По неколку месеци санкции наметнати од американската администрација и преговори за идната структура на сопственост, рускиот удел во Српската нафтена индустрија беше продаден денеска, објави Политика. Со тоа – НИС има нов мнозински сопственик.

Како што објави Политика, рускиот удел во НИС од 56,15 проценти е продаден на унгарски МОЛ, дел од сопственоста ќе им припадне и на ОАЕ, а Србија исто така ќе го зголеми својот удел.

– Унгарската компанија МОЛ и рускиот Газпром се согласија за основните одредби од идниот договор за купопродажба на НИС, што ќе биде испратен до американскиот OFAC за одлука, а Србија успеа да го зголеми својот удел во преговорите за пет проценти – изјави денеска српската министерка за рударство и енергетика Дубравка Ѓедовиќ Хандановиќ.

Кога станува збор за партнери од Обединетите Арапски Емирати, како што рече таа, се очекува и тие да бидат дел од идниот договор за купопродажба.

– Исто така е важно што Србија успеа да ја подобри својата позиција во овие преговори, во споредба со 2008 година кога останавме под 30 проценти сопственост, а тоа е да го зголемиме нашето сопствеништво во Нафтената индустрија на Србија за пет проценти во иднина и да достигнеме број на акции што ќе ни овозможат поголеми права за донесување одлуки во Собранието на акционери, а пред сè да ги заштитиме интересите на нашите граѓани – рече министерката.

The post УНГАРЦИTE ЈА КУПИЈА СРПСКАТА НАФTEНА ИНДУСТРИЈА Газпром му продаде на МОЛ 56,15% од акциите на НИС appeared first on plusinfo.mk.

Словачка нема да поддржи нов пакет санкции на Европската Унија против Русија и ќе побара одложување на гласањето додека не се разгледаат загриженостите на оваа земја за снабдувањето со гас по 2027 година, изјави словачкиот премиер Роберт Фицо, пренесоа британските медиуми.

Фицо го повтори својот став дека плановите за прекин на увозот на руски гас од 2028 година претставуваат закана од недостиг на снабдување и зголемување на цените, како и потенцијални загуби од арбитража поради прекршување на долгорочен договор со рускиот снабдувач Газпром.

The post ФИЦО ГО КОЧИ БРИСЕЛ ЗА САНКЦИИТЕ КОН МОСКВА Словачка не се откажува од руски гас ни по 2028 година appeared first on plusinfo.mk.

Групацијата „Нафтогас“ ќе добие 1,37 милијарди долари по арбитражниот спор против рускиот „Газпром“, објави шефот на украинската државна гасна компанија, Сергеј Коретски.

Арбитражниот суд – составен од членови од Шведска, Швајцарија и Израел – целосно се согласи со „Нафтогас“ во својата конечна одлука, објави Киев пост.

„Ова е важна победа. Следниот чекор е да се обезбеди спроведување на пресудата и на тоа ќе се фокусираме. Чекор по чекор“, напиша директорот на „Нафтогас“ на социјалната мрежа Фејсбук.

„Нафтогас“ беше застапуван во арбитражата од норвешката меѓународна адвокатска фирма „Викборг Реин“.

Украинската компанија сега ќе поднесе барање до „Газпром“ за исплата на целиот износ, во согласност со конечната судска одлука, донесена во Цирих на 20 јуни, се вели во соопштението на „Нафтогас“.

Износот го вклучува главниот долг за услугите за транзит на гас, обезбедени според договорот од 2019 година, казни за неплаќање и за целосна надокнада на судските трошоци на „Нафтогас“.

Доколку „Газпром“ одбие да плати, „Нафтогас“ ќе се обиде да ги врати средствата со запленување на средствата на руската компанија, се додава во соопштението.

The post „ГАЗПРОМ“ ГО ИЗГУБИ СУДСКИОТ СПОР СО УКРАИНСКИОТ „НАФТОГАС“ Рускиот енергетски гигант мора да плати 1,37 милијарди долари appeared first on plusinfo.mk.

Украина утринава нападна енергетски објекти во јужна Русија со десетици дронови, предизвикувајќи пожари во голема рафинерија и постројка за преработка на гас, како и нарушување на воздушниот сообраќај, јавија официјални руски и украински извори.

