Секоја генерација има свои специфични однесувања, свои трендови. А Генерацијата Z предничи со ова, како прва генерација која е родена „со екраните“.

Кога не сакаат нешто или не се согласуваат со нешто, тинејџерите јасно го ставаат тоа на знаење. Отсекогаш било така и веројатно секогаш ќе биде. Сепак, сите сме свесни дека „овие нови генерации“ се малку поинакви од оние претходно.

Значи, најчестото превртување со очи на кое бевме склони како деца, денес не го гледаме во таков детски облик. О, не. Првата генерација деца кои пораснале со мобилни телефони – Генерација Z – кои сега се во тинејџерските години (и 20-тите години, но засега ќе зборуваме за тинејџерите), денес имаат некои многу поопасни „знаци“.

На социјалните мрежи се појави тренд што оние малку постарите го нарекуваат „поглед на генерацијата Z“ или „ген. Z поглед“. Тоа не е превртување со очи, туку може да се опише како празен, безизразен поглед што му дава до знаење на лицето со кое разговара членот на генерацијата Z дека отишло предалеку. Овој поглед стана тренд на социјалните мрежи бидејќи повозрасните го сметаат за груб.

Повеќе за ова прочитајте ТУКА.

The post ПОГЛЕД НА ГЕНЕРАЦИЈАТА З Класичен тинејџерски бунт или повик за помош? appeared first on plusinfo.mk.

Кога младите денес ги гледаат постарите генерации, искрено, некои од разликите меѓу нив се едноставно смешни. Тоа е приказна стара колку и времето: децата го сметаат однесувањето на своите родители, баби и дедовци за засрамувачко. Затоа не е изненадувачки што постојат голем број работи што ги прават припадниците на генерацијата X и Бумерите, а Генерацијата Z ги смета за длабоко засрамувачки, пишува YourTango.

Многу од овие разлики имаат врска со комуникацијата.

Генерацијата Z е навикната да живее пред екраните и постојано да споделува приватност на интернет, додека Генерацијата X и Бумерите пораснаа во сосема поинаков свет кој беше сведен на телефонски повици и состаноци лице в лице. Со оглед на тоа што пораснаа во драстично различни социјални и политички околности, разбирливо е дека генерацијата Z има различни вредности и интереси. Токму овие различни перспективи и начини на интеракција со светот создаваат совршена средина за бројни незгодни моменти и чувства на засраменост.

Долги, емотивни објави на Фејсбук

Постарите генерации се страствени корисници на Фејсбук – 29% се Бумери, а 26% се Генерацијата X. Од друга страна, Генерацијата Z најчесто користи други платформи како Инстаграм или Тик-Ток. Но, она што Генерацијата Z го смета за особено досадно е користењето на Фејсбук како личен дневник. Тие не мислат дека е погрешно да ги изразат своите чувства, но мислат дека за тоа постојат поприватни начини. Читањето тиради што се протегаат на неколку пасуси им изгледа како целосно трошење енергија.

Повеќе за ова прочитајте ТУКА.

The post ОД ПИШУВАЊЕ „ДНЕВНИК“ НА ФЕЈСБУК, ДО РАКОПЛЕСКАЊЕ ВО АВИОН Навики на постарите генерации што генерацијата З ги смета за засрамувачки appeared first on plusinfo.mk.

Технологијата напредуваше невидено во последните неколку децении. Иако сè што е „старо“ е и малку „заостанато“, изгледа дека токму таа заостанатост ќе ни треба и ќе сакаме да ја вратиме.

Секој тинејџер сигурно слушнал од своите родители реченици кои зборуваат за старата, односно, за „нашата“ технологија. Сите слушаат и превртуваат со очи како денешните родители немале мобилни телефони, паметни телефони, компјутери и се забавувале и без нив.

Исто така, знаеме да им кажеме и дека сме немале телевизија „на изволте“, ниту пак можевме да слушаме музика освен ако не купиме некој носач на звук или не вклучиме радио.

