The post ДАЛИ 2025 Е ТАКВА КАКВА ШТО ЈА ЗАМИСЛУВАА ПРЕД 100 ГОДИНИ? Дел од технолошките пророштва се чинат исполнети appeared first on plusinfo.mk.

Јапонската компанија Science Corporation го привлече вниманието на посетителите на Саемот за здравствена заштита во Осака, одржан во рамките на Експо Осака-Кансаи 2025, презентирајќи иновативен уред наречен Мираи Нинген Сентакуки – што се преведува како „машина за бањање луѓе“.

Овој футуристички изум ветува дека ќе им овозможи на луѓето целосно да се исчистат и исушат за само 15 минути, со искуство слично на спа третман. Уредот користи напредни млазови вода и микроскопски меурчиња кои ги отстрануваат нечистотиите од кожата, додека системот за вештачка интелигенција го персонализира циклусот на перење според типот на кожа на корисникот и физичките параметри.

Како функционира?

Корисникот влегува во полупроѕирно јајце, кое е наполнето до половина со топла вода.
Млазовите на вода со голема брзина ослободуваат микроскопски меурчиња кои пукаат при контакт со кожата, отстранувајќи ги нечистотиите.

Технологијата за вештачка интелигенција ги следи виталните знаци и автоматски ја прилагодува температурата и притисокот на водата за максимална удобност.

Уредот, исто така, се фокусира на менталната благосостојба: ја анализира емоционалната состојба на корисникот и проектира смирувачки визуелни ефекти во капсулата за да го направи процесот релаксирачки.

Овој изум претставува фузија на хигиена, технологија и ментална релаксација, истакнувајќи го иновативниот дух на Јапонија и нивниот пристап кон футуристички решенија за секојдневниот живот.

The post 🎥 ЈАПОНЦИТЕ НАПРАВИЈА МАШИНА ЗА ПЕРЕЊЕ ЛУЃЕ – БЕЗ ЦЕНТРИФУГА! Темелно го чисти и го суши корисникот за 15 минути appeared first on plusinfo.mk.

Околу 100 вработени на позната автомобилска компанија Тојота наесен треба да се вселат во футуристичкиот „Плетен град“ кој компанијата го гради за нив. Тој број треба да се зголеми на вкупно 360 лица во првата фаза, пред населението да достигне 2.000 луѓе.

Во „Плетен град“ жителите ќе тестираат нови автономни возила и решенија за мобилност. Улиците ќе бидат поделени во три ленти, една за автономни возила, друга за велосипеди и трета за обични автомобили. Зградите од дрво се протегаат на простор од 70 хектари широк 150 метри.

Жителите ќе бидат познати како Ткајачи, а ќе им се придружат и Пронаоѓачи кои „ќе ја делат обврската да работат за некој друг освен за себе“. Тие ќе бидат фокусирани на развој, тестирање и оценување на иновативни производи и услуги.

Сите станови имаат тераси, а зградите на врвот ќе имаат соларни панели.

Многу од овие „пронаоѓачи“ ќе доаѓаат од Тојотa или од компании кои се дел од Тојота груп. Ќе има и такви кои „создаваат нова вредност преку иновативни концепти за автомати“, други ќе ја истражуваат културата на храната и „футуристичките кафеански искуства“.

Тојота ја започна изградбата во 2021 година со цел да се трансформира поранешната фабрика Хигаши-Фуџи Тојота во Сусоно Сити, Јапонија. Локацијата е претворена во комплекс со корпоративен дел, додека другиот дел е за заедницата.

The post 📽 ФУТУРИСТИЧКИОТ ГРАД НА ТОЈОТА НАЕСЕН ЌЕ ДОБИЕ ЖИТЕЛИ Компанијата најде полигон за тестирање автономни возила appeared first on plusinfo.mk.

Иднината е веднаш зад аголот, но светот немаше да се движи толку брзо кон нови промени ако не се случеше корона-пандемијата која го зголеми присуството на интернет до тој степен што некои работи станаа нормални да ги правиме дигитално, токму онака како што предвидуваат футуристите.

Порталот Политико наведува 17 нешта со кои пандемијата ги смени САД, а ние издвојуваме девет од тие промени кои важат и за Македонија.

mRNA вакцините ја „апдејтираа“ медицината

Короната го промени начинот, но и времето за кое ги изработуваме вакцините. Не само што вакцините беа издадени во рекорден рок, поради очекувањата од јавноста туку и беа популаризира таканаречените mRNA вакцини. За разлика од традиционалните вакцини кои работат со ослабена варијанта на вирусот која се инјектира во телото, mRNA вакцините се подиректни, испраќајќи ги само упатствата до клетките на пациентот за да произведат имунолошки одговор без да го вклучуваат самиот вирус. Фајзер Бајонтек е една од најпознатите вакви вакцини.

Освен што вакцините брзо беа произведени, тие брзо мораа да бидат менувани и „надградени“ за новите соеви. Ова доведе и до пропратни сознанија во медицината.

Зум-настава и останати платформи

Онлајн-наставата им зададе главоболки и на родителите и на децата, но и на студентите по факултетите. Наставниците првпат дојдоа во контакт со Zoom-платформи, a имајќи предвид дека некои од нив не беа љубители на технологија, сега тие се многу поспремни не само да предаваат, туку преку Zoom и да им цртаат, да им пуштаат едукативни видеа или графикони на своите ученици.

