Комерцијална банка стана генерален спонзор на Македонската кошаркарска федерација и обезбеди значајна поддршка за нови успеси на сениорската машка кошаркарска репрезентација.

Ова партнерство претставува повеќе од поддршка – тоа е заедничка заложба за нови спортски успеси во пресрет на претквалификациите за Светското првенство Катар 2027, за поттик на младите генерации, за нови спортски јунаци кои ги градат своите соништа под обрачите.

На официјалната средба помеѓу Хари Костов, главен извршен директор и претседател на Управниот одбор на Комерцијална банка, и Томе Главчев, претседател на Македонската кошаркарска федерација, партнерството беше официјализирано со заедничка посветеност и ентузијазам.

– Поддршката на спортот е поддршка на вредности кои се темел на секое здраво општество – дисциплина, тимска работа, истрајност и почит. Горди сме што стануваме дел од кошаркарската приказна и веруваме дека заедно ќе инспирираме нови генерации да сонуваат и да победуваат. Веќе седум децении Комерцијална банка како општествено одговорна компанија континуирано вложува во развој на заедницата со цел заедно да постигнеме уште поголем напредок и успеси на кои сите ќе се радуваме – изјави Костов во име на Комерцијална банка.

Претседателот Главчев изрази благодарност за поддршката.

– На мое големо задоволство, како и на целата Кошаркарска федерација, се потпиша договор за генерално спонзорство помеѓу Македонската кошаркарска федерација и Комерцијална банка. За поздравување е настанот од повеќе аспекти, но морам да забележам дека по подолго време на челната спонзорска позиција застанува една македонска компанија. Би сакал да им се заблагодарам на првите луѓе од Комерцијална банка и на директорот Костов за поддршката и разбирањето кое го искажуваат со овој чин. Ние како Федерација ќе направиме сè што е во наша моќ да ја оправдаме довербата и, секако, во иднина да имаме основа за продолжување доколку има интерес – истакна Главчев.

Како општествено одговорна компанија, Комерцијална банка останува посветена на создавање вистински вредности и охрабрување на младите генерации спортисти.

– Со гордост обезбедуваме уште една значајна поддршка за македонскиот спорт, токму во годината кога со уште поголема гордост го одбележуваме големиот јубилеј – 70 години Комерцијална банка. Овој јубилеј го славиме со дела што оставаат трага – со инвестиции во иднината, во младите, во спортот и во вредностите што нè водат седум децении наназад, и ќе нè водат и понатаму – велат од Комерцијална банка.

The post КОМЕРЦИЈАЛНА БАНКА Е ГЕНЕРАЛЕН СПОНЗОР НА МАШКАТА КОШАРКАРСКА ФЕДЕРАЦИЈА Заложба во пресрет на претквалификациите за Светското првенство Катар 2027 appeared first on plusinfo.mk.

По повеќе од една деценија континуирана поддршка, „Астра казино“ оваа година гордо ја презеде улогата на генерален спонзор на веќе традиционалниот турнир. Компанијата најавува дека и во иднина ќе ја продолжи поддршката за овој спортски настан преку соработка со Здружението на граѓани Солидарност – М.

Турнирот кој оваа година се одржува по 17. пат своето отворањето го имаше на 10 август на спортското игралиште во Маџари, каде во саботата се одигра и финалето.

„Астра казино“ како генерален спонзор обезбеди 300.000 денари за успешна организација на настанот. Посветеноста на компанијата за поттикнување на локалниот спорт дополнително се покажува и со учеството на сопствен тим на турнирот.

– Особено сме среќни што долгогодишната поддршка за турнирот „8 Септември“ годинава ја реализиравме како генерален спонзор. Турнирот беше успешно реализиран и убедени сме дека и учесниците и посетителите уживаат во натпреварите и одлична спортска забава. Како компанија која негува високи вредности за општествена одговорност продолжуваме да бидеме поддршка за овој турнир, но и останатите спортски настани и хуманитарни акции со цел да вратиме кон заедницата во која делуваме – велат од компанијата.

