Собранието вечерва во рамки на 89. седница без расправа го донесе пакетот закони со кои се нивелираат платите на избраните и именуваните лица. Со овие закони се предвидува намалување на платите до 13.000 денари. Пратениците ги изгласаа измените на Законот за пратениците, на Законот за плата и други надоместоци на избрани и именувани лица, на Законот за платите на јавните обвинители, на Законот за платите на судиите, на Законот за платите на членовите на Советот на јавните обвинители на Република Македонија и на Законот за платите на членовите на Судскиот совет на Република Македонија.

Со овие закони, како што образложи претходно денеска еден од предлагачите на законските измени пратеникот на ВМРО-ДПМНЕ Бојан Стојаноски, се воспоставуваат реални висини на платите. Стојаноски објасни дека со овие предложени решенија се врши интервенција во коефициентите и дека ова законско решение е во согласност со Уставот и не може да биде обжалено пред Уставниот суд.

– Со овие предложени решенија се врши интервенција во коефициентите, со што се обезбедува национално користење на средствата од Буџетот на Република Македонија. Ова законско решение е во согласност со Уставот и е единствено законско решение коешто може да влезе во уставната рамка и потоа да не биде обжалено на Уставниот суд. Со овие измени одредени позиции се намалуваат коишто се во следниов правец: за пратениците и функционерите во извршната власт ги намалуваме коефициентите со што директно го кратиме буџетскиот товар, за судиите и јавните обвинители предвидуваме усогласување на коефициентите со цел нивните плати да бидат во корелација со реалните економски можности на државата, додека за градоначалниците предлагаме нова скала на коефициенти, зависно од бројот на жители во општините. Доколку овие измени денеска бидат усвоени во Собранието, платите ќе се нивелираат со што значи на сите овие функционери коишто се под овие шест закони, платата ќе се намали од 10 до 13.000 денари – рече Стојаноски.

Во вечерашново продолжение зборуваше само пратеникот Скендер Реџепи кој рече дека во земјава има лоши услови за живот, а Владата, како што рече, ставила во план за себе да обезбеди нов авион вреден 100 милиони евра. Според него, популизам е намалувањето на платата на пратениците. Предложи онолку колку што ќе се намали платата на пратениците за толку да се зголеми платата на граѓаните.

На 89. седница без расправа беа донесени и измените на Законот за ветеринарно здравство и измените на Законот за идентификација и регистрација на животните.

Со 64 гласа „за“, без ниту еден против и без воздржан беше донесен Предлог- законот за дополнување на Законот за реализација на инфраструктурни проекти за изградба на патна делница Миладиновци – Штип и патна делница Кичево-Охрид.

The post ДО 13.000 ДЕНАРИ ПОМАЛКУ ЗА ФУНКЦИОНЕРИТЕ Експресно изгласан пакетот закони за намалени плати appeared first on plusinfo.mk.

Премиерот Христијан Мицкоски денешната средба со Синдикатот на работниците од управата, правосудните органи и здруженијата на граѓани (УПОЗ) ја оцени како конструктивна, посочувајќи дека пред претставниците на синдикатот биле презентирани условите и правилата под кои Владата е подготвена да оди кон зголемување на платите на административните службеници за вкупно 40 проценти.

Мицкоски истакна дека сега се очекува одговор од синдикатот дали го прифаќа предлогот на Владата.

– Имаме два репрезентативни синдикати кои се дел од Економско-социјалниот совет и кои ги застапуваат правата на работниците. Денеска имавме состанок со УПОЗ, односно синдикатот на административците, кој е гранка на ССМ. Пред околу десетина дена имавме состанок и со втората репрезентативна синдикална група од КСС. Станува збор за два репрезентативни синдикати – изјави Мицкоски во интервју за Дневникот на МРТ.

Во однос на денешната средба со УПОЗ, премиерот појасни дека Владата ја понудила истата рамка за која претходно говорел и во јавноста.

