Ратко Младиќ, поранешниот командант на Главниот штаб на Војската на Република Српска, кој беше осуден на доживотен затвор за геноцид, воени злосторства и злосторства против човештвото, почина денеска во притворската болница во Хаг, на 84-годишна возраст. Неговата смрт ја потврди претставник на Обединетите нации, а Младиќ последните години ги минуваше во затвор со сериозно нарушено здравје.

Од Босна до воената академија

Младиќ е роден на 12 март 1942 година во селото Божановиќи, во општината Калиновик, во источна Босна. Неговиот татко, припадник на партизанското движење, загинал во 1945 година. Младиќ во 1961 година се запишал на Воената академија на Југословенската народна армија во Белград, а во 1965 година станал професионален офицер.

Во првите децении од кариерата тој бил типичен офицер на југословенскиот воен систем. Напредувал низ чиновите, завршил Командно-штабна академија со одличен успех и постепено добивал сè повисоки командни функции. Пред распадот на Југославија веќе бил сметан за искусен и перспективен офицер во ЈНА.

Годините во Скопје и Охрид

Значаен дел од неговата воена кариера е поврзан и со Македонија. Младиќ служел во Скопје, каде што во 1982 година бил поставен на должност во Командата на Третата армија на ЈНА. Во документите од подоцнежната пресуда во Хаг се наведува дека неговата служба во скопскиот гарнизон започнала уште во 1981 година.

Во 1983 година бил преместен во Охрид, каде што ја презел командата над 164. пешадиски полк на 41. пешадиска дивизија на Третата армија. Во Македонија продолжил да напредува во воената хиерархија, а подоцна бил поставен и на висока функција во Штип. Така, пред воените конфликти од 1990-тите, значаен дел од неговата професионална кариера бил изграден токму во гарнизоните на тогашната СР Македонија.

Од ЈНА до командант на босанските Срби

Со распадот на Југославија, кариерата на Младиќ влегла во нова фаза. Во 1991 година бил испратен во Книн, каде што учествувал во воените операции во Хрватска, а во почетокот на 1992 година бил префрлен во Сараево. По почетокот на војната во Босна и Херцеговина, во мај истата година станал командант на Главниот штаб на новоформираната Војска на Република Српска.

Во следните три и пол години Младиќ беше еден од централните воени актери во босанската војна. Силите под негова команда контролираа големи делови од територијата на Босна и Херцеговина, а неговото име остана неразделно поврзано со опсадата на Сараево, борбите околу повеќе градови и енклави, како и со политиката на етничко чистење што доведе до масовно протерување на несрпското население.

Сребреница, најголемата дамка

Најтешкото обвинение против него се однесуваше на Сребреница во јули 1995 година. По падот на енклавата која Обединетите нации ја прогласија за „безбедна зона“, повеќе од 8.000 бошњачки мажи и момчиња биле убиени.

Меѓународниот кривичен трибунал за поранешна Југославија подоцна утврди дека Младиќ бил одговорен за злосторствата извршени во Сребреница, како и за низа други злосторства во Босна и Херцеговина.

Бегство од јавноста и 16 години во илегала

По завршувањето на војната и потпишувањето на Дејтонскиот мировен договор во 1995 година, Младиќ постепено се повлече од јавноста. Меѓународниот трибунал во Хаг го обвини за геноцид и други тешки злосторства, но тој речиси 16 години остана недостапен за правосудните органи. Во тој период престојувал на различни локации во Босна и Србија, а извесно време живеел и во Белград.

За тоа време Младиќ остана симболично и политички поделена фигура. Додека за жртвите и голем дел од меѓународната јавност претставуваше еден од главните одговорни за злосторствата во босанската војна, дел од српската јавност и националистичките кругови во него гледаа воен командант кој ја бранел српската страна во конфликтот. Самотoт Младиќ до крајот на животот ги отфрлаше обвиненијата и не ја прифаќаше пресудата против него.

Апсење, екстрадиција и долго судење во Хаг

Младиќ беше уапсен во мај 2011 година во селото Лазарево, во близина на Зрењанин во Србија. По апсењето беше екстрадиран во Хаг, со што беше отворена последната голема фаза од процесот против еден од најбараните обвинети за злосторствата во војните при распадот на Југославија.

