Основниот кривичен суд Скопје соопшти дека е одобрен обвинителниот акт и против сопственикот на агенцијата за обезбедување „Рубикон секјурити солушн“, Александар Нацев, а во врска со пожарот во т.н. кабаре „Пулс“ во Кочани кој однесе 63 млади животи и во кој повеќе од 200 лица беа повредени.

Обвинението против сопственикот на агенцијата која го обезбедувала „Пулс“ беше поднесено на почетокот на септември, а информацијата дека тоа е одобрено во целост од надлежниот совет доаѓа еден ден откако Кривичен соопшти дека судскиот процес за пожарот во Кочани ќе почне на 19 ноември.

Според обвинението, сопственикот на агенцијата немал склучено  договор за обезбедување на дискотеката „Пулс“. Обвинителството по истрагата против него, тврдеше дека обвинетиот за цело време по катастрофалната несреќа им давал инструкции на обезбедувачите кои биле таа кобна ноќ на работа, кога се случи пожарот, а еден од нив бил и без лиценца.

„Советот за оценка на обвинител акт, постапувајќи по дополнителното обвинение со КО 2317/25 поврзано со пожарот во дискотеката „Пулс“ во Кочани, донесе решение со кое во целост го одобри актот. Обвинителниот акт беше поднесен на 4 септември од страна на обвинителскиот тим кој постапува по истрагата за пожарот, а се однесува против едно лице – А.Н. кој е осомничен за кривичното дело од член 292 став 2 во врска со член 288 став 3 во врска со став 2 во врска со член 22 од Кривичниот закон (КЗ), а согласно соопштението на Јавниот обвинител, истиот се јавува како одговорно лице – реален сопственик на обвинетото правно лице Друштво за обезбедување на имот и лица ‘Рубикон секјурири солушн’ увоз-извоз ДООЕЛ Скопје“, се наведува во соопштението од Кривичен.

Оттаму додаваат дека по одобрувањето на обвинението е оформен предмет – К.бр. 1970/25, кој преку Автоматизираниот систем за управување со судски предмети е распределен кај судијката Биљана Смаќоска на натамошно постапување.

Дали овој предмет ќе биде споен со оној во кој се обвинети 34 физички и три правни лица и за кој е закажан почетокот на судењето, од Кривичен засега не можат да кажат. Оттаму велат дека за тоа првин треба да се изјасни надлежното Јавно обвинителство обвинителство Скопје кое треба да поднесе предлог до Судот доколку смета дека двете постапки треба да се спојат.

Што се однесува до обвинението против Нацев, тој, како и другите обвинети, за пожарот во „Пулс“ се товари за тешки дела против општата сигурност бидејќи, според обвинителството, тој има особен придонес во пропустите за „Пулс“. Се товари дека не постапил според прописите и техничките правила за мерките за заштита и со тоа предизвикал опасност за животот и телото на луѓето, како и имотот од големи размери.

„Последниот обвинет, во временскиот период од септември 2022 година до денот на пожарот, во Скопје и Кочани, како одговорно лице – реален сопственик на обвинетото правно лице Друштво за обезбедување на имот и лица ’Рубикон секјурити солушн’ увоз-извоз ДООЕЛ Скопје, заеднички со веќе обвинетиот управител, раководел со деловниот потфат и целокупното работење на агенцијата за обезбедување“, соопштија од Обвинителството на 5 септември.

Критичната вечер, како што додадоа оттаму, тројца вработени со лиценца и еден без, го обезбедувале објектот без да направат безбедносна процена или план за евакуација, иако објектот бил преполн со посетители надминувајќи ги неговите капацитети.

Од Обвинителството, информирајќи за обвинителниот акт против Нацев, наведоа и дека поради нестручното обезбедување, во т.н. кабаре бил овозможен влез на малолетници и внесување на пиротехнички средства, кои биле причина за пожарот.

Според Обвинителството, доказите од истрагата покажале дека обвинетиот фактички раководел со агенцијата и давал директни инструкции на обезбедувачите.

Од Обвинителството беше посочено и дека обвинетиот по трагедијата во Кочани, основал нова фирма за обезбедување во Струмица, што се смета за обид да ја продолжи дејноста затскривајќи се зад друго одговорно лице.