Како дел од Новоматик Македонија Групацијата, „Астра Казино“ со генералното спонзорство за традиционалниот турнир ги исполнува високите корпоративни вредности за општествена одговорност и ја нагласува нејзината посветеност на промовирање здрави и активни животни стилови во нашето општество.

Турнирот е организиран од по повод Денот на независноста и се одржува веќе 17 години по ред. Годинава учествуваа 48 екипи од цела Македонија и по повеќе стотини натпреварувачи. Првото место го освои DPF-GOSV TRANS, сребрениот медал замина кај екипата на Компанија Атанасовски, а бронзата ја зеде екипата Шутка 1.

The post „АСТРА КАЗИНО“ ГО ПОДДРЖА ТУРНИРОТ ВО МАЛ ФУДБАЛ „8 СЕПТЕМВРИ“ Учествуваа 48 екипи од цела Македонија appeared first on plusinfo.mk.

Пред една недела во јавноста како бомба одекна веста дека ФК Вардар добива генерален спонзор кој ќе ја прекине агонијата со која подолго време се соочува овој славен спортски бренд. Најавите кои доаѓаа од навивачите „Комити“ се остварија. Светски реномираниот австриски бренд во игрите на среќа Новоматик Македонија со финансиска програма од 1 милион евра годишно ги поддржа амбициите на македонската фудбалска гордост ФК Вардар за враќање на старите славни патеки.

ФК Вардар е вистинска гордост на македонскиот спорт и претставува синоним за фудбалската традиција во регионот и пошироко. Основан во далечната 1947, Вардар е симбол за најголемите македонски спортски успеси. Со освоените 11 национални првенства и 5 национални купови Вардар е најтрофејниот и најпознатиот македонски фудбалски клуб, кој отсекогаш бил расадник на млади таленти кој подоцна доживувале балканска и светска слава. Поддршката за професионалниот спорт значи и сериозен придонес во правилниот развој и воспитување на младите. Младите генерации гледаат свои идоли во професионалните спортисти и вообичаено се идентификуваат со индивидуалните и колективни спортски успеси.

Затоа, нема никакво сомнение дека Новоматик Македонија со одлуката да стане генерален спонзор на овој македонски спортски великан одржа вистинска лекција за тоа како се почитува традицијата и се слушаат потребите на заедницата. Уште повеќе што самите потенцираа дека лојалноста, посветеноста и борбениот дух на верните навивачи „Комити-Запад“ особено ги инспирирале да одлучат да станат генерален спонзор на ФК Вардар.

Новиот генерален спонзор на Вардар на настанот по повод на потпишувањето на договорот истакна дека немаат амбиции да раководат со управата на клубот, освен што ќе номинираат свој претставник кој ќе биде задолжен единствено за вршење надзор на финансиското работење.

Договорот за генерално спонзорство беше потпишан во просториите на Новоматик Македонија, помеѓу директорот Александар Симовиќ и претседателот на клубот, Милорад Миленковски. Управа на ФК Вардар во овој момент е навивачката група „Комити“. Од извори на клубот дознаваме дека во наредниот период се очекува од претходните сопственици на клубот да бидат регулирани доспеаните обврски кон државата и со тоа сметката на ФК Вардар да биде деблокирана.

Настрана од средствата, кои задолжително се слеваат во државниот буџет од приредувачите на игри на среќа за финансиските програми на Агенцијата за млади и спорт, и со оваа многу важна одлука Новоматик Македонија продолжува да го подржува развојот на македонскиот спорт. Оваа групација е спонзор и на ракометниот клуб Вардар, кошаркарскиот клуб МЗТ и фудбалскиот клуб Кожув. Новоматик Македонија со преку 2 илјади вработени веќе 18 години е присутен на домашниот пазар на игри на среќа. Новоматик Македонија со години наназад е сигурен партнер на заедницата и во континуитет подржува различни граѓански иницијативи, проекти и реализира бројни хуманитарни и донаторски активности во најзначајните општествени сфери, јавното здравство, спортот и културата.

