Потпретседателот на Демократската унија за интеграција, Бујар Османи, вечерва преку објава на социјалните мрежи ја потврди кандидатурата за градоначалник на Општина Чаир на претстојните локални избори.

„По голем број консултации, по сериозно преиспитување, одлуката ја донесовме заеднички со луѓето кои се околу мене, да ја понудам мојата посветеност и да ја побарам довербата за да ја предводам нашата општина. Не се работи за функција, тие кои ме знаат, добро знаат дека сè што правам, во секој предизвик, влегувам искрено, влегувам целосно, без никакви задршки. Се работи за одговорност кон сопствениот дом, затоа што граѓаните на Чаир не заслужуваат да живеат во супстандардни и небезбедни услови, не заслужуваат да бидат игнорирани и омаловажувани“, пишува во објавата.

Промените, додава, не се лесни и затоа долго размислувал пред да ја донесе одлуката да се кандидира за градоначалник.

„Се работи за моите соседи, за нас, за иднината на нашите деца; го прифаќам предизвикот затоа што онака како што пораснав јас во Чаир, сакам тука да растат и Мал, и Елиза и малиот Луан и нивните другарчиња. На Чаир му се потребни промени вистински, длабоки и човечки промени. Знам дека тие промени не се лесни, и затоа долго размислував пред да ја донесам оваа одлука. Јас не бегам од тешки мисии, напротив, верувам дека со чесна намера, секојдневна работа и професионален пристап, можеме да го промениме Чаир. Да го вратиме достоинството и да отвориме нова страница, со врата што никогаш нема да биде затворена за граѓаните“, пишува Османи.

The post НЕ СЕ РАБОТИ ЗА ФУНКЦИЈА, ТУКУ ЗА ОДГОВОРНОСТ КОН СОПСТВЕНИОТ ДОМ Османи ја потврди кандидатурата за градоначалник на Чаир appeared first on plusinfo.mk.

Вториот блок на РЕК Битола, попладнево од 18:18 часот повторно е вклучен во државната електродистрибутивна мрежа, соопштија од секторот за односи за јавност на комбинатот.

Од РЕК Битола информираат дека по неколколкудневни напори за санација на ормарот за електро управување на Блок 2, кој како што е познато беше опожарен на 18 јуни, попладнево повторно е пуштен во употреба и е синхонизиран на електродистрибутивната мрежа.

Сомнежот за саботажа во РЕК Битола го истражуваше МВР и се очекува информација од спроведената истрага.

The post СЕ ВРАТИ СТРУЈАТА ОД РЕК БИТОЛА Вториот блок повторно проработе, МВР сè уште ја истражува саботажата appeared first on plusinfo.mk.

Првиот вицепремиер и министер за животна средина, Изет Меџити, денеска за првпат го коментираше изборот на Азир Алиу за нов министер за здравство, кој доаѓа од редовите на коалицијата Вреди.

Запрашан како доктор по информатички науки ќе се снајде на чело на Министерството за здравство, Меџити одговори дека за оваа функција најважно е да се има менаџерски капацитети.

– Пред сè треба да биде добар менаџер за функцијата министер. Имало вакви примери и во минатото, и мислам дека Алиу ќе биде добар на таа позиција – рече Меџити.

Во врска со новиот директор на Центарот за управување со кризи (ЦУК), Мухамед Аљи, кој исто така доаѓа од Вреди, Меџити кусо прокоментира на прашањето дали очекува да го следи примерот на досегашниот директор Стојанче Ангелов:

– Можеби ќе го надмине – кусо одговори Меџити.

Првиот вицепремиер најави и дека во наредните денови ќе ги достави во Владата предлозите за нови министри и заменици-министри, но не прецизираше точно кога тоа ќе се случи.

The post „ВАЖНО Е ДА БИДЕ ДОБАР МЕНАЏЕР“ Меџити го брани изборот на Азир Алиум за министер за здравство appeared first on plusinfo.mk.

Говорејќи на прес-конференција по завршувањето на Форумот Украина: 2025 година во Киев, Зеленски беше прашан дали би се повлекол од функцијата во замена за мир во земјата, на што тој одговори: Да, ако тоа значи мир за Украина, ако навистина треба да ја напуштам функцијата – подготвен сум. Втора можност е тоа да се замени за НАТО. Ако такви услови бидат поставени – веднаш“.

