Жител на струмичкото село Габрово е приведен откако, според информациите на Министерството за внатрешни работи, предизвикал пожар во својот двор, кој потоа се проширил и на улицата каде што живее.

Инцидентот се случил синоќа околу 22 часот, кога полициски службеници од СВР Струмица го забележале 63-годишниот Б.К. од Струмица, кој престојувал во селото, како го предизвикува пожарот.

На местото веднаш интервенирала екипа на Територијалната противпожарна единица Струмица, која успеала да го локализира и изгасне огнот. Во пожарот нема повредени лица.

По приведувањето, кај мажот било извршено алкотестирање, при што дрегерот покажал 2,04 промили алкохол во крвта.

За случајот е известен јавен обвинител од Основното јавно обвинителство Струмица, а по целосното документирање на настанот против осомничениот ќе биде поднесена соодветна кривична пријава.

The post ПИЈАН СИ ГО ЗАПАЛИЛ ДВОРОТ, ОГНОТ СЕ ПРОШИРИЛ НА УЛИЦА Приведен жител на струмичко село, алкотестот покажал 2,04 промили appeared first on plusinfo.mk.