The post ОДОБРЕНО ОБВИНЕНИЕТО ПРОТИВ СОПСТВЕНИКОТ НА АГЕНЦИЈАТА КОЈА ГО ОБЕЗБЕДУВАШЕ „ПУЛС“ Нацев им давал директни инструкции на обезбедувачите? appeared first on plusinfo.mk.

Полицијата лиши од слобода сопственик и вработен на фабрика за канабис во Гостивар за која постои сомнение дека тргувала со своите производи на нелегалниот пазар, информираше Министерството за внатрешни работи. Во две хали во објектот бил сушен канабис, а во една од нив полицијата пронашла 9 пластични буриња исполнети со готов производ – сув цвет од канабис.

Вонредната контрола била извршена по наредба на Основниот суд Гостивар.

„Претресот и контролата во објектот биле извршени во присуство на едниот сопственик и управител А.К. и вработениот Џ.И.(39) од Република Словенија, со постојано живеалиште во с.Горно Седларце, тетовско и притоа биле утврдени низа неправилности во однос на процесот на одгледување на растението канабис, што е спротивно на Законот за контрола на опојни дроги, поради што постои сомнение дека производството на канабис било наменето за нелегалниот пазар“, соопшти МВР.

Пронајдените растенија и сувиот цвет биле предадени во Агенцијата за управување со одземен имот, се вели во текстот. По комплетирање на целокупната документација, денеска од страна на ОВР Гостивар ќе им биде поднесена кривична пријава за сторено кривично дело по член 95-в од Закон за контрола на опојни дроги и психотропни супстанци и ќе бидат изведени пред Судија на претходна постапка од Основен суд Гостивар“, додава МВР.

„По комплетирање на целокупната документација, денеска од страна на ОВР Гостивар ќе им биде поднесена кривична пријава за сторено кривично дело по член 95-в од Закон за контрола на опојни дроги и психотропни супстанци и ќе бидат изведени пред Судија на претходна постапка од Основен суд Гостивар“, додава МВР.

Според соопштението, фабриката поседува одобрение за одгледување на канабис за медицински цели и е  сопственост на А.К.(52) од Република Албанија и на А.Р. од Босна и Херцеговина.

The post 📽 ФАБРИКА ВО ГОСТИВАР ПРОДАВАЛА КАНАБИС НА ЦРНИОТ ПАЗАР Полицијата ги уапси газдата и вработен appeared first on plusinfo.mk.

Кривичниот суд денеска попладне го соопшти своето решение со кое ја преиначил претходната одлука во врска со мерката за притвор на сопственикот на компанијата „Пуцко петрол“, Асмир Јахоски. Тој е осомничен во истрагата за набавка на нафтени деривати за потребите на државата. Имено, наместо мерката за куќен притвор која беше одредена по првото судско одлучување, сега Јахоски е упатен во 30-дневен притвор, кој ќе го извршува во затворот „Скопје“ во Шуто Оризари.

„Кривичниот совет при Основниот кривичен суд Скопје, постапувајќи по жалба на Основното јавно обвинителство за гонење организиран криминал и корупција, изјавена против решение на судија на претходна постапка, за А.Ј., поврзано со истрагата за набавка на мазут во ТЕЦ Неготино, донесе решение со кое ја преиначува одлуката за куќен притвор и му одредува мерка притвор во траење од 30 дена. Оваа одлука е основана врз опасноста од бегство, како и околности кои упатуваат на можноста тој да влијае врз сведоци и да го попречи текот на истрагата“, се вели во соопштението од Судот.

Судот исто така информираше дека донесеното решение е веќе доставено до странките во постапката и дека надлежната полициска станица го обезбедила и спровела Јахоски во истражниот затвор „Скопје“. Странките имаат право да поднесат жалба на ова решение до Апелациониот суд Скопје.

Се потсетува дека претходно, судот и Јавното обвинителство имаа јавно препукување околу тоа кој ја предложил првичната мерка за куќен притвор на Јахоски, која беше оправдана со тврдењето дека тој е старател на четири деца. Подоцна беше откриено дека Јахоски всушност не поднел барање за старателство на децата, што доведе до преиспитување на неговата мерка за притвор.