Тој истакна дека нема намера да остане на власт со децении. – Фокусиран сум на безбедноста на Украина денес, а не за 20 години. Не планирам да останам на власт со децении, додаде украинскиот претседател.

Зеленски зборуваше во пресрет на состанокот со европски лидери што ќе се одржи во утре Украина, на тригодишнината од почетокот на руската инвазија. Според него, на состанокот ќе се разговара за стратегија за следните неколку недели, како и за гаранции за украинската безбедност.

– Во наредните една до две недели, лидерите ќе се сретнат и во една од престолнините на Европската Унија за да утврдат какви безбедносни гаранции може да добие Украина – појасни Зеленски.

Тој нагласи дека Киев продолжува со разговорите и со САД за идната поддршка, додавајќи дека е благодарен на досегашната поддршка и од администрациите на Џо Бајден и на актуелниот американски претседател Доналд Трамп, јави Би-Би-Си.

– Го поканив Трамп да ја посети Украина и навистина би сакал да дојде, но за жал, сè уште не сме го постигнале тоа. Можеби тој ќе дојде, можеби јас ќе одам во Вашингтон, што би било многу корисно – изјави Зеленски.

Украинскиот претседател се осврна и на американските барања за договор за ретките минерали, што Трамп го поврза со обемот на американската помош за Украина.

– Подготвени сме да разговараме со Америка за минералите, подготвени сме да делиме со нив, но важно е САД да го натераат (рускиот претседател Владимир) Путин да ја заврши војната – рече Зеленски.

Тој повтори дека на Украина и се потребни безбедносни гаранции, а нацрт-договорите што им се понудени досега не се она што тие го сакаат. Но Зеленски вели дека разговорите со САД се движат кон напред.

Во однос на европската поддршка, Зеленски потенцира дека иако ЕУ е главен партнер, Киев не може да ги загуби независноста и достоинството.

– Ова не е играчка, ова е војна. Ни треба партнерство, ни треба помош, но не смееме да ја изгубиме нашата независност и достоинство – изјави Зеленски.

Тој оцени дека претстојниот состанок со европските лидери во Украина може да биде „пресвртна точка“ и нагласи дека безбедносните гаранции што ѝ се нудат на Украина засега не се доволни.

Во однос на неодамнешните критики од страна на Трамп, кој на платформата „Трут Соушал“ го нарече „диктатор кој ја врши својата работа ужасно“, Зеленски одговори:

– Не би рекол дека тоа е комплимент, но не се навредив. Диктатор би се навредил – додаде со насмевка.

Запрашан дали европската поддршка би била доволна доколку САД престанат да ја помагаат Украина воено, Зеленски одговори дека американската поддршка не е само финансиска, туку клучна и во однос на санкциите и одредени типови оружје што само САД имаат лиценца да ги произведуваат.

– Европа може да ни даде повеќе оружје, но одредени системи зависат од американските лиценци – истакна Зеленски.

На прашањето како би можел да изгледа крајот на војната, Зеленски порача дека Украина мора да знае „како ќе заврши и какви безбедносни мерки ќе добие“.

– Ова не можеме да го договориме сами, мора да се постигне договор со другите земји. Не можеме да веруваме на зборот на Русија – потенцираше Зеленски.

The post ЗЕЛЕНСКИ Е ПОДГОТВЕН ДА ЗАМИНЕ ОД ФУНКЦИЈАТА Украинскиот претседател има два услови appeared first on plusinfo.mk.

„Самитот беше платформа за размена на мислења и идеи за иднината на Европа, особено ме радува фактот што Македонија останува дел од овие стратешки разговори и партнерства. Нашето активно учество на ваквите меѓународни настани е клучно за зајакнување на позицијата на нашата земја во европскиот контекст и за придонес кон заедничката визија за стабилна и просперитетна Европа“, напиша Мицкоски.

Разговорите и дебатите на Самитот, објави тој, биле значајни за насочување на идните политики, а уште поважно, за градење мостови на соработка со европските партнери.

Претходно, Мицкоски на фејсбук напиша дека е уверен дека ваквите средби се од голема важност за понатамошниот напредок на Македонија на нејзиниот европски пат.

