На листата, првото место го зазеде Турција, каде што 34 отсто од жителите секојдневно изразуваат одредена доза гнев. Македонците се втори, со 26 отсто од испитаниците кои изјавиле дека се чувствуваат лути во текот на денот. По нив следуваат Албанците и Црногорците (24 отсто), а потоа и Шпанците (23 отсто).

Од нашето опкружување, Бугарија, Србија и Косово се некаде при дното на листата, бидејќи меѓу 11 и 13 отсто од граѓаните од овие три земји изјавиле дека чувствуваат гнев во текот на денот. За Грците, таа бројка изнесува 21 отсто.

Земјите со најмал процент на гнев на дневна основа во Европа се Финска и Естонија (7 отсто), потоа – Португалија (8 отсто), па следат Холандија и Хрватска (9 отсто).

The post МАКЕДОНЦИТЕ СЕ МЕЃУ НАЈГНЕВНИТЕ ЛУЃЕ ВО ЕВРОПА Галуп го објави глобалниот извештај за емоции appeared first on plusinfo.mk.

Македонија е најнесреќна земја на Балканот, според новиот Извештај за среќата во светот на Институтот Галуп. На 87-мото место од 137 земји, блиски до нас според степенот на среќата се Венецуела, Конго и Украина на 92. место. Од нашите балкански соседи пак најблиску ни е Албанија на 83. место, Бугарија на 77. место, Босна и Херцеговина на 71. место, Грција на 58-мото, Србија на 45-тото, а Косово на 34-тата позиција.

Извештајот се прави врз основа на разни анкети спроведени во земјите. Земени се предвид шест фактори, меѓу кои Слободата да се прават животни избори, Изгледите да се има здрав живот, Дарежливоста на луѓето, Перцепцијата за корупцијата која ја имаат луѓето, Социјалната поддршка која државата ја обезбедува, Бруто домашниот производ и факторот наречен Дистопија и издржливост.

Во посебни табели дадени се и Оценка за просечниот живот во земјата и Рангот на довербата.

Најсреќни земји во светот остануваат Финска и Данска и други балтички држави или држави во северна Европа. Меѓу нив, на четвртата позиција се појавува и Израел.

Најнесреќни се Авганистан и Либан, земји кои беа разурнати од војни.

Добрата вест е дека просекот на среќа во светот останал речиси непроменет ако се спореди периодот пред пандемијата со ковид-19, од 2017 до 2019, со периодот од 2020 до 2022 година.

The post МАКЕДОНЦИТЕ СЕ НАЈНЕСРЕЌНИ ЛУЃЕ НА БАЛКАНОТ Во друштво сме со Венецуела, Конго, Јужна Африка, Украина… appeared first on plusinfo.mk.

Две години по првите случаи на ковид-19, луѓето се чини дека сѐ повеќе се навикнаа да живеат со пандемија. Меѓутоа, глобалното јавно мислење сега изгледа покритично кон идејата за жртвување на човековите права (намалување за 10 процентни поени), иако сè уште преовладува подготвеноста да се жртвуваат човековите права во борба против вирусот. Сомнежот во ефикасноста на главната алатка за борба против ковид 19 – вакцините, се зголемува бидејќи половина од анкетираните ширум светот не се сигурни дали вакцините навистина функционираат.

Ова се некои од главните наоди на новото глобално истражување за ставовите кон вирусот ковид-19, спроведено од Меѓународната асоцијација Галуп на крајот на 2021 година кое вклучува околу 42.000 полнолетни граѓани од 45 земји низ светот меѓу кои и од Макединија.

На прашањето дали вакцините против коронавирус се навистина ефикасни, Македонија е во рамките на светскиот просек, скоро половина (49%) од испитаниците се изјасниле дека се согласуваат со оваа изјава, 43 отсто не се согласуваат, а 5 отсто немаат одговор на ова прашање.