На денешните генерации деца изгледа дека им е веќе преку глава од такви искуства и не сакаат да мислат дека се полоши од нас. Секако, она што го зборуваат нивните родители не е она што ќе го послушаат. Но, нешто друго е неочекувано од наша, родителска страна. Генерацијата Z е презаситена од модерната технологија! Како го знаеме ова? Наидовме на бројки кои го покажуваат и докажуваат тоа.

Повеќе за ова на порталот „Мајка и дете“.

The post ГО ЧУВАТЕ СТАРИОТ ДОБАР ВОКМЕН? На генерацијата З ѝ е доста од технологија, се враќаат касетите appeared first on plusinfo.mk.

Вообичаено е постарите генерации да се грижат дека младите имаат премногу секс. 1920-тите донесоа страв од младите жени со кратки фустани и цигари во рака кои ја симболизираа новата слобода, а тајните барови станаа места на скандалозни романси, 1960-тите беа обележани со паника околу слободната љубов и култовите, а 1980-тите со хистеријата околу СИДА-та. Сепак, денешните податоци покажуваат нешто сосема друго: младите луѓе се чини дека го изгубиле интересот за секс.

Првите сериозни сигнали за овој тренд се појавија пред околу десет години, кога истражувањата покажаа дека целибатот кај младите се дуплирал.

Во 2018 година, „Атлантик“ го нарече овој тренд „сексуална рецесија“, а статистиката продолжува да го потврдува: речиси една третина од младите мажи и една петтина од младите жени во раните дваесетти години немале сексуален партнер цела година. Пандемијата, со својата изолација и несигурности, дополнително го забрза овој процес.

Сексот никогаш не бил подостапен, желбата никогаш не била помала

Она што е особено збунувачко е фактот дека сексот никогаш не бил подостапен или помалку стигматизиран. Апликациите нудат можност да се запознаете со партнер толку брзо како да нарачувате храна, порнографијата е неограничено бесплатна, а јавниот дискурс сè повеќе ја нагласува важноста на задоволството, разновидните желби и отворениот пристап до сексуалноста.

Повеќе за ова прочитајте ТУКА.

The post ДАЛИ МЛАДИТЕ ИМААТ СЀ ПОМАЛКУ СЕКС? Генерацијата З сè повеќе го губи интересот за сексуални активности appeared first on plusinfo.mk.

Снимка од министерот за финансии на Непал кој бидува фрлен на кејот крај река во Катманду во масовните протести „Ген Z“ се прошири по социјалните мрежи. Тој на себе не носи речиси ништо освен гаќи и долна облека.

Се работи за истиот министер, 65-годишниот Бишну Прасад Паудел, кого го влечеа по улици и го удрија од ограда додека бегаше по улица на немирите на 9 септември. Протестите уште траат, додека се демолирани повеќе куќи на познати функционери.

На снимката Паудел паѓа покрај брегот на реката откако претходно е удрен со дрвена палка.

Од друга страна, премиерот на Непал успеа да се евакуира во хеликоптер, заедно со министри од владата кои висеа на јаже од хеликоптерот. Во протестите е повреден и поранешниот премиер на Непал.

• ГО ВЛЕЧЕА МИНИСТЕРОТ НА НЕПАЛ СРЕДЕ УЛИЦА Уште еден инцидент на протестите на младите во земјата
• ПРЕМИЕРОТ ОЛИ ОД НЕПАЛ ИЗБЕГА СО ХЕЛИКОПТЕР, МИНИСТРИ ВИСЕА НА ЈАЖЕ Протестите на „Ген Z“ ќе бидат запаметени како едни од најжестоките во историјата на земјата

Актуелниот претседател на Непал ги повика демонстрантите додека полицијата утринава, 10 септември, се обиде да воспостави полициски час патролирајќи низ Катманду.

На социјалните мрежи веќе се појавија снимки од демонстранти кои ја демолираат куќата на претседателот.

The post 📽️ ВАКА ЗАВРШИ МИНИСТЕРОТ КОГО ГО ВЛЕЧЕА ПО УЛИЦА ВО НЕПАЛ Генерацијата „Z“ не го остава мирно да си замине од функцијата appeared first on plusinfo.mk.

Со воен хеликоптер, едвај држејќи се на јаже, премиерот на Непал К. П. Шарма Оли побегнал од земјата по страотните протести на младите тинејџери во земјата, јави „Бизнис Стандард“.

