Поранешниот медицински директор на Клиниката за онкологија, Нино Васев, и поранешниот организациски директор, Нехат Нухи, се ослободени од притвор откако Кривичниот суд го прифатил предлогот за гаранција и определил мерки на претпазливост.

„На обвинетиот Н.В. му е определена гаранција во износ од 183.981 евра во корист на Република Северна Македонија, која се состои од ставање под хипотека на недвижен имот, додека на обвинетиот Н.Н. му е определена гаранција во износ од 348.049 евра, исто така со ставање под хипотека на недвижен имот“, се вели во соопштението на Кривичен суд кој донел решение дека предлогот се уважува подобиено позитивно мислење од надлежното Јавно обвинителство.

Воедно, на обвинетите им се определени и следните мерки на претпазливост:

забрана за напуштање на живеалиштето, односно престојувалиштето на територијата на град Скопје;
обврска еднаш месечно да се јавуваат во судот; и привремено одземање на патните исправи и забрана за издавање нова патна или друга исправа за преминување на државната граница.

При одлучувањето, покрај позитивното мислење на Јавн ото обвинителство, Советот го имал предвид и фактот дека мерката притвор, определена со решение на Апелациониот суд Скопје, согласно законските одредби, може да биде продолжувана и да трае најдоцна до 18 јули 2026 година.

Со оглед дека надлежното обвинителство се откажа од правото на жалба против овие решенија, а хипотеката понудена како гаранција е веќе впишана во Катастарот на недвижности, истите станаа правосилни, по што обвинетите се ослободени од притвор“ стои во соопштението на Кривичен суд.

Поранешниот медицински директор на Клиниката за онкологија, д-р Нино Васев, и поранешниот организациски директор, Нехат Нухи, се обвинети во судскиот процес познат како „Онкологија 2“ за тешки кривични дела: злоупотреба на службената положба, измама и проневера во службата.

Дополнително, против Васев се води и посебен предмет поврзан со третманот на пациенти, односно таканаречениот случај „Онкологија 1“.

The post ДОКТОР НИНО ВАСЕВ И НЕХАТ НУХИ ИЗЛЕГУВААТ ОД ПРИТВОР Судот прифати гаранција за обвинетите во „Онкологија 2“ appeared first on plusinfo.mk.

Националниот оператор на пазар на електрична енергија – МЕМО, во април годинава успешно го воспостави Регистарот на Гаранции за потекло на електрична енергија и за само два месеци издаде 107.666 гаранции.

Како што се соопшти, на 26 мај, МЕМО официјално ги издаде првите Гаранции за потекло од обновливи извори на АД ЕСМ, за електрична енергија произведена од хидроенергетските капацитети. Во јуни беа издадени 56.620 гаранции за хидроцентрали, а во јули – 51.046 за фотоволтаични централи.

– Сѐ поголем број компании се приклучуваат кон Регистарот, што претставува клучен чекор во градењето на транспарентен и современ енергетски пазар. МЕМО обезбедува усогласеност меѓу националните и европските регулативи, одржувајќи сигурен и стандарден систем за издавање, пренос и активирање на Гаранциите за потекло. Станува збор за електронски документ чија цел е да им обезбеди на потрошувачите доказ дека определен удел или количина од електричната енергија е произведена од обновливи извори – велат од Националниот оператор на пазар на електрична енергија.

The post ЗА ДВА МЕСЕЦА СЕ ИЗДАДЕНИ 107.666 ГАРАНЦИИ ЗА ПОТЕКЛО НА СТРУЈА Половина од нив се за фотоволтаични централи appeared first on plusinfo.mk.

Кривичниот совет на одделението за гонење организиран криминал и корупција при Основниот кривичен суд Скопје, постапувајќи по предлог на Асмир Јахоски, осомничен за перење пари и други приноси од казниво дело, поднесен преку неговиот бранител, за замена на мерката притвор со гаранција, по одржана седница и извршен увид во целокупните списи на предметот, донесе решение со кое предлогот на осомничениот се одбива како неоснован.