– Ги поставивме условите и правилата под кои сме подготвени да го движиме процесот напред. Како и претставниците од КСС, така и од УПОЗ најавија дека ќе се консултираат со своето раководство и во текот на денешниот или утрешниот ден ќе нѐ информираат – рече Мицкоски.

Доколку има согласност, според премиерот, во недела би следело финализирање на договорот, а од понеделник започнување на подготовката на таканаречениот темплејт – примерок за индивидуален синдикален договор, кој потоа би се усвојувал по институции.

– Исплатата на платите би започнала од април за мартовската плата, со осумпроцентно зголемување на збирот од сегашната плата и растот на минималната плата што треба да се нивелира. Истата формула би се применувала и во 2027 и 2028 година. Тоа значи дека за околу две години и неколку месеци, административните службеници кои досега немале зголемување ќе имаат најмалку 40 проценти повисоки плати во однос на денешното ниво – нагласи Мицкоски.

Во однос на иницијативата на ССМ поднесена до Собранието за намалување на платите и надоместоците на функционерите, премиерот оцени дека таквиот пристап е неуставен и веќе бил поништен во минатото.

– Ваков тип интервенции претходно беа оценети како спротивни на Уставот. Тогаш следеше одлуката со која платите на именуваните и избраните лица се зголемија за 78 проценти – потсети Мицкоски.

Тој појасни дека стратегијата на Владата е преку уставен и законски пат, постепено да се намалуваат коефициентите на именуваните и избраните лица, со цел до крајот на мандатот, во 2028 година, нивните примања да се вратат на нивото пред одлуката на Уставниот суд.

– Тоа е единствениот уставен начин. Овој предлог што сега се нуди е неуставен, популистички и полн со политиканство, а најмалку ги штити интересите на работниците – порача премиерот.

The post 40 ПРОЦЕНТИ ПОВИСОКИ ПЛАТИ ЗА АДМИНИСТРАТИВЦИТЕ Зголемување од 8 проценти уште од март appeared first on plusinfo.mk.

Таа не е ни критизерство.

Таа е само симптом на зголемена киселост во душата на лузерот.

Појавност што одразува тажна состојбата на духот.

Само пакост и злоба.

Малициозноста не е аргумент. Ама баш за ништо.

Премиерот и пет министри потрошиле 20.000 евра за авиобилети за бизнис класа, за патувањето на Самитот на НАТО. СДСМ сака да ни ја продаде шарената лага дека тоа било аргумент за некакво „луксузирање“ на новата влада.

Има илјада начини да се разбие овој наводен аргумент. На пример, тие 20.000 евра да се споредат со стотиците илјади евра потрошени за приватните журки на СДСМ и на ДУИ за време на нивното владеење.

Но, навистина нема потреба од такви експликации. Нема потреба да се објаснува она што може да го разбере секој нормален и пристоен човек, секој што поразот на СДСМ и на ДУИ не го доживува како лична трагедија. Доволно е само да се повтори дека малициозноста не е аргумент.

Премиерот и министрите треба да патуваат во бизнис класа, во авионите и во другите превозни средства. Тоа е факт.

Скапите авиобилети не се луксузирање, туку сосема обратно – можност за штедење на народните пари. Тоа е аргумент.

Звучи нелогично? Да, ама само за малициозните и за тие што се ложат на евтин популизам.

Оние другите можат да се информираат дека патувањето со бизнис класа на патниците им нуди услови и за работа за време на летот и за квалитетен одмор, после кој се спремни и орни за работа. Така многу деловни луѓе, но и обични смртници, кои се принудени или едноставно сакаат да патуваат, ги скратуваат „празните одови“ и времетраењето на своите патувања и така штедат на хотелски трошоци, на скапи и заморни трансфери од аеродромите до своите дестинации и слично.

Ова е аргументирање.

И не е баш нуклеарна физика, другарчиња од СДСМ. За сето ова може да се прочитаат стотици статии, да се научи нешто, а богами и да се искуси.