Руското Министерство за одбрана соопшти дека противвоздушните сили пресретнале и уништиле 70 украински дронови во текот на ноќта, од кои 25 над Волгоградската област, 27 над Ростовската и 7 над Астраханската област.

Гувернерот на Волгоградската област, Андреј Бочаров, изјави дека паднати остатоци од дронови предизвикале пожар во нафтена рафинерија, но не наведе која точно.

ТРАМП НАБРЗО ЌЕ ГО ВРАТИ РЕДОТ ВО ЕВРОПА Путин вели дека елитите ќе застанат пред „господарот“

Според руските медиуми, блиски до безбедносните служби, повеќе експлозии биле регистрирани во близина на рафинеријата на „Лукоил“, најголемата во јужна Русија, која дневно преработува 300.000 барели нафта.

Во Астраханската област украински дронови нападнале гасна постројка, предизвикувајќи пожар, потврди гувернерот Игор Бабушкин без да даде детали.

Шефот на украинскиот Центар за борба против дезинформации, Андриј Коваленко, изјави дека е погодена постројка на „Газпром“ со капацитет од 8.340 тони дневно.

Рускиот воздухопловен регулатор „Росавијација“ привремено ги суспендираше летовите од аеродромите во Астрахан, Волгоград, Казан, Нижнекамск, Саратов и Уљановск, но подоцна соопшти дека повеќето аеродроми продолжиле со нормална работа.

Руските власти тврдат дека украинските напади претставуваат терористички чин, додека, пак, Киев инсистира дека има право да напаѓа руска инфраструктура бидејќи таа е клучна за војната која Москва ја води во Украина.

#BREAKING Ukraine Drone Strike Hits Gazprom Plant in Astrakhan, Russia—North Caucasus Gas Supply Disrupted!

For the first time, a Ukrainian drone targeted the Gazprom gas processing plant in Astrakhan, Russia, the main supplier for the North Caucasus. Local authorities confirm… pic.twitter.com/lklONKseT0

— Polymarket Intel (@PolymarketIntel) February 3, 2025

The post 📽 ЕКСПЛОЗИИ ОКОЛУ „ЛУКОИЛ“, УКРАИНА ЈА НАПАДНА РУСИЈА СО ДРОНОВИ Погодена е голема постројка на „Газпром“ appeared first on plusinfo.mk.

Украина го прекина транзитот на рускиот природен гас низ нејзината територија на 1 јануари. Киев постојано предупредуваше дека нема да го продолжи договорот, кога ќе истече на крајот на 2024 година, бидејќи не сака да ја финансира руската војна.

Потегот на Украина ќе ја лиши Русија од околу 6,5 милијарди долари годишен приход од продажбата на гас во Европа, според Кирби. Портпаролот додаде дека САД, исто така, се обидуваат да ѝ предизвикаат загуби на Русија преку санкции и извозни ограничувања.

Во меѓувреме, Вашингтон се обидува да го зголеми снабдувањето со енергија за Европа, особено со течен природен гас (ТПГ). Според Кирби, во моментов, 50% од европскиот увоз на ТПГ доаѓа од САД.

Портпаролот напомена дека пред 25 години, кога рускиот претседател Владимир Путин ја презеде функцијата, преку Украина во Европа беа транспортирани повеќе од 130 милијарди кубни метри гас, а денес оваа бројка е нула.

По прекинувањето на транспортот на руски гас од страна на Украина, преку нејзината територија, цените на гасот во Европа се зголемија за 4,3% до речиси 51 евро за мегават-час. Овој пораст е највисок од октомври 2023 година и доаѓа пред прогнозата за ниски температури низ поголемиот дел од Европа.

ЕВРОПА ЌЕ ГУБИ ДЕСТИЦИ МИЛИЈАРДИ ЕВРА ГОДИШНО Опасна е одлуката на Зеленски да го запре транзитот на гас од Русија

Запирањето, исто така, се совпадна со големиот прекин на гас во молдавскиот регион Придњестровје, окупиран од Русија, кој се потпираше на транзит низ Украина.

Рускиот државен енергетски гигант „Гаспром“ тврди дека прекинот на испораката на гас за Молдавија е предизвикан од наводниот неплатен долг од Кишињев, а не од транзитни прашања.