„Имено, судот, ценејќи ги сите околности поврзани со истрагата, и покрај даденото позитивно мислење на Јавниот обвинител, смета дека во овој момент сеуште постојат околностите за постоење на определената мерка притвор од точка 2 од чл. 165 ст.1 од ЗКП односно околности кои укажуваат дека може да ја попречи истрагата со влијание на сведоците како и дека може да сокрие, фалсификува или уништи трагите на кривичното дело, од причина што истражната постапка сѐ уште е во тек и сѐ уште се преземаат други истражни дејствија за прибирање докази. Ова дотолку повеќе што Кривичниот совет го продолжил притворот на осомничениот по доставен предлог на ОЈО ГОКК од 08.04.2025 година токму поради постоење на причините предвидени во чл. 165 ст.1 т. 1 и 2 од ЗКП. Против ова решение странките имаат право на жалба пред Апелациониот суд Скопје во рок од 3 дена од приемот на истото“, наведено е во соопштението на Кривичен суд.

ЈАХОСКИ НУДИ 2 МИЛИОНИ ЕВРА ЗА СЛОБОДА Судот размислува дали да го пушти газдата на Пуцко Петрол од „Шутка“

ОБВИНИТЕЛСТВО ПОСТАВИ УСЛОВИ ЗА ПУШТАЊЕ НА ЈАХОСКИ Покрај недвижностите се бара кеш и одземање на пасошот

The post ЈАХОСКИ ОСТАНУВА ВО „ШУТКА“ Гаранцијата од 2 милиони евра не е доволна appeared first on plusinfo.mk.

• И ТОА СЕ СЛУЧИ, АПЕЛАЦИЈА ПУШТИ ОД ПРИТВОР ЕКСТРАДИРАН ПРВООБВИНЕТ ДИЛЕР НА ДРОГА И НА ОРУЖЈЕ Еднаш избегал, Судот верува дека нема пак, зашто дал имот од 600.000 евра како гаранција

„Апелациониот суд Скопје во интерес на јавноста и медиумите информира дека постапувајќи по кривичниот предмет КСЖ-162/25, на нејавна седница одржана на ден 6.3.2025 година, ја уважи жалбата на обвинетиот В.Е од С. Решението на Основниот кривичен суд го преиначи на начин што ја укина мерката притвор определена спрема обвинетиот В. Е. од С., со прифаќање гаранција во вкупен износ од 618.147 евра или во денарска противвредност од 38.016.040 денари. Истовремено, спрема обвинетиот В. Е. од С, се определени мерки на претпазливост, согласно член 146 став 1 точка 2 и 3 од Законот за кривична постапка“, соопшти скопска апелација.

Вака донесената одлука со образложени причини е целосно објавена на веб-страната на Судот, согласно со Законот за управување со движењето на предметите во судовите, се додава во соопштението.

The post АПЕЛАЦИЈА ЈА ОБЈАВИ ОДЛУКАТА ЗА ОСЛОБОДЕНИОТ ДИЛЕР НА ДРОГА И ОРУЖЈЕ На слобода согаранција од 618.000 евра appeared first on plusinfo.mk.

– Нам ни треба политички сигнал од политичкото мнозинство дека имаме гаранции дека нема да се бара повторно менување на Уставот за идентитетските и историските прашања. Ова е ставот на политичкото мнозинството и е познат во јавноста – рече претседателот на Собранието.

Гаши вели дека нема најави кога ќе почне процесот на уставни измени.

– Јас лично и повеќето граѓани сакаме што побрзо да почнеме, јас сакам уште денеска да почнеме, но внимателни сме да не ни се случи три месеци по уставните измени пак да добиеме вето. Ако се случи нешто такво, се плашиме дека ќе ни потфрли целиот процес. Тоа ќе го поттикне многу силно евроскептицизмот во државата. Темата е многу сензитивна и треба да бидеме многу внимателни во овој дел.  Сепак се работи за Устав, а ние сме рекордери во неговото отварање, во 1992 година сме го отвориле Уставот дури на само два месеци месеци откако сме го донеле. Треба да бидеме внимателни, ние сакаме да се заврши  работата, затоа што евроинтеграцијата ни е приоритет – рече Гаши.

The post РАБОТИМЕ ДА НЕМА НОВИ ВЕТА ОД БУГАРИЈА Имаме мнозинство за Уставот, чекаме гаранции од ЕУ appeared first on plusinfo.mk.

– Треба да се обезбеди промена на Уставот, но и да се обезбеди дека нема да има дополнителни барања, тоа треба да биде обврзувачко и чувството е такво во Европската Унија. Владата тешко ќе може да им објасни на гласачите, ако нема гаранции. Треба да работиме на тоа да се обезбедат гаранции и дека нема да има нови барања -, рече австрискиот европратеник Вајц, кој доаѓа од редот на Зелените.