Како што не е некоја голема „филозофија“ да се сфати дека и „пискотниците од Галичник до Река“, за наводно безобразно високите плати на премиерот, на министрите и на други државни функционери, се само обичен популизам.

И малициозност, секако. Злоба и пакост.

Нема потреба да се докажува спротивното.

Премиерот и министрите во Македонија имаат прескромни плати – првиот меѓу еднаквите само 2.280 евра, а другите по 1.780 евра. Тоа е факт.

Кон овие плати веројатно треба да се пресметаат и разни додатоци, но сето тоа сепак е во рамкита на една, според мене, неприфатлива и непродуктивна, наследена скромност. Тоа е аргумент.

Да, има и безобразно високи „функционерски плати“, но тие треба да се бараат на други места, во некои скриени управни одбори и јавни институции чиишто имиња деновиве и јас првпат ги слушам, каде што некои луѓе нишаат врати и земаат дебели плати.

Инаку, општо земено, лага е дека функционерите во Македонија се прескапо платени. Иако, се разбира, би се согласил со тоа дека според учинокот на некои џаболебари, дури и минималец од 400 евра месечно е превисока плата.

Сево ова е аргументирање. Можеме и повеќе од тоа, но за умните – доволно е.

Како и да е, муабетот ми беше дека СДСМ навистина паднал на ниски гранки, штом се обидува на ваков начин да конституира критички дискурс кон новата власт.

Тоа веќе не врви. Не кај нормалните луѓе. И секако не од СДСМ, од кралевите на скандалите.

Од авион се гледа дека сево ова е само фрлале шашми, плус малку евтино морализирање и лигавење.

Некој ќе рече, од кого е и многу е, од д еден ваков распаднат СДСМ не може да се очекува повеќе.

Јас не мислам така. Морам да кажам дека сметам на здравите сили во СДСМ – а такви луѓе има – од кои очекувам да се изборат најмоќната опозициска партија да оформи здрав и силен критички однос кон целокупната стварност.

Тоа би било еден радикален дисконтинуитет со досегашната лузерска политика на партијата која од некогашните 500.000 гласови изборна поддршка се урниса на помалку од 200.000.

Сепак, за да се случи тоа што го посакувам и мислам дека е важно за Македонија, метлата мора прво да заигра во дворот на СДСМ.

Со вака „креирани“ шашми кои некој сака да ги нарече „политики“, на следните локални избори СДСМ ќе се доближи до границата од 100.000 гласови.

Запомнете го ова што ви го велам, другарчиња драги.

Да, вие од вистинската „бизнис класа“.

Вие, црвените.

The post Малициозноста на СДСМ не е аргумент, ама баш за ништо! appeared first on plusinfo.mk.

Со ова, ќе се стопира растот на платите на избраните и именуваните лица, но им останува минатогодишното зголемување од 78 проценти.

Со законските измени се опфатени околу 1 060 избрани и именувани лица како што се претседателот, пратениците, министрите, судиите, јавните обвинители, членовите на Судскиот совет и на Советот на јавни обвинители.

Предлог-измените ги поднесе пратеничката група на СДСМ, а вчера на ваквите најави реагираа од Здружението на судии, Судскиот совет и Здружението на јавни обвинители.

За платите на функционерите кои се именувани директно од Владата и не се опфатени со законските промени, се разгледува законска можност за интервенција со владина одлука, а според вицепремиерот за економски прашања Фатмир Битиќи тоа може да се направи и од управните и надзорните одбори.

ДОБИЈА ПОКАЧУВАЊЕ ОД 78%, СЕГА ПЛАЧАТ ЗА УШТЕ 15% Платите на функционерите ќе замрзнат ама со вклученото зголемување

The post ИЗМЕНЕТИ ШЕСТ ЗАКОНИ ЗА ДА СЕ ЗАУЗДААТ ФУНКЦИОНЕРСКИТЕ ПЛАТИ Ланското покачување од 78% им остана, со здравје да си го трошат appeared first on plusinfo.mk.