ЕВРОПА МОЖЕ БЕЗ РУСКИОТ ГАС Европската комисија не очекува последици од прекинот на транзитот на гас преку Украина

The post „РУСИЈА ГО ПРЕТРПИ НАЈСКАПИОТ ПОРАЗ ОТКАКО УКРАИНА ГО ЗАПРЕ ТРАНЗИТОТ НА РУСКИ ГАС“ Вашингтон сака да го дотепа Кремљ со санкции appeared first on plusinfo.mk.

Не станува збор за прекин на транзитот на природен гас од Руската Федерација преку Бугарија, јавија руски медиуми часови подоцна откако бугарскиот министер за енергетика Владимир Малинов предупреди дека „Булгартрансгаз“ може да го запре трансферот на гас за Србија и за Унгарија доколку не се најде решение како руската страна ќе плати за тоа по 20 декември.

Исплатата беше доведена во прашање поради санкциите што САД ги воведоа кон „Газпромбанк“.

Прекин на транзитот на рускиот природен гас низ Бугарија би било екстремна мерка и засега не станува збор за тоа, тврди неименуван извор кого руската агенција ТАСС го идентификува како близок до „Булгаргаз“, пренесоа бугарските медиуми.

Ситуацијата не е пријатна, но ништо критично не се случува. Следната исплата треба да се изврши до 20 декември, кога истекува преодниот рок наметнат од САД, додал соговорникот на руската агенција, пренесоа бугарски медиуми.

Според него, доколку проблемот не се реши, ќе стапат на сила механизмите за решавање спорови предвидени со руско-бугарските договори. Може да резултираат казни за задоцнето плаќање. Друга опција е транзитот на гасот да го плаќаат земјите приматели.

Меѓу погодените ќе биде и Унгарија, која продолжува да се потпира на својот долгорочен договор со „Гаспром“.

Во 2022 година Унгарците добија 4,8 милијарди кубни метри сино гориво преку гасоводот Турски поток низ Бугарија. Во 2023 година овој показател се зголеми на 5,6 милијарди.

Бугарскиот министер за енергетика синоќа предупреди дека во отсуство на плаќања, операторот со гас може да го прекине транзитот по Балканскиот поток. Сепак, сите доспеани плаќања сега се направени и услугите се заштитени од режимот на санкции до 20 декември 2024 година. По тој датум, „Гаспром“ мора да обезбеди алтернативен механизам за плаќање.

The post БУГАРИЈА МОЖЕ ДА ГО СОПРЕ ТРАНЗИТОТ НА РУСКИ ГАС? Санкциите кон Москва ја отежнуваат работата appeared first on plusinfo.mk.

Компанијата ОМВ соопшти дека примиле допис од компанијата Газпром експорт, подружница на рускиот државен енергетски џин Газпром.

Сепак, влијанието врз снабдувањето со гас на Австрија е ограничено, како што објасни во четвртокот извршниот директор на ОМВ Алфред Стерн. Компанијата за нафта и гас се подготвуваше за ова сценарио веќе три години.

Сепак, алтернативниот гас доаѓа од Норвешка, од домашно производство или во форма на течен природен гас испорачан преку Германија или Италија. А складиштата за гас, со 95 терават часови, би ја покривале домашната побарувачка за неколку месеци.

Енергетскиот регулатор Е-Контрол исто така не очекува недостиг на гас во Австрија. Мерките во Австрија се доволни за да се обезбеди снабдување со гас во следните две зими, изјави членот на одборот на Е-Контрол, Алфонс Хабер. Магацините за гас во Австрија и другите земји од ЕУ се полни над 90 проценти.

Министерката за енергетика Леоноре Гевеслер исто така увери дека Австрија се подготвувала за оваа ситуација долго време.

– Нашето снабдување со енергија е безбедно. Дека Русија не е партнер со акциите на руски Газпром денеска уште еднаш се докажува. Но, утрешниот ден означува и крај на една опасност. Ако повеќе не добиваме руски залихи, повеќе нема да бидеме предмет на уцени – додаде министерката.

Но, и без одлуката на арбитражниот суд, соработката што постои од 1968 година би завршила на почетокот на следната година – затоа што на крајот на годината транзитниот договор за испорака на руски природен гас преку гасоводот низ Украина и Словачка истекува.