„Ова е уште еден чекор напред кон нашите заеднички цели за стабилност, економски раст и посилно присуство на меѓународната сцена, напиша Мицкоски. Денес учествувам на Самитот на Европската народна партија во Брисел. Разговараме за продлабочена соработка, за регионални иницијативи и за европските перспективи. Ова е прилика за лобирање за македонските интереси и иднината на државата како дел од европското семејство“, објави претходно премиерот.

The post СТАБИЛНОСТ И ПРОСПЕРИТЕТ Мицкоски уверува дека Самитот на ЕПП е клучен за европскиот пат на Македонија appeared first on plusinfo.mk.

Имено, пријавените во својство на службени лица т.е.„избрани или именувани функционери во Владата на РМ“ (сп. чл. 122, ст. 4, ал. 1 од КЗ), во текот на 2022 година незаконито и несовесно во вршење на своите овластувања и должности превземале дејствија што се состојат од повреди на законските прописи, злоупотребувајќи ги притоа дискреционите овластувања, кога со вршење на формална и материјална злоупотреба со пропуштање на должниот надзор несовесно му нанеле штети материјални и нематеријални на работник во МВР (полициски службеник) – Член на СМП.

„Пријавениот О.С, вршејќи функција Министер за внатрешни работи, заедно со три лица членови на Комисија за утврдување на дисциплинска одговорност при Свр Скопје, ги пречекориле границите на своите службени овластувања на тој начин што со повреда на законските прописи, несовесно постапувале спротивно на закон по предлог бр.22.21-6497/1 од 17.09.2020г на началник на Свр Скопје, кој бил застарен и без основ за водење на постапка наспроти кое што злоупотребувајќи ги службените положби и овластувања членовите на комисијата му доставиле предлог бр.22.21-6497/12-2020 кој го изготвиле на ден 17.02.2022година, за изрекување парична казна по настапена АПСОЛУТНА ЗАСТАРЕНОСТ за спроведување на дисциплинска постапка, а која што ја закажале и воделе по истекот на рокот спротивно на член 219 ст.2 од КД на МВР, кога со неосновани и фингирани наводи (2) години претходно му се вршеле притисоци на работникот од повикување во врска со член 186 став 1 точка 2 и член 187 став 1 точки 3, 4 и 10 од ЗВР, и по кое што заради непотклекнување, со донесување на решение бр.22.6.1.1-26817/1 од 16.03.2022година, по истекот на рокот од најмногу 12 месеци, несовесно било постапено спротивно на член 196 став 3 од Законот за внатрешни работи и членовите 242 и 244 став 3 од КД на МВР“, стои во соопштението од СМП.

Тие тврдат дека фактичката ситуација од незаконско постапување била констатирана и од страна Државниот инспекторат за труд, по извршен вонреден инспекциски надзор инициран од страна на сега оштетениот работник, а кој врз основа на член 83 став 1 од Законот за инспекциски надзор на работодавачот му донесол и врачил решение со “инспекциска мерка опомена ИП1 09-656 – да донесе акт со кој ќе го поништи Решението бр.22.6.1.1-26817/1 од 16.02.2022година во рок од (8) дена од денот на приемот на решението”, а по кое истиот не постапил, ставајќи се притоа над законските прописи.

„Второпријавената како Претседателка на Државната комисија за одлучување во управна постапка и постапка од работен однос во втор степен, постапувајќи неправилно и неетички во вршење на должноста спротивно на нормите на професионална етика на службените лица, надминувајќи го степенот на обична невнимателсност, заборавеност и неуредност, непостапувајќи во согласност со должноста за надзор, повредувајќи го Законот за основање на државна комисија за одлучување во управна постапка и постапка од работен однос во втор степен (Сл. Весник на Р. Македонија, бр.51 од 13.04.2011 година), постапила спротивно на член 7 од истиот закон, вршејќи формална и материјална злоупотреба на законските прописи во корист на друг (првопријавениот) за прикривање на незаконското и несовесно постапување кое претставува КД, а на штета на работникот и сега на Буџетот на РСМ, истата влијаела и наместила исход со донесување на Решение бр.0901-96 од 19.05.2022 година, со кое Жалбата на работникот, ЈА ОДБИЛА КАКО НЕОСНОВАНА“, велат од СМП.

