Претседателскиот кандидат на Алијансата за обединување на Романците (АУР), Ѓорѓе Симион, денес потврди дека, доколку победи на изборите, ќе го номинира Калин Георгеску за премиер, нагласувајќи дека постојат различни опции за идниот политички пат, вклучително и можноста за предвремени избори.

На прашањето во интервју за телевизијата „Диги24“ дали планира, доколку биде избран за претседател, да го назначи Георгеску за премиер, Симион рече дека тоа е ветување што му го дал на романскиот народ, пренесува Аџерпрес.

– Постојат неколку можности, ова е една од нив – рече Симион и додаде дека имал бројни разговори со Георгеску, но дека одредени „пречки“ мора да се надминат, односно мора да почека до 18 мај бидејќи, како што рече, „не смееме да ја продадеме кожата на мечката пред да ја фатиме“.

Симион истакна дека пред два дена рекол дека сегашното парламентарно мнозинство нема да преживее во сегашниот состав и дека коалицијата ќе се „распадне“ ако романскиот народ не го избере својот кандидат во вториот круг од изборите.

– И еве нè, ​​два дена подоцна, и бев во право. Всушност, бев во право веќе во декември, кога сметав дека не треба повторно да го назначуваме Марсел Чолаку за премиер. И се плашам дека сè уште не сме се ослободиле од него – рече Симион.

Зборувајќи за можноста Георгеску да не обезбеди парламентарно мнозинство, Симион потсети на одредба од романскиот Устав.

– Уставот наведува дека претседателот може да номинира едно лице, а потоа друго. Од моментот на првото номинирање, постои период од 60 дена, по што претседателот може да го распушти парламентот – рече тој.

Според него, на маса се различни опции, а не се исклучени и предвремени избори.

– Романците мора да ја прифатат оваа опција. Веројатно ќе инсистирам на предвремени избори со Калин Георгеску – објасни Симион.

Романскиот премиер Марсел Чолаку во понеделникот поднесе оставка откако кандидатот на владејачката коалиција не успеа да се пласира во вториот круг од претседателските избори во недела.

Опозицискиот ултрадесничар Симион и градоначалникот на Букурешт Никушор Дан ќе се борат на 18 мај во вториот круг од изборите за нов претседател на Романија, објавија романските медиуми, повикувајќи се на податоци од Централната изборна комисија.

По прилично тесно пребројување, Симион освои 40,94 проценти од гласовите, Никушор Дан 20,99 проценти, додека кандидатот на владејачката коалиција, Крин Антонеску, освои 20,07 проценти од гласовите.

Романија одржа повторени избори откако првиот круг од претседателските избори во ноември, во кој победи Георгеску, беше поништен поради наводно руско вмешување во корист на Георгеску.

Москва ги отфрли овие обвинувања.

The post ГЕОРГЕСКУ МОЖЕ ДА СЕ ВРАТИ ВО ИГРА КАКО ПРЕМИЕР НА РОМАНИЈА? Фаворитот за претседател Симион најави дека ќе го предложи за функцијата appeared first on plusinfo.mk.

Независниот десничарски кандидат Калин Георгеску, чија кандидатура за претседателските избори ја отфрли романската Централна изборна комисија (ЦИК), денеска изјави дека Романија е „под тиранија“ и дека во „Европа владее диктатура“.

„Уште еден директен удар во срцето на демократијата ширум светот! Ми остана само една порака: ако падне демократијата во Романија, ќе падне и целиот демократски свет. Ова е само почеток. Толку е едноставно! Европа сега е диктатура, Романија е под тиранија“, напиша Георгеску на социјалните мрежи.

Во Букурешт во неделата илјадници луѓе демонстрираа во поддршка на Георгеску. Полицијата фрли солзавец за да се справи со демонстрантите кои фрлаа шишиња, камења и петарди кон Централната изборна комисија на Романија.

