Одлуката на САД да го прекинат планираното распоредување војници во Полска предизвикала сериозен хаос откако се откри дека важното известување останало непрочитано во електронската пошта на началникот на Генералштабот, генерал Вјеслав Кукула.

Според бриселски „Политико“, американската порака пристигнала уште во понеделник преку класифициран комуникациски систем, но не била проследена до командата и Министерството за одбрана.

Поголемиот дел од армијата за промената дознал од медиумите.

„Сите дознаваме од медиумите“

Американскиот медиум „Арми тајмс“ во средата прв објавил дека е прекината ротацијата на повеќе од 4.000 американски војници од Втората оклопна бригада на Првата коњаничка дивизија. Дури потоа полската команда била официјално информирана.

– Сите сме бесни што за сè дознаваме од медиумите, а не од нашите претпоставени – рекол извор близок до Генералштабот.

Организациски хаос

Извори блиски до генералот Кукула тврдат дека пораката од Американците била многу кратка и испратена преку редовни воени канали.

Еден од соговорниците оценил дека проблемот лежи во системот за управување со тајната преписка.

– Началникот на Генералштабот често е отсутен и многу зафатен. Затоа треба да овласти други да ја читаат тајната преписка – рекол изворот.

Пентагон смирува, офицерите не веруваат

Пентагон во меѓувреме се обидел да ја намали тежината на ситуацијата и соопштил дека не станува збор за изненадна одлука.

Од полска страна, вицепремиерот Владислав Косињак-Камиш уверил дека американското присуство нема трајно да се намали.

Но, дел од офицерите тврдат дека бројот на американски војници сепак ќе биде намален, иако можеби не во обемот што првично се споменувал во медиумите.

The post ГО СМЕНИЛЕ ПЛАНОТ ЗА ПОЛСКА, МЕЈЛОТ ОСТАНАЛ НЕПРОЧИТАН Американците нема да испратат 4.000 војници appeared first on plusinfo.mk.

Шефот на разузнавачката служба на Иранската револуционерна гарда, Маџид Хадеми, е убиен денес во напади на САД и на Израел, соопшти иранската револуционерна гарда.

Да потсетиме дека како одговор на израелско-американските напади, Техеран ги таргетираше претежно енергетските објекти на Блискиот Исток поврзани со САД и Израел, за што зборуваше портпаролот на иранскиот Генералштаб.

Во соопштението на иранската револуционерна гарда, е наведено дека Хадеми пет децении имал голема улога во иранскиот разузнавачки и безбедносен апарат.

Ројтерс пренесува дека иранските државни медиуми објавиле дека Хадеми е мртов, но притоа не дале детали.

 

View this post on Instagram

 

A post shared by Al Jazeera English (@aljazeeraenglish)

The post УБИЕН ШЕФОТ НА ИРАНСКОТО РАЗУЗНАВАЊЕ Маџид Хадеми пет децении бил во тајната служба appeared first on plusinfo.mk.

Началникот на Генералштабот на Израелските одбранбени сили (ИДФ), генерал-потполковник Ејал Замир, предупреди дека армијата може да се распадне ако итно не се реши недостигот на луѓе.

Замир изјави на состанокот на кабинетот за безбедност дека „крева десет црвени знамиња“ пред да се распадне ИДФ, објави „Џерусалем пост“.

Воени извори велат дека резервите се веќе полни, а ситуацијата дополнително се комплицира од тековната војна. Недостигот на војници е особено акутен на границите со Газа, Либан, Сирија и Западниот Брег.

Проблемот е дополнително влошен од фактот дека сè уште не е донесен закон што би овозможил задолжително регрутирање на ултраортодоксните Хареди, или ултраортодоксната еврејска верска заедница.

Нацрт-законот, според владата на израелскиот премиер Бенјамин Нетанјаху, бил одложен за време на војната за да се зачува политичкото единство, што предизвика критики од опозицијата.

Политичарите од Јеш Атид, вклучувајќи го и лидерот на опозицијата Јаир Лапид, предупредија дека одложувањето на нацрт-законот за Хареди претставува сериозна безбедносна закана и побараа итни состаноци на парламентарните комисии за да се разгледа решение.