– Искрено верувам дека ова наше партнерство ќе донесе нова ера на спортски успеси на Вардар, кои долго ќе се паметат. Ќе бидеме среќни ако оваа наша одлука биде мотив и за други компании да го следат нашиот пример и да дадат свој придонес во развојот на македонскиот спорт, кој е многу важен сегмент за среќна и задоволна нација – истакна Марија Митревска, како претставник на Новоматик Македонија на церемонијата на потпишување на договорот за генерално спонзорство.

На македонскиот спорт му е неопходна сериозна финансиска поддршка и од особено значење е и други успешни компании во земјава да го следат примерот на Новоматик и да ги помогнат спортските клубови.

The post ЕДЕН МИЛИОН ГОДИШНО ЗА ФК ВАРДАР Новоматик стана генерален спонзор на најтрофејниот македонски фудбалски клуб appeared first on plusinfo.mk.

Договорот меѓу Работнички и новиот генерален спонзор Мтел Србија го потпишаа попладнево во Скопје извршниот директор на скопскиот клуб Горан Веселиновски и извршниот директор на српската компанија Марко Лопичиќ, во присуство на македонскиот премиер Димитар Ковачевски и градоначалникот на Општина Центар, Горан Герасимовски.

Работнички со 25 трофеи е најуспешниот македонски клуб, но финансиските проблеми влијаеја клубот измината деценија да освои само една шампионска титула (2018).

Изразувајќи задоволство од договорената соработка со Мтел Србија, извршениот директор на Работнички најави дека пред клубот од Градскиот парк е подобра иднина и враќање на победничкиот бренд.

– Изминатиот период имавме голема борба со проблемите, но сега не чека посветла иднина. Ние како спортски работници и спортисти треба да покажеме борба на терен и со макотрпна работа повторно да стане расадник на таленти и нови репрезентативци. Порано како по навика се знаеше дека Работнички секогаш ќе биде прв и сакам тоа чувство да го вратиме меѓу граѓаните – изјави Веселиновски.

Нарекувајќи го Работнички „клуб со голема историја”, извршниот директор на Мтел Србија изрази надеж дека пред екипата е „блескава иднина”

– Ние како компанија од самиот почеток вложуваме во спортот и се надеваме дека ова спонзорство ќе им помогне на играчите и на стручниот штаб да работат во добри услови и да постигнуваат што подобри спортски резултати – изјави Лопичиќ.

Премиерот Ковачевски во обраќањето на свеченоста во скопскиот хотел „Александар Палас” истакна дека влезот на успешни компании во државата ќе придонесе и за развој на македонскиот спорт.

– Со економски раст можеме да имаме и развој на спорт. Присуството на македонскиот пазар и влезот на една сериозна групација каква што е Мтел Србија тоа го потврдува. Се надевам дека со развојот на економијата, со влезот на компании каква што е Мтел и регионалната соработка која ја воспоставивме со Србија, Албанија и со други држави, ќе има што повеќе компании коишто ќе доаѓаат во нашата држава, бидејќи тоа е начинот за развој на државата и за развој на спортот- посочи Ковачевски.

Премиерот најави дека поддршката на македонската кошарка ќе продолжи.

– Јас, како и сите Македонци, ќе продолжам да навивам за Работнички, ќе продолжам да навивам и за МЗТ Скопје Аеродром, кој се натпреварува во регионалната АБА лига, а целта ни е во Работнички да имаме уште еден тим во оваа регионална лига. И, секако, секогаш на срце ќе ми биде и мојот кошаркарски клуб Куманово – додаде македонскиот премиер.

The post МТЕЛ СРБИЈА ГЕНЕРАЛЕН СПОНЗОР НА КК РАБОТНИЧКИ Компанијата вложува 1,4 милиони евра appeared first on plusinfo.mk.