Судењето траеше со години, а во ноември 2017 година Хашкиот трибунал го прогласи за виновен по 10 од вкупно 11 точки од обвинението и му изрече доживотна казна затвор. Беше осуден за геноцид во Сребреница, прогон, истребување, убиства, депортации и присилно преместување, за злосторства поврзани со Сараево, како и за земање припадници на Обединетите нации како заложници. За обвинението за геноцид во неколку општини во Босна и Херцеговина во 1992 година беше ослободен.

Во 2021 година жалбениот совет на Механизмот за меѓународни кривични трибунали ја потврди доживотната казна. Со тоа заврши еден од најзначајните процеси пред меѓународното правосудство поврзано со војните во поранешна Југославија. Младиќ остана во притвор во Хаг, каде што во последните години повеќепати беше хоспитализиран поради влошеното здравје.

Болеста не беше доволна причина да биде пуштен да умре дома

Во последните години Младиќ беше далеку од ликот на моќниот генерал од деведесеттите. Здравствената состојба му беше сериозно нарушена, а неговото семејство повеќепати бараше да биде пуштен на привремено или хуманитарно лекување. И покрај тоа, доживотната казна остана во сила и тој до смртта остана во притвор под надлежност на меѓународното правосудство.

Со смртта на Ратко Младиќ, на 84 години, завршува животниот пат на човек кој од професионален офицер на ЈНА, преку највисоките воени позиции во босанската војна, стана една од најконтроверзните личности на распадот на Југославија. Неговото име останува поврзано и со воената историја на регионот, но пред сè со судски утврдената одговорност за некои од најтешките злосторства извршени во Европа по Втората светска војна.

The post РАТКО МЛAДИЌ – МЕЃУ ВОЕН ХЕРОЈ И ВОЕН ЗЛОСТОРНИК Заврши еден живот полн со контрасти, врвови и падови appeared first on plusinfo.mk.

Генералот Ратко Младиќ почина на 84-годишна возраст во притворската единица на Меѓународниот резидуален механизам за кривични судови во Шевенинген, дознава Euronews Србија.

Веста за смртта на генералот ја потврди неговото семејство.

Генералот Младиќ доживеа повеќе мозочни удари, по што неговата состојба, која и претходно беше многу лоша, дополнително се влоши.

Семејството и лекарите повеќепати предупредуваа за состојбата во која се наоѓаше генералот и бараа негово пуштање од затвор за понатамошно лекување, но сите такви барања беа одбиени од страна на надлежните органи во Хаг.

Информациите за датумот и местото на погребот ќе бидат соопштени дополнително.

Претседателката на Механизмот за меѓународни кривични трибунали, Грасиела Гати Сантана, го отфрли барањето на одбраната на поранешниот командант на босанските Срби, Ратко Младиќ, за негово предвремено ослободување од хуманитарни причини, објави Радио Слободна Европа.

Одбраната на Младиќ на 18 август побара тој да биде ослободен и префрлен во болница или установа за палијативна нега во Србија поради лошото здравје, ризикот од непосредна смрт и желбата да помине повеќе време со семејството. Во својата одлука, судијката Гати Сантана посочи дека хуманитарните причини не оправдуваат вака исклучителна мерка, истакнувајќи дека Младиќ ја добива потребната медицинска нега во Хаг и има редовен контакт со блиските.

Таа подвлече дека интересите на правдата не бараат ослободување дури и при очекувана смрт, имајќи ги предвид целите на доживотната казна за тешки меѓународни злосторства, која мора да ја изрази осудата од меѓународната заедница. Со ова се потврдува претходната одлука од 14 мај, кога трибуналот исто така одби привремено ослободување за осудениот генерал.

Ратко Младиќ беше уапсен во Србија во 2011 година, а во 2021 година Апелацискиот совет му ја потврди конечната казна доживотен затвор за геноцидот врз околу 8.000 Бошњаци во Сребреница, опсадата и теророт врз Сараево, прогонот на Бошњаците и Хрватите и земањето припадници на ОН за заложници за време на војната во БиХ.