Георгеску ужива популарност во земјата и победи во првиот круг од претседателските избори лани, кои потоа беа поништени поради наводно руско мешање во финансирањето на предизборната кампања на Тик-ток на  конзервативниот кандидат.

The post „ЕВРОПА Е ПОД ДИКТАТУРА, РОМАНИЈА ПОД ТИРАНИЈА“ Се огласи популарниот десничар чија кандидатура беше одбиена appeared first on plusinfo.mk.

Илјадници луѓе се судрија со полицијата и фрлаа камења, петарди и шишиња кон Централната изборна комисија во Букурешт откако беше отфрлена кандидатурата на популарниот десничарски кандидат Калин Гергеску. Во тешките немири полицијата употреби солзавец. Повредени се неколку жандарми.

Приврзаниците на Георгеску го превртеле автомобилот на романскиот портал Диги24.

Георгеску ја опиша одлуката како „директен удар“ за демократијата, според Би-Би-Си. По одлуката на ЦИК, тој има 24 часа да поднесе формална жалба до Уставниот суд, кој има уште 48 часа да донесе конечна одлука.

Георгеску доби широка поддршка и е популарен во јавноста. Познат е по ветувањето дека ќе го „врати достоинството на Романија“ и дека ќе стави крај на нејзината потчинетост на меѓународните организации, вклучително и НАТО и ЕУ.

La candidature de #Georgescu en #Roumanie est refusée : on assiste à l’agonie démocratique de l’Europe ! pic.twitter.com/UUrwpGsdP1

— Gilbert Collard (@GilbertCollard) March 9, 2025

Spontaneous protest in Bucharest in front of the Electoral Bureau of Romania after Georgescu’s candidacy was rejected

The rightfully angry people argue with the police

CĂLIN GEORGESCU IS THE PRESIDENT OF ROMANIA! pic.twitter.com/vALi8wmtSV

— Daily Romania (@daily_romania) March 9, 2025

Тој победи во првиот круг на ланските претседателски избори, но изборите беа поништени со образложение дека неговата кампања била незаконси финансирана и дека наводно процесот бил под влијание на хибридни напади на Русија.

Романија е во политичка криза и ги чека закажаните претседателски избори за 4 мај.

Георгеску веќе еднаш беше уапсен на пат кон изборната комисија додека полицијата го претресуваше неговиот дом во потрага по докази за незакоснко финансирање.

Романската Централна изборна комисија (ЦИК) претходно вчера одлучи да ја отфрли неговата кандидатура на претседателските избори бидејќи, како што е наведено, „не ги исполнува условите на законитоста бидејќи ја прекршил обврската за одбрана на демократијата“.

The post 📽 ГОРИ БУКУРЕШТ ПО ОДБИЕНАТА КАНДИДАТУРА НА ГЕОРГЕСКУ Полицијата фрли солзавец за да ги растера демонстрантите appeared first on plusinfo.mk.

Романската изборна комисија ја отфрли кандидатурата на Калин Георгеску, популистичкиот кандидат поддржан од крајната десница кој победи на поништениот прв круг претседателски избори на 24 ноември минатата година, објави Политико.

Засега е нејасно врз кој основ Централната изборна комисија ја отфрлила кандидатурата на Георгеску, но минатиот месец обвинителството отвори истрага против него, сомничејќи го за подривање на уставниот поредок, поддршка на фашистички групи и за лажирање на извештаите за финансирање на кампањата.

Георгеску ги негира сите обвинувања и тврди дека е жртва на државен прогон.

Победата на Георгеску во првиот круг на претседателските избори беше големо изненадување, особено бидејќи анкетите, објавени непосредно пред изборите, му предвидуваа едноцифрен процент на освоени гласови и беше сметан за аутсајдер во претседателската трка.

Герогеску, исто така, не пријави никакви трошоци за кампањата, но подоцна се откри дека всушност Русија била таа која што ја водела неговата онлајн кампања.