The post КРИВИЧНА ПРИЈАВА ЗА ОЛИВЕР СПАСОВСКИ Еден од синдикатите на полицијата бара одговорност од ексминистерот за внатрешни appeared first on plusinfo.mk.

На седницата на Антикорупциска беше посочено дека тој за време на извршувањето на функцијата в.д. директор на јавна здравствена установа, не побарал да биде изземен кога се вработувала снаата за син.

„На таков начин, таа била вработена во јавната здравствена установа, а тогашниот в.д. директор се нашол во состојба за судир на интереси и го прекршил Законот за заштита од корупција и судир на интереси. Тој за оваа постапка платил прекршочна глоба, по што бил разрешен од Министерството за здравство“, истакнаа од ДКСК на денешната 11. седница.

The post ЈА ВРАБОТИЛ СНААТА, ПЛАТИЛ КАЗНА И ОСТАНАЛ БЕЗ ФУНКЦИЈА Поранешен директор на здравствена установа фатен во судир на интереси appeared first on plusinfo.mk.

Поранешната министерка за одбрана Радмила Шеќеринска денеска на социјалната платформа Икс напиша дека ќе ѝ биде привилегија да служи како заменик генерален секретар на НАТО под раководството на генералниот секретар на НАТО Марк Руте.

„Ќе ми биде привилегија да служам како заменик генерален секретар на НАТО под раководството на Руте. Посветена сум на работата со сите сојузници кон уште посилна и побезбедна Алијанса“, напиша Шеќеринска.

Воената алијанса денеска објави дека поранешната македонска министерка за одбрана Радмила Шеќеринска ќе стане нов заменик генерален секретар на НАТО.

„Среќен сум што можам да го објавам именувањето на Радмила Шеќеринска за следен заменик генерален секретар. Таа вистински верува во НАТО, знае каква работа е потребна за приклучување во НАТО и што значи да се биде полноправна членка. Со нетрпение очекувам да работам со неа штом ја презема оваа витална улога“, наведе Руте во соопштението објавено на веб страницата на Алијансата.

Честитки до Шеќеринска упати американската амбасадорка Ангела Агелер, која на социјалните мрежи истакна дека назначувањето на Шеќеринска на оваа позиција е вистински доказ за нејзината експертиза и искуство. И бугарскиот претседател Румен Радев ѝ честиташе на Шеќеринска порачувајќи дека очекува нејзиното назначување да придонесе кон зајакнувањето на колективната безбедност и сигурност на Алијансата.

Честитка упати и албанскиот министер за Европа и надворешни работи, Игли Хасани, кој во својата објава на социјалните мрежи напиша дека посакува соработка во зајакнувањето на заедничката посветеност на мирот и стабилноста.

И Советот на Амбасадори на Република Северна Македонија денеска го поздрави именувањето на Шеќеринска за заменик генерален секретар на НАТО. Од Советот соопштија оти веруваат дека таа успешно ќе ги извршува задачите и ќе придонесе кон зајакнување на Алијансата, преку работа на унапредување на единственото на овој најсилен одбранбен сојуз во светот.

Со ова назначување, Шеќеринска стана највисокиот функционер во Алијансата досега што доаѓа од регионот на Западен Балкан, но и од земја надвор од Европската Унија.

Таа беше министерка за одбрана од 2017 до 2022 година и одигра важна улога во процесот на пристапување на земјава во НАТО во 2020 година.

Министерството за одбрана беше нејзината последна функција во Владата предводена од СДСМ. Шекеринска сега е потпретседател на Партијата на европските социјалисти. Таа се повлече од македонската политичка сцена, во декември 2021 година, откако СДСМ ги изгуби локалните избори.

Шеќеринска треба да ја преземе функцијата заменик генерален секретар на НАТО до крајот на годинава.

The post ШЕЌЕРИНСКА НАГЛАСИ ДЕКА ЌЕ БИДЕ ПОСВЕТЕНА НА РАБОТАТА ВО НАТО Екс-министерката за одбрана вели дека ќе ѝ биде чест да служи во Алијансата appeared first on plusinfo.mk.

Во шок и неверување е поранешниот директор на кичевската болница, д-р Станко Трпески, откако вчера МВР поднесе кривична пријава против него поради сомнение за сторено кривично дело „проневера во службата“.