Прашани дали заканата од коронавирусот е претерана, во земјава, 60 отсто од анкетираните веруваат дека заканата од коронавирусот е претерана, 34 проценти сметаат дека заканата од коронавирусот не е претерана и 5 отсто немаат одговор на прашањето.

На прашањето „Колку сум подготвен да жртвувам некои од моите човекови права доколку тоа помогне да се спречи ширењето на вирусот“, Македонија е во рамките на светскиот просек (60%), 61 процент од анкетираните во земјава се согласуваат со оваа изјава и покажуваат подготвеност да жртвуваат некои од своите човекови права доколку тоа го спречи ширењето на вирусот, 31 процент не се подготвени за тоа, а 8 отсто немаат одговор на ова прашање.

Според истражувањето, на светско ниво мислењата се поделени за ефикасноста на вакцините – половина од анкетираните се сомневаат дали тие се навистина ефикасни, додека 43 отсто не се сомневаат. Несигурноста кон вакцините е најизразена во Африка (64%), исто така несигурност е изразена и на Блискиот Исток, Индија, Азија и Русија. Најмалку кои се сомневаат за ефикасноста на вакцината се луѓето во Австралија (78%), ЕУ (53%) и САД (51%). Овој сомнеж, според анализата на резултатите, има потенцијал да го наруши и рутинското вакцинирање.

Две години по избувнувањето на пандемијата, 44 отсто низ светот веруваат дека заканата од коронавирусот е претерана, а речиси половина (49%), не се согласуваат со ова. И покрај тоа што некои земји зборуваат за „живеење со ковид“ и „крај на ограничувањата“, овие ставови за заканата од ковид-19 остануваат главно непроменети од пред две години. Перцепцијата дека заканата е претерана е најистакната во Индија (65%), на Блискиот Исток (61%), Западна Азија (55%), Африка (53%) и европските земји надвор од ЕУ (50%). Во Австралија (78%), Латинска Америка (62%), Европската унија (61%), Источна Азија (53%) и Русија (52%) се меѓу најголемите нации и региони кои многу не се согласуваат дека заканата е претерана.

Истражувањето покажува и дека луѓето се помалку подготвени да ги жртвуваат своите човекови права за да го спречат ширењето на вирусот две години по почетокот на пандемијата, иако подготвеноста сè уште преовладува. Сега, 60 отсто ширум светот изјавуваат дека се подготвени, па дури и многу подготвени да жртвуваат некои од своите човекови права доколку тоа би го спречило ширењето на болеста, а 31 процент не се согласуваат или многу не се согласуваат. Останатите се двоумат да одговорат. Пред една година, 70 проценти од испитаниците ширум светот изјавија дека се подготвени да се откажат од некои од своите права во борбата против ковид-19. Една четвртина се спротивстави на идејата да ги жртвуваат своите права за да се спречи ширењето на пандемијата.

Граѓаните во Индија (80%) Австралија (75%), Блискиот Исток (75%), Африка (65%) и Азија (62% во западниот дел на континентот и 61% во источниот) се најподготвени да се откажат од некои од своите човекови права со цел да се спречи ширењето на вирусот. Најмногу против идејата за жртвување на човековите права се луѓето во Латинска Америка (40%), ЕУ (35%) и САД (35%).

– Животот со вирусот е прифатен како „новото нормално“ од поголемиот дел од јавноста низ сите континенти, но поддршката за ограничувањата опаѓа речиси насекаде. Огромното одобрување на владите, регистрирано во светот пред две години на почетокот на пандемијата, постојано се намалува. Вакцините веќе не се доживуваат како „магично чудо за спас“ за мнозинството од глобалните граѓани и сериозно разочарување од тој аспект е регистрирано во развиените земји каде што нивото на вакцинација е високо. Кризата со пандемијата не е завршена, но начинот на кој се решаваше досега ја губи поддршката од јавноста и има јасни знаци дека „повеќе од истото“ нема да функционира – вели Канчо Стојчев, претседателот на Меѓународното здружение Галуп (ГИА).