Поради сите овие сознанија, Уставниот суд на само неколку денови пред вториот круг на 8 декември, донесе одлука за поништување на првиот круг, по што изборите беа одложени за 4 мај оваа година.

Членовите на администрацијата на претседателот на САД, Доналд Трамп, ги нарекоа откажаните избори во Романија пример за европските влади кои ги потиснуваат слободата на говорот и политичките противници.

The post ГЕОРГЕСКУ Е ИСФРЛЕН ОД ИЗБОРНАТА ТРКА ВО РОМАНИЈА Сѐ уште не се знае зошто appeared first on plusinfo.mk.

„Веќе ништо не ме изненадува. Сето ова ме потсетува на комунистичкиот режим од 1950-тите. Нема разлика. Сепак, ние одиме напред. Сигурно е дека ние, луѓето сме силата, ние сме енергијата, ние сме Романија. Во никој случај нема да клекнеме на колена. Дефинитивно повторно ќе се кандидирам“.

Вака изјави претседателскиот кандидат Калин Георгеску по петчасовното сослушување во романското обвинителство во Букурешт. Георгеску беше приведен во средата на пат да ја поднесе својата кандидатура за изборите закажани за 4 мај.

Тој додаде дека „сите знаат што се случува со овој систем во Романија“ и дека масовната корупција ширум светот ќе биде разоткриена.

Конзервативецот Георгеску победи во првиот кург на ланските претседателски избори, кои потоа беа поништени поради наводно руско мешање. Инспекторите го испитуваат финансирањето на ибзорната кампања на Георгеску.

Тој го нарече апсењето обид за заплашување.

The post ОВАА РОМАНИЈА Е КАКО ВО ВРЕМЕТО НА КОМУНИЗМОТ Георгеску ќе се кандидира за претседател и покрај истрагата против него appeared first on plusinfo.mk.

„Странските програми на УСАИД се вооружени против политичарите кои не се разбудени“.

Ќе се повтори ли изборниот хаос во Романија на повторените избори закажани за 4 мај? Додека уставниот суд во земјата ја прифати оставката на претседателот Клаус Јоханис, земјата се наоѓа пред политичка криза. Јоханис изјави дека се повлекува за да ја поштеди земјата од кризата, односно од собраниската расправа за негов импичмент која беше најавена како засилен притисок од опозициските партии.

Ден отако Јоханис даде оставка, романската полиција изврши претрес во домот на Раду Пали, шеф на предизборната кампања на Георгеску. Оваа акција предизвика жестока реакција од Георгеску, кој ја осуди како обид за заплашување.

Сè уште не е јасно дали Георгеску ќе може да учествува на овие повторени избори. Доколку ниту еден кандидат не добие повеќе од 50 отсто од гласовите, втор круг ќе следи две недели подоцна.

На ноемвриските избори тој победи во првиот круг, но уставниот суд тогаш ја одложи претседателската трка два дена пред вториот круг поради обвинувањата кои се појавија за наводно руско мешање во романските избори и кршење на изборните правила.

Но, кој точно се замеша во изборите и имаше ли мешање? Разузнавачките информации за наводната интернет кампања на Москва во поддршка за Георгеску беа објавени откако доскорешниот претседател Јоханис ја симна ознаката за тајност.

• РОМАНИЈА ПРЕД ПОЛИТИЧКА КРИЗА Претседателот поднесе оставка, изборите се дури во мај

Додека гласачите се подготвуваат за повторување, приврзаниците на Георгеску протестираа на плоштадот Викторија во Букурешт во понеделникот вечерта поради поништувањето на неодамнешното гласање.

Во групата која се обидела да го пробие полицискиот кордон имало и лице кое имало нож, а имало и такви кои поттикнувале насилство. Приведени се неколку лица.

Демонстрантите извикуваа „Втор круг, назад“, „Гласавме, вие украдовте“, а некои продаваа јајца, сирење, сланина и млеко пред зградата на владата на централниот плоштад, пишува „Романија Џурнал“, додавајќи дека протестот се одржал на денот кога Георгеску ги повикал граѓаните да ги бојкотираат големите трговски ланци.