Премиерот Димитар Ковачевски денеска изјави дека министрите за труд и социјална политика, за финансии, за администрација и информатичко општество, за правда и вицепремиерот за економски прашања веќе работат на сите опции во однос на платите на функционерите.

– Штом ќе бидат готови анализите, ќе се произнесат на владина седница, рече Ковачевски.

Премиерот Ковачевски, одговорајќи на новинарски прашања на денешното отворање на нова форензичка лабораторија во МВР, рече дека за тоа прашање треба да се земат предвид сите аспекти на независните власти во државата.

– Оваа проблематика е веќе регулирана во седум закони, не само во еден, и ќе мора да ги имаат во предвид сите аспекти на независните власти во државата во однос на регулирањето на платите и во однос на моделот којшто ќе биде применет. Штом ќе бидат готови со анализите и со предлогот ќе дојдат министрите на владина седница и ќе можат да се произнесат и потоа предлогот да биде испратен до Собрание – рече Ковачевски.

The post ЗА ДА СЕ „ЗАУЗДААТ“ ФУНКЦИОНЕРСКИТЕ ПЛАТИ ТРЕБА ДА СЕ СМЕНАТ 7 ЗАКОНИ!? Премиерот Ковачевски вели дека „се работи на случајот“ appeared first on plusinfo.mk.

Партијата Левица смета дека со Одлуката на Уставниот суд, со која платите на функционерите се покачија за неверојатни 78%, настанала забуната и некоректно толкување на членот 11 од Законот.

Министерството за финансии, во циркуларна порака до буџетските корисници, им наложува формулацијата „просечна исплатена месечна плата” да ја толкуваат како бруто-плата по работник. Подоследна интепретација на оваа фраза е таа да се толкува дека истата се однесува на нето-плата по вработен од ланската година, според податоците на Држваниот завод за статистика, при што, во овој случај, ќе стане збор само за „одмрзнување“, а не и за зголемување на функционерските плати.

Заради доследна и јасна примена на одредбата од посочениот закон, како и заради обезбедување на правна сигурност на граѓаните, Левица бара ваквата законска норма да се однесува на нето, а не на бруто-плата на вработен.

„Во услови на растечка сиромаштија и зголемена класна раслоеност, недозволиво е функционерите да бидат привилегирани во однос на обичните граѓани. Апелираме оваа наша иницијатива конечно да наиде на добра волја кај парламентарното мнозинство и за разлика од негативните примери во минатото, кога низа анти-естаблишментски предлози на Левица беа одбиени, конечно Парламентот да почне да работи во интерес на сите граѓани“, соопшти Левица.

The post ЗАКОНОТ ПОГРЕШНО СЕ ТОЛКУВА, ФУНКЦИОНЕРСКИТЕ ПЛАТИ СЕ БЕЗОБРАЗНО ВИСОКИ Левица бара автентично толкување на член 11 од Законот appeared first on plusinfo.mk.

Претседателите на државата, на Собранието и на Владата за неколку дена ќе добијат повисоки плати за околу 70.000 денари. Платите на претседателот на Уставниот суд и на потпретседателите на Собранието ќе бидат повисоки за околу 60.000 денари, а на министрите и пратениците за околу 56.000 денари.

Највисока априлска плата ќе земе спикерот Талат Џафери – 2.700 евра (166.207 денари). Само 25 евра помалку (164.817 денари) ќе биде платата на претседателот Стево Пендаровски, кој изјави дека е „невкусно во време на економска криза да се покачуваат платите кои се исплаќаат од државниот буџет“.

Премиерот Димитар Ковачевски ќе земе 156.482 денари или 2.540 евра.

Еве го инфографикот на РСЕ со највисоките функционерски плати:

The post ТАЛАТ ЏАФЕРИ ДА ЧАСТИ, АПРИЛСКАТА ПЛАТА ЌЕ МУ БИДЕ 2.700 ЕВРА На Пендаровски ќе му биде малку „невкусно“, ама ќе лапне 2.675 евра appeared first on plusinfo.mk.