Истражувањето „Крајот на годината – ковид 19“ во Македонија во 2021 година го спроведе БРИМА – македонски член на Меѓународната асоцијација Галуп (Gallup International Association), во периодот од 18 ноември до 2 декември 2021 година. со 1210 испитаници, лице в лице, во домот на испитаникот, со маргина на грешка од +/- 2,8.

The post ВАКЦИНИТЕ ВЕЌЕ НЕ СЕ ДОЖИВУВААТ КАКО ЧУДО Истражување на Галуп покажува дека 60% од Македонците веруваат дека заканата од ковид-19 е претерана appeared first on plusinfo.mk.

Во истражувањето учествувале 300.000 луѓе од 117 земји, а резултатите покажаа дека половина од оние кои имаат работа заработиле помалку поради пандемијата.

Тоа значи дека пандемијата погодила 1,6 милијарди возрасни низ целиот свет.

– Во целиот свет тие проценти се движеа од 76 проценти во Тајланд до 10 проценти во Швајцарија – соопшти Галуп.

Во Боливија, Мјанмар, Кенија, Уганда, Индонезија, Хондурас и во Еквадор, повеќе од 70 проценти од испитаниците изјавиле дека заработувале помалку отколку пред пандемијата на коронавирусот, додека во САД, 34 проценти рекле дека имаат помалку приходи.

Кризата предизвикана од коронавирусот особено ги погоди жените, кои главно се вработени во ниско платени сектори, како што се малопродажба, туризам и услуги за храна.

Во 57 земји, вклучувајќи ги Индија, Зимбабве, Филипини, Кенија, Бангладеш и Салвадор, повеќе од 65 проценти од испитаниците изјавиле дека престанале да работат некое време поради пандемијата.

Најмалку луѓе престанаа да работат во развиените земји со високи примања, па така секој десетти човек во Австрија, Швајцарија и Германија привремено престанал да работи.

Во САД 39 проценти од населението привремено престанало да работи поради пандемијата.

The post Галуп: Секој втор човек во светот е со намалени приходи поради пандемијата appeared first on plusinfo.mk.

Ова се дел од резултатите на најновото глобално истражување Гласот на народот (VOP),
спроведено од Gallup International Association (Галуп Интернејшенел) кое седум децении ја следи перцепцијата на луѓето во однос на управувањето и правичноста на изборите. Со истражувањето се опфатени 44 земји низ светот и околу 42 000 возрасни граѓани, на национално репрезентативен примерок со околу 1000 мажи и жени кои биле интервјуирани во текот на октомври – декември 2020 година, (лице в лице, преку телефон или преку Интернет“. Маргината на грешка за истражувањето е помеѓу + 3-5 проценти на ниво на доверба од 95 проценти. Во РС Македонија истражувањето го спроведе БРИМА со телефонска анкета со национално репрезентативен примерок од 500 испитаници

На прашањето дали државите се управувани според волјата на својот народ, 46 проценти од светската популација се согласува дека нивната земја е управувана од волјата на луѓето, во исто време скоро еднаков е уделот на оние што не се согласуваат.

Најмногу позитивни одговори се забележани во Азербејџан (84%), Индија (83%) и Гана (81%). Најмалку задоволни со демократијата во нивните земји се земјите на Источна Европа, Латинска Америка и Русија – околу една третина позитивни одговори. И тоа Босна и Херцеговина (8%), Бугарија (19%) и Колумбија (22%)

Од анкетираните граѓани во РС Македонија на прашањето „дали нашата земја е водена според волјата на народот” 29 проценти рекле дека се согласуваат со ова тврдење, а 70 проценти изјавиле дека не се согласуваат.

Во однос на прашањето дали изборите се слободни и фер, 53  проценти од луѓето ширум светот ги сметаат изборите во нивната земја за слободни и фер, а 42 проценти имаат спротивно мислење.