Привремениот претседател Илија Болојан Привремен претседател на Романија ќе биде Илије Болојан, вториот човек во земјата, претседател на Сенатот, лидер на Национал-либералната партија (ПНЛ), откако тој привремено се повлече од партиската функција, како што налага Уставот.

Проевропските партии во Романија, вклучително и Социјалдемократската партија (ПСД), Национал-либералната партија (ПНЛ), Алијансата за спас на Романија (ССР), Унгарската демократска унија на Романија (УДМР) и Парламентарната група на националните малцинства, вчера објавија дека се посветени на заедничка владина програма и поддршка за евентуален заеднички кандидат на изборите.

The post УСАИД, А НЕ РУСИЈА СЕ МЕШАЛА ВО ИЗБОРИТЕ ВО РОМАНИЈА? Хаосот може да се повтори на 4 мај appeared first on plusinfo.mk.

Во отворено писмо на 16-те романски невладини организации се бара од Еврокомисијата и од АНЦОМ, која е задолжена за мониторинг на почитувањето на ДСА на национално ниво, да истражат дали онлајн платформите, а пред се Тик-Ток, презеле соодветни мерки за ублажување на ризиците поврзани со изборниот процес во Романија.

Ваквото барање следи откако во вторникот и романскиот Национален совет за радиодифузија (ЦНА) побара од Европската комисија да поведе формална истрага против Тик-Ток за кршење на утврдените стандарди, со тоа што му овозможил политичко рекламирање за независниот претседателски кандидат Калин Георгеску кој освои најмногу гласови во првиот круг од изборите.

Според потпретседателот на ЦНА, Валентин Јукан, Тик-Ток не успеал да одржи „алгоритамска транспарентност“ и да ги ублажи системските ризици како што се бара со ДСА. Дополнително, ЦНА го повика ТикТок да објави детална проценка за ризиците по демократските процеси што ги носи неговото работење во Романија и ѝ предложи Европската комисија да воведе „корективни мерки и санкции за идентификуваните прекршувања“ на Законот.

Во наводите се посочува дека во текот на изборната кампања, поддршката на Георгеску пораснала од 2 на 22% главно поради кампањите на Тик-Ток, кои вклучувале координирани активности за промоции на содржини поврзани со него, како и „вештачко засилување на пораките преку алгоритми и хаштази кои собрале милиони прегледи“.

Иницијаторите на истрагата сметаат дека недостигот на транспарентност во справувањето со политичките содржини од страна на Тик-Ток, резултирал со манипулација со јавното мислење.

По ваквите тврдења, актуелниот романски претседател, Клаус Јоханис, за денеска свика состанок на Врховниот совет за национална одбрана, на кој би се разговарало за „потенцијалните ризици по националната безбедност од активности на државни и недржавни кибер актери на ИТ инфраструктурата што го поддржува изборниот процес“.

До пред закажувањето на состанокот, Кабинетот на Јоханис тврдеше дека не добил информации од државните институции за мешање или за надворешно влијание во изборниот процес.

Георгеску, кој на изборите во неделата освои над 2,12 милиони гласови или 22,94%, во текот на изборната кампања не беше особено видлив во јавноста, но затоа беше многу присутен на социјалните мрежи со објави поврзани со него.

Романскиот европратеник од редовите на владејачката Социјалдемократска партија (ПСД), Дан Ника, обвини дека некои актери „брутално се мешале“ во претседателските избори и повика на итна акција.

Претседателскиот кандидат на ПСД, романскиот премиер Марсел Чолаку, освои 19,15% од гласовите и не успеа да се пласира во вториот изборен круг, во кој ќе се соочат Георгеску и лидерката на опозициската либерална Унија за Спас на Романија (УСР), Елена Ласкони.