ЌЕ СЕ БАРА ЗАТВОРСКИ ПРИТВОР ЗА ЈАХОСКИ Јавното обвинителство го обжали решението за куќен притвор

ИМА ЧЕТИРИ ДЕЦА ЗА ЧУВАЊЕ И ФИРМА СО МНОГУ ВРАБОТЕНИ Откриено е зошто Асмир Јахоски доби домашен притвор, наместо да оди во „Шутка“

ЈАХОСКИ СЕ СПАСИ ОД ЌЕЛИЈА, ОДИ ВО КУЌЕН ПРИТВОР Капушевски и уште двајца ќе одат во затворот „Шутка“

The post ГАЗДАТА НА ПУЦКО ПЕТРОЛ СЕ СЕЛИ ВО „ШУТКА“ Падна првичната одлука за куќен притвор на Јахоски appeared first on plusinfo.mk.

Во 2022 година, Џош Кренке дојде во Сомбор да му ја врачи наградата за МВП на Никола Јокиќ, а тој за Спортал призна дека навистина не се сеќава на тоа.

На полувремето Мишко Ражнатовиќ му го подари дресот на Никола, токму од ерата на Мега, што предизвика ентузијазам кај сениорите и јуниорите од семејството Кренке.

Тие изградија спортска империја, а благодарение на Јокиќ, Денвер стана важен играч на НБА сцената. „Нагетс“ никогаш не биле шампиони до појавувањето на Никола, кој ги направи особено горди во последните неколку години.

За почеток, колку е задоволувачко да се гледа првиот клуб на Јокиќ пред НБА?

– Тоа е многу забавно. Многу е задоволувачко да се гледа. Треба да освоиме уште некој бод и да се погрижиме Јокиќ да се радува на крајот од натпреварот. Но, забавно е, чест е да се биде овде. Се сеќавам дека го гледав како игра пред години за Мега, забавно е конечно да се види овој тим лично – вели Џош.

Ерон Гордон изјави дека дури малку повеќе навивал за Србија отколку за САД. Што мислите за тоа и дали можеби тоа беше случај со вас?

– Хаха, мислам дека Ерон го рече тоа бидејќи чувствувавме навистина голема гордост во Денвер поради Никола, многу луѓе таму навистина навиваа за него тој ден. Секогаш ќе бидам Американец во душа, но го сакам Никола, се знаеме толку години. Тој нѐ направи сите толку горди, многу горди – додава сопственикот на Денвер.

Исто така, се сеќавате ли на вашето патување во Србија?

– Не баш добро, затоа што испив премногу ракија – заклучи Кренке низ смеа.

Единствен сопственик со сите титули

Кренке може да се пофали дека е единствениот сопственик на франшиза кој има титула во сите три најпопуларни спортови во Америка. Сега заврши сѐ со титулата во кошарка, во НФЛ Лос Анџелес Рамс веќе го освоија Суперболот.

Колорадо Лавина го однесе Стенли купот, а временската разлика привлече големо внимание. Дури и Колорадо Мамутите дојдоа во шампионското „друштво“, иако во помалку популарен спорт, во лакрос.

Интересно е и тоа што Кренке основал два тима за еспорт. Бол Арена е дом на „Нагетс“, Лавини и Мамути.

Џош најмногу сака кошарка

Со оглед на тоа дека Џош најмногу ја сака кошарката, очекувано е најмногу да се занимава со Денвер Нагетс каде што се чуди на многу работи и за чии успеси нема да жали пари, што го покажа давајќи максимални договори на Џамал ​​Мареј и Мајкл Портер Џуниор, добро плаќа за Ерон Гордон и Никола Јокиќ заработуваат вртоглава сума која и ја заслужува.

Кренке заедно со неговата сестра Витни се преселиле од Њујорк во Денвер и од 2007 година живее во Колорадо. Редовен е на натпреварите на Нагетс, но успева да ги гледа и другите тимови, па можете да го видите и на натпреварите на Рамс кои играат во Лос Анџелес. Крајна линија – нема да жалат за парите за Денвер.

Особено не сега, кога се прави династија. Денвер има цврст рбет на тимот со Јокиќ, Мареј, Портер и Гордон, голема надеж имаат во Кристијан Браун, а по сезона во која имаше осцилации дојдоа Расел Вестбрук и Дарио Шариќ. Сите се надеваат на нов прстен.

The post 📽️ ЈОКИЌ ГО ОПИЛ ГАЗДАТА НА ДЕНВЕР! Џош Кренке испил премногу ракија со Никола и не се сеќава на престојот во Србија appeared first on plusinfo.mk.