На 9 септември, на денот кога поднел оставка под притисок на масовните протести на Генерацијата „Z“, поранешниот шеф на владата бил снимен како со поддршка од јаже се качува во армиски хеликоптер, кој го извлекол од Катманду, додека во позадина се гледа чад од запалени автомобили.

Снимките од неговата евакуација масовно се шират на Икс и Јутјуб.

„Поранешниот премиер побегна со армиски хеликоптер додека градот гореше“, јави индискииот медиум Републикворлд.

It is believed that Nepal’s former Prime Minister KP Sharma Oli was airlifted to safety by a helicopter.

Helicopters in the videos :

1. AgustaWestland AW139
2. HAL’s ALH Dhruv pic.twitter.com/ySmiJzzHqw

— Alpha Defense (@alpha_defense) September 9, 2025

Премиерот Оли не бил единствениот. И други министри, вклучувајќи го и министерот за финансии Пракаш Паудел, биле евакуирани со воени летала откако биле нападнати на улиците од разгневената младина.

फुटेज नेपाल से है।#नेपाल के भ्रष्ट अधिकारी घबरा कर आपातकालीन हेलीकॉप्टर पर लटककर ही देश छोड़कर भाग रहे हैं #Nepal #NepalGenZProtest pic.twitter.com/vvSte17hKJ

— उत्तर प्रदेश की ताकत NEWS (@UPkiTAKATNEWS) September 10, 2025

„Армиските хеликоптери префрлиле некои министри на безбедни локации“, потврди „Сан Франциско Кроникл“.

Во нападот бил повреден и поранешниот премиер Шера Бахадур Деуба. Овие драматични сцени се гледаат и на следното видео на Јутјуб:

Иако се претпоставува дека Оли заминал од земјата, нема официјална потврда за неговата дестинација. Младите во Непал ја нарекоа оваа сцена – „последниот лет на старата елита“.

Воен хеликоптер исто така евакуирал други министри од нивните домови во областa Бајсепати, јави „Катманду пост“, наведувајќи дека армијата интервенирала со хеликоптери за да ги извлече критичните владини лица во безбедни зони среде насилството и палењето низ главниот град.

На протестите во Катманду беа запалени возила, каменувани владини згради и сквернавени домови на политичари – сцени кои ја одразуваат длабочината на гневот кај младата генерација. Домот на поранешниот министер за внатрешни работи Балкришна Кандел бил целосно опожарен, а министерот за финансии Пракаш Паудел бил извлечен од возило и влечен по улица пред да биде спасен, јави „Тајмс оф Индија“. Во хаосот бил повреден и поранешниот премиер Шера Бахадур Деуба.

PM Oli has already run away.

There’s no point in burning your own country now.

The future of your country lies in your hands.

I hope better sense prevails and the people of Nepal stop this violence and focus on building a better future for their nation.#Nepalprotest pic.twitter.com/sZVQT5OfCm

— Mohit Chauhan (@mohitlaws) September 9, 2025

Изгоре и куќата на поранешниот премиер Јала Нат Канал во населбата Далу, додека неговата сопруга, Рајјалакшми Читракар, била заробена внатре и настрадала откако ja затекнале пламените јазици.

Војската сега патролира низ Катманду, обидувајќи се да спроведе полициски час, додека претседателот Рам Чандра Паудел, кој за разлика од премиерот остана во земјата, ги повика демонстрантите на разговор.

Протестите на „Ген Зет“ во Непал избувнаа како директен одговор на контроверзниот предлог-закон за ограничување на социјалните мрежи, кој предвидуваше до 5 години затвор за „злонамерни објави“ и овластувања за владата да ги следи, цензурира и брише содржините на платформите како Икс и ТикТок.

Законот, според младите од генерацијата „Z“, претставува напад врз слободата на говор, транспарентноста и нивната дигитална слобода, во земја каде што интернетот е главен простор за активизам и изразување на незадоволство.

Освен тоа, протестите беа поттикнати и од длабоко разочарување од корупцијата, клановското владеење и недостигот на економски можности.

Законот за социјалните мрежи не беше донесен.