Од друга страна, пак, романскиот европратеник Николае Стефануца посочи дека Тик-Ток има околу 9 милиони корисници во Романија, па „ниту еден политичар не може да си дозволи да не биде таму каде што е народот“. Тој, сепак, побара воведување построги регулативи во онлајн секторот, оценувајќи дека кинески компании честопати наоѓаат начини да ги заобиколат националните и европските правила.

Во целата дебата околу влијанието на Тик-Ток на изборниот процес во Романија се вклучи и романската Националната дирекција за кибер безбедност (ДНСЦ), која соопшти дека уште лани ги советувала државните институции да ја забранат оваа социјална мрежа.

ШОК ВО РОМАНИЈА, ДЕСНИЧАРСКИОТ КРИТИЧАР НА НАТО ВОДИ НА ПРЕТСЕДАТЕЛСКИТЕ ИЗБОРИ Зошто Романците се разочарани од сегашната политика на земјата?

The post ЕДНА АПЛИКАЦИЈА ГО ПОТРЕСЕ РОМАНСКИОТ ПОЛИТИЧКИ СИСТЕМ Поддршката на десничарскиот критичар на НАТО пораснала од 2% до 22% благодарение на Тик-Ток? appeared first on plusinfo.mk.

ШОК ВО РОМАНИЈА, ДЕСНИЧАРСКИОТ КРИТИЧАР НА НАТО ВОДИ НА ПРЕТСЕДАТЕЛСКИТЕ ИЗБОРИ Зошто Романците се разочарани од сегашната политика на земјата?

– Обвинет сум за екстремизам, но тоа е не е вистина, целосна невистина. Јас сум му целосно посветен, со сето свое срце и со својот живот, на романскиот народ – изјави Георгеску на синоќешниот пренос во живо, на својот канал на Јутјуб.

Крајнодесничарскиот политичар, 63-годишниот Георгеску, освои 22,94% од гласовите во првиот круг, додека, пак, десноцентристичката кандидатка Елена Ласкони, лидерка на опозицискиот Сојуз за спас на Романија, е втора со 19,18%. Левичарскиот премиер Марчел Чолаку, кој според анкетите беше фаворит, заврши на третото место со 19,15%, по што поднесе оставка како лидер на Социјалдемократската партија, но ќе остане премиер до парламентарните избори на 1 декември.

Во својата изјава, Георгеску ја спореди својата победа со Револуцијата од 1989 година кога беше соборен диктаторот Чаушеску. Тој нагласи дека „нема Исток и Запад, туку само Романија,“ додавајќи дека економската стабилност на земјата зависи од нејзината неутралност.

Иако често ги истакнува црквата и семејството, Георгеску е контроверзен поради претходните изјави во кои тврдел дека воени злосторници се јунаци, а и поради неговите критики кон НАТО.

Вториот круг од изборите е закажан за 8 декември.

The post ЉУБОВТА КОН РОМАНИЈА НЕ Е ЕКСТРЕМИЗАМ Георгеску ги отфрли обвинувањата дека е радикален appeared first on plusinfo.mk.

Калин Георгеску, кој се кандидираше независно, водеше со околу 22% од гласови за него, по речиси 93% преброени гласови, додека, пак, Чиолаку од Социјалдемократската партија, или ПСД, заостана со 21%. Елена Ласкони, од партијата „Сејв Ромејнија јунион“ (Save Romania Union), имаше околу 18%, а Џорџе Симион, водачот на крајнодесничарската Алијанса за единството на Романците, освои околу 14%.

По затворањето на избирачките места, според Централното изборно биро, гласале 9,4 милиони луѓе – околу 52,4% од гласачите со право на глас. Вториот круг на гласање ќе се одржи на 8 декември.

Претседателот има 5-годишен мандат и има значителни овластувања за одлучување во области како што се националната безбедност, надворешната политика и судските назначувања во Европската Унија и земјата-членка на НАТО.