РАТКО МЛAДИЌ – МЕЃУ ВОЕН ХЕРОЈ И ВОЕН ЗЛОСТОРНИК Заврши еден живот полн со контрасти, врвови и падови

The post ПОЧИНА РАТКО МЛАДИЌ Беше осуден на доживотен затвор за геноцид во Сребреница appeared first on plusinfo.mk.

Израелските власти и безбедносните сили намерно ги таргетирале палестинските деца, поради што нападите се окарактеризирани како геноцид, злосторства против човештвото и воени злосторства извршени во Појасот Газа и во окупираниот Западен Брег, се наведува во денеска објавениот извештајот на независната истражна комисија на Обединетите нации.

Со истрагата е опфатен периодот на војната помеѓу Израел и Хамас, што почна на 7 октомври 2023 година. Во извештајот се посочува дека во војната во Појасот Газа загинале најмалку 20.179 деца, што е 30 проценти од вкупниот број на загинати.

– Доказите сугерираат дека палестинските деца биле намерно напаѓани и убивани од страна на израелските безбедносни сили – истакна претседателот на комисијата, Сринивасан Мураледхаран.

Во извештајот се посочува и дека деца гинеле и по примирјето помеѓу Израел и Хамас, постигнато во октомври 2025 година.

The post ИЗРАЕЛ НАМЕРНО ГИ УБИВАЛ ДЕЦАТА ВО ГАЗА Според Обединетите нации, земјата извршила геноцид appeared first on plusinfo.mk.

Нашата работа е само да убиваме, вели борец од Судан во вознемирувачко видео додека камерманот покажува девет безживотни тела расфрлани по земјата. Во градот Ел-Фашер беше извршен стравичен масакр. Силите за брза поддршка (РСФ) убиле најмалку 2.000 цивили.

Сцените, според Би-Би-Си, претставуваат доказ за систематски злосторства против човештвото.

Ел-Фашер, последното упориште на суданската армија во Дарфур, бил под двегодишна опсада. Силите на РСФ од август граделе песочен насип околу градот, целосно блокирајќи пристапот на храна и медицинска помош.

Според извештајот на „Yale Humanitarian Research Lab“, сателитските снимки откриваат десетици свежи масовни гробници. На социјалните мрежи се појавиле видеа на егзекуции во џамии и универзитетски згради.

Pure mass murder pic.twitter.com/oCAIyqqlfT

— Magnificent Basterd (@magnificentb) October 31, 2025

Bellingcat has geolocated footage of a mass killing outside the captured Sudanese city of El Fasher. In the video, circulated widely online, RSF commander Abu Lulu can be seen firing his weapon at what appears to be ten unarmed men sitting on the ground. Image: @vantortech pic.twitter.com/81QqPBjiOl

— Bellingcat (@bellingcat) October 31, 2025

Меѓу најморничавите снимки е онаа каде што војници влегуваат во универзитетска сала преполна со тела.

Старец во бела облека, кој едвај дише, е застрелан во глава. Некој од напаѓачите довикува: „Зошто овој сè уште е жив? Убијте го.“

Истражувачите од Јеил потврдиле дека токму тој ден, на 26 октомври, бил извршен масакрот.

– Никогаш нема да имам милост. Нашата работа е само да убиваме – изјавил командантот Абу Лулу, идентификуван како човек што лично извршил повеќе егзекуции на заробеници.

Откако Би-Би-Си го објавил неговото видео, РСФ објавиле дека командантот е уапсен.

На социјалните мрежи се појавуваат и вознемирувачи снимки на кои се гледа како цивили се принудени сами себе да се закопаат живи под земја.

This scene is one of the harshest scenes in human history. They are forcing them to dig their own graves and bury themselves alive.

This is happening today in El-Fasher, Sudan pic.twitter.com/HIqFqSANDp

— Jvnior (@JvniorLive) October 29, 2025

Извештаите од терен укажуваат дека паравоените сили се обидуваат да ги сокријат доказите. Сателитските фотографии покажуваат отстранување на телата северно од насипот и закопување во импровизирани гробници во дворот на детската болница.

Во меѓувреме, лидерот на РСФ, генерал Мохамед Хамдан Дагало, признал дека „има прекршувања“, но тврди дека започнала „внатрешна истрага“.

Организациите за човекови права бараат итна интервенција на Обединетите нации, предупредувајќи дека се можни нови злосторства.