Тој е осомничен дека во периодот од 08.07.2021 до 07.08.2024 година, неовластено присвоил ехо апарат M9 Mindray, кој му бил доверен како донација од Министерството за труд и социјална политика. Вредноста на апаратот изнесува 2.134.482 денари.

– Верувајте првпат слушам за вакво нешто. Со сигурност можам да кажам дека станува збор за клевета, некој сака да ми наштети на мене и на мојата репутација. Ехо апаратот го немам украдено, ниту пак го имам извадено од болницата, бидејќи е огромен и не е туку-така некој да го стави во џеб и да излезе. Во целата болница има видео-надзор, па ако сум го изнел апаратот некој ќе го забележал тоа – ни рече Трпески.

Според Трпески, апаратот цело време бил во болницата, а неговото присуство во магацините не е доказ за каква било злоупотреба.

• ПРОНАЈДЕН ИСЧЕЗНАТИОТ ЕХО АПАРАТ Кривична за поранешниот директор на кичевската болница

Тој исто така е изненаден од фактот што дел од медиумите пренеле дека ехо-апаратот бил најден во неговиот дом.

– Малку е чуден и фактот дека апаратот бил најден кај мене дома. Со сигурност ви гарантирам дека не бил, а уште поинтересно е што полицијата никогаш и нема дојдено кај мене дома за да провери – вели екс-директорот.

Трпевски додава дека апаратот бил складиран во магацин, а не се користел поради тоа што двајцата доктори што требало да го користат биле на едукација.

– Не го пуштивме во употреба, бидејќи немаше кој да го користи. Еден кардиолог и еден ендокринолог беа испратени на специјализација, па немаше кој да прави ехо-томографија на срце и на штитна жлезда. Затоа ехо апаратот беше во магацините од болницата, спакуван во картони, како што го добивме. Сега истиот тој апарат се користи на интерното одделение – вели Трпески.

Тој вели дека на датумот наведен во соопштението на МВР, бил на конгрес во Солун и користел одмор, а дека апаратот не бил во неговата надлежност откако престанал да директорува.

• КАДЕ Е ДОНИРАНИОТ ЕХО АПАРАТ? Мистериозно исчезнување на опрема во кичевската болница

На 21 октомври 2024 година, во 11.45 часот, во Одделот за внатрешни работи (ОВР) Кичево беше пријавено дека од Општата болница недостасува ехо апарат, кој бил дониран од Министерството за здравство за време на ковид пандемијата во 2021 година.

The post ТРПЕСКИ НЕГИРА ДЕКА УКРАЛ ЕХО АПАРАТ Ексдиректорот тврди дека се води хајка против него appeared first on plusinfo.mk.

Според опозициските медиуми, во Техеран на крајот на септември, ајатолахот Али Хамнеи тајно го избрал својот наследник, а се шпекулира дека тој веќе абдицирал.

Хамнеи се одлучил на оваа одлука за да спречи политичка криза која би можела да ја снајде земјата доколку политичката моќ доживее непланирана транзиција, а функционерите, според медиумите, избрале наследник.

Наводно, 60 членови на иранското Експертско собрание се состанале тајно на 26 септември за да се согласат со барањето на Хамнеи. Наредено им е веднаш и со целосна доверливост да донесат одлука за наследување.

Сите упатени извори наведуваат дека неговиот син Мојтаба Хамнеи ќе ја преземе главната улога додека неговиот татко е се уште жив.

Во текот на изминатите две години, Мојтаба Хамнеи, наводно, добил значително влијание во иранскиот режим. Иако ретко се гледа во јавноста, тој е познат по неговата улога во задушувањето на постизборните протести во 2009 година. Во 2021 година, тој ја доби титулата Ајатолах, исполнувајќи го уставниот услов да служи како врховен водач.

Али Хамнеи беше претседател на Иран кога ја презеде функцијата врховен лидер во 1989 година, со што стана шеф на држава со најдолг стаж на Блискиот Исток.

Од друга страна, неговиот син Мојтаба презема сè позначајна улога во носењето државни одлуки, што беше особено значајно при изборот на поранешниот претседател Ебрахим Раиси.

The post ВРХОВНИОТ ЛИДЕР НА ИРАН Е ВО КОМА Веќе е назначен наследникот на Хамнеи за да се избегне хаос во државата appeared first on plusinfo.mk.