Во текот на минатиот 20 век Непал беше потресен од неколку жестоки народни движења – прво во 1950–51 кога револуцијата ги урна автократските Рана владетели и го врати кралот Трибхуван на престолот, а потоа во 1990 со масовното „Јана Андаолан“ востание, кога илјадници луѓе излегоа на улиците и со судири, штрајкови и блокади го принудија кралот Бирендра да воведе повеќепартиски систем, што остана запаметено како едно од најбурните и најкрвави поглавја во современата историја на земјата.

The post 📽️ ПРЕМИЕРОТ ОЛИ ОД НЕПАЛ ИЗБЕГА СО ХЕЛИКОПТЕР, МИНИСТРИ ВИСЕА НА ЈАЖЕ Протестите на „Ген Z“ ќе бидат запаметени како едни од најжестоките во историјата на земјата appeared first on plusinfo.mk.

Министерот за финансии на Непал бил нападнат среде улица, додека младите демонстранти барале оставки и крај на корупцијата, пренесуваат светските медиуми.

Снимка објавена на социјалните мрежи го прикажува 65-годишниот Бишну Прасад Паудел како бега низ улиците на Катманду, додека разгневена група млади го брка и удира. Во еден момент, демонстрант со снага скока и го удира со нога, по што Паудел удира во ѕид, паѓа, но веднаш се исправа и продолжува да трча.

Nepal’s finance minister chased on street, thrashed by protesters as Oli govt collapses

A video, which surfaced today (Sept 9), shows Finance Minister Bishnu Prasad Paudel being chased on a road and thrashed by demonstrators.

In the video, over two dozen people were seen… pic.twitter.com/aoKBjKlUkZ

— The Indian Express (@IndianExpress) September 9, 2025

– Полицијата направи сè што можеше за да спречи дополнителни инциденти – изјави портпаролот на тамошната полиција Шекар Канал, додавајќи дека неколку делови од градот биле зафатени со пожари и непочитување на полицискиот час.

На друга снимка на социјалните мрежи е прикажано како министерот го влечат по улиците.

Претходно, премиерот на Непал, К. П. Шарма Оли, денеска поднесе оставка откако демонстрантите ја запалија неговата куќа за време на протестите.

Немирите избувнале кога владата забранила пристап до 26 социјални мрежи, но не и до ТикТок. Токму таму започнале да се шират снимките што го споредувале животот на обичните Непалци со луксузниот живот на децата на политичарите.

That’s the finance minister of Nepal, Bishnu Paudel being treated by GenZ. pic.twitter.com/945e7UmUoa

— Saurabh Sharma (@saurabhsherry) September 9, 2025

„Забраната беше повлечена, но гневот остана“, соопшти владата на Непал.

Движењето што го води генерацијата „Z“ преминало во масовни протести кои кулминирале со насилства и политичка дестабилизација. Под притисок, премиерот КП Шарма Оли, кој го започна четвртиот мандат минатата година, поднел оставка, заедно со тројца министри.

Барем 19 лица загинаа во еден од најсмртоносните судири во Непал во последните години. Според „Хималајски вести“ постојат извештаи за повреди од огнено оружје и куршуми на протестот.

Законот за забрана на медиуми не беше донесен.

The post 📽️ ГО ВЛЕЧЕА МИНИСТЕРОТ НА НЕПАЛ СРЕДЕ УЛИЦА Уште еден инцидент на протестите на младите во земјата appeared first on plusinfo.mk.

Припадниците на Генерацијата Z имаат свои онлајн двојници, а повеќето од нив не знаат дека нивните податоци можат тајно да се клонираат и продаваат, без нивна согласност.

Со својата нова меѓународна кампања #OwnYourWorld, Дојче Телеком ги открива скриените дигитални закани – покажувајќи како личните податоци можат да се дуплираат, злоупотребуваат и експлоатираат. Кампањата, која е активна на девет пазари во Европа, каде е присутен Дојче Телеком, вклучувајќи ја и Македонија, ја поттикнува свеста, започнува дискусии и ги охрабрува младите луѓе да преземат поголема контрола врз своите дигитални животи.