Лидерите на другите опозициски партии, вклучувајќи ги Авигдор Либерман и Нафтали Бенет, исто така повикаа на брзо спроведување на законот за задолжителна служба за да се обезбеди подготвеност на Израелските одбранбени сили.

Поранешниот началник на Генералштабот Гади Ајзенкот нагласи дека задолжителната служба е морален императив и клучен за зачувување на мисијата на Израелските одбранбени сили и безбедноста на Израел.

Лидерот на Резервната партија, Јоаз Хендел, додаде дека армијата веќе ги исцрпила своите резерви и дека постои итна потреба да се зголеми бројот на војници за да може земјата да биде подготвена за понатамошни предизвици.

The post „ИЗРАЕЛСКАТА АРМИЈА МОЖЕ ДА СЕ РАСПАДНЕ ПОРАДИ НЕДОСТИГ НА ЛУЃЕ“ Аларм од генералите, се бара тотална мобилизација appeared first on plusinfo.mk.

Нашата Армија е компатибилна, компарабилна и почитувана не само дома, туку и надвор. И ние можеме со сигурност да кажеме дека состојбата е за поздравување. И мислам дека Армијата заслужува понатамошно разбирање и поддршка и од Владата, но и од сите нас. Ја имаат, се разбира, и мојата поддршка. Јас имам што да бранам, што да фалам, што да заштитувам и имам во што да верувам – истакна денеска претседателката и врховен командант на вооружените сили, Гордана Сиљановска Давкова, по долгото реферирањето за борбената готовност на Армијата за 2025 година.

На состанокот на кој присуствуваа министерот за одбрана, Владо Мисајловски, началникот на Генералштабот генерал‑мајор Сашко Лафчиски, генералите од Армијата и претставници од кабинетите на претседателката и министерот, Сиљановска Давкова посочи дека долгиот состанок не е случаен, туку ја изразува сериозноста на Армијата, при што детаљната презентација потврдила дека Армијата, како што рече, ужива највисок углед во државава.

Како врховна командантка, таа истакна дека добила целосен увид во состојбите и дека се докажало оти навистина ние сме компатибилни и компарабилни со сите армии. Претседателката посочи дека високата доверба на партнерите се гледа преку учествата во меѓународните мисии и големите вежби нагласувајќи дека лани на Криволак имало 2.000 учесници.

Како посебно значаен момент од денешната презентација Сиљановска Давкова ја истакна и, како што рече, силата на воената дипломатија, при што додаде дека нема мисија во која ние не сме биле оценети извонредно не само регионално, туку и пошироко. Таа ја посочи одличната соработка со армиските структури на Грција и на Бугарија како пример за ефективна воена дипломатија.

Во однос на буџетските издвојувања за одбраната, претседателката нагласи дека во планирањето се забележува извонредна селектираност и квалитативна и стратешка рамка.

– Се разбира, мене ме интересираа издвојувањата од буџетот бидејќи тие се многу важни, но гледам дека и тука има една извонредна селектираност. Квалитативна рамка, ова е стратешка рамка, но поголеми се квалитативните од квантитативните цели, што значи дека ние можеме да очекуваме исчекори – истакна претседателката.

Во контекст на партнерствата, Сиљановска Давкова рече дека станало јасно зошто сме почитуван стратешки партнер на Соединетите Американски Држави, посочувајќи дека најголем дел од активностите се со нив, но и дека исто толку активности имаме и со ЕУ-партнерите. Таа ја повтори својата позиција дека пристапот треба да биде не или-или, туку и-и.

Осврнувајќи се на застапеноста на жените во Армијата, претседателката посочи дека нивното учеството е речиси 24 отсто и дека целта е да достигнат 30 проценти. Притоа истакна дека застапеноста е поголема во офицерскиот состав одошто во подофицерскиот и дека е потребно зголемување на подофицерскиот контингент. Таа најави залагање за формирање „национален центар за извонредност на жените во Армијата“, кој може да прерасне и во регионален центар.

