ ГО ПОСЛУША ЛИ ПУТИН ПРИГОЖИН ЗА СМЕНАТА НА ШОЈГУ? Еден човек е во игра, а на шут-карта е и Герасимов appeared first on plusinfo.mk.