Грчки „Екатимерини“ пишува дека лулашките и рингишпилите во забавниот парк во Пефкохори во Грција каде минатата недела загина 19-годишниот Јани, наводно, биле продадени за отпад уште во 2020 година, но дека новиот сопственик одлучил да ги задржи во функција откако направил импровизирани поправки.

Ова го тврди претходната сопственичка на лунапаркот која била повикана да сведочи пред истражен судија. Жената наводно го контактирала таткото на Јани и му рекла дека во 2020 година го продала смртоносното возење наречено „Луд танц“ на сегашниот сопственик.

Во меѓувреме, грчките медиуми објавија сведоштво на момчето кое управуваше со вртелешката во забавниот парк во Пефкохори на денот кога загина Јани. Момчето тврди дека по несреќата газдата му наредил да побегне, велејќи му дека посетителите ќе го линчуваат, пренесува српски Телеграф.

Кобната несреќа се случи на 19 август кога Јани дошол со мајка си и браќата во луна паркот да се забавува. Кога тој и неговиот брат биле на вртелешката, седиштето се скршило, Јани излетал, паднал на бетонот и останал мртов на самото место.

Во драмата што следела, момчето кое управувало со рингишпилот побегнало од местото на несреќата, а на полицијата ѝсе предал дури следниот ден, откако слушнал дека го уапсиле неговиот газда, сопственик на забавниот парк.

– Во шок сум. Многу ми е тешко. Сочувство до семејството на загинатиот. Се исплашив, бидејќи прв пат гледам такво нешто во животот. Жалам за тоа… Тоа детето неправедно умре, но повторно не сум јас виновен, им изразувам сочувство на родителите – рече младиот човек кој управуваше со рингишпилот.

Тој тврди дека во моментот на трагедијата не бил под дејство на алкохол.

– Тој рингишпил имаше неколку сини и жолти столчиња, но само розевите беа добри, а тој човек седеше на сината столица. Шефот ми рече да ги префрлам луѓето само на розовите столчиња. Така што ги преместив.

Момчето вели дека после тоа сè било хистерично.

– Бев во шок. Исплашен. Ми рекоа да бегам, дека посетителите ќе ме линчуваат. Тоа ми го кажа лице кое со години работи во забавниот парк, кое е партнер на сопственикот. Отидов да се напијам малку вода, да се смирам. Кога се вратив ми рекоа да си одам дома да не ме види никој. Отидов дома, ми рекоа да си ги спакувам работите, дека ќе ме однесат во Кукуш каде ќе се кријам два дена – вели момчето.

Тој посочува и дека не знаел во каква состојба се машините во забавниот парк.

– Да знаев, немаше да ги оставам да седнат на вртелешката, ништо не знаев – рекол младиот човек.

Јани загина на 19 август во вечерните часови во забавен парк во Пефкохори. Со него на вртелешката бил и помалиот брат (16), додека другиот брат и мајка му ги гледале како се возат.

ТОЈ СЕ НАВЕДНУВАШЕ ДА МЕ БАКНЕ, СЕГА ЈАС СЕ НАВЕДНУВАМ ДА ГО БАКНАМ Таткото на починатото момче во Пефкохори се закани дека ќе ги казни виновниците

The post „БЕГАЈ ИЛИ ЌЕ ТЕ ЛИНЧУВААТ“ Исповед на момчето кое управуваше со рингишпилот во Пефкохори каде загина 19-годишниот Јани appeared first on plusinfo.mk.

Брзата помош излегла на местото на настанот, но можела само да констатира смрт.

– Нашата екипа интервенираше по дојава дека куче питбул териер го нападнало сопственикот и му нанело смртоносни повреди. Медицинскиот тим интервенираше по прв приоритет, но можеле само да констатираат смрт на местото на настанот на 56-годишен маж – изјави портпаролот на итната помош, д-р Зоран Круљ.

Според медиумите, телото било пронајдено откако пожарникарите на повик од полиција ја скршиле вратата и влегле во станот. Претходно синот на починатиот повикал полиција и итна помош бидејќи не можел да влезе во станот.

Кучето било преземено од ЈП „Зоохигиена и ветерина“ и веќе е успиено, додека полицијата врши увид во станот.

Другите околности на нападот засега се непознати.

The post ПИТБУЛ ТЕРИЕР СИ ГО УБИ ГАЗДАТА ВО НОВИ САД Кучето е успиено appeared first on plusinfo.mk.