Реферирањето го одржа началникот на Генералштабот, генерал‑мајор Сашко Лафчиски, кој ја запозна претседателката со реализираните задачи и постигнувањата на Армијата во текот на годината во областите персонал, обука и вежби, опрема и инфраструктура, воено планирање и структура на силите, модернизација и опремување, како и буџет и финансии.

Како што соопштија од ГШ на АРМ, генералот Лафчиски истакнал дека Армијата е подготвена целосно да ја изврши својата уставна улога – одбрана на Републиката, заштита на територијалниот интегритет и независноста и исполнување на националните и меѓународните обврски, меѓу кои и придонесот во колективната одбрана, меѓународните операции и заштитата на националните интереси.

Информира дека Армијата во изминатата година успешно ги реализирала сите планирани и доделени задачи, при што бил нагласен високиот степен на подготвеност на припадниците, напредокот во модернизацијата и опремувањето, како и значајната улога на македонските мировници во зајакнување на регионалната и глобалната безбедност.

Според Лафчиски, борбената готовност е на потребното ниво и дека Армијата ќе продолжи да ја подобрува преку исполнување на планот за модернизација и опремување, континуираната обука и вежби дома и во странство, како и преку исполнување на пакетот цели на способности за 2025 година, кој е еден од приоритетите во рамките на НАТО.

The post НАШАТА АРМИЈА Е ПОЧИТУВАНА И ДОМА И НАДВОР Реферирање пред Сиљановска Давкова за борбената готовност appeared first on plusinfo.mk.

Фирмата „Афинити партнерс“, чиј сопственик е Џеред Кушнер, зет на американскиот претседател Доналд Трамп, потврди за „Вол стрит џурнал“ дека се повлекува од проектот за градење станбено-хотелски комплекс на местото на уништените згради на генералштабот во Белград, објави „Н1“.

Оттаму рекле дека се повлекуваат од почит кон Белград и народот на Србија зашто „значајни проекти треба да обединуваат, а не да делат“.

Ова следува откако Обвинителството за организиран криминал поднесе обвинителен предлог против министерот за култура Никола Селаковиќ и уште три лица за незаконско постапување при укинувањето на статусот на културно добро врз зградите на генералштабот. Тие се обвинуваат за злоупотреба на службената положба и за фалсификување дозвола.

Во почетокот на ноември, српскиот парламент усвои закон со кој се отвора можност за реализација на контроверзен градежен проект во Белград предводен од Кушнер. Неговата фирма „Афинити партнерс“ сакаше да гради луксузен хотел и станбен комплекс на местото на некогашниот генералштаб на југословенската војска, кој беше бомбардиран од НАТО за време на воената интервенција во 1999. Иако уништена и напуштена оттогаш, зградата во центарот на градот има симболично значење за Србите.

Српскиот претседател Александар Вучиќ го поддржа проектот, и покрај протестите и правните пречки. Минатата година, српската влада го укина заштитениот статус на зградата и ја даде под 99-годишен закуп на Кушнер, кој планираше развоен проект вреден 500 милиони долари.

„Нашата визија за Белград беше да понудиме елегантен и инспиративен дизајн што му оддава почит на напредокот на Србија. Бидејќи значајни проекти треба да обединуваат, а не да делат, ја повлекуваме нашата пријава и се откажуваме од натамошното учество во проектот“, соопшти фирмата на Кушнер.

Според „Вол стрит џурнал“, Кушнер преговарал повеќе од две години за проектот, а официјалниот договор го потпишал тогашниот министер за култура Горан Весиќ во мај минатата година. Договорот барал да се укине заштитениот статус на генералштабот и неговото земјиште да се даде на бесплатен 99-годишен закуп.

The post ВО БЕЛГРАД НЕМА ДА СЕ ГРАДИ „ТРАМП ИНТЕРНАЦИОНАЛ“ Зетот на Трамп се откажа од мега-проектот на местото на генералштабот appeared first on plusinfo.mk.

Српското Јавно обвинителство за организиран криминал објави дека издало наредба до Службата за борба против организиран криминал при Министерството за внатрешни работи на Србија да го доведе осомничениот министер за култура, Никола Селаковиќ, на сослушување.

