Ако не бевме ние (Британците), вие денеска ќе зборувавте француски, му рече британскиот крал Чарлс III на американскиот претседател Доналд Трамп. Кралот, алудирајќи на колонијалното минато на Америка, на хумористичен начин за време на државната вечера во Белата куќа одговори на претходните забелешки на претседателот Трамп дека без американската помош во Втората светска војна, Европејците денес ќе зборуваа германски.

За време на здравицата на гала вечерата, кралот Чарлс се осврна на коментарите на Трамп од самитот во Давос во јануари, кога американскиот претседател ги обвини европските сојузници дека се потпираат на американската воена помош од Втората светска војна.

– Господине претседателе, неодамна забележавте дека без САД, европските земји ќе зборуваат германски. Би се осмелил да додадам дека ако не бевме ние, вие ќе зборувавте француски – рече Чарлс.

Изјавата предизвика громогласна смеа меѓу присутните.

Забелешката на Чарлс се однесува на историското соперништво меѓу британските и француските колонијални сили кои се бореа за доминација на северноамериканскиот континент пред САД да прогласат независност пред 250 години.

И покрај тензиите меѓу Лондон и Вашингтон околу војната со Иран, атмосферата на вечерата беше срдечна, при што двајцата лидери го нагласија „посебниот однос“ меѓу нивните земји. Чарлс продолжи со хумористичен тон, коментирајќи ја обемната реконструкција на Источното крило на Белата куќа, каде што Трамп, поранешен магнат за недвижности, изгради огромна сала за балови вредна 400 милиони долари.

– Морам да напоменам дека ние Британците, исто така, се обидовме со еден вид реконструкција на Белата куќа во 1814 година – рече кралот, потсетувајќи се на инцидент кога британските војници ја запалија зградата.

Тој додаде дека вечерата била „огромно подобрување во однос на Бостонската чајанка“, осврнувајќи се на протестот од 1773 година во кој американските колонисти фрлаа британски чај во морето поради даноци.

Трамп, чија мајка е од шкотско потекло и за која е познато дека е обожавател на британското кралско семејство, ги насочи повеќето од своите шеги кон домашната политика.

– Сакам да му честитам на Чарлс за фантастичниот говор во Конгресот. Тој успеа да ги натера демократите да станат, што јас никогаш не можев – рече Трамп.

• ПАРТНЕРСТВОТО МЕЃУ САД И ВЕЛИКА БРИТАНИЈА ДЕНЕС Е ПОВАЖНО ОД КОГА БИЛО ДОСЕГА Кралот Чарлс се обрати пред американскиот Конгрес

Кралот ја искористи посетата и за да подари подарок, што се толкува како дел од дипломатската офанзива на Велика Британија, откако Трамп остро го критикуваше премиерот Кир Стармер за одбивањето да помогне во конфликтот со Иран.

Чарлс му подари на претседателот ѕвонче од британската подморница ХМС Трамп, лансирана во 1944 година.

– Нека ова ѕвонче биде сведоштво за заедничката историја и светлата иднина на нашите народи. И ако некогаш ви требаме, само заѕвонете на ѕвончето – рече кралот, на што доби аплауз од присутните.

The post 🎥 РЕКОВТЕ ВО ЕВРОПА ЌЕ ЗБОРУВАА ГЕРМАНСКИ БЕЗ САД, АМА АМЕРИКАНЦИТЕ ЌЕ ЗБОРУВАА ФРАНЦУСКИ АКО НЕ БЕА БРИТАНЦИТЕ Кралот Чарлс редеше шеги при здравицата во Белата куќа appeared first on plusinfo.mk.

Портпаролката на Белата куќа Каролин Ливит денеска го опиша нападот на гала вечерата во Вашингтон како обид за убиство на претседателот Доналд Трамп и високи претставници на неговата администрација.

Ливит на социјалната мрежа X објави дека вечерата во саботата „била киднапирана од изопачена луда личност која се обидела да го убие претседателот и да убие што е можно повеќе високи функционери од администрацијата на Трамп“.

Ливит, која исто така седеше на ВИП-просторот, рече дека била пренесена на безбедно со Трамп и првата дама Меланија.

„Претседателот Трамп беше навистина бестрашен, но како што рече синоќа, ова политичко насилство треба да заврши“, напиша Ливит.

Мотивот на осомничениот се уште се утврдува од истражните органи, изјави претходно државниот обвинител Тод Бланш. Врз основа на првичните наоди, истражителите претпоставуваат дека цел му биле Трамп и членовите на неговата администрација.

На гала вечерата во Вашингтон со допосниците од Белата куќа, вооружен маж се проби низ безбедносен контролен пункт и испука неклку куршуми пред да биде совладан од безбедносните сили. Трамп и другите гости беа евакуирани од салата.

The post ТОА БЕШЕ ОБИД ЗА УБИСТВО НА ТРАМП И НА НЕГОВИТЕ СОРАБОТНИЦИ Белата куќа за нападот за време на гала-вечерата со новинарите appeared first on plusinfo.mk.

Вооружениот напаѓач на гала вечерата во Вашингтон имал антихристијански ставови, изјави американскиот претседател Доналд Трамп за Фокс њуз.

– Ако го прочитате неговиот манифест, тој ги мрази христијаните, тоа е сигурно, рече Трамп, без да даде никакви дополнителни детали за документот.

Тој го опиша напаѓачот како „болен човек“. Членови на семејството дури и дале информации за антихристијанските ставови на безбедносните власти, рече Трамп.

На гала вечерата во Вашингтон со допосниците од Белата куќа, вооружен маж се проби низ контролен пункт и испука неколку куршуми пред да биде совладан од безбедносните сили. Трамп и другите гости беа евакуирани од салата

Мотивот на осомничениот се уште се утврдува од истражните органи, изјави државниот обвинител Тод Бланш. Врз основа на првичните наоди, истражителите претпоставуваат дека цел му биле Трамп и членовите на неговата администрација.

The post ТОА Е БОЛЕН ЧОВЕК КОЈ ГИ МРАЗИ ХРИСТИЈАНИТЕ Трамп го опиша напаѓачот на гала-вечерата appeared first on plusinfo.mk.

The post 🎥 „КАДЕ Е, КАДЕ Е!“ Погледнете го најдраматичното видео од нападот во Белата куќа appeared first on plusinfo.mk.