Фудбалската федерација на Македонија Archives - plusinfo.mk

Димовски: Заев, Османи и Мојсоски прават притисок на ФФМ за името, спротивно на правилата на ФИФА и УЕФА

плусинфо — Thu, 15 Jul 2021 19:35:38 +0000

Фудбалската Федерација на Македонија нема никаква обврска да го промени своето име, напиша на својот Фејсбук профил поранешниот пратеник на ВМРО-ДПМНЕ Илија Димовски.

„Според Преспанскиот договор (член 1, став 3, точка ѓ) приватните ентитети и актери (каква што е ФФМ) теба да исполнат бар еден од следниве услови за да имаат обврска да го сменат името на, во конкретниот случај, федерацијата.

1. Да се поврзани со државата и јавните ентитети;

2. Да се основани со закон;

3. Да добиваат финансиска поддршка од државата за активности надвор од државата.

Па да видиме:

1. Не. ФФМ не е поврзана со државата и јавните ентитети… Напротив, одлуките и на ФИФА и на УЕФА се дека фудбалските федерации не смеат да бидат поврзани со државата.

2. Не. ФФМ не е основана со закон.

3. НЕ! ФФМ НЕ ДОБИВА ФИНАНСИСКА ПОДДРШКА ЗА АКТИВНОСТИ НАДВОР ОД ДРЖАВАТА… Средствата што ги добива ФФМ се користат само за активности дома, и тоа не на ФФМ, туку на клубовите…

Притисокот кој го прави Владата (Зоран Заев, Бујар Османи, Наумче Мојсоски…) е спротивен на правилата на работа на ФИФА и УЕФА…

ФФМ може да го пријави овој притисок, кој ако продолжи може да резултира и со дисквалификација на македонскиот фудбал од било какви меѓународни натпреварувања…

Фудбалската репрезентација на Македонија беше еден редок елемент на кој се обединивме сите…

Не чепкајте го името на федерацијата и на репрезентацијата…

Ќе се поделиме како нација и за тоа…

ФФМ има правни аргументи да се бори во оваа битка“, напиша Димовски на Фејсбук.

The post Димовски: Заев, Османи и Мојсоски прават притисок на ФФМ за името, спротивно на правилата на ФИФА и УЕФА appeared first on plusinfo.mk.

ФФМ се соочува со казна од УЕФА: Фудбалерите ги прекршиле здравствените протоколи пред мечот со Холандија

плусинфо — Wed, 23 Jun 2021 17:34:05 +0000

Фудбалската федерација на Македонија се соочува со казна од УЕФА за можно кршење на здравствените правила од страна на нејзините играчи на ЕВРО 2020, иако тимот веќе е елиминиран од првенството.

Надлежниот орган на Европската фудбалска асоцијација веќе ја заврши истрагата за наводно „лошо однесување и потенцијално кршење на здравствените протоколи“ од страна на играчите на ЕВРО 2020.

Тоа се однесува на земање брис од играчи во Амстердам во саботата (19 јуни) за задолжителни тестови, две дена пред мечот со Холандија, објави попладнево Германската новинска агенција (DPA).

Евентуалните санкции на УЕФА ќе бидат против федерацијата на Северна Македонија, а нема да бидат индивидуални, односно нема да бидат изречени кон играчите, пишува „Дејли њуз“.

The post ФФМ се соочува со казна од УЕФА: Фудбалерите ги прекршиле здравствените протоколи пред мечот со Холандија appeared first on plusinfo.mk.

Во продажба билетите за дуелот на македонските фудбалери против Словенија

плусинфо — Sat, 29 May 2021 07:36:43 +0000

По пауза од 18 месеци поради пандемијата на коронавирус, фудбалските навивачи се враќаат на Арената „Тодор Проески‘ во Скопје и од денеска можат да купат билет за натпреварот што македонската репрезентација ќе го одигра на почетокот на идната недела против Словенија во рамки на подготовките за Еуро 2020.

Согласно одлуката на македонската Влада, националната арена „Тодор Проески“ за натпреварот во вторник со почеток од 18 часот ќе биде исполнета до 30 отсто од вкупниот капацитет од 33.460 седишта.

Фудбалската федерација на Македонија соопшти дека во продажба ќе бидат пуштени влезници за Јужната, по цена од 300 денари, и за Источната трибина, по цена од 200 денари. Западната трибина на Арената ќе биде резервирана за организирани навивачките групи на македонскиот состав, додека поради здравствените мерки и протоколите на УЕФА за заштита од Ковид-19, Северната трибина ќе биде резервирана само за официјални лица.

Мечот против Словенците ќе биде еден од двата подготвителни за македонскиот состав пред настапот на Еуро2020, и воедно прв што избраниците на селекторот Игор Ангеловски ќе го одиграат пред публика на домашен терен по 18-ет месечна пауза. Последен пат пред воведувањето забрана за навивачи поради пандемијата на коронавирус „црвено-жолтите“ имаа поддршка од трибините на Арената во Скопје во ноември 2019 година и дуелот од евроквалификациите против Израел.

The post Во продажба билетите за дуелот на македонските фудбалери против Словенија appeared first on plusinfo.mk.