Во соопштението за медиумите се вели дека се исполнети законските услови за тоа, бидејќи „уредно повиканиот осомничен Селаковиќ не дошол на закажаното рочиште на 28 ноември 2025 година и не го оправдал своето отсуство“.

Министерот за култура на Србија, Никола Селаковиќ, не се појави во петокот во закажаното време на рочиштето во ЈООК како осомничен во случајот „Генералштаб“.

ЈООК спроведува истрага од мај поради сомневања за фалсификување документи врз основа на кои Владата на Србија го одзеде статусот на културно добро на зградата на Генералштабот во Белград.

Како што тогаш објави обвинителството, директорот на Републичкиот завод за заштита на културните споменици, Горан Васиќ, признал дека фалсификувал документи.

Врз основа на таа документација, до Министерството за култура, на чело со Никола Селаковиќ од редовите на Српската напредна странка (СНС), е поднесена иницијатива за донесување одлука за престанок на статусот на културно добро за Генералштабот. Владата на Србија ја донесе таа одлука во ноември 2024 година.

Со посебен закон (lex specialis), усвоен од српскиот Парламент на 7 ноември, Владата на СНС и нивните коалициски партнери овозможија изградба на местото на зградите на Генералштабот и Министерството за одбрана оштетени во бомбардирањето на НАТО во 1999 година.

На почетокот на 2024 година, Џаред Кушнер, зет на американскиот претседател Доналд Трамп, ја изрази својата намера да изгради луксузен хотел на тоа место.

Зградата на таканаречениот Стар Генералштаб во Белград, дизајнирана од архитектот Василиј Вилхелм Баумгартен, изградена помеѓу 1924 и 1928 година, е прогласена за културно наследство во 1984 година и претставува културен споменик.

The post НЕ МОЖАТ ДА ГО ДОВЛЕЧКААТ НИТУ СО ПОЛИЦИЈА! Осомничен српски министер одбива да се појави во обвинителство appeared first on plusinfo.mk.

Владата на Србија и фирмата на Џаред Кушнер, зетот на Доналд Трамп, лани во јуни потпишале таен договор за развој на луксузен хотелски и станбен комплекс на просторот на поранешниот Генералштаб, објави спрското списание „Радар“, кое дошло до документот.

Според договорот склучен во 2024 година, компанијата на Кушнер, „Атлантик Инкубашн Партнерс“, добива 77,5% од заедничкото вложување, додека Србија задржува 22,5%. Документите покажуваат и дека државата презема обврска до мај следната година да ги урне постојните објекти на локацијата, а во спротивно, американската страна може да го раскине договорот и да побара значителна компензација.

Како што е познато, станува збор за руинираните згради на Генералштабот, историски комплекс разурнат во бомбардирањето на НАТО во 1999 година, за кој неодамна беше донесен посебен закон (Лекс специјалис) со кој му се одзема статусот на културно наследство. Тоа предизвикаа масовни протести во центарот на Белград.
Засега српската влада не ја демантирала автентичноста на објавените документи. „Радар“ открива дека Србија се обврзала да го симне статусот на културно наследство и да обезбеди уривање на постојните згради во форма што ѝ одговара на компанијата на Кушнер. Договорот дава и исклучително поволен услов – бесплатен закуп на земјиштето на 99 години, со можност закупот да се трансформира во полна сопственост.

Законот ѝ овозможува на владата да ги заобиколи регулаторните процедури кои претходно го стопираа проектот, вклучително и истрагата дали документите за отстранување на заштитениот статус на комплексот биле фалсификувани.

Министерот за финансии Синиша Мали јавно го бранеше проектот, тврдејќи дека станува збор за развојна инвестиција и дека земјиштето не се продава, туку се издава под долгогодишен закуп. Но „Радар“ наведува дека во самиот договор експлицитно стои дека закупот е „без надомест“.

Контроверзниот закон ги засили протестите предводени од студентските групи, кои со месеци излегуваат на улица борејќи се против корупцијата и нетранспарентните јавни проекти. Оваа недела демонстрантите формираа човечки синџир околу комплексот, цртајќи „црвена линија“ за да го блокираат започнувањето на уривањето.