The post ПУТИН ГО ЗАТВОРА ВЕНТИЛОТ Русија утре ја прекинува испораката на гас за земја од ЕУ appeared first on plusinfo.mk.

Бугарија очекува до 1,5 милијарди евра годишен приход од новиот данок, за кој Денков рече дека може директно да оди во буџетот на ЕУ. Будимпешта и Белград велат дека дополнителниот данок ќе го поскапи рускиот гас за 20 отсто, а Бугарија тврди дека тоа ќе мора да го плати производителот „Газпром“.

„Газпром“ допрва треба јавно да се изјасни за новововедениот данок на енергија, а сè уште не е јасно дали имаат намера да го плаќа. Пред една недела бугарскиот министер за финансии Асен Василев рече дека доколку „Газпром“ одбие да плати, ќе биде запленет неговиот финансиски колатерал од договорите во Бугарија или имотот во земјата, пренесуваат српските медиуми.

Минатата недела министерот за економија Крешник Бектеши најави дека ќе бара отштета од Бугарија и дополнителна поддршка од Европската Унија доколку Бугарија воведе такса за природниот гас што се испорачува преку нејзина територија. Бектеши вели дека тоа би ја зголемило цената на гасот што во земјата го користат компаниите.

ГРАЃАНИТЕ ЌЕ ГО ПЛАТАТ МОЛКОТ НА КОВАЧЕВСКИ За разлика од Србија, Македонија не реагира на транзитната такса за гасот што ја наметна Бугарија

The post ЕК Ѝ ДОЗВОЛИ НА БУГАРИЈА ДА ВОВЕДЕ ТАКСА НА РУСКИОТ ГАС Тоа може да ја зголеми цената на гасот за 20% appeared first on plusinfo.mk.

Извозот на гас од руската компанија Газпром надвор од земјите од поранешниот советски блок падна за 45,5 отсто во 2022 година.

Газпром ги објави овие податоци во денешната анализа на операциите во минатата година обележана со нагло намалување на испораката на руски енергетски производи во Европа како резултат на санкциите на Западот поради руската офанзива врз Украина.

Во соопштението, извршниот директор на компанијата Алексеј Милер објави дека групата извезла 100,9 милијарди кубни метри гас во 2022 година во земји „далеку во странство“, термин кој не ги вклучува поранешните советски републики.

Во 2021 година, Газпром испорачал 181,1 милијарди кубни метри гас во истите тие земји.

The post ИЗВОЗОТ НА РУСКИ ГАС ПАДНА ЗА 45,5% ВО 2022 ГОДИНА Објавени податоците за наглото намалување appeared first on plusinfo.mk.

Меѓу шест и седум часот утринава излезните текови на мерното место Малнов, на германско-полската граница, беа на нула. Еден час претходно, од Германија во Полска пристигнале 1.305.783 киловат-часови гас, покажаа податоците од операторот на гасоводот Гаскаде.

Од друга страна, од утринава преку Украина во Словачка пристигнаа 41,3 милиони кубни метри гас, и тоа преку граничната точка Велка Капушани, како и ден претходно, покажуваат податоците на украинскиот преносен систем.

Рускиот производител на гас „Газпром” денеска соопшти дека во Европа, преку Украина, ќе испорача 42,4 милиони кубни метри природен гас.

Во средината на ноември, Полска соопшти дека ќе го преземе имотот на рускиот гасен гигант „Газпром”, вклучувајќи и 48 отсто од акциите во „Еурополгаз”, сопственик на полскиот дел од гасоводот „Јамал”.

– Принудна управа ќе се грижи за безбедноста на клучната инфраструктура за транзитот на гас, изјави тогаш полскиот министер за развој Валдемар Буда.

Полска во септември воведе санкции кон „Газпром”, најавувајќи замрзнување на нејзиниот имот поради руската инвазија врз Украина.

Русија, од друга страна, го суспендираше извозот на гас во Полска, бидејќи Варшава одби да го плаќа во рубљи.

The post ПОЛСКА ЌЕ ОСТАНЕ БЕЗ ГАС? Прекинати испораките од Германија преку гасоводот „Јамал-Европа” appeared first on plusinfo.mk.