The post (ВОЗНЕМИРУВАЧКО) 📽️ РЕКОА „ТОА НИ Е РАБОТА“, МАСАКРИРАА 2.000 ЦИВИЛИ Гробници во Судан сведочат за невидено злосторство appeared first on plusinfo.mk.

Американскиот претседател Доналд Трамп му наложил на Министерството за војна да се подготви за можна воена операција во Нигерија доколку нејзината влада продолжи да дозволува убивање на христијани.

Во објава на неговата социјална мрежа Трут соушл, Трамп наведе дека американската влада, исто така, веднаш ќе ја прекине целата помош за Нигерија доколку таа сега посрамотена земја не преземе нешто за да го спречи прогонот на христијаните.

„Ако нападнеме, тоа ќе биде брзо, сурово и слатко, исто како што терористичките насилници ги напаѓаат нашите сакани христијани! Предупредување: Нигериската влада подобро е да дејствува брзо!“ напиша Трамп, осврнувајќи се на исламските фундаменталисти во најнаселената земја во Африка.

Еден ден претходно, Трамп ја вклучи Нигерија на списокот на САД на земји од посебна загриженост во врска со верската слобода, наведувајќи дека христијанството таму се соочува со егзистенцијална закана.

„Карактеризацијата на Нигерија како религиозно нетолерантна држава не ја одразува нашата национална реалност“, одговори на платформата Икс, нигерискиот претседател Бола Тинубу, муслиман во брак со христијанска паштерка, пред Трамп да се закани со воена акција.

Одлуката на Трамп доаѓа по месеци лобирање од страна на американските конзервативци кои сметаат дека христијаните во Нигерија се соочуваат со геноцид, објавија светските агенции.

The post АКО ПРОДОЛЖАТ УБИСТВАТА НА ХРИСТИЈАНИТЕ, ТРАМП ЌЕ ЈА НАПАДНЕ НИГЕРИЈА „Ќе биде брзо, сурово и слатко“ appeared first on plusinfo.mk.

Тужба за геноцид ја тресе италијанската политичка сцена. Премиерката Џорџа Мелони ноќеска јавно призна дека Меѓународниот кривичен суд ги обвинил неа, двајца министри и шефот на военоиндустрискиот гигант „Леонардо“ за соучество во злосторства против човештвото , јави „Кориере дела Сера“.

Во телевизиско интервју, Мелони изјави дека обвиненијата ги вклучуваат неа, министерот за одбрана Гвидо Крочето, министерот за надворешни работи Антонио Тајани и извршниот директор на „Леонардо“, Роберто Чинголани.

– Јас, Крочето, Тајани и веројатно Чинголани сме предмет на тужба од МКС за соучество во геноцид. Не мислам дека постои друг ваков случај во историјата – рече италијанската премиерка.

Според документите, тужбата е поднесена од група правници, професори и јавни личности кои себе си се нарекуваат „Адвокати и застапници за Палестина“.

„Со снабдувањето на израелската Влада со смртоносно оружје, италијанската Влада станала соучесник во геноцидот и воените злосторства врз палестинскиот народ“, наведоа авторите на поднесокот.

Во повикот до судот во Хаг се бара отворање формална истрага.

The post ТУЖБА ЗА ГЕНОЦИД ЗА МЕЛОНИ, ТАЈАНИ И ЗА КРОЧЕТО „Ваков случај немало во историјата“ appeared first on plusinfo.mk.

Траката на летот на авионот на израелскиот премиер Бенјамин Нетанјаху до Њујорк, каде што треба да присуствува на Генералното собрание на ОН, го избегнува воздушниот простор на повеќето земји освен Италија и Грција, и покрај значително подолгото патување, објавија израелските медиуми.

„Тајмс оф Израел“ објави дека маршрутата, видлива на веб-страницата „Флајт тракер“, може да биде обид да се избегнат проблеми поврзани со налогот на Меѓународниот кривичен суд (МКС) за негово апсење за наводни израелски воени злосторства во војната против Хамас во Газа.

אני יוצא עם רעייתי לעצרת האו״ם ולוושינגטון. בעצרת האו״ם אני אומר את האמת שלנו – אזרחי ישראל, האמת של חיילי צה״ל, של המדינה שלנו.