Георгеску, кој има 62 години, се кандидираше самостојно и не беше надалеку познат. Неговото водство ги поби очекувањата, кои беа базирани на повеќето локални истражувања, испраќајќи шокантни бранови низ политичкиот естаблишмент во Романија додека се искачи на пол-позицијата.

Откако го даде својот глас во неделата, Георгеску во објава на Фејсбук рече дека гласал „За неправедните, за понижените, за оние кои чувствуваат дека не се важни, а всушност се најважни… гласот е молитва за нацијата“.

Огромен револт против романскиот естаблишмент, НАТО нема да помогне

Политички консултант со седиште во Букурешт, Кристијан Андреј, изјави дека неочекуваниот успех на Георгеску се чини дека е „голем протест или револт против естаблишментот“.

– Популарните политички партии ја изгубија врската со секојдневните Романци. Нема силни кандидати или силни лидери… има слаби кандидати, слаби лидери, а партиите генерално се прилично исклучени – рече тој.

На Георгеску му недостига агенда, рече Андреј, и има нејасен и популистички манифест со позиции што се „надвор од нормалниот дискурс“. Неговите ставови, објаснува политичкиот консултант, вклучуваат поддршка на романските земјоделци, намалување на зависноста од увоз и засилување на производството на енергија и на храна.

Георгеску го нарече одбранбениот штит од балистички проектили на НАТО, во романскиот град Девеселу, „срам на дипломатијата“. Тој рече дека Северноатлантската алијанса нема да заштити ниедна од нејзините членки доколку бидат нападнати од Русија.

Кој е Калин Георгеску?

Според неговата веб-страница, Георгеску има докторат по педологија, гранка на науката за почвата, и има различни позиции во романското министерство за животна средина во 1990-те. Помеѓу 1999 и 2012 година, тој е претставник за Романија во националниот комитет на Програмата на Обединетите нации за животна средина.

Видеата објавени на неговиот популарен профил на Тик-Ток, каде што има собрано 1,6 милиони допаѓања, го прикажуваат како оди во црква, се занимава со џудо, трча на кружна патека и зборува на поткасти.

Стравот од Русија го чува лозјето

Романија дели 650 километри граница со Украина и откако Русија го нападна Киев во 2022 година, таа овозможи извоз на милиони тони жито преку пристаништето Констанца на Црното Море и обезбеди воена помош, вклучително и донација на воена единица на системот за противвоздушната одбрана „Патриот“.

Во селата на границата со Украина се забележаа низа беспилотни летала кои го нарушија националниот воздушен простор, иако нема информации за жртви.

Еден политички коментатор рече дека руско мешање, во корист на Георгеску, не може да се исклучи на изборите.

Екатерина Навадија, 20-годишна студентка по архитектура, рече дека првпат гласала на националните избори во неделата и се надева дека младите ќе излезат во голем број.

– Од револуцијата (1989), сме немале навистина добар претседател. Се надевам дека повеќето на моја возраст отидоа да гласаат… бидејќи водечкиот кандидат не е најдобрата опција – рече таа.

Романија, исто така, ќе одржи парламентарни избори на 1 декември, на кои ќе се одредат следната влада и премиер на земјата.

Политичкиот консултант Кристијан Андреј појаснува дека големиот буџетски дефицит на Романија, високата инфлација и економското забавување би можеле да поттикнат повеќе популарни кандидати да се префрлат кон популистички ставови, во услови на широко распространето незадоволство.

Чолаку изјави, пред гласањето во првиот круг, дека една од неговите најголеми цели е „да ги убеди Романците дека вреди да останат дома или да се вратат во Романија“, која има огромна дијаспора, распространета низ земјите на ЕУ.

The post 🎥 ШОК ВО РОМАНИЈА, ДЕСНИЧАРСКИОТ КРИТИЧАР НА НАТО ВОДИ НА ПРЕТСЕДАТЕЛСКИТЕ ИЗБОРИ Зошто Романците се разочарани од сегашната политика на земјата? appeared first on plusinfo.mk.