– На 31 август, единствената работна единица за гасен компресор Трент 60 ќе биде исклучена на три дена поради одржување – соопшти компанијата, истакнувајќи дека сите поправки ќе се вршат заедно со специјалисти од германскиот производител Сименс.

Газпром додаде дека по завршувањето на работата и отсуството на технички дефекти на единицата, транспортот на гас ќе биде обновен на ниво од 33 милиони кубни метри дневно, што претставува приближно 20 отсто од целосниот капацитет на гасоводот.

Единицата е последната од шесте турбини на гасоводот што беше оперативна, а другите имаат потреба од ремонт. Една од турбините во моментов е блокирана во Германија поради санкциите, откако се врати од поправки во Канада.

Испораките на руски гас во ЕУ преку „Северен тек 1“ паднаа на 20 отсто од максималното ниво минатиот месец. Според Газпром, треба да работат пет турбини за да пумпаат гас со полн капацитет.

The post ЗАПИРА „СЕВЕРЕН ТЕК 1“ Газпром ќе го запре транзитот на рускиот гас кон ЕУ appeared first on plusinfo.mk.

Операторот на гасоводната мрежа „Булгартрансгаз“, соопшти дека има дефект на гасоводот во близина на селото Ветрино во североисточна Бугарија.

Поради несреќата, која е пријавена во 3 часот наутро по бугарско време, е запрен и протокот на гас кон Романија, но тој е делумно обновен утрово по 8 часот.

Во соопштението од компанијата се наведува дека дефектот предизвикал само материјална штета и дека екипите веќе се на самото место и работат на поправка на гасоводот.

The post ДЕФЕКТ НА ГАСОВОДОТ ВО БУГАРИЈА Привремено запрена испораката на гас за Србија, БиХ и за Романија appeared first on plusinfo.mk.