Ф. Х. (44) од Скопје вчера во 13.37 часот во СВР Скопје пријавила дека околу 13.00 часот, нејзиниот малолетен син, кој работел како чирак во берберница на подрачјето на Бит Пазар, бил физички нападнат од М. А. кој бил сопственик на берберницата.

Се преземаат мерки за расчистување на случајот.

The post ЗА ЛОШ ЧИРАК, ЌОТЕК?! Газда на берберница во Бит Пазар тепал вработен малолетник appeared first on plusinfo.mk.

Дрин Ахмети, внук на лидерот на ДУИ Али Ахмети, кој беше основач и сопственик на „Тор индустрис“ до крајот на годинава ќе се повлече од раководната функција, соопшти денеска компанијата до медиумите. Според написот, новиот сопственик е американската компанија „Тексас американ интернешенал холдингс“.

„Дрин Ахмети, извршниот директор кој беше на чело на компанијата како основач и сопственик на ’Тор индустрис‘ водејќи ја компанијата низ различни фази на раст и реструктуирање, ќе се повлече до крајот на годината. Оваа одлука доаѓа како дел од планот за транзиција на стратешкото лидерство, кој обезбедува непречено и ефективно пренесување на одговорностите на новиот менаџерски тим назначен од ’Американ интернешенал холдингс‘ во Тексас“, велат од „Тор индустрис“.

Во соопшението се додава дека интеграцијата на „Тор индустрис“ во американската компанија претставува „хармонично усогласување на вредностите и стратешките цели на двете фирми“, како и дека се „отвораат нови патишта за иновации, проширување на пазарот и подобри понуди на услуги за клиентите“.

Компанијата најави дека дополнителни детали за транзициите на раководните позиции ќе бидат споделени со јавноста „во догледно време“.

Компанијата на вкукот на Али Ахмети беше во фокусот на јавноста откако го купи трговскиот центар „Соравиа“ во центарот на Скопје.

Во февруари Државната комисија за спречување корупција побара Владата да го разреши раководството на Фондот за иновации технолошки развој (ФИТР) поради сомневање за незаконско постапување при доделување на пари за проекти во вредност од 81 илјада евра на фирми на Дрин Ахмети.

Техничкиот премиер Талат Џафери на почетокот на месецот рече дека Владата нема да постапи додека надлежните институции не докажат вина на раководството.

The post ВНУКОТ НА АХМЕТИ СЕ ПОВЛЕКУВА ОД РАКОВОДСТВОТО НА „ТОР ИНДУСТРИС“ Компанијата ќе ја водат американски газди appeared first on plusinfo.mk.

Напаѓачот, според пријавата, е сопственик на фирмата каде што работел.

Се преземаат мерки за расчистување на случајот.

The post ГАЗДА ОД СКОПЈЕ ИСТЕПАЛ РАБОТНИК Се скарале за работа appeared first on plusinfo.mk.

Набрзо по освојувањето на НБА лигата со Денвер, српскиот кошаркар ги спакува куферите и се врати во Србија, поточно во Сомбор, каде што гледаше коњски трки.

Неговата љубов кон коњичките спортови им е добро позната на сите, а неговата изјава по освојувањето на титулата во НБА воодушеви многумина.

– Кога е парадата? Четврток? Не, морам да одам дома! – рече српскиот кошаркар и ги насмеа фановите.

Во една прилика Јокиќ на шега рече дека ќе го „притисне“ Џош Кренке, синот на сопственикот на Нагетс, милијардерот Стен Кренке, да му даде приватен авион.

Сега, според најновата фотографија која ја објави Денвер, се чини дека газдата му ја исполнил желбата на српскиот кошаркар.

Јокиќ во Србија пристигнал со „Bobmardier Global 600“ кој е во сопственост на Стен Кренке, луксузен авион за 19 патници кој може да лета 17 часа без застанување, може да достигне максимална брзина од 1.090 километри на час и вреди околу 50 милиони долари.

 

View this post on Instagram

 

A post shared by Denver Nuggets (@nuggets)

The post (ФОТО) ГАЗДАТА НА ДЕНВЕР НАГЕТС ГО ИСПОЛНИЛ ВЕТУВАЊЕТО Јокиќ во Србија долетал со приватен авион од 50 милиони долари appeared first on plusinfo.mk.