Во однос на барањето на Владата за уставни измени со одложено дејство, Вајц изрази сомневање дека тие би можеле да поминат.

– Она што е легитимно е тоа што Владата бара јасност за барањата, но не верувам дека ќе помине барањето за уставни измени со одложено дејство – рече Вајс.

Нагласи дека треба да се најдат гаранции дека нема да има натамошни блокади и оти во моментот не го знае точното решение, но за пет до шест месеци може да каже поконкретно решение.

Вајц оцени дека земјава станала жртва на билатералното прашање со Бугарија, оти прегoворите не се лесни, но оти новите геостратешки околности по руската инвазија врз Украина, покажаа дека Западен Балкан не е некаде надвор, туку во јадрото на Европа.

Во однос на напредокот во реформите, Вајц кажа дека земјава напредува подобро од другите држави од Западен Балкан, но она што недостига е имплементација на законодавството.

– Северна Македонија спроведува реформи порано од другите земји од регионот, имате историски напредок, којшто можете да го надоградите. Но ако се чека, на пример, седум години за да се започне судски процес, тоа не е реформа во судскиот систем. Има уште работа што треба да се направи. Северна Македонија е на добар пат, но работата не е завршена – рече Вајц, додавајќи дека реформите се важни за граѓаните, а не само на хартија.

Околу новиот состав на Европската комисија, Вајц кажа дека Марта Кос е одличен избор за еврокомесарка за проширување и оти ќе биде посветена регионот да стане дел од ЕУ.

– Ние ѝ дадовме на Украина кандидатски статус од геостратешка причина. Но ако сме реални која земја може да се приклучи во наредните години тоа се земјите од Западен Балкан, влучително и Северна Македонија. Можете да сметате на ангажманот на Марта Кос – рече Вајц.

Во однос на регионалната соработка, и за Отворен Балкан, Вајц рече дека секоја соработка е добра и дека регионот ако настапува заедно ќе биде посилен.

– Во принцип секоја соработка е добра, но имам сомневање дека Отворен Балкан има цел да го зацврсти влијанието на Србија во регионот, политички е легитимно да се бара тоа, но мене тоа ми мириса на алтернативен процес на ЕУ пристапување и алтернативен процес на Берлинскиот процес – рече Вајц.

Германскиот европратеник Михаел Гахлер и член на Комитетот за надворешни работи на Европарламентот, на средба со македонските новинари во ЕП во Стразбур, рече дека постојат иницијативи од ЕУ членки да се одблокира процесот.

Тој истакна дека во разговори со бугарски европратеници добил впечаток оти тие се ориентирани кон изнаоѓање решение и оти, како што кажа, не е ниту во интерес на Бугарија да го блокира процесот.

The post ТРЕБА ДА ИМА ГАРАНЦИИ ЗА МАКЕДОНИЈА Во ЕУ се размислува за решение за спорот Скопје-Софија appeared first on plusinfo.mk.

– Од она што можам да го слушнам и од она што можам да сведочам од тие разговори е дека кај одредени постои интерес за придвижување на регионот кон ЕУ. Тука нема никаква дилема и дека дел од тој регион сме и ние како држава. Нашата стратешка цел останува полноправно членство во ЕУ. Сите оние регионални иницијативи како што е Берлинскиот процес, ЦЕФТА и сл. ние ги поддржуваме бидејќи во рамките на истите цениме дека полесно можеме да ги артикулираме нашите ставови и треба да бидеме прецизни во тоа, но нашата главна стратешка цел е полноправно членство во ЕУ, нешто што го заслуживме многу одамна. Ќе ве потсетам, повеќе од две ипол децении откако го потпишавме Договорот за стабилизација и асоцијација, речиси две децении откако сме кандидати, повеќе од 15-ина години откако добивме позитивен извештај за почнување на преговорите, но поради причини коишто веќе им се познати на македонските граѓани не сме во можност да го придвижиме овој процес. Ние како Влада не можеме да влеземе во наивен процес каде што ние само ќе правиме отстапки без притоа да имаме јасна гаранција дека како држава ќе бидеме дел од европското семејство – рече Мицкоски на новинарско прашање дали на средбите со со европски функционери разговарал за намерата за усвојување на уставни измени со одложено дејство, и дали има некаква поддршка за тоа.

Тој нагласи дека уставни измени со одложено дејство се можно решение ако има гаранции за полноправно членство во ЕУ.