The post „ПРОТЕЧЕ“ ТАЕН ДОГОВОР СО ЗЕТОТ НА ТРАМП ЗА ГЕНЕРАЛШТАБОТ Србија презела обврска да го урне симболот на бомбардирањето од НАТО appeared first on plusinfo.mk.

Во Белград денеска се одржа протест под слоганот „Ние сме жив ѕид“ пред зградите на генералштабот каде студенти од белградски факултети и членови на иницијативата Ансамбл Генералштаб побараа укинување на уривањето на тој комплекс.

Собраните на протест нагласија дека „нема мирно“ да го гледаат уривањето на тој комплекс и „газењето на Уставот и законот“. Тие додадоа дека ќе го „бранат со своите тела“ тој симбол на Белград, откако lex specialis беше усвоен во српскиот Парламент оваа недела, со што е овозможено негово уривање. На негово место фирма на Џаред Кушнер, зетот на американскиот претседател Донал Трамп, најави дека ќе гради хотел „Трамп интернешнал“

Студентите и собраните граѓани формираа „жив ѕид“ околу комплексот, и нацртаа симболична црвена линија како порака дека нема да дозволат уривање. Според нив, тоа е „прво предупредување“ до властите.

Во 11:52 часот, сите собрани го завршија протестот со 17 минути молчење во спомен на оние кои загинаа при падот на бетонската настрешница во Нови Сад и на оние кои загинаа при бомбардирањето на оваа зграда во Белград во крајот на април 1999 година.

The post СТУДЕНТИТЕ СО ЖИВ ЅИД ЌЕ ГО БРАНАТ СИМБОЛОТ НА БОМБАРДИРАЊЕТО НА НАТО Зетот на Трамп не смее да го добие Генералштабот во Белград appeared first on plusinfo.mk.

Нема пречка наскоро да биде урната делумно разрушената зграда на Генералштабот на Југословенската армија, сместена во срцето на Белград, откако денеска Парламентот на Србија изгласа на објектот да му се укине статусот на културно наследство.

На ова место е планирана изградба на луксузен хотел, инвестиција на Џеред Кушнер, зетот на поранешниот американски претседател Доналд Трамп.

Проектот на семејството Трамп во Србија предизвикува контроверзии поради прашања за културната заштита, политичкото влијание и јавниот интерес. Властите го претставуваат како значајна инвестиција, но јавноста е поделена околу неговата оправданост.

Зградата, која беше делумно разурната за време на НАТО-бомбардирањето во 1999 година, има голема културна и историска вредност. Архитекти и експерти за заштита на културното наследство предупредуваат дека нејзиното уривање може да создаде опасен преседан.

Дебатата се засилува околу плановите на инвестициската фирма на Кушнер, Афинити Партнерс со седиште во Мајами, која сака локацијата да ја претвори во облакодер-хотел.

– Ова е архитектонско ремек-дело и треба да остане во јавна употреба како споменик на жртвите – изјави архитектот Миљан Салата.

Афинити Партнерс потпиша 99-годишен договор за закуп на земјиштето со српската влада. Претседателот Александар Вучиќ го поддржува проектот и неколку пати го угостил Кушнер во Белград.

Проектот беше привремено стопиран во мај поради сомнежи за фалсификувани документи за укинување на заштитата на зградата, а истрагите сè уште се во тек. Со новиот закон, реконструкцијата е прогласена за „итна“, што ги обврзува државните институции да издаваат сите дозволи без одлагање.

Предлогот беше усвоен со 130 гласа „за“ и 40 „против“, а пратениците го класифицираа проектот како итен.

„ТРАМП-БЕЛГРАД“ ЌЕ ГО ЗАСЕНИ И БЕЛГРАД НА ВОДА Што сѐ ќе добие зетот на Трамп за да гради во строгиот центар на српската метропола

The post НИШТО НЕ ГО ЗАПИРА ЗЕТОТ НА ТРАМП ДА ГО ИЗГРАДИ „ТРАМП-БЕЛГРАД“ Донесен закон за укинување на заштитата на историските згради на Генералштабот appeared first on plusinfo.mk.