אני אוקיע את אותם מנהיגים שבמקום להוקיע את הרוצחים, האנסים, שורפי הילדים, רוצים לתת להם מדינה בלב ארץ ישראל. זה לא יקרה. pic.twitter.com/AsaBS5P9mH

— Benjamin Netanyahu – בנימין נתניהו (@netanyahu) September 25, 2025

Многу земји изјавија дека, по налогот за апсење издаден од МКС за наводни воени злосторства, што Израел го негира, тие би го уапсиле Нетанјаху доколку тој биде присутен на нивна територија.

Кога израелскиот премиер отпатува во САД во февруари, и тоа патување беше продолжено, делумно поради загриженоста за налогот на МКС.

Нетанјаху наводно го откажал патувањето во Азербејџан во мај за да избегне летање над Турција, чиј претседател, Реџеп Таип Ердоган, е жесток критичар на Израел, кој го поздрави налогот за негово апсење, според израелскиот портал.

The post НЕТАНЈАХУ ОДИ ВО ВАШИНГТОН ПРЕКУ ИТАЛИЈА И ГРЦИЈА Ги избегнува воздушните простори на повеќето земји поради апсење appeared first on plusinfo.mk.

SBS (јавната телевизиска и радио мрежа на Австралија) посочи дека нема да го следи примерот на растечкиот број земји од Европската Унија кои повикуваат на бојкот на Евровизија следната година доколку на Израел му биде дозволено да учествува, пишува The Guardian.

Одлуката за учеството на Израел ќе ја донесе управното тело на натпреварот во декември, но SBS соопшти за Guardian дека планира да учествува на Евровизија 2026 во Виена, без оглед на одлуката во декември.

Директорот на натпреварот, Мартин Грин, издаде соопштение во кое се вели дека со придолжувањето на рокот до декември, сака да обезбеди „дополнителна флексибилност и јасност“ додека групата се консултира со радиодифузерите членки за учеството на земјите на следниот натпревар.

Ирска, Словенија, Шпанија, Холандија и Исланд веќе објавија дека не се подготвени да учествуваат ако ERU му дозволи на Израел да се натпреварува, со оглед на влошувањето на хуманитарната криза во Газа.

ERU ја исклучи Русија од натпреварот кратко време по инвазијата на Украина во 2022 година.

Во среда, Евровизија ги негираше претходните извештаи во израелските медиуми дека ERU неформално му предложила на израелскиот јавен радиодифузер, Кан, привремено да се повлече или да настапи под неутрален симбол за да избегне формално исклучување.

– ERU не доставила никакви предлози до Кан во врска со нејзиното учество на Евровизија следната година, изјавил Грин за Гардијан Австралија.

– Ги разбираме загриженостите и длабоко вкоренетите мислења во врска со конфликтот на Блискиот Исток. Сè уште се консултираме со сите членови на ERU за да собереме мислења за тоа како да се управува со учеството и геополитичките тензии околу Евровизискиот натпревар.

Радиодифузерите имаат рок до средината на декември да потврдат дали сакаат да учествуваат на натпреварот следната година во Виена. Од секој член зависи дали сака да учествува и ние ќе ја почитуваме секоја одлука што ќе ја донесат радиодифузерите.

Директорот на Кан, Голан Јохпаз, во понеделник за „Тајмс оф Израел“ изјави дека Евровизија е културна прослава, а не политичко бојно поле и ги истакна успесите на неговата земја во последните години, вклучувајќи го пласманот меѓу првите пет и една победа од основањето на Кан во 2017 година.

Австралиската зелена партија и Австралиската мрежа за застапување на Палестина (APAN) ја повикаа SBS да се придружи на бојкотот.

Портпаролот за надворешни работи на Зелените, сенаторот Дејвид Шубриџ, рече дека „сјајот, гламурот и музиката на Евровизија“ не треба да имаат предност пред човековите права.

Словенија, Ирска, Холандија и други рекоа дека нема да пеат ако Евровизија 2026 му даде на Израел светска сцена за да го исплакне геноцидот и дека е време Австралија да се придружи на нивниот принципиелен повик, рече тој.

– Тешко е да се поверува во темата на Евровизија за „единство преку музика“ кога еден натпреварувач спроведува етничко чистење, изгладнува цивили и убива деца“.