– Асоцијацијата ги измери овие ставови неколку пати на различни начини од почетокот на векот. И покрај малите разлики, треба да се набљудува општиот тренд: нема значителна промена во ставот на луѓето кон оваа тема. Луѓето се чини дека повеќе веруваат во правичноста на изборите, отколку во демократското управување и почитување на нивната волја, како целина, се оценува во истражувањето.

На ниво на регионални и големи нации, повторно луѓето во Индија (80%) се едни од најзадоволните од изборите во нивната земја во однос на слободата и правичноста, по што следат граѓаните во Западна Европа (77%).  Најмалку задоволни од изборниот процес се луѓето на Блискиот исток (35%), Русија (36%) и Африка (40%).

Луѓето во Финска скоро едногласно се согласуваат дека изборите во нивната земја се генерално слободни и фер – така тврдат 94% од испитаниците. Позитивните одговори се широко распространети во Австрија (84%), Германија (82%) и Гана (82%). Најмалку задоволни од изборната правичност и слобода во нивната земја се луѓето во Нигерија (15%), Ирак (14%) и Босна и Херцеговина (9%).

На прашањето „дали изборите во нашата земја се слободни и фер”, 49 проценти од анкетираните граѓани во РС Македонија се согласуваат со ова тврдење, а 45 проценти не се согласуваат, 7 проценти немаат мислење.

Индексот Гласот на народот (Voice of the people) (1 и 2), изработен од Галуп Интернејшенел, ги комбинира ставовите на луѓето кон двете изјави „Со мојата земја владее волјата на народот“ и „Општо, изборите во мојата земја се слободни и фер“ и на тој начин ја одразува перцепцијата на луѓето за основните демократски вредности.

– Според индексот VOP (1), 37% од анкетираните испитаници се согласуваат дека нивната земја е управувана од волјата на народот и изборите се слободни и фер – гласот на народот таму се смета за силен. Третина од испитаниците ширум светот изјавуваат дека нивната земја не е управувана од волјата на народот, ниту се изборите слободни и фер – што може да се опише како слаб демократски глас. Дваесет и три проценти сметаат дека има недоследност во спроведувањето на двата основни механизам на демократија во нивната земја – мешана демократија, наведуваат од Галуп Интернејшнл.

Според Канчо Стојчев, претседател на Gallup International Association иако демократијата е збир на јавни правила кои се објективно мерливи, субјективната перцепција на луѓето што ја рефлектира индексот на VOP е од клучна важност. -Демократијата е силна само ако народот ја препознае нејзината сила, вели Стојчев.

The post Истражување на Галуп: Само 37 отсто од граѓаните во светот сметаат дека имаат слободни и фер избори appeared first on plusinfo.mk.

Тоа е најнискиот рејтинг на одобрување што претседателот го има забележано од октомври. Анкетата е прва на Галуп откако избија протести на национално ниво по убиството на Џорџ Флојд.

Незадоволството на јавноста поради убиството на Флојд и расната неправда стана „значаен предизвик за претседателот“, наведува Галуп.

Пред пандемијата, Трамп имаше силен рејтинг на одобрување во врска со економијата, дури и покрај тоа што неговиот просечен рејтинг изнесуваше околу 40 отсто.

Трамп не забележал вкупен рејтинг на одобрување под 40 отсто од октомври, откако почна истрага за импичмент.

Рејтингот за работата на Трамп се намали меѓу двете партии. Одобрувањето на републиканците се намали од 92 отсто на 85 отсто, што е најниско од неговата партија за околу две години, додека кај демократите падна од 14 отсто на 5 отсто.

За справување со економијата со Трамп исто така „се лизна“ на 47 отсто, што е намалување од 63 отсто во јануари и 58 отсто во февруари, јавија американските медиуми. Одобрувањето на справувањето со економските предизвици на Трамп не беше под 50 отсто од ноември 2017 година.

За справувањето со новиот коронавирус – 42 отсто го одобруваат начинот на Трамп, што е намалување од 50 отсто во април.

The post Опаѓа рејтингот на Трамп, објави Галуп appeared first on plusinfo.mk.