– Можноста да го поседувате својот идентитет онлајн треба да биде основно право. Знаеме дека знаењето е моќ. Затоа сакаме да ѝ обезбедиме на Генерацијата Z знаење и самодоверба што им се потребни за да го „вклучат режимот за приватност“ во својот дигитален живот – вели Урлих Кленке, главен директор за бренд на Дојче Телеком.

Новото истражување нарачано од Дојче Телеком открива дека над 90% од европската Генерација Z изразуваат загриженост за својата дигитална приватност. И покрај тоа што пораснале онлајн, многумина од нив не се подготвени да се справат со проблемот, бидејќи само помалку од 7% се чувствуваат сигурни во управувањето со приватноста на своите податоци. Истражувањето, исто така, покажува дека над 70% од Генерацијата Z би сакале да имаат повеќе информации за самозаштита.

Разоткривање на реалноста

Дојче Телеком ја разоткрива реалноста на дигиталниот двојник преку музичко видео и песна, создадени во соработка со уметницата VTSS (Мартина Маја), полска техно продуцентка и диџејка позната по мешањето музички жанрови.

– Многумина од нас чувствуваат вознемиреност за тоа колкав дел од нас живее онлајн и колку малку контрола имаме врз тоа. Овој проект креативно го доловува ова – ставајќи го ова искуство пред огледало, со надеж дека тоа ќе им помогне на луѓето да се чувствуваат видени – коментира VTSS.

Видеото го визуелизира проблемот преку смело раскажување приказни, користејќи содржина во стилот на „brain rot“ за да покаже какво е чувството кога вашиот дигитален идентитет почнува да ви се лизга од рацете.

Дигитална платформа ownyourworld.online  

Дојче Телеком ја лансираше дигиталната платформа, ownyourworld.online, којашто содржи серија од кратки мастер-класови создадени за да им помогнат на младите луѓе да ја преземат контролата врз својот дигитален живот.

Предводена од VTSS и изградена околу темите на индивидуалност и онлајн идентитет, серијата ги претвора сложените теми – од следење податоци до алгоритамско влијание – во содржина којашто може да се користи брзо и лесно.

Содржината е бесплатна, со неделни теми и забавни, едукативни содржини дизајнирани за социјалните платформи, вклучувајќи ги TikTok, Instagram, YouTube, Reddit, Twitch и Snapchat. Содржината е достапна и преку платформата Electronic Beats.

#OwnYourWorld е дел од долгорочната заложба на Дојче Телеком да ги поддржи и охрабри  младите од Генерацијата Z да се движат низ нивниот онлајн живот со поголема самодоверба и контрола.

За оние коишто сакаат да преземат понатамошни чекори во заштитата на својот дигитален идентитет, страницата „Digitally Secure“ („Дигитално безбедни“) на Deutsche Telekom нуди практични совети, алатки и стручни укажувања за приватноста на податоците и безбедноста на интернет. Дознајте повеќе на: telekom.com/en/company/data-privacy-and-security/digitally-secure.

Во проектот учествуваа: INGO, Стокхолм, за креативен концепт, Стратегија за таленти и музичка супервизија: X&Berlin – Universal Music Publishing Group, Берлин, а режијата е на Шадрински, Париз.

Истражувањето е спроведено од Саванта, по нарачка на Дојче Телеком и објавено е на 20.06.2025 година. Направено е на 1.795 испитаници на возраст од 16 до 26 години, од 7 пазари (Обединето Кралство, Австрија, Словачка, Чешка, Хрватска, Полска, Германија).

The post ТЕЛЕКОМ ИМ ПОМАГА НА МЛАДИТЕ ДА ИМААТ ПОГОЛЕМА КОНТРОЛА ВРЗ НИВНИОТ ДИГИТАЛЕН ЖИВОТ Припадниците на Генерацијата Z имаат свои онлајн двојници appeared first on plusinfo.mk.

Македонски Телеком воведува нова дигитална тарифа за млади – „W“, специјално дизајнирана за генерацијата Z, со фокус на флексибилност, брзина и ексклузивни Magenta Moments пoнуди. Во духот на начинот на комуникација и навиките на младите, „W“ носи три главни поволности: неограничени разговори, 50GB мобилен интернет и 5G брзина.

