Нови сведоштва ја откриваат драмата во авионот  на „Флај Дубаи“ кој за околу 30 секунди изгубил приближно 4.300 метри височина – патниците го совладале копилотот и го врзале со тоа што им било при рака.

Еден од преживеаните, Асаф Раџуан, кој учествувал во совладувањето, за i24NEWS раскажа дека немале со што друго да го врзат напаѓачот освен со кабелот од слушалките во кабината, а дека лисиците стигнале дури подоцна.

– На крајот ми дојде идеја да го врземе со кабелот од слушалките во авионот. Тогаш го врзавме, немавме друг избор. Дури потоа ги донесоа лисиците. Тоа ми беше единственото нешто на ум, некако да го врзам за да не прави проблем – вели Раџуан.

Израелецот Јанив Хајун, патникот кој го крена авионот со еден потег на рачката од авионот, додава кон  присеќавајќи се:

– Ми велеше „убиј, убиј ме“.

Раџуан одговора дека тоа бил единствениот јазик што го слушнал од него.

– Тој зборуваше само на англиски. Многу интересно.

Забар меѓу петте херои, имало и „мртов екипаж“

Раџуан и Хајун не биле единствените херои во авионот. Петмина учесници во драмата на летот FZ1073 на „Флај Дубаи“ беа истакнати како клучни за спасувањето на 174 животи.

Индискиот капетан Смит Мачхар, иако тешко повреден, успеал да ја отвори вратата од пилотската кабина, по што патниците Јанив Хајун, Асаф Раџван и Цвика Манес влетале внатре и помогнале да биде совладан и задржан копилотот, а Хајун накратко помогнал и во стабилизирањето на авионот. Д-р Шота Мусаев, стоматолог кој патувал со нив, потоа му укажал прва помош на тешко повредениот капетан и помогнал да се запре крвавењето.

Со авионот до безбедното слетување во Табук управувале двајца пилоти на „Флај Дубаи“ кои во моментот на инцидентот патувале во авионот како обични патници. Тие биле таканаречен „мртов екипаж“ (deadheading crew) — пилоти кои компанијата ги превезувала на друга дестинација за да преземат следен лет. Кога се случил нападот, тие се наоѓале во патничката кабина.

Веднаш откако патниците го совладале насилниот копилот и ја стабилизирале почетната висина, овие двајца пилоти влегле во пилотската кабина, ги презеле контролите од повредениот капетан Мачхар и успешно извршиле принудно слетување во Саудиска Арабија.

Нивните имиња не беа веднаш јавно објавени во првите извештаи поради безбедносни протоколи на компанијата.

„Нејќев да дозволам други да умрат“

Ново сведоштво денеска даде и човекот чиј потег им овозможил на другите да стигнат до пилотската кабина. Избодениот пилот Индиец, Смит Мачар, кој бил прв што му ја отворил врата на Хајун и на преживеаниот сведок беше прогласен за херој од страна на премиерот на Индија Нарендра Моди и од Нетанјаху.

Во разговор со Моди во живо, пилотот раскажа дека веќе бил повреден и лежел на подот кога сфатил дека авионот тоне и дека мора уште еднаш да се обиде да ја отвори вратата.

– Лежев на подот повреден, но си реков да се обидам уште еднаш да ја отворам вратата одвнатре – рече Мачар во видеоповик со индискиот премиер Нарендра Моди.

Тој успеал да ја отвори вратата, по што други луѓе влегле во кабината и помогнале копилотот да биде совладан. Токму отворањето на зајакнатата врата подоцна беше издвоено како еден од клучните моменти во драмата.

– Други влегоа и исто така одиграа улога во контролирањето на ситуацијата. Секако дека се борев за сопствениот живот, но во исто време знаев дека нема да дозволам другите да умрат – рече Мачар.

Летот FZ1073 летал од Дубаи кон Тел Авив кога избувнал инцидентот во пилотската кабина. Авионот испратил сигнал за итна состојба, а потоа и код 7500, кој означува незаконско мешање или киднапирање.

Откако копилотот бил совладан, други пилоти кои се наоѓале во авионот помогнале да се преземе контролата, а леталото безбедно слетало во Табук, во Саудиска Арабија. Мотивот за нападот сè уште официјално не е утврден и истрагата продолжува.

Водоводџијата кој гледал ТВ серии

Американскиот претседател Доналд Трамп подоцна раскажа дека деталите за драмата лично ги слушнал од Нетанјаху. Во неговата верзија посебно место има Израелецот Хајун кој ја кренал рачката на авионот за да го врати на вистина.

Трамп го опиша Хајун како водоводџија и кој влегол во кабината, помогнал во совладувањето на копилотот и потоа ги фатил командите на авионот.

Трамп зборуваше и за можен терористички мотив и поврзаност на копилотот со Иран. Истрагата сè уште не утврдила што стоело зад нападот. Истрагата го идентификува осомничениот напаѓач за жител на Оман.

Хајун и самиот пред Нетанјаху кажа дека ги повлекол командите како што видел во познатото ТВ-шоу „Мејдеј“, пред други пилоти да ја преземат контролата.

„Флај Дубаи“ по инцидентот „Флај Дубаи“ по инцидентот ги суспендираше сите летови кон и од Израел додека трае истрагата. Суспензијата веќе остави околу 1.800 патници без планираните летови, поради што израелските власти одобрија специјални летови за нивно враќање од Дубаи.

The post 📽️ ГО ВРЗАЛЕ КОПИЛОТОТ НА „ФЛАЈ ДУБАИ“ СО КАБЕЛОТ ОД СЛУШАЛКИТЕ, ДУРИ ПОТОА СО ЛИСИЦИ Избодениот пилот Индиец откри зошто ја отворил вратата appeared first on plusinfo.mk.