Шубриџ ја обвини Евровизија за „груби двојни стандарди“ за забрана на Русија да се натпреварува поради воени злосторства во Украина, додека „го поставува црвениот тепих за Израел“ дури и додека хуманитарната криза во Газа се влошува.

– Ова не е натпревар во кој Австралија треба да биде, рекол тој.

Претседателот на АПАН, Насер Машни, рекол дека на Израел не треба да му биде дозволено да учествува на Евровизија, Светското првенство или Олимписките игри.

– Овие настани треба да бидат резервирани за земји кои ги почитуваат меѓународно договорените правила и не вршат геноцид, рекол Машни.

– Доколку им биде дозволено да учествуваат, другите земји имаат обврска да бојкотираат.

SBS не потврди дали биле контактирани од ERU за учеството на Израел.

– SBS го емитува Евровизискиот натпревар повеќе од 40 години, споделувајќи ја оваа глобална прослава на различноста и вклученоста со сите Австралијанци. SBS планира да ја продолжи таа традиција со своето учество на Евровизија 2026. Одлуката за учеството на Израел ќе ја донесе ERU во наредните месеци, рекол портпаролот.

The post АВСТРАЛИЈА НЕМА ДА ЈА БОЈКОТИРА ЕВРОВИЗИЈА Сенаторот Дејвид Шубриџ смета дека сјајот, гламурот и музиката не треба да имаат предност пред човековите права appeared first on plusinfo.mk.

Познатиот шпански режисер Педро Алмодовар денеска ја повика владата во Мадрид да ги прекине сите дипломатски и трговски односи со Израел поради, како што рече, „геноцидот во Појасот Газа“.

Во видео порака објавена на Инстаграм профилот на неговата продукциска куќа „Ел Десео“, Алмодовар изјави: „Јас сум Педро Алмодовар, филмски автор, и ја повикувам нашата влада да ги прекине дипломатските, трговските и сите други односи со Државата Израел како знак на гнев и одвратување од геноцидот што го спроведува врз народот на Газа пред очите на целиот свет“.

Облечен во сина поло маица, 70-годишниот режисер побара од премиерот Педро Санчез „да се обиде да ги убеди сите европски сојузници да направат исто и да се обединат во ова отфрлање“.

The post 📽️ КУЛТНИОТ РЕЖИСЕР ПОБАРА ЕУ ДА ГИ ПРЕКИНЕ ОДНОСИТЕ СО ИЗРАЕЛ За Алмодовар нападите во Газа се геноцид appeared first on plusinfo.mk.

Израелската армија планира да повика околу 80.000–100.000 резервисти за можна окупација на градот Газа, јавија во четвртокот локалните медиуми, објави Анадолија.

Минатата недела, Советот за безбедност на Израел го одобри планот на премиерот Бенјамин Нетанјаху за целосна окупација на градот Газа, што предизвика остра меѓународна реакција од влади и од организации за човекови права.

Израелскиот дневен весник „Једиот Ахронот“ објави дека одлуката за издавање илјадници наредби за мобилизација била донесена откако началникот на Генералштабот, Ејал Замир, го одобрил „главниот рамковен план“ за окупацијата на градот Газа.

Во наредните денови ќе се одржат дополнителни дискусии за деталите и за временската рамка на операцијата, која, според весникот, се очекува да трае до крајот на 2026 година.

Израел се соочува со сè поголема осуда за својата геноцидна војна во Газа каде што од октомври 2023 година има убиено повеќе од 61.700 луѓе.

Минатиот ноември, Меѓународниот кривичен суд издаде налози за апсење на Нетанјаху и на неговиот поранешен министер за одбрана, Јоав Галант, за воени злосторства и за злосторства против човештвото во Газа.

Израел се соочува и со тужба за геноцид пред Меѓународниот суд на правдата поради својата војна во енклавата.

The post ИЗРАЕЛ ЌЕ МОБИЛИЗИРА 100.000 РЕЗЕРВИСТИ ЗА ЗАЗЕМАЊЕ НА ГРАДОТ ГАЗА Се финализираат плановите за операцијата што ќе трае над 1 година appeared first on plusinfo.mk.