Ова се резултати од анкетата што ја спроведе Gallup International Association (GIA) во контекст на ситуацијата „Ковид-19“, во која учествуваа повеќе од 25.000 луѓе во 28 земји низ целиот свет. Тука спаѓаат САД, Русија, Индија, некои од најпогодените земји – Италија, Република Кореја, Шпанија, Франција, Германија, Швајцарија итн., како и многу други земји од различни континенти, вклучувајќи ја и Македонија (спроведена од БРИМА, македноската члена на GIA). Анкетирањето во споменатите земји беше завршено вчера. А во моментов анкетата продолжува во уште десетина други земји, за што ќе има ажурирано соопштение за медиумите во текот на следните денови.

Според истражувањето, вкупно 67% од испотаниците се исплашени дека тие или некој од нивните семејства може да бидат заразени од коронавирусот: 38% велат дека се плашат, а 29% велат дека многу се плашат. Додека 20% велат дека не се плашат и 10% дека воопшто не се плашат. Така, вкупно 30% остануваат смирени во пресрет на инфекцијата. Останатите 3% не се подготвени да одговорат.

Резултатите од Македонија не отстапуваат многу од вкупниот просек, анксиозноста од можноста за инфекција од овој вирус е присутна кај мнозинство од анкетирате 63%, наспроти 36% кои покажуваат смиреност.

Германците, Швајцарците, како и граѓаните на Авганистан, остануваат релативно ладнокрвни, со популација подеднакво поделена на оние кои покажуваат анксизност или смиреност. Очекувано, жителите од Италија со високи 90% покажуваат огромна загриженост од потенцијалната опасност да бидат заразени самите или некој нивен близок член од фамилијата.

20% од учесниците во истражувањето целосно се согласуваат со изјавата дека нивната влада досега добро се справува со короновирусот, 42% – донекаде се согласуваат, 20% – донекаде не се согласувам и 12% – воопшто не се согласуваат. Така, уделот на оние кои позитивно ја оцениле својата влада (62%) го надминува уделот на негативно оценетите (32%). Другите 6% не можат да одговорат. Се чини дека народот на Австрија е најзадоволен од реакцијата на нивните државни органи – со 88% кои изразуваат поддршка за превземените владини мерки, по што следи Индија (83%), Палестина (80%), Холандија (79%), Италија (72%) итн.

Во Македонија иако поддршката не е во толку голем број како кај овие земји, сепак мнозинство од граѓаните (65%) искажуваат одобрување за досега преземените владини мерки, наспроти 29% кои не се согласуваат како владата се справува со епидемијата. Слична е состојбата и во соседството со 60% во БиХ и Бугарија кои позитивно ги оцениле владините мерки .

Најмалку задоволни од нивната влада се во Тајланд , таму 76% донекаде или воопшто не се согласуваат со изјавата дека нивните надлежни соодветно реагираат во дадената ситуација. Јапонија е на второ место, со 62% незадоволни од државните мерки и 23% задоволни. Во САД 46% се незадоволни, а 42% задоволни. Германија е близу – каде 44% од испитаниците сметаат дека државните мерки не се соодветни, а 47% дека се.

Запрашани во која мера се согласуваат или не се согласуваат со изјавата: Верувам дека заканата од коронавирус е претерана, со мала предност преовладува ставот дека оваа закана е претерана (49%) наспроти оние кои веруваат во спротивното (46%). Балканските народи се оние кои претежно сметаат дека опасноста е претерана – вкупно 73% мислат така во БиХ, Македонија2 и Бугарија. Додека, Французите, Холанѓаните, Австријците, Италијанците, итн. имаат спротивен став – со над 70% мнозинство кое не наоѓа никакво претерување.

Бројот на официјално декларирани заразени по жител во одредена земја очигледно игра значителна улога во овој поглед.

The post Анкета на Галуп: Огромно мнозинство ширум светот исплашено од Ковид-19, меѓу нив и Македонците appeared first on plusinfo.mk.