Онлајн-достава во Македонија, со роботи во САД

Короната не натера да купуваме и да нарачуваме онлајн, со онлјан-достава, дури и на најосновните прехранбени продукти, па македонските супермаркети беа преплавени со нарачки. Како резултат, многу мали бизниси имаат онлајн-достава денес.

Во САД, Starship Technologies, еден од првите пионери на роботите за испорака има над 1.000 роботи низ целата земја, што е речиси четирикратно од бројот со кој започнаа пред пандемијата и остварува околу 10.000 испораки дневно. Единствениот предизвик со кој се соочува компанијата е производство на роботи доволно брзо за да се задоволи побарувачката.

Директна парична помош и „цркавица“

Пандемијата предизвика државите низ светот да донесат итни мерки, а најпопуларната и најдиректната е … директната парична помош. Но, како ова нѐспрема за иднината? Па, се претпоставува дека како во иднина роботите и вештачката интелигенција ќе ги заземаат нашите работни места и сè повеќе луѓе ќе остануваат на улиците, мерката за Универзален Базичен Приход, или „цркавица“ од минална сума пари за секој граѓанин ќе стане редовна пракса. Некои држави во светот веќе прават експерименти со оваа идеја.

QR-кодовите се новите бар-кодови

Иако QR-кодовите не се проверуваат редовно при влез и излез од затворени простории во Македонија, ниту пак апликацијата на Министерството за здравство не е соодветна за сите мобилни телефони, сепак Македонците, но и многумина низ светот почнаа масовно да користат QR-кодови: за купување онлајн-карти, за регистрација на Вајбер и за многу други онлајн-сервиси клучот се овие кодови, кои веројатно ќе ги заменат бар-кодовите во супермаркетите.

Од онлајн-работа никој не сака да излезе од дома

Многу бизниси во короната успеаја да работат од дома, иако не беа скроени за тоа. Многу газди и вработени научија трикови, нови програми за од дома да ги вршат истите нешта. И сега, кога пандемијата е пред некаков крај, вработените во најголемите светски компании нејќат назад. За да ги намамат газдите смислуваат секакви погодности. Тоа се случуваше и се случува и во Македонија.

Почисти и побезбедни ресторани

Услужните дејности веројатно беа и се едни од најпогодените во короната. Газдите мораа да смислат начини како ќе ги убедат луѓето дека нивното кафуле, бар или ресторан е доволно чист и безбеден да се справи со короната. Короната ги тера бизнисите да бидат поуслужни за да привлечат повеќе луѓе, поради фактот што во пандемија помалку се оди на кафе. Секако, пандемијата ги отвори и дебатите за недостигот од келнери во земјата.

Онлајн-здравство

Правиме брзи тестови за коронавирус, сами читаме дали и со која вакцина да се „боцнеме“, закажуваме онлајн за тестирање, сами ги симнуваме вакциналните сертификати од веб-страниците. Македонија е речиси спремна за дигитално здравство, а од неодамна се користи и МојТермин.

САД се малку понапред. Таму пандемијата направи услугите целосно да се нудат онлајн, во т.н. телездравство или здравство од дома. Голем дел од овие мерки сè уште се на сила во земјата и се популарни до степен што огромен луѓе сега претпочитаат некој да ги лечи од дома, а да се консултират преку СМС или онлајн. Пред пандемијата, во САД ова го користеле само пациенти од рурални места кои не можеле да дојдат во градовите.

Земјите се опуштија во врска со канабисот

Индустријата за канабис доби легитимитет во раните денови на кризата со коронавирусот. Во САД 18 држави ги прогласиле бизнисите со канабис „суштински“, дозволувајќи им да работат за време на локдаунот. Некои држави почнале и да дозволуваат испорака на марихуана дома и подигање покрај тротоарите за прв пат. Многу од тие држави сега сакат да ги направат тие промени трајни.

Оваа промена веројатно ќе остане во иднината бидејќи во марихуаната има профит, но и одредени бенефити за луѓето.

The post ДЕВЕТ НАЧИНИ НА КОИ КОРОНАТА НЀ СПРЕМИ ЗА ИДНИНАТА Сè правиме онлајн, а ни се сменија и ставовите appeared first on plusinfo.mk.

Ново футуристичко летачко одело со пет турбини на гас ќе можат да користат британските војници и да летаат на 3.500 метри над земјата со брзина до 120 километри на час, пишува ДејлиМејл. Видете како изгледаше првиот лет на војник во светот:

Ричард Браунинг, основач на Gravity Industries, често нарекуван „вистинскиот Железен човек“ поради неговите изуми, го тестираше своето одело на собирот „Army People Conference“ во Фарнборо. Во текот на летањето, Браунинг полета слета на хаубата на блискиот џип и на покривот на кабината на камионот пред да одлета на еден балкон полн со воени набљудувачи.

Многумина од присутните ја искористија можноста да се фотографираат со сега познатиот „Jet Man“ во акција.

The post БРИТАНСКИТЕ ВОЈНИЦИ БУКВАЛНО ЌЕ МОЖАТ ДА ЛЕТААТ Футуристичко одело лебди 3.500 метри над земјата (ВИДЕО) appeared first on plusinfo.mk.