Големата евакуација на Халкидики се префрли и на море. Туристите и жителите се извлекуваат со бродови од подрачјето погодено од пожарот кај Сивири и Фурка.

Повеќе од 347 лица веќе се безбедно пренесени до марината Сани, објавија грчките медиуми.

Уште околу 92 лица се качиле на бродот „Спидранер џет“.Во поморската операција се вклучени два брода на крајбрежната стража и два на противпожарната служба. Помагаат и приватни пловила, три рибарски и еден туристички брод.

Истовремено продолжува евакуацијата и по копно. Автобуси се упатени кон Сивири и кон Фурка за да ги преземат граѓаните и туристите.

„Автобусите на автобуската служба на Халкидики брзаат кон Сивири и Фурка за да ги земат граѓаните поради големиот пожар што гори во областа“, објавија грчките медиуми.

Во акцијата за гаснење на терен се ангажирани 122 пожарникари, меѓу кои три специјализирани тимови за шумски пожари, како и 41 противпожарно возило. Од воздух интервенираат дури 9 авиони и 7 хеликоптери (од кои еден има координативна улога). Како поддршка во операцијата се вклучени и цистерни на локалните власти и тешка градежна механизација. Преку грчкиот систем за итни предупредувања „112“ беше испратена порака до сите што се наоѓаат во Сивири со насоки за итна евакуација кон Мола Калива.

Познатиот македонски композитор Дарко Димитров за порталот Црнобело испрати снимки од пожарот од Сивири. Тој вели дека пораките за евакуација се добиени, но дека има гужва на главниот пат. 

Според снимките, пламените јазици стигнале прилично блиску до куќите во местото. Жителите на Сивири и во Фурка денеска добиле СМС пораки за евакуација од бројот 112. 

ДАРКО ДИМИТРОВ СВЕДОЧИ ЗА ПОЖАРОТ НА ХАЛКИДИКИ „Ни рекоа да се евакуираме, но по патиштата е гужва“

The post 📽️ ТУРИСТИТЕ НА ХАЛКИДИКИ СЕ ЕВАКУИРААТ СО БРОДОВИ ОД ПОЖАРОТ Автобусите брзаат кон Сивири и Фурка за да ги земат граѓаните appeared first on plusinfo.mk.

Пожарот во валандовско Грчиште, кој избувна вчера попладне, утринава повторно се активирал поттикнат од силниот и топол ветер и во моментот е зафатена голема површина при што пожарот е распространет во два огнени крака од кои едниот се движи кон селата Казан Дол и Фурка, а вториот кон општина Богданци, соопштија попладнево од Центарот за управување со кризи (ЦУК).

Во гаснењето се ангажирани повеќе од 50 лица, а градоначалникот на Валандово, Перо Костадинов побарал воздушна поддршка за гаснење на пожарот, но како што информираат од ЦУК биле известени од МВР дека заради технички причини не можат да обезбедат хеликоптерска поддршка.

„Дополнително ЦУК достави барање и до Дирекцијата за заштита и спасување (ДЗС), но до овој момент сè уште нема одговор. Паралелно, испратено е и барање до Генералштабот на Армијата за можност за ангажирање воздушна поддршка и се очекува одговор и од нивна страна“, се наведува во соопштението од ЦУК.

Оттаму додаваат дека станува збор за сериозен пожар кој зафаќа голема површина со населени места од расфрлан тип, што претставува потенцијална закана за животот и здравјето на населението, како и за објекти, имот и инфраструктура во регионот зафатен од пожарот.

The post ПОЖАРОТ ВО ВАЛАНДОВСКО ПАК СЕ РАЗГОРЕ Се шири на голема површина кон Фурка и кон Богданци appeared first on plusinfo.mk.

Сува трева и ниски грмушки горат на две нови локации во земјава – кај селото Марвинци во Валандово и кај дојранското село Фурка, информираат од Центарот за управување со кризи (ЦУК). Оттаму велат дека кај селото Марвинци интервенирале двајца пожарникари со едно противпожарно возило од единицата во Валандово.

Во гаснењето на пожарот кај дојранското село Фурка, пак, интервенираат пожарникари од Гевгелија и Дојран и на него се интервенира со две противпожарни возила и шест пожарникари.

Во валандовско Марвинци хеликоптер исфрла вода.

Од ЦУК велат дека испратиле барање до Министерството за внатрешни работи (МВР) и Дирекцијата за заштита и спасување (ДЗС) за воздушна поддршка при гаснење на пожарот.

Претходно до Центарот за управување со кризи информираа дека до 13 часот на територијата на земјата биле евидентирани вкупно 10 пожари на отворен простор, од кои активни се четири.

Сува трева и мешана шума гори во прилепското село Бешиште, а во Општина Кавадарци, во селото Катуниште гори ниска вегетација и трева. Во Општина Новаци гори шума во селото Градешница, а ниска вегетација гори во ресенското село Грнчари, велат од ЦУК.

The post 📽️ ГОРИ КАЈ МАРВИНЦИ И ФУРКА, СЛУЖБИТЕ СЕ НА ТЕРЕН Хеликоптер го гасне пламенот во валандовско appeared first on plusinfo.mk.

Шумскиот пожар во планината помеѓу с. Вапила и с. Расино, Охридско, е се уште активен. Гори деградирана шума. Досега се опожарени околу 12 хектари површина.

– Пожарот гори на три страни и се прават напори за негово обиколување, но поради тешкиот терен гасењето оди отежнато- велат од ЦУК.