– Едно од можните решенија е ова вие што го напоменавте, но и тоа е условено под услов да имаме јасна гаранција за полноправно членство во рамките на ЕУ и тоа да биде во рамките на оние ветувања што ги даваа во 2018 година дека максимум ќе трае четири до пет години, а ние како Влада ќе дадеме сè од себе тие преговори да ги реализираме. Но, од она што можам во моментот да го видам, а и што го слушаме дека никој ништо не може да ни гарантира. Бидејќи никој ништо не може да ни гарантира не можеме ни ние да бидеме толкави оптимисти како што би сакале да бидеме и затоа овие два процеси кон полноправно членство во ЕУ и завршување на домашната задача ќе ги водиме паралелно, ќе бидеме фокусирани и на едниот и на другиот, ќе посветиме поголемо внимание на оној процес што зависи само од нас, а тоа е завршување на домашната задача. Доколку се појави двосмерна улица од другата ние сме тука, подготвени сме да разговараме, така што еве да оставиме да и двете страни, а не е доволно само едната да сака – потенцира Мицкоски по присуството на првиот училиштен час заедно со министерката за образование и наука Весна Јаневска во ООУ „Стив Наумов“ во Општина Гази Баба.

Премиерот Мицкоски потврди дека Владата ќе реагира во однос на укинувањето на Центарот за македонскиот јазик во Лерин со давање логистичка поддршка, но вели, нема да дозволат да бидат вовлечени од страна на соседна Грција во нивната внатрешна политичка расправа.

– Апсолутно. Тоа е уште еден показател дека од добрососедството само нашата страна се грижи. Но, тоа нас нема да нè обесхрабри. Јас сум свесен дека таму се потребни провокации за да ние, исто така, изреагираме реципрочно и да ние направиме нешто кое што нема никаква врска со нашите интереси, односно остварување на втората наша цел, а тоа е полноправно членство во ЕУ. Уште еднаш нашите партнери од ЕУ можат да сведочат на непочитување на договореното од страна на нашите соседи иако јас сум свесен дека тие ќе се вадат, дека тоа е судска одлука итн. Но, нашинците ја имаат нашата поддршка и ќе ги поддржиме во барање на нивното право. Ние како политичари можеме да дадеме логистика, тука е Европскиот суд за човекови права итн., така што тие ќе ја имаат апсолутно нашата поддршка. Ние нема да реагираме како во минатото. Ние сме свесни дека се ќе дадат нашите соседи да не вовлечат во нивната внатрешна политичка расправа и ќе ја направат Македонија како тема, но ние сме одговорни, зрели и ние нема да дозволиме. Имаме наша цел, имаме наш интерес и одиме кон реализирање на истата – рече премиерот Мицкоски.

Апелацискиот суд во Кожани, Грција, деновиве донел одлука со која се поништува регистрацијата на Центарот за македонски јазик во Лерин. Активистите на Центарот најавија дека ќе ги искористат сите правни средства и оти ќе се жалат до грчкиот Врховен суд и до Судот за човекови права во Стразбур.

Центарот за македонски јазик во Грција е формиран 2022 година како невладина организација/здружение со одобрение од грчкиот суд, со што стана првата организација, која директно се грижи за македонскиот јазик, која што е регистрирана и призната како таква од грчките државни органи. Лани, во март, Основниот суд во Лерин, во две посебни одлуки, официјално одби повеќе барања/тужби за поништување на првичната одлука за одобрување на барањето за неговата регистрација.

The post НАИВНО Е САМО НИЕ ДА ПРАВИМЕ ОТСТАПКИ Ни треба јасна гаранција од ЕУ за идното членство, вели Мицкоски appeared first on plusinfo.mk.

Два египетски безбедносни извори изјавија за Ројтерс дека Хамас ќе го прифати планот само доколку има гаранции.

Се смета дека Египет е во контакт со САД во врска со барањето.

– Хамас сака гаранции за автоматска транзиција од една фаза во друга според договорот што го претстави претседателот Бајден – изјави трет извор запознаен со разговорите.

Загриженоста на Хамас се чини е насочена кон преминот од првата кон втората фаза на планот, со оглед на недостатокот на детали.

– Првиот дел од предложениот  договор во три фази ќе биде шестнеделен прекин на огнот за време на кој Израел и Хамас ќе преговараат за траен крај на борбите во Газа – рече Бајден кога го откри планот кон крајот на мај.

