На почетокот на состанокот на извршниот одбор на СЗО, Гебрејесус кажа дека гопдинава може да дојде до прекин на акутната фаза на пандемијата, но само доколку се постигнат некои клучни цели, наведувајќи дека тоа „мора да остане колективен приоритет“.

Гебрејесус изјави дека годинава е можен крајот на глобалната вонредна состојба поради коронавирусот, доколку се постигнат зацртаните цели, како што се вакцинација на 70 отсто од населението на секоја земја до средината на 2022 година, со фокус на ранливите групи и подобреното тестирање и следење на движењата на вирусот.

– Точно е дека и во блиска иднина ќе живееме со ковид-19 и ќе треба да научиме да управуваме со него преку одржлив и интегриран систем на акутни респираторни заболувања за да се подготвиме за идни пандемии. Но, учењето да живееме со ковид-19 не може да значи прифаќање на речиси 50.000 смртни случаи неделно од болести што може да се спречат и лекуваат – рече Гебрејесус.

Од тие причини тој апелираше за зајакнување на СЗО и за зголемување на финансирањето на оваа организација за поуспешна борба против здравствените кризи.

The post СТУДЕН ТУШ ОД СЗО Опасно е да се мисли дека пандемијата е при крајот appeared first on plusinfo.mk.

Би-Би-Си пренесе дека Тедрос, на редовната прес-конференција во седиштето на СЗО во Женева, изјавил дека само минатата недела омикрон предизвикал 18 милиони нови инфекции ширум светот.

– Иако овој сој може да се покаже дека е помалку сериозен, наративот дека се работи за блага болест е погрешен – рече тој и додаде:

– Нема место за дилема, омикрон предизвикува хоспитализации и смртни случаи, а уште потешки случаи ги поплавуваат здравствените установи.

Гебрејсус ги предупреди глобалните лидери дека „со неверојатниот напредок на омикрон-сојот на глобално ниво, најверојатно ќе се појават нови варијанти на вирусот, поради што следењето и евалуацијата остануваат клучни“.

– Исто така сум особено загрижен за многу земји кои имаат ниски стапки на вакцинација, бидејќи луѓето се многу повеќе изложени на ризик од сериозни болести и смрт доколку не се вакцинираат – рече тој.

Директорот за вонредни ситуации на СЗО, Мајк Рајан, предупреди дека зголемената преносливост на омикрон-сојот веројатно ќе доведе до зголемување на хоспитализациите и смртните случаи, особено во земјите каде што се вакцинирани помалку луѓе.

– Експоненцијалното зголемување на случаите, без разлика на тежината на поединечните варијанти, доведува до неизбежно зголемување на хоспитализирањата и смртните случаи – рече Рајан.

The post БЕЗ ЗАЛАЖУВАЊА, ДАЛЕКУ СМЕ ОД КРАЈОТ Омикрон заразил 18 милиони луѓе за недела дена appeared first on plusinfo.mk.

„Две години по почетокот на пандемијата, алатките достапни за борба против ковид-19 сè уште се нерамномерно распределени низ светот“, напиша Тедрос и додаде:

„Ако ставиме крај на нееднаквоста, ќе ставиме крај на пандемијата и глобалниот кошмар што сите го доживеавме. И тоа е можно“.

Шефот на СЗО рече дека организацијата ќе работи со владите во целиот свет за да се даде приоритет на испораката на вакцините и на глобалните иницијативи како што се COVAX и AVAT, со цел да се вакцинираат 70 отсто од луѓето во сите земји до средината на 2022 година.

„После две години, сега добро го познаваме овој вирус. Ги знаеме докажаните мерки кои го контролираат преносот: користете маски, избегнувајте гужви, одржувајте физичко растојание, одржувајте хигиена на рацете, отворете ги прозорците за вентилација, тестирајте и следете ги контактите. Со сите овие учења и капацитети, можноста да ја претвориме оваа пандемија на подобро е во наши раце“, напиша шефот на СЗО.

The post СЗО ПРИЗНА ДЕКА ПАНДЕМИЈАТА Е ПРИ КРАЈ Тедрос е оптимист дека можеме да ја искорениме (ВИДЕО) appeared first on plusinfo.mk.