Од ЦУК информираат и за пожари кај селата Никуштак каде што гори борова шума и сува трева  и Доброшинци, каде што  гори депонијата.

Екипи на противпожарната единица од Кичево гаснат пожар и во село Другово каде што гори плевна, а е непотврдено дека е зафатена и една куќа.

The post ПОЖАРОТ КАЈ СЕЛО ФУРКА Е ЛОКАЛИЗИРАН Во охридско има активен пожар меѓу селата Вапила и Расино appeared first on plusinfo.mk.

Пожарот кај селото Фурка и браната Паљурци, помеѓу општините Дојран и Богданци се уште е активен. Од изутрината координирано дејствуваат пожарникари и вработени на шумските стопанства од Гевгелија, Дојран, Кавадарци, Валандово и Струмица, информираат од ЦУК.

Поради зголемените дневни температури, интензитетот на пожарот и точките на горење се зголемија во средината на денот, заради што беше побарана, преку Центарот за управување со кризи (ЦУК), воздушна поддршка. Испратен е еден хеликоптер од Министерство за внатрешни работи кој дејствува зедно со авионот „ер трактор“ од Дирекцијата за заштита и спасување.

Ако има потреба од дополнителна воздушна поддршка, ќе биде побарана помош од Армијата, велат од ЦУК.

Активен пожар има и кас охридското село Расино. Гори дабова и борова шума, а огнот го гасат екипи од ТППЕ Охрид.

The post ПОЖАРОТ КАЈ ФУРКА ПАК СЕ РАЗГОРЕ Го гасат „ер тракторот“ и полициски хеликоптер appeared first on plusinfo.mk.

Како што информира Центарот за управување со кризи (ЦУК), утрово околу 5 часот на терен се излезени околу 40 до 50 луѓе од ТППЕ-Гевгелија, Дирекцијата за заштита и спасување (ДЗС) -Валандово, ЈПНШ Подружница Кожув и локалното население.

Од ЦУК посочуваат дека се ангажирани Територијалната противпожарна единица (ТППЕ) Гевгелија со 10 до 14 пожарникари и три противпожарни моторни возила, доброволно противпожарно друштво Дојран со четири лица и едно возило, „Комуналец“ – Гевгелија со една цистерна и двајца вработени за дотур на вода, Комунално Дојран со две возила и 10 вработени, Јавното претпријатие Национални шуми – Подружница „Кожув“ – Гевгелија со две возила и 10 вработени,ТППЕ Кавадарци со 2 противпожарни возила и осум пожарникари, ТППЕ Валандово со едно противпожарно возило и тројца пожарникари, Дирекција за заштита и спасување (ДЗС) -Валандово со едно возило и пет членови на тимот за брз одговор, МВР ПС Гевгелија со две патролни возила и ТППЕ Струмица со едно возило и 4-5 лица.

Во последните 24 часа се изгаснатаи 12 пожари во земјава.

Во Струмица, кај селата Ангелци и Вељуса гореше стрниште, кое е изгаснато со две противпожарни возила и шест пожарникари.

Во Валандово, кај село Пирава гореше деградирана шума. Пожарот е изгаснат од ТППЕ Валандово со шест пожарникари и две возила и од ЈПНШ Подружница Саланџак-Валандово, со шест вработени и две возила.

Во радовишките села Ињево и Воиславци гореше стрниште, а пожарот е изгаснат со две противпожарни возила и пет пожарникари.

Кај селата Житоше и Борино имаше шумски пожар на нискостеблеста деградирана дабова шума, кој е изгаснат со еднопротивпожарно возило со четири пожарникари, тројца вработени во ЈП Национални Шуми, подружница Липа – Крушево и четири лица од месното население.

Изгаснат е пожарот на депонијата во Крушево со едно противпожарно возило и двајца пожарникари.

РЦУК – Штип информира дека пожарот на стрниште кај месноста викана Лезовски Кантон е изгаснат со едно противпожарно возило и тројца пожарникари.

Изгаснат е и пожарот во општина Јегуновце, во кој беше зафатена покривната конструкција и еден кат од куќа во село Орашје. Пожарот е изгаснат со три противпожарни возила и 12 пожарникари.

Во Тетово гореше сува трева и ѓубриште до стариот објект на Воспитно-поправниот дом Тетово. Пожарот е изгаснат со две противпожарни возила и четири пожарникари.

Со едно противпожарно возило и тројца пожарникари изгаснат е пожарот на стрништето во село Романовце, Кумановско.

Во општина Кичево, село Ложани гореше стрниште. Пожарот е изгаснат со едно противпожарно возило и тројца пожарникари.

Пожарот кој почна вчера во село Гајре, општина Тетово е целосно локализиран во 14:40 часот од страна на ТППЕ Тетово со две противпожарни возила и шест пожарникари.

Изгаснат е пожарот кај стариот пат од Тетово кон Желино, каде гореше сува трева и ѓубре. Во гаснењето се вклучија ТППЕ Тетово со едно противпожарно возило и четворица пожарникари.

Во село Челопек, Општина Брвеница од мали деца, од невнимание, било запалено балирано сено. Се интервенирало со две противпожарни возила и пет пожарникари.

The post АКТИВЕН Е ПОЖАРОТ КАЈ ФУРКА Гори шумата кон Богданци appeared first on plusinfo.mk.

The post СЕ ВКЛУЧИ И АРМИСКИ ХЕЛОКОПТЕР Пожарот кај Фурка се шири appeared first on plusinfo.mk.