Владата на Александар Вучиќ има намера во Собранието да донесе посебен закон („lex specialis“) за укинување на статусот „споменик на културата“ на имотот на Генералштабот на армијата во строгиот центар на Белград, со што ќе им се овозможи на компаниите на Џеред Кушнер – зетот на американскиот претседател Доналд Трамп, да добие земјиште од речиси четири хектари и објектите што се наоѓаат на две парцели, на период од 99 години. Сето тоа во строгиот центар на Белград, точно спроти зградата на Владата на Србија, пишуваат српски медиуми.

Тоа ќе му отвори пат на Кушнер за реализација на импозантниот проект „Trump Belgrade“, кој ќе се протега на 3.000 квардатни метри површина. На компанијата Afiniti Global Development, која е во сопственост на Џеред Кушнер, според сите индиции, бесплатно ќе ѝ биде отстапен целиот „пакет“ на Генералштабот – зградите на Генералштабот и на Министерството за одбрана, кои се дел од истиот комплекс, и кои сега имаат статус на културно наследство. На семејството Трамп, едно од најбогатите во САД, ќе му припадне она што остана од комплексот на Генералштабот по бомбардирањето од страна на НАТО во 1999 година – и уште повеќе од тоа.
Доколку биде усвоен законот „lex specialis“, зетот на Трамп ќе ја добие целата имотна целина на Генералштабот, зградата што се наоѓа на аголот меѓу улиците Кнез Милош и Немањина – еден од најрепрезентативните делови на Белград. Во рамките на овој огромен комплекс има бројни стари објекти, меѓу кои и касарни изградени во 18. и 19. век, од времето на кнез Милош Обреновиќ па сè до денес.
На парцелата е предвидена изградба на две џиновски структури, што ќе биде можно само ако, покрај оштетените објекти, се урнат и неоштетените делови — Стариот Генералштаб (Баумгартеновата палата од 1928 година на Кнез Милош) и кулата на зградата „Б“ кон Бирчанинова улица, која е во добра состојба и сè уште е во функција.
Имотот на Генералштабот опфаќа две парцели со вкупна површина од околу 37.000 квадратни метри, односно речиси четири хектари земјиште, како и Касарната на Седмиот пук, што се наоѓа на аголот на улиците Немањина и Ресавска — на истата парцела со бомбардираната зграда на Армијата, која веќе 26 години чека реконструкција.
Касарната на Седмиот пук, исто така, е заштитена како културно добро од национално значење и не е предвидена за уривање. Според фотографиите на официјалната страница на проектот „Trump Belgrade“, во овој објект треба да се изгради хотел именуван според американскиот претседател — Интернационален хотел „Трамп“. Зградата зафаќа површина од околу 3.000 квадратни метри, а правото на користење во моментов го има Министерството за одбрана.

Според проектот, хотелот „Трамп“ ќе има 175 соби, а е предвидена изградба на кули со повеќе од 1.500 станови, еден хотел и музеј. Целиот тој комплекс ќе зафаќа површина од над 250.000 квадратни метри.
Отстранувањето на заштитата од комплексот на Генералштабот, кој е прогласен за културно добро од национално значење, според експертите, е незаконско и противуставно, бидејќи зградите на Генералштабот не го изгубиле својството на културно добро, имајќи предвид дека биле ставени под заштита во 2005 година, по оштетувањето во бомбардирањето на НАТО.
Законот „лекс специјалис“ за Генералштабот пред сè треба да го олесни уривањето на постојните згради, а овој „посебен закон“ би можел да стане и најбрзо усвоениот закон во историјата на Србија – поднесен е на 2 ноември, а само два дена подоцна бил ставен пред пратениците во српското Собрание.

The post 🎥 📷 „ТРАМП-БЕЛГРАД“ ЌЕ ГО ЗАСЕНИ И БЕЛГРАД НА ВОДА Што сѐ ќе добие зетот на Трамп за да гради во строгиот центар на српската метропола appeared first on plusinfo.mk.