Доколку разговорите траат подолго од шест недели, примирјето ќе продолжи онолку колку што е потребно за да се постигне договор, додаде тој.

Втората фаза ќе вклучи предавање на преостанатите заложници од страна на Хамас и повлекување на израелските сили од Газа.

Според претседателот Бајден, последната фаза ќе биде поврзана со „големите планови за реконструкција“ за Газа.

Во понеделникот предлогот беше поддржан од Советот за безбедност на Обединетите нации.

The post ХАМАС БАРА ПИСМЕНА ГАРАНЦИЈА ОД САД Палестинската организација ќе го прифати планот за прекин на огнот само под одредени услови appeared first on plusinfo.mk.

Таравари, во гостувањето на Канал 5, рече дека „не би сакал да се повтори 2008 година“ и „ако постои стратегија 2028 година Македонија, Албанија, Србија и Црна Гора да влезат во пакет, тоа веќе е причина со која ние би требало одредени работи набрзина да ги смениме“.

– Гарантирам дека ќе има модалитети кои ќе бидат прифатливи и за двете страни. И за Скопје и за Софија и во тоа сум многу сигурен, меѓутоа за тоа кои се опциите, сигурно идниот премиер ќе ги каже. Меѓутоа, ви велам се работи на тоа интензивно – изјави Таравари.

Прашан дали има разговарано со лидерот на ВМРО-ДПМНЕ, Христијан Мицкоски за уставните измени, актуелниот градоначалникот на Гостивар од Алијанса за Албанците, Таравари рече „нормално“, нагласувајќи дека не е коректно тој да каже за какво решение, туку тоа треба да го соопшти идниот мандатар или премиер.

– Работиме од повеќе аспекти. Јас сум оптимист дека ќе се изнајде решение. Ќе имаме помош и од невладини организации и од луѓе што ќе сакаат да помагаат на Македонија, сѐ со цел да се движиме и да се движиме и да ги започнеме преговорите, бидејќи тоа е за доброто на граѓаните – изјави Таравари.

Како нова влада со стабилно мнозинство, според Таравари сега е моментот да се работат и реформи, и борба против криминал и корупција, и правна држава и да се обиде да се најде решение и да се направат одредени уставни промени.

– Бројките тука се сега 80, само ни треба решение кое што ќе биде прифатливо за Бугарија и за Македонија и веднаш може да се реши проблемот. Јас сум оптимист дека конечно Албанија и Македонија ќе продолжат заедно и да ги започнат преговорите – изјави Таравари.

Таравари, исто така, изрази очекување дека ДУИ ќе биде конструктивна опозиција и ќе направи „мирна транзиција“.

Прашан за тоа дали ќе биде министер за здравство, Таравари рече дека во следните неколку денови ќе одлучи дали ќе ја прифати функцијата министер за здравство.

The post ЌЕ ИМА МОДАЛИТЕТИ ПРИФАТЛИВИ И ЗА СКОПЈЕ И ЗА СОФИЈА Коалицијата Вреди е гаранција дека ќе продолжи европскиот пат, порача Таравари appeared first on plusinfo.mk.

Во емисијата „Топ тема“ на телевизија Телма, Шукова рече дека до крајот на годината ќе има конкретни информации дали ќе продолжи проектот. Рокот за потпишување на договорот е продолжен поради жалбената постапка од страна на грчката компанија „Архидрон“, а банкарската гаранција истекува на 31 декември.

– Заради жалбената постапка, рокот се продолжи некаде до средината на јануари, банкарската гаранција на компанијата е до 31 декември. Очекуваме одговор од нивна страна – рече Шукова, додавајќи дека ако не се продолжи банкарската гаранција, понудата престанува да важи.

Според Здружението на инженери на Македонија, проектот за изградба на хидроцентралата „Чебрен“ по пат на јавно-приватно партнерство е штетен и со него се нарушува електроенергетската независност на земјава и се дава на управување воден ресурс кој, како што посочуваат, е веројатно најзначаен во овој век.

Оттаму денеска информираа дека доставиле барање до Министерството за животна средина и просторно планирање (МЖСПП) за пристап до информации од јавен карактер во однос на документацијата за Чебрен.

The post НЕ КРИЕМЕ НИШТО, ЧЕКАМЕ ОДГОВОР ОД ГРЧКАТА СТРАНА Шукова вели дека документите за „Чебрен“ ќе бидат објавени штом заврши постапката appeared first on plusinfo.mk.