– „W“ е многу повеќе од тарифа. Tоа е еден нов концепт наменет за младите, прилагоден на нивниот начин на живот, што ќе им овозможи да бидат постојано поврзани, да споделуваат, да комуницираат или да гејмаат неограничено со гигабитни брзини. Но нашата цел исто така беше да им понудиме нешто сосема ново и различно. Токму затоа се вклучени и ексклузивни поволности преку Magenta Moments, коишто ќе донесат максимална вредност за младите корисници – истакна Емилија Андоновска, главен комерцијален директор за приватни корисници.

За да добијат максимални придобивки од „W“, корисниците треба активно да ја користат апликацијата Telekom MK: да плаќаат сметки, да активираат пакети, да ја користат програмата Magenta Moments, да играат игри, да ги покануваат пријателите и семејството да ја користат апликацијата.

Преку Magenta Moments, во делот за Телеком поволности, ќе бидат достапни дополнителни пакети коишто ќе можат да се активираат со собирање срца, како што се: неограничен интернет, неограничени SMS пораки, интернет во роаминг, пакети Speak Out и Stream On. Освен телекомуникациски поволности, ќе бидат достапни и ексклузивни понуди од партнерите наменети само за оваа тарифа.

Новата дигитална тарифа е креирана да понуди најсовремени дигитални услуги и максимална вредност за младите.

Повеќе информации на www.telekom.mk

The post МАКЕДОНСКИ ТЕЛЕКОМ ВОВЕДУВА НОВА ДИГИТАЛНА ТАРИФА ЗА МЛАДИ Концептот „W“ е специјално дизајниран за генерацијата Z   appeared first on plusinfo.mk.

Поради иселувањето, недостига не само нискоквалификувана работна сила, туку и висококвалификуван кадар, а по ковид-пандемијата висината на платата не е пресуден фактор за изборот на работното место, туку колку работното место овозможува баланс меѓу работата и приватниот живот, беше посочено на денешниот 5. Форум на добри компании што се одржува во Скопје.

Според извршната директорка на „Паблик“, Климентина Илијевски, во чија организација е денешниот форум, ова покажува дека во иднина треба да се посвети многу повеќе внимание на подобрување на условите што ги нуди работното место ако сакаме да ги задржиме младите на пазарот на труд.

– По ковид-пандемијата почна да се чувствува дека работниците веќе имаат поинакви очекувања и потреби. Ова како тренд почна во 2024 година кога на пазарот се вклучи генерација Z и тоа ни покажа дека значително влијание треба да се посвети на работната култура доколку сакаме овие лица да ги задржиме на пазарот на труд. Првпат, според истражувањата, платата не е највисоко рангирана за тоа какво работно место избираме, туку тоа е чувството на припадност на работното место, односно балансот меѓу приватниот и деловниот живот – изјави Илијевски пред почетокот на Форумот.

Во земјите од Западен Балкан, како што посочува, платата уште е приоритет, но важен фактор станува и балансот меѓу работното место и приватниот живот односно колку работата се ефектуира врз приватниот живот.

И заменик-министерот за економија и труд Марјан Ристески е на сличен став дека иако платата е основен мотиватор при изборот на работното место, сепак не секогаш е пресуден.

– Секако еден од главните услови е и тоа работникот да е задоволен од условите на работното место во поглед на тоа заштита на работничките права, добриот однос на менаџерскиот систем кон вработените, можноста за унапредување… – посочува Ристески.

Според него, причините за одливот на мозоци се комплексни и се резултат на лошото владеење во изминатите децении. Она што треба да се направи, вели Ристески, е симбиоза меѓу креаторите на политики, граѓанскиот сектор и бизнисот.

Во земјава недостига кадар од занаетчиските струки и во овој дел, според заменик-министерот за економија, треба да се работи на дуалното образование, но недостигаат и висококвалификувани кадри од областа на техничките науки.

The post ШТО САКА ГЕНЕРАЦИЈАТА „Z“ ОД РАБОТНОТО МЕСТО? Прв избор е балансот меѓу работата и приватниот